30‏/03‏/2010

كمان مرة


النهارده التلات 30 مارس 2010 الساعة 7.22 م 




هقولهالك كمان مرة


هقولهالك كمان مرة عشان ماتجيش وتسألني

انا مش بحبك بالمرة وقلبك مش بيشغلني

ولا فرحان وانا وياك ولا بعدك بيقتلني

بلاش بقي تمشي تتكلم تقول اني بدوب وياك

وقلبك لما بيسلم بتوه من فرحتي بلقاك

صحيح انا كنت برتاحلك لكن مش صحيح بهواك


هواك طيب لكن قلبي ماعمروش شاف غرامو فيك

وقفت كتير صحيح جنبي وكان خوفك عليه ماليك

لكن ارجوك بقي افهمني ماحستشي في يوم بعنيك 

طول ما انت هنا قصادي بشوفك اخ ولا صديق

احساسي بيك احساس عادي احساسي بيك ده بيبقي برئ 
 
بحس فيك انسان طيب وحد الجأله وقت الضيق


احم احم 
سلامو عليكو 

انا دايما لما بكتب اغنيه بتبقي نابعة من احساس جوايا او موقف حصلي يعني بتكون حاجة انا متصدقة قوي بس اوقات بقي بكتب اغنية برد فيها علي نفسي او بمعني اصح بفوّق نفسي من وهم انا عايش فيه والاغنية دي من النوع ده وانا اوقات كتير( ويمكن في ناس تانية كمان برضو ) بقع في وهم الحب بسرعة وقولت وهم عشان مش بيكون حب حقيقي يعني ممكن لو واحدة عاملتني باهتمام شويه او اتكلمت معايا بصراحة اكتر وفتحتلي قلبها لو حكيتلي مثلا عن حياتها ممكن بسرعة اعتقد انها بتحبني او في الطريق ده يعني وده مش بيبقي صح دايما او غالبا وده يمكن سببه ان جه عليه وقت او فترة كبيرة كنت محتاج اني اعيش حالة الحب دي قوي كنت محتاج لحد يكون جنبي دايما يسأل عليه ويهتم انه يعرف اخباري يزعل لو ازعل ويفرح لما افرح فلما بلاقي حد قدامي بيعمل اي حاجة من دي بحس ان هو ده اللي انا مستنيه وهو ده اللي انا عايزه وابدأ بقي اني اعيش في الوهم لحد ما اخد الصدمة التمام وارجع افوق تاني وعلي كده بقي فهنا بقي انا حبيت اجسد شخصيه قصادي تقولي لا انا مش بحبك مش عشان اتكلمنا شويه يبقي حب لا ده مش صحيح فوق بقي شويه
وبصراحة انا قولت اعرف نفسي الحقيقة بنفسي احسن ما تيجي من بره ههههههههه

علي فكرة 
انا مكنتش ناوي اكتب في المدونة دي حاجة من الاغاني اللي انا  كتبتها لاني كنت ناوي ابطل كتابة الاغاني دي اصلا عشان تعبت منها 
بس الظاهر اني مش هقدر
يلا معلش 

فاصل وتكمل 

.........

انسان عادي

هناك 14 تعليقًا:

Bent Men ElZman Da !! يقول...

انا اول واحد هييييييييييييه

Bent Men ElZman Da !! يقول...

العب شويه بقى ههههههههههههه

Bent Men ElZman Da !! يقول...

الاغنيه تحففففه والله
فكرتها عجبانى
وعاجبنى فيك انك بتعترف انك بتوهم نفسك وبتعيش القصه من غير مايكون فى قصه اصلا
اصلك ادام عارف كده وعارف انه وهم
يبقى هتقدر تخرج نفسك من الوهم ده ومش يسيطر عليك ويأثر بالسلب كمان
المشكله بتبقى فى الناس اللى بتصدق انهم بيحبوا الشخص اللى قدامهم لمجرد انه الشخص ده اتكلم معاهم بطريقه كويسه
ومش عيب بردو ان الواحد يقول انا محتاج اعيش قصه حب
بس يفكر كويس قبل ما يعيش قصه الحب دى هو هايعشها لمجرد انه عايز يعشها والا عشان يعيش الشخص التانى معاه فيها
بس سيبك انت
اوعى تبطل تكتب اغانى

سمع هوص (Abo 3li) يقول...

اشطة عليك... تحب مين ال يغنيها؟؟

من كل بستان زهرة يقول...

انا هتكلم بس عن الأغنيه

مش لأن كلامك معجبنيش......... لأ

لأني مليش بصراحة في موضوع الحب والحركات دي

بس بجد الأغنيه جميله جدا وكلماتها بسيطة ومعبره

انت ازاي سايب نفسك كده

متشوف حد يلحنلك الكلام ويغنيه

ولا أقولك أنا ممكن أعملك خدمة

أنا هغنهولك بس انت شوفلي حد بيلحن

أنا صوتي حلو...........انت بتبصلي كده ليه

والله حلو

Unknown يقول...

بنت من الزمن ده

بصي يا دينا
هي كانت حالة او فترة كده
كانت الدنيا بالنسبة لي وحشة جدا
كانت مقفولة من جميع الجهات وكنت بعيد قوي عن الناس
والاشخاص اللي ممكن اتكلم معاهم كانو قليلين جدا
عشان كده كنت محتاج فعلا اتكلم مع حد
او بمعني اصح كنت محتاج حد يخرجني من الحالة دي
بس الحمد لله يعني كانت فترة وعدت

مرسي لمرورك
واتمني الاقي حاجى تشجعني اني ما ابطلش كتابة اغاني

Unknown يقول...

ابو علي

صباح الفل عليك
احب مين اللي يغنيها ؟؟؟؟
عارف انت لو واحد جه خبط علي باب بيتنا دلوقتي
وقالي انا عاوز الاغنية بتاعتك اغنيها
وحياتك عندي هديهاله
هههههههه
نفسي اسمع كلامي يا اخي
مليت من قرايته

Unknown يقول...

من كل بستان زهرة

صادقة من غير حلفان
ده حتي باين عليكي ان صوتك حلو
اه بيبان والله
عموما ان كان ع الملحن سهلة
بس عيل اللي يرجع في كلامو

مرسي ليكي

mrmr يقول...

هاى
انت بتوصف نفسك انك انسان عادى
لا
انت مش انسان عادى انت انسان احساسه مرهف وجميل
كلماتك جميله وتستاهل حد فعلا يلحن لك
انا ماليش بجد فى الاغانى لكن اهو بحاول اسمع اغانى
وبالمناسبه مرسى لاجل برنامج معرفه عدد الزوار
بجد ح استفيد منه كتير
تقبل مرورى وتحياتى اليك

Unknown يقول...

مرمر

بجد شكرا ليكي علي كلامك الجميل
واتمني تكون الكلمات حلوة فعلا زي ما بتقولي
واديني مستني حد ابن حلال يقولي انا ملحن
ههههههههه

مرسي ليكي

NaiRa يقول...

واقول بااااااااااك وانا اول تعليييق بس من الاخر ههههههه
ولا تزعل نفسك يا بودى انا ملحن ههههههههه
اولا بجد الاغنيه جامده اخر 20 حاجه قنبله يعنى
وبالاخص الحته دى عجبنى معاناه اوى

طول ما انت هنا قصادي بشوفك اخ ولا صديق
احساسي بيك احساس عادي احساسي بيك ده بيبقي برئ
بحس فيك انسان طيب وحد الجأله وقت الضيق

حلوه اوى بحس فيك انسان طيب وحد الجأله وقت الضيق
جميله اوى اوى بجد ومعناها حلو
ومش تحرمنا من الحاجات الحلوه دى وانا ليا اصحاب كتير بيلحنو والله هتكلم معاهم
وتسلم ايدك يا بودى يا قمر

Unknown يقول...

نيرة

ربنا يخليكي يا قمر
ويخلي لنا اصحابك الملحنين
ههههههه
عموما انا اهو موجود
اي هقه ولا هقه
تعالي من غير ما اغمزلك
ماشي ؟؟؟؟
هههههههههه

شكرا ليكي

NaiRa يقول...

عبدو فينك يا قمر مش نزلت بوست بقالك يومين
ادينى قصيده بقى من المستخبيين دول عارفه ان فى كتير
بلاش ندارى على بعضيشنا كده
يلا مستنياك فى بوست حلو كده زيك يا قمر

Unknown يقول...

نيرة

مرسي ليكي يا قمر
يا رافعة من روحي المعنوية
ههههههه
البوست التاني نزل عشان خاطرك انتي

وعايز اشوفك دايما

30‏/03‏/2010

كمان مرة


النهارده التلات 30 مارس 2010 الساعة 7.22 م 




هقولهالك كمان مرة


هقولهالك كمان مرة عشان ماتجيش وتسألني

انا مش بحبك بالمرة وقلبك مش بيشغلني

ولا فرحان وانا وياك ولا بعدك بيقتلني

بلاش بقي تمشي تتكلم تقول اني بدوب وياك

وقلبك لما بيسلم بتوه من فرحتي بلقاك

صحيح انا كنت برتاحلك لكن مش صحيح بهواك


هواك طيب لكن قلبي ماعمروش شاف غرامو فيك

وقفت كتير صحيح جنبي وكان خوفك عليه ماليك

لكن ارجوك بقي افهمني ماحستشي في يوم بعنيك 

طول ما انت هنا قصادي بشوفك اخ ولا صديق

احساسي بيك احساس عادي احساسي بيك ده بيبقي برئ 
 
بحس فيك انسان طيب وحد الجأله وقت الضيق


احم احم 
سلامو عليكو 

انا دايما لما بكتب اغنيه بتبقي نابعة من احساس جوايا او موقف حصلي يعني بتكون حاجة انا متصدقة قوي بس اوقات بقي بكتب اغنية برد فيها علي نفسي او بمعني اصح بفوّق نفسي من وهم انا عايش فيه والاغنية دي من النوع ده وانا اوقات كتير( ويمكن في ناس تانية كمان برضو ) بقع في وهم الحب بسرعة وقولت وهم عشان مش بيكون حب حقيقي يعني ممكن لو واحدة عاملتني باهتمام شويه او اتكلمت معايا بصراحة اكتر وفتحتلي قلبها لو حكيتلي مثلا عن حياتها ممكن بسرعة اعتقد انها بتحبني او في الطريق ده يعني وده مش بيبقي صح دايما او غالبا وده يمكن سببه ان جه عليه وقت او فترة كبيرة كنت محتاج اني اعيش حالة الحب دي قوي كنت محتاج لحد يكون جنبي دايما يسأل عليه ويهتم انه يعرف اخباري يزعل لو ازعل ويفرح لما افرح فلما بلاقي حد قدامي بيعمل اي حاجة من دي بحس ان هو ده اللي انا مستنيه وهو ده اللي انا عايزه وابدأ بقي اني اعيش في الوهم لحد ما اخد الصدمة التمام وارجع افوق تاني وعلي كده بقي فهنا بقي انا حبيت اجسد شخصيه قصادي تقولي لا انا مش بحبك مش عشان اتكلمنا شويه يبقي حب لا ده مش صحيح فوق بقي شويه
وبصراحة انا قولت اعرف نفسي الحقيقة بنفسي احسن ما تيجي من بره ههههههههه

علي فكرة 
انا مكنتش ناوي اكتب في المدونة دي حاجة من الاغاني اللي انا  كتبتها لاني كنت ناوي ابطل كتابة الاغاني دي اصلا عشان تعبت منها 
بس الظاهر اني مش هقدر
يلا معلش 

فاصل وتكمل 

.........

انسان عادي

هناك 14 تعليقًا:

Bent Men ElZman Da !! يقول...

انا اول واحد هييييييييييييه

Bent Men ElZman Da !! يقول...

العب شويه بقى ههههههههههههه

Bent Men ElZman Da !! يقول...

الاغنيه تحففففه والله
فكرتها عجبانى
وعاجبنى فيك انك بتعترف انك بتوهم نفسك وبتعيش القصه من غير مايكون فى قصه اصلا
اصلك ادام عارف كده وعارف انه وهم
يبقى هتقدر تخرج نفسك من الوهم ده ومش يسيطر عليك ويأثر بالسلب كمان
المشكله بتبقى فى الناس اللى بتصدق انهم بيحبوا الشخص اللى قدامهم لمجرد انه الشخص ده اتكلم معاهم بطريقه كويسه
ومش عيب بردو ان الواحد يقول انا محتاج اعيش قصه حب
بس يفكر كويس قبل ما يعيش قصه الحب دى هو هايعشها لمجرد انه عايز يعشها والا عشان يعيش الشخص التانى معاه فيها
بس سيبك انت
اوعى تبطل تكتب اغانى

سمع هوص (Abo 3li) يقول...

اشطة عليك... تحب مين ال يغنيها؟؟

من كل بستان زهرة يقول...

انا هتكلم بس عن الأغنيه

مش لأن كلامك معجبنيش......... لأ

لأني مليش بصراحة في موضوع الحب والحركات دي

بس بجد الأغنيه جميله جدا وكلماتها بسيطة ومعبره

انت ازاي سايب نفسك كده

متشوف حد يلحنلك الكلام ويغنيه

ولا أقولك أنا ممكن أعملك خدمة

أنا هغنهولك بس انت شوفلي حد بيلحن

أنا صوتي حلو...........انت بتبصلي كده ليه

والله حلو

Unknown يقول...

بنت من الزمن ده

بصي يا دينا
هي كانت حالة او فترة كده
كانت الدنيا بالنسبة لي وحشة جدا
كانت مقفولة من جميع الجهات وكنت بعيد قوي عن الناس
والاشخاص اللي ممكن اتكلم معاهم كانو قليلين جدا
عشان كده كنت محتاج فعلا اتكلم مع حد
او بمعني اصح كنت محتاج حد يخرجني من الحالة دي
بس الحمد لله يعني كانت فترة وعدت

مرسي لمرورك
واتمني الاقي حاجى تشجعني اني ما ابطلش كتابة اغاني

Unknown يقول...

ابو علي

صباح الفل عليك
احب مين اللي يغنيها ؟؟؟؟
عارف انت لو واحد جه خبط علي باب بيتنا دلوقتي
وقالي انا عاوز الاغنية بتاعتك اغنيها
وحياتك عندي هديهاله
هههههههه
نفسي اسمع كلامي يا اخي
مليت من قرايته

Unknown يقول...

من كل بستان زهرة

صادقة من غير حلفان
ده حتي باين عليكي ان صوتك حلو
اه بيبان والله
عموما ان كان ع الملحن سهلة
بس عيل اللي يرجع في كلامو

مرسي ليكي

mrmr يقول...

هاى
انت بتوصف نفسك انك انسان عادى
لا
انت مش انسان عادى انت انسان احساسه مرهف وجميل
كلماتك جميله وتستاهل حد فعلا يلحن لك
انا ماليش بجد فى الاغانى لكن اهو بحاول اسمع اغانى
وبالمناسبه مرسى لاجل برنامج معرفه عدد الزوار
بجد ح استفيد منه كتير
تقبل مرورى وتحياتى اليك

Unknown يقول...

مرمر

بجد شكرا ليكي علي كلامك الجميل
واتمني تكون الكلمات حلوة فعلا زي ما بتقولي
واديني مستني حد ابن حلال يقولي انا ملحن
ههههههههه

مرسي ليكي

NaiRa يقول...

واقول بااااااااااك وانا اول تعليييق بس من الاخر ههههههه
ولا تزعل نفسك يا بودى انا ملحن ههههههههه
اولا بجد الاغنيه جامده اخر 20 حاجه قنبله يعنى
وبالاخص الحته دى عجبنى معاناه اوى

طول ما انت هنا قصادي بشوفك اخ ولا صديق
احساسي بيك احساس عادي احساسي بيك ده بيبقي برئ
بحس فيك انسان طيب وحد الجأله وقت الضيق

حلوه اوى بحس فيك انسان طيب وحد الجأله وقت الضيق
جميله اوى اوى بجد ومعناها حلو
ومش تحرمنا من الحاجات الحلوه دى وانا ليا اصحاب كتير بيلحنو والله هتكلم معاهم
وتسلم ايدك يا بودى يا قمر

Unknown يقول...

نيرة

ربنا يخليكي يا قمر
ويخلي لنا اصحابك الملحنين
ههههههه
عموما انا اهو موجود
اي هقه ولا هقه
تعالي من غير ما اغمزلك
ماشي ؟؟؟؟
هههههههههه

شكرا ليكي

NaiRa يقول...

عبدو فينك يا قمر مش نزلت بوست بقالك يومين
ادينى قصيده بقى من المستخبيين دول عارفه ان فى كتير
بلاش ندارى على بعضيشنا كده
يلا مستنياك فى بوست حلو كده زيك يا قمر

Unknown يقول...

نيرة

مرسي ليكي يا قمر
يا رافعة من روحي المعنوية
ههههههه
البوست التاني نزل عشان خاطرك انتي

وعايز اشوفك دايما

Recent News

Introduction

Recent News