حبيبي علي نياته

 النهارده الاحد 28 فبراير 2010 الساعة 10.38 م

حبيبي علي نياتوووووو 

حبيبي علي نياته كل البنات اخواته
ده مكنش كده بس انا غيرت كل حياته
دلوقتي عايشها جد وعيونه مش شايفه حد
لو واحده بتساله بيسبني انا الي ارد
حبيبي داب علي ايدي وتاب
داخلني قلبه وقفل الباب

يا خواتي عليه ياخواتي دي براته ماليه حياتي
الي بنظره كان يتشد وجرأته كانت ملهاش حد
بيسلم وعنيه في الارض
حبيبي داب علي ايدي وتاب
داخلني قلبه وقفل الباب

احم 

سلامو عليكو 

انا اخترت الاغنية دي النهارده لسبب معين 

بعيد عن اني بحب جنات جدا بطريقة وحشة يعني 

وشايف ان هي فيها كتيييير قوي من فتاة احلامي اللي مش هلاقيها 

واول لما بسمعها ولا اشوفها بتحصلي حاجاة كده 

مش عارف هي ايه 

انما الاغنية دي بالذات ليها موقف معايا عشان كده بحبها اكتر 

انا كان ليا واحد صاحبي _ وده صاحبي الانتيخ يعني _

كان نوع اللي هو يعرف بنات كتير ومع بعض وعشان احنا اصحاب قوي 

كان دايما بييجي يحكي لي علي كل حاجة

المهم هو دلوقتي خلص الكلية وربنا تاب عليه وبقي مستقيم 

وجينا بقي في الخطوبة بتاعته وهو قاعد جنب عروسته كده 

رحت للراجل بتاع الدي جي وشغلتله الاغنية دي بنفسي 

وعملتله اهداء في المايك من العروسة للعريس 

وطبعا كل واحد من اصحابنا قامو بالواجب معاه 

واللي مكنش يعرف عرف 

المهم رمينا القنبلة ومشينا وعرفت بعد كده انه حصله 

استجواب بعد ما مشينا 

ربنا يوفقه بقي ويتمم له علي خير يارب 

فاصل ونكمل 

......

انسان عادي