28‏/02‏/2010

فيها ايه دلوقتي مصر عشان يتحب


النهارده الاحد 28 فبراير 2010 الساعة 5.55 ص





فيها ايه دلوقتي مصر عشان يتحب 
فيها غش وفيها ظلم وفيها كدب 

فيها ناس بتدوس علي كل اللي فيها 
فيها خلق بياكلو بعض يحلو بيها 
فيها موت وخراب ديار والزيف ماليها
وفيها ناس ملهومش غير كلمة يارب 

فيها ضعف وفيها ذل في كل شئ 
فيها ظلم يخلّي شيخ منصر برئ 
فيها شباب مش لاقيه للاحلام طريق 
وفيها ناس ملهومش غير كلمة يارب 

فيها كراسي قاعد فوقيها ناس ولكن 
ماتت قلوبها وجوه منها الغدر ساكن 
ملّت خلاص من شكلهم كل الاماكن 
وفيها ناس ملهومش غير كلمة يارب 

فيها حق وفيها باطل زاد عليه 
فيها عدل معتقل مكسور عنيه 
فيها خير لكنه خير راحت عليه 
وفيها ناس ملهومش غير كلمة يارب 

فيها فرحة يوم فرحها عريسها مات 
فيها ضحكة بس ضحكة اوانها فات 
فيها ناس ساكنين مقابر السكات 
وفيها ناس ملهومش غير كلمة يارب 

فيها ايه دلوقتي تاني من الآلام 
فيها كتير بس انا خاني الكلام 
وخفت من كتر العدد يروح الابتسام 
واديني عايش مش لاقي غير كلمة يارب 

احم 
سلامو عليكو 

في مرة كنت قاعد بتكلم مع اخويا في الاحوال والدنيا 
وبعدين الكلام خد طابع سياسي شويه
وفضلنا نتكلم عن مصر واللي بيحصل فيها من اهمال او فساد
لحد ما لاقيت اخويا بيسألني سؤال غريب كده
قالي ... انت بتحب مصر يا عبده ؟؟؟؟
انا سكت شويه كده كده وكان المفروض ارد عليه واقوله لا 
دي بلد بنت تييييييييت وفيها وفيها 
بس لاقيتني بقوله طبعا بحبها وهو برضو قالي  انه مش لاقي غير الرد ده 
وبعد كده قعدت مع نفسي شويه وفكرت 
ياتري احنا بنحب فيها ايه 
غير بقي الكلمتين اللي قالهم حسين فهمي في فيلم مافيا 
هل فعلا فيه حاجات مادية ملموسة نقدر نتكلم عنها 
(طبعا بخلاف منتخب مصر الحاجة الوحيدة اللي بيترفع ليها علم مصر )
عموما انا فكرت وجبت شوية حاجات وحشة في مصر 
انا عايز اسمع منكو بقي الحاجات الحلوة بس 
ماشي ؟؟؟؟


فاصل ونكمل 
.........
انسان عادي

27‏/02‏/2010

رحلة الفشل 2

النهارده السبت 27 فبراير 2010 الساعة 12.12 ص


احم .. سلامو عليكو

هنكمل النهارده الجزء التاني من رحلة الفشل



بالمناسبة ويمكن ده خفف شويه من الحالة دي

انا كنت اياميها شغال في شركة امن كنوع من احساسي

اني مش عايز احمل والدي حملي وانا فاشل كده

المهم كان معايا في الشغل ده اتنين واحد اسمه سعيد ده كان



اصغر مني

و كان معاه دبلوم تجارة بس كان هو الاقدم في الشغلانة دي

وكان هو الخبرة يعني والتاني اسمه عماد ده اشتغل بعدي

بالنسبة لعماد ده بقي اولا كان  عنده تقريبا 26 سنة

وكان متجوز ومخلف بنت ومكنش متعلم خالص

يعني كان يعرف يكتب اسمه بس ميعرفش يقراه اتعلم يرسمه يعني

وكان مرتبه زي مرتبي بالظبط كان 283 جنيه

المرتب ده كان يدوب بيقضيني مواصلات ومصاريف

وقليل لما يفيض منه حاجة وانا بطولي مش معايا حد

اللي كان محيرني ازاي عماد بيقدر يظبط نفسه علي العيشة بالمرتب ده

واللي كان يشوفه كان يقول عليه مرتاح جدا

دايما بيضحك وفرحان مفيش حاجة علي باله

بجد انا كنت بحسده علي حالته دي

الهدف من قصة عماد دي ان انا في الوقت ده طبعا كنت ضايع

زي ما قولت وبجد من كتر الحيرة والتوهان اللي انا كنت فيهم

هانت عليا كل السنين اللي درستها وقلت هيجري ايه لما اعيش

زي عماد ده ماهو زي الفل  اهو وباله رايق ولا شايل للدنيا هم

انا ايه اللي يخليني اتعب نفسي دراسة ومصاريف وفي الاخر اسقط سنتين ورا بعض

بجد كانت ايام سوده

اصعب لقطة بقي في الموضوع ده لما بقي

خلاص المفروض اقول لابويا علي النتيجة

انا  قولتله بعدها بتلات ايام الله اعلم التلات ايام دول

عدو عليا ازاي مفتكرش ان انا بصيت في عنيه خالص

ولا كنت بحاول اتكلم معاه ولا مع أي حد طبعا

انا كنت بروح الشغل بالليل وكان شغلي 12 ساعة

اجي الصبح افطر

وانام ولما اصحي احاول اضيع وقت باي شكل

لحد ما يجي  معاد الشغل

وهكذا بس لما اتزنقت بقي وبقي لازم اقوله جالتلي فكرة

قولت اكتبله جواب واقوله كل اللي انا عايز اقوله

عشان ابعد عن المواجهة عشان انا اصلا

بتقتلني النظرة اكتر من الكلمة

وفعلا كتبت الجواب بعد ما تعبت جد في كتابته

لاني مكنتش لاقي حجه اقولهاله او حاجة تهون عليه شويه

ولما غلب حماري قولتله المعلومة وخلاص

" انا سقط " وخلاص بقي

وحطيت له الجواب جنب الورق بتاعه والمحفظة

واللي طبعا هياخدهم معاه وهو رايح الشغل الصبح

المهم حطيت الجواب ومشيت انا ع الشغل باللبل

وجاي الصبح مستعد للكلام بقي ولما جيت لاقيت ابويا لسه نايم

مش معقول ده اتاخر علي الشغل

سالت والدتي هو بابا مش هيروح الشغل ؟؟

قالتلي لا ده النهارده اجازة !!!!!!!

طبعا انا لاكنت داري باجازة ولا بنيلة

انا كنت في دنيا تانية اصلا لا بعرف النهارده ايه ولا انا فين

وبقي خلاص مفيش غير حل واحد هو اني اقوله بنفسي

فجينا واحنا بنتغدي سألني ع النتيجة عشان كان فيه ناس

صحابي نتايجهم ظهرت وكده المهم سألني مردتش

سألني تاني فقلتله سقت بس وانا طبعا وشي في الارض

وصوتي رايح ومعرفش ان كان سمعني ولا لا

ولاهو كان عارف اصلا

عشان اكيد انا كان باين عليا اصلا اني عامل بلوة كبيرة

المهم هو رد عليا بكلمة واحدة بس قالي  "  تاني ؟؟؟  "

الكلمة دي لما سمعتها منه انا كان هاين عليا الارض

تنشق وتبلعني

ولا اني اسمع نبرة صوته دي وكمية الحزن اللي كانت فيها

المهم الايام في الوقت ده بقت تعدي كده شغل ونوم

ومش نوم قوي يعني انا كنت باجي من الشغل ادخل اوضتي

علي اساس ان انا هنام وادخل اقعد لوحدي

وافضل طول النهار في الاوضة لحد ما اخرج للشغل تاني

لا كنت بكلم اخواتي ولا اصحابي ولا أي حد وكذلك برضو في

الشغل مكنتش بكلم حد

زي ما تقولو كده خلاص مبقتش عايز حاجة من الدنيا وحاسس

كمان ان الدنيا مبقتش عايزاني


فاصل ونكمل


...........

انسان عادي

26‏/02‏/2010

انا عايز احب

     النهارده الجمعة 26 فبراير 2010 الساعة 7.22 م         
 


انا عايز احب


انا عايز احب …..

انا عايز احس بقلبي عايش جوه قلب

انا عايز احب …..

اصل الحياة من غير غرام دي تملي صعب

محتاج يكون لي حد جنبي اخاف عليه

افرح وابكي والقي نفسي بين ايديه

ولو يغيب اجري اوام واسال عليه

وحد احس اني بعيش اول ما اشوفو

محتاج احس بحضن حد يضمني

يلمس ايدي والمس ايديه ويحسني

ولما اخاف الاقيه قصادي يشدني

ولو يخاف حضني ليه يهدي خوفو

محتاج احب عشان احب الدنيا ديه

محتاج اشوف الدنيا من عينو وعنيه

محتاج احس بوحدتي مقتوله فيه

محتاج احب وامتي كان الحب ذنب

انا عايز احب
...........................

الاحساس ده انا حسيته كتييييير قوي

فضلت فترة كبيرة محتاج اني اعيش حالة حب

كنت محتاج لحد يقف جنبي لما اكون مضايق او مخوق

حد يسال ويطمن عليه يعني حد اخاف عليه ياخد حبه من وقتي

اللي رايح في حاجات ملهاش لازمة

يعني كنت محتاج احس اني عايش بجد

صحيح الاحساس ده وقعني في شوية

متاعب كده عشان كنت مستعجل

وعشت اكتر من قصة فاشلة

بس انا برضو لحد دلوقتي لسه ما حبتش بجد

وده مش اعلان ولا حاجة

ههههههههههههه

بس انا عايز احب

.......
فاصل ونكمل

انسان عادي

رحلة فشل 1


النهارده الجمعة 26فبراير 2010الساعة 2.40 ص


رحلة فشل


طبعا مش هحكيها مرة واحدة هقسمها
عشان هي طويلة شويه


سلامو عليكو


احم

طبعا المفروض اني اكون بتكلم عن اللحظة دي
انا مكسوف جدا وزعلان من نفسي وحاسس بتأنيب الضمير
ومحسسكو بده كمان بس انا هحكي لكم اللحظة كلها
وبعدين اقولكو ليه انا بتكلم ليه فيها اصلا 
ومش بحاول انساها وخلاص

تبدأ لحظة الفشل معايا في الدراسة متأخرة شويه
يعني انا كنت طول عمري طالب مجتهد 
لا انا بطلع الاول ولا انا كنت من عامة الشعب يعني
كنت من المتميزين بس عمري ما كنت الاول

المهم فضلت كده وماشي كويس دخلت ثانوي وجبت مجموع
بيتقال عليه مش وحش يعني ودخلت هندسة
برغبتي وعن حب بجد

دخلت اعدادي هندسة وزيي زي كل الناس كنت تايه في الكلية
اول شهرين مش عارف انا بعمل ايه ولا ايه المطلوب مني اساسا

وعدت اعدادي ونجحت بمادة كانت فيزياء علي فكرة
  ودخلت اولي ميكانيكا وفي اولي كنت اكثر التزاما
شويه من اعدادي وكنت فهمت الدنيا ماشية ازاي
يعني وبرضو عدت اولي بسلام ونجحت بيور فيها

وندخل بقي في نقطة التحول تانية ميكانيكا 
انا قبل اللحظة دي كنت بدخل الكلية عشان احضر المحاضرات
او اقعد مع زمايلي نضحك ونهزر 
ولما اتخنق اروح واخد يعضي ومروح 
بغض النظر في محاضرات او مفيش

لكن في اجازة اولي بقي دخلت حاجة جديدة حياتي
كنت اول مرة في حياتي اشارك في انشطة في الكلية
او أي انشطة عامة اتعرض عليا اني ادخل عشيرة الجوالة
( الكشافة يعني ) وانا مكنتش اعرف يعني ايه ده
المهم قلت اجرب وبدأت اشارك معاهم

بصراحة الجوالة دي خليتني اشوف نفسي من جديد
لقتني بعمل حاجات عمري ما كنت افكر اني اعملها

لقيتني برسم وبألف اغاني وبغني وبرقص 
وبيتعرف علي ناس كتير والناس بتعرفني في الكلية كلها
ده كان جو جديد قوي عليا وعجبني جدا الجو ده
وشدني بطريقة غريبة لدرجة اني كنت بروح الكلية يوميا
حتي في الاجازات وده طبعا علي غيرالعادة
بروح الساعة 8 صباحا وبرجع بيتنا الساعة 10 مساءا

المهم عشت تانية دي كلها كده وكان شئ طبيعي ومتوقع
اني الاقي نفسي في اخر السنة باقي للاعادة

انا ما اتفجأتش طبعا لاني كنت حاسس 
بس عارف لما تتحط في الموقف حتي لو انت متوقعه
برضه احساس بيوجع

بعد كده الموقف ده عدي ودخلنا في الاجازة
ومازالت الجوالة مستمرة وبقوة وانا عمال اتميز فيها
كل يوم اكتر من اللي قبله 
ولما دخلنا السنة اللي بعديها بقي انا طبعا كنت دبلر
يعني معنديش مواد كتير زي السنة اللي فاتت

فطبعا اهمالي للكلية والدراسة زاد 
واهتمامي بالنشاط برضو زاد ده علي اساس
ان انا دارس المواد اللي عندي دي قبل كده
وهيبقي سهل اعدي فيها السنة دي

وقضيت السنة ولاقيتني بعد النتيجة ما ظهرت
راسب للمرة التانية وفي نفس السنة
دي بقي كانت ضربة قاضية بالنسبة لي 
اول مرة احس يعني ايه انكسار 
يعني ايه انك تزهق من الدنيا دي كلها 
وتبقي خلاص مش عايز منها حاجة 
 ده دي كانت حالتي لكن المصيبة الاكبر بقي
في حالة ابويا وامي لما يعرفو وبالمناسبة انا اصغر اخواتي
يعني اقرب شويه لقلبهم  والمصيبة الاكبر والاكبر
ان انا اللي لازم هقولهم ع النتيجة دي
ما اتعودوش يسألو عليا انا اللي كنت بقول
طبعا الحالة دي كلها كونت عندي حالة عدم ادراك باي حاجة
واحساس بالتوهان الغريب 
....................

فاصل ونكمل 

....

انسان عادي

25‏/02‏/2010

حماقات رجل


النهارده الخميس 25 فبراير 2010 الساعة 6.05 م 




حماقات رجل 

الحماقة الاولي : 
ان يتسلق الرجل الاشجار كي يجني منها الثمار والفاكهة 
في حين انه لو انتظر الوقت الكافي لسقطت الفاكهة عند قدميه 
من تلقاء نفسها !!!!!!

الحماقة الثانية :
ان يذهب الرجال الي ميادين الحرب كي يقتل كل منهم الاخر 
بينما لو انتظروا لماتو جميعا ميتة طبيعية !!!!!!

الحماقة الثالثة :
ان الرجال ما زالوا يطاردون النساء 
والواقه انهم لو تريثو وقتا كافيا لطاردتهم النساء !!!!!

احم 
سلامو عليكو 
علي فكرة الهدف  من الكلام ده مش اننا نضحك شويه
او حتي نعتبرها نصيحة تؤ 
انا لاقيت الكلام ده بالصدفة في مجلة من سنة 1947 
كان اسمها الهلال تابعة لدار نشر الهلال في الوقت ده 
المجلة كانت شبه الكتاب الصغير كده 
عبارة عن مقالات متنوعة ورا بعض 
بس اللي لفت نظري بطريقة كبيرة جدا الناس اللي كانو بيكتبوا فيها 
كانو اسامي ترج بجد 
اي واحد فيهم يعمل تلات مجلات لوحده 
يعني مثلا كان بيكتب فيها 
 ابراهيم عبدالقادر المازني 
عبدالرحمن الرافعي 
عباس العقاد 
طه حسين
احمد لطفي السيد
بنت الشاطئ 
وغيرهم كتير من عمالقة الادب العربي 
تخيلو كل دول في مجلة واحدة 
وكانت تقريبا سعرها 5 قروش 
بس بجد وانا بقراها كده كنت حاسس احساس تاني 
حاس اني بقرأ حاجة محترمة قوي 
وقيمة كبيرة 
مع اني اعتقد ده وقتها كان عادي


علي فكرة الصورة اللي فوق دي بتاعت غلاف العدد 
التاني فبراير 1947 
انما اللي معايا العدد الاول يناير 1947



المهم بقي ياتري ممكن نلاقي اسماء زي دي تاني دلوقتي 
ولو اتوجدو ممكن يتجمعو في مكان واحد ؟؟؟

انا مش عارف ..........

فاصل ونكمل 

...... 

انسان عادي

شكرا يا لاسعة


النهارده الخميس 25 فبراير 2010 الساعة 1.48 ص 

سلامو عليكو 
انا النهارده عايز اشكر واحدة عرفت من خلالها يعني ايه مدونة 
ولاقيت وسيلة بالنسبة لي مهمة قوي عشان اقدر اتكلم 
واقول كل اللي في نفسي واطلع كل اللي في دماغي 
بجد عالم المدونات ده مفيد جدا 
وله تاثير كبير قوي عليا 

المهم عشان ما اخرجش عن الموضوع 
اللي عايز اشكرها هي بنوتة لاسعة 
او سمو الاميرة سارة 
انا عرفتها من منتدي معين كانت حاطة لنك المدونة بتاعتها 
وانا دخلت عليها وبجد اول مرة ادخل مدونة 
عجبتني الفكرة جدا 
ده غير ان دماغها اللاسعة باحترام دي حلوة قوي 
المهم فكرت اعمل مدونة وقتها 
وعملت واحدة واتنين بس مكنتش بنتظم في الكتابة فيها 
انما انا حبيت اشكرها دلوقتي لاني حاسس ان 
ان شاء الله المدونة دي هتكمل 

علي فكرة سارة متعرفنيش ولا عمري كلمتها 
اقصي ما يمكن هو اني كنت بعلق علي البوستات 
بتاعتها بس 

مرة تانية شكرا يا سمو الاميرة سارة 

فاصل ونكمل 

...  

انسان عادي

24‏/02‏/2010

حاجة بتضايقني جدا

النهارده الاربع 24 فبراير 2010 الساعة 8.49 م 

سلامو عليكو 
بقولك ايه ... ممكن تجيبلي كوباية ميه واطفي نور المطبخ وشيل الكتاب ده من هنا 
ومتنساش نور المطبخ اطفيه و ......................
دي اكتر حاجة بتضايقني فعلا 
انا مش بضايق عشان حد يطلب مني اعمل حاجة معينة 
لا انا اللي بيضايقني بجد لما حد يطلب مني حاجات كتير ورا بعض 
واللي اكتر من كده لما يفضل يعيد الطلبات دي كتير 
مرة واتنين وتلاتة 
حتي لما يكون شايفني بدأت اعملها حتي 
لازم يعيدها تاني 
طبعا اكتر حد ممكن يقوم بالدور ده هي ست الكل  ههههههههه
طبعا امي انا بحبها جدا وهي اغلي الناس عندي 
وده اللي بيخلي دمي بيتحرق اني طبعا مهما تقول او تطلب 
مقدرش حتي ابصلها بصه غلط حتي 
مش ازهق او ازعق يعني !!!!!!!!
يمكن ده بيحصل عشان انا ساعات كتير بنفض لكلام بيتقالي 
والمفروض اقوم في ثانية واعمله 
بس انا من طبعي راسي شويه 
اخواتي ساعات بيقولو عليا بارد 
يمكن عشان مش بدي كل موقف حقه 
وده بيرجع ساعات اني مش بعرف اتعامل مع الموقف ده 
او بحس ان مفيش رد ينفع فيه 
فبسكت وبرسم علي وشي ضحكة صفرا كده 
ال يعني مش هاممني وطبعا بكون من جوه بغلي 
المهم نرجع تاني عشان الحق اطفي نور المطبخ واجيب الميه 
دي لحظة مملة في حياتي من بين لحظات كتييييير 

بس خلاص 
فاصل ونواصل

........

انسان عادي

21‏/02‏/2010

النهارده الاحد 21 فبراير 2010 الساعة 5.30 م
دفعت مهرك


دفعت مهرك يا بلد ولسه برضو مش قريب

وكام ولد بينا اتولد ولسه في عيونك غريب

امتي هتعترفي بشهامتي وبوجودي وبكرامتي

القريبة والحبيبة ولسه محصلش النصيب

هلاقيكي امتي عليا هلا هتقولي بتحبيني ولا

هتنكريني للابد لحد ما الاحساس يشيب

مهرك دفعتو معدش حيلتي ولسه برضو مجتش ليلتي

بتشال قصادك واتهبد وبرضو ساكته سكات عجيب


اغنية علي حسين 


كلمات عجبتني قوي 
وخليتني ابكي


فاصل ونكمل

انسان عادي

09‏/02‏/2010

القطار

النهارده التلات 9 فبراير 2010 الساعة 9.46 م

النهارده وانا جاي من الكلية حصل موقف وقفني كتير قوي
خلاني افكر شويه
انا كنت مروح بالقطر وبعد ما نزلت المحطة وخرجت فيه مزلقان بعد كده
المزلقان ده بيعدي علي ترعة كبيرة شويه
المهم عشان الكلام ما يبقاش رخم انا متعود امشي من علي الكوبري بتاع القطر ده
طبعا انا عارف ان القطر بيمشي علي الشمال دايما فبالتالي انا بمشي علي اليمين
عشان لو فيه قطر جاي ابقي شايفه قدامي
المهم بقي وانا بعدي  كان فيه قطر جاي ورايا بس طبعا علي الناحية التانية
مش ع القضيب اللي انا ماشي عليه
وانا بعدي كان فيه اتنين شباب واقفين خايفين يعدو
 عشان مش عارفين القطر هيجي فين بالظبط
وانا بعدي نادو عليا وقالولي القطر جاي وراك حاسب
انا طبعا عشان شكاك شويه ما بصتش ورايا واعتبرتهم بيشتغلوني وقلتلهم
بثقة القطر جاي علي الناحية التانية
ودخلت علي الكوبري وكملت مشي
وانا في نص الكوبري واحد منهم نادي تاني بس باهتمام اكتر بقي
يا كابتن القطر جاي حاسب
وبرغم ان انا واثق مليون في الميه ان القطر مش هيجي علي القضيب اللي
انا ماشي عليه  الا اني برضو خدتي لحظة خوف
مش من القطر انما من فكرة تانية
احنا سمعنا كتير عن الاهمال اللي في مصر
لكن هل ممكن يوصل الاهمال ان القطر بدل ما يمشي علي الشمال
يمشي علي اليمين ؟؟؟؟؟
بجد اللقطة دي جت في دماغي وانا ماشي حسيت بلحظة خوف رهيبة
ولما خلاص سمعت صوت القطر ورايا علي طول
وخلاص مفيش كام ثانية وهيبقي يا اما جنبي يا اما فوقي
لاقيتني غصب عني ببص ورايا عشان اشوفه هو ماشي فين
مع اني متاكد ان هو لو كان ورايا مش هيبقي فيه امل اني ابعد عنه
رايح رايح يعني
دي كانت لحظة من لحظات الخطر اللي انا عشتها بجد
وفيه لحظات تانية كتير ممكن نبقي نتكلم عليها بعدين

فاصل ونكمل
....

انسان عادي

28‏/02‏/2010

فيها ايه دلوقتي مصر عشان يتحب


النهارده الاحد 28 فبراير 2010 الساعة 5.55 ص





فيها ايه دلوقتي مصر عشان يتحب 
فيها غش وفيها ظلم وفيها كدب 

فيها ناس بتدوس علي كل اللي فيها 
فيها خلق بياكلو بعض يحلو بيها 
فيها موت وخراب ديار والزيف ماليها
وفيها ناس ملهومش غير كلمة يارب 

فيها ضعف وفيها ذل في كل شئ 
فيها ظلم يخلّي شيخ منصر برئ 
فيها شباب مش لاقيه للاحلام طريق 
وفيها ناس ملهومش غير كلمة يارب 

فيها كراسي قاعد فوقيها ناس ولكن 
ماتت قلوبها وجوه منها الغدر ساكن 
ملّت خلاص من شكلهم كل الاماكن 
وفيها ناس ملهومش غير كلمة يارب 

فيها حق وفيها باطل زاد عليه 
فيها عدل معتقل مكسور عنيه 
فيها خير لكنه خير راحت عليه 
وفيها ناس ملهومش غير كلمة يارب 

فيها فرحة يوم فرحها عريسها مات 
فيها ضحكة بس ضحكة اوانها فات 
فيها ناس ساكنين مقابر السكات 
وفيها ناس ملهومش غير كلمة يارب 

فيها ايه دلوقتي تاني من الآلام 
فيها كتير بس انا خاني الكلام 
وخفت من كتر العدد يروح الابتسام 
واديني عايش مش لاقي غير كلمة يارب 

احم 
سلامو عليكو 

في مرة كنت قاعد بتكلم مع اخويا في الاحوال والدنيا 
وبعدين الكلام خد طابع سياسي شويه
وفضلنا نتكلم عن مصر واللي بيحصل فيها من اهمال او فساد
لحد ما لاقيت اخويا بيسألني سؤال غريب كده
قالي ... انت بتحب مصر يا عبده ؟؟؟؟
انا سكت شويه كده كده وكان المفروض ارد عليه واقوله لا 
دي بلد بنت تييييييييت وفيها وفيها 
بس لاقيتني بقوله طبعا بحبها وهو برضو قالي  انه مش لاقي غير الرد ده 
وبعد كده قعدت مع نفسي شويه وفكرت 
ياتري احنا بنحب فيها ايه 
غير بقي الكلمتين اللي قالهم حسين فهمي في فيلم مافيا 
هل فعلا فيه حاجات مادية ملموسة نقدر نتكلم عنها 
(طبعا بخلاف منتخب مصر الحاجة الوحيدة اللي بيترفع ليها علم مصر )
عموما انا فكرت وجبت شوية حاجات وحشة في مصر 
انا عايز اسمع منكو بقي الحاجات الحلوة بس 
ماشي ؟؟؟؟


فاصل ونكمل 
.........
انسان عادي

27‏/02‏/2010

رحلة الفشل 2

النهارده السبت 27 فبراير 2010 الساعة 12.12 ص


احم .. سلامو عليكو

هنكمل النهارده الجزء التاني من رحلة الفشل



بالمناسبة ويمكن ده خفف شويه من الحالة دي

انا كنت اياميها شغال في شركة امن كنوع من احساسي

اني مش عايز احمل والدي حملي وانا فاشل كده

المهم كان معايا في الشغل ده اتنين واحد اسمه سعيد ده كان



اصغر مني

و كان معاه دبلوم تجارة بس كان هو الاقدم في الشغلانة دي

وكان هو الخبرة يعني والتاني اسمه عماد ده اشتغل بعدي

بالنسبة لعماد ده بقي اولا كان  عنده تقريبا 26 سنة

وكان متجوز ومخلف بنت ومكنش متعلم خالص

يعني كان يعرف يكتب اسمه بس ميعرفش يقراه اتعلم يرسمه يعني

وكان مرتبه زي مرتبي بالظبط كان 283 جنيه

المرتب ده كان يدوب بيقضيني مواصلات ومصاريف

وقليل لما يفيض منه حاجة وانا بطولي مش معايا حد

اللي كان محيرني ازاي عماد بيقدر يظبط نفسه علي العيشة بالمرتب ده

واللي كان يشوفه كان يقول عليه مرتاح جدا

دايما بيضحك وفرحان مفيش حاجة علي باله

بجد انا كنت بحسده علي حالته دي

الهدف من قصة عماد دي ان انا في الوقت ده طبعا كنت ضايع

زي ما قولت وبجد من كتر الحيرة والتوهان اللي انا كنت فيهم

هانت عليا كل السنين اللي درستها وقلت هيجري ايه لما اعيش

زي عماد ده ماهو زي الفل  اهو وباله رايق ولا شايل للدنيا هم

انا ايه اللي يخليني اتعب نفسي دراسة ومصاريف وفي الاخر اسقط سنتين ورا بعض

بجد كانت ايام سوده

اصعب لقطة بقي في الموضوع ده لما بقي

خلاص المفروض اقول لابويا علي النتيجة

انا  قولتله بعدها بتلات ايام الله اعلم التلات ايام دول

عدو عليا ازاي مفتكرش ان انا بصيت في عنيه خالص

ولا كنت بحاول اتكلم معاه ولا مع أي حد طبعا

انا كنت بروح الشغل بالليل وكان شغلي 12 ساعة

اجي الصبح افطر

وانام ولما اصحي احاول اضيع وقت باي شكل

لحد ما يجي  معاد الشغل

وهكذا بس لما اتزنقت بقي وبقي لازم اقوله جالتلي فكرة

قولت اكتبله جواب واقوله كل اللي انا عايز اقوله

عشان ابعد عن المواجهة عشان انا اصلا

بتقتلني النظرة اكتر من الكلمة

وفعلا كتبت الجواب بعد ما تعبت جد في كتابته

لاني مكنتش لاقي حجه اقولهاله او حاجة تهون عليه شويه

ولما غلب حماري قولتله المعلومة وخلاص

" انا سقط " وخلاص بقي

وحطيت له الجواب جنب الورق بتاعه والمحفظة

واللي طبعا هياخدهم معاه وهو رايح الشغل الصبح

المهم حطيت الجواب ومشيت انا ع الشغل باللبل

وجاي الصبح مستعد للكلام بقي ولما جيت لاقيت ابويا لسه نايم

مش معقول ده اتاخر علي الشغل

سالت والدتي هو بابا مش هيروح الشغل ؟؟

قالتلي لا ده النهارده اجازة !!!!!!!

طبعا انا لاكنت داري باجازة ولا بنيلة

انا كنت في دنيا تانية اصلا لا بعرف النهارده ايه ولا انا فين

وبقي خلاص مفيش غير حل واحد هو اني اقوله بنفسي

فجينا واحنا بنتغدي سألني ع النتيجة عشان كان فيه ناس

صحابي نتايجهم ظهرت وكده المهم سألني مردتش

سألني تاني فقلتله سقت بس وانا طبعا وشي في الارض

وصوتي رايح ومعرفش ان كان سمعني ولا لا

ولاهو كان عارف اصلا

عشان اكيد انا كان باين عليا اصلا اني عامل بلوة كبيرة

المهم هو رد عليا بكلمة واحدة بس قالي  "  تاني ؟؟؟  "

الكلمة دي لما سمعتها منه انا كان هاين عليا الارض

تنشق وتبلعني

ولا اني اسمع نبرة صوته دي وكمية الحزن اللي كانت فيها

المهم الايام في الوقت ده بقت تعدي كده شغل ونوم

ومش نوم قوي يعني انا كنت باجي من الشغل ادخل اوضتي

علي اساس ان انا هنام وادخل اقعد لوحدي

وافضل طول النهار في الاوضة لحد ما اخرج للشغل تاني

لا كنت بكلم اخواتي ولا اصحابي ولا أي حد وكذلك برضو في

الشغل مكنتش بكلم حد

زي ما تقولو كده خلاص مبقتش عايز حاجة من الدنيا وحاسس

كمان ان الدنيا مبقتش عايزاني


فاصل ونكمل


...........

انسان عادي

26‏/02‏/2010

انا عايز احب

     النهارده الجمعة 26 فبراير 2010 الساعة 7.22 م         
 


انا عايز احب


انا عايز احب …..

انا عايز احس بقلبي عايش جوه قلب

انا عايز احب …..

اصل الحياة من غير غرام دي تملي صعب

محتاج يكون لي حد جنبي اخاف عليه

افرح وابكي والقي نفسي بين ايديه

ولو يغيب اجري اوام واسال عليه

وحد احس اني بعيش اول ما اشوفو

محتاج احس بحضن حد يضمني

يلمس ايدي والمس ايديه ويحسني

ولما اخاف الاقيه قصادي يشدني

ولو يخاف حضني ليه يهدي خوفو

محتاج احب عشان احب الدنيا ديه

محتاج اشوف الدنيا من عينو وعنيه

محتاج احس بوحدتي مقتوله فيه

محتاج احب وامتي كان الحب ذنب

انا عايز احب
...........................

الاحساس ده انا حسيته كتييييير قوي

فضلت فترة كبيرة محتاج اني اعيش حالة حب

كنت محتاج لحد يقف جنبي لما اكون مضايق او مخوق

حد يسال ويطمن عليه يعني حد اخاف عليه ياخد حبه من وقتي

اللي رايح في حاجات ملهاش لازمة

يعني كنت محتاج احس اني عايش بجد

صحيح الاحساس ده وقعني في شوية

متاعب كده عشان كنت مستعجل

وعشت اكتر من قصة فاشلة

بس انا برضو لحد دلوقتي لسه ما حبتش بجد

وده مش اعلان ولا حاجة

ههههههههههههه

بس انا عايز احب

.......
فاصل ونكمل

انسان عادي

رحلة فشل 1


النهارده الجمعة 26فبراير 2010الساعة 2.40 ص


رحلة فشل


طبعا مش هحكيها مرة واحدة هقسمها
عشان هي طويلة شويه


سلامو عليكو


احم

طبعا المفروض اني اكون بتكلم عن اللحظة دي
انا مكسوف جدا وزعلان من نفسي وحاسس بتأنيب الضمير
ومحسسكو بده كمان بس انا هحكي لكم اللحظة كلها
وبعدين اقولكو ليه انا بتكلم ليه فيها اصلا 
ومش بحاول انساها وخلاص

تبدأ لحظة الفشل معايا في الدراسة متأخرة شويه
يعني انا كنت طول عمري طالب مجتهد 
لا انا بطلع الاول ولا انا كنت من عامة الشعب يعني
كنت من المتميزين بس عمري ما كنت الاول

المهم فضلت كده وماشي كويس دخلت ثانوي وجبت مجموع
بيتقال عليه مش وحش يعني ودخلت هندسة
برغبتي وعن حب بجد

دخلت اعدادي هندسة وزيي زي كل الناس كنت تايه في الكلية
اول شهرين مش عارف انا بعمل ايه ولا ايه المطلوب مني اساسا

وعدت اعدادي ونجحت بمادة كانت فيزياء علي فكرة
  ودخلت اولي ميكانيكا وفي اولي كنت اكثر التزاما
شويه من اعدادي وكنت فهمت الدنيا ماشية ازاي
يعني وبرضو عدت اولي بسلام ونجحت بيور فيها

وندخل بقي في نقطة التحول تانية ميكانيكا 
انا قبل اللحظة دي كنت بدخل الكلية عشان احضر المحاضرات
او اقعد مع زمايلي نضحك ونهزر 
ولما اتخنق اروح واخد يعضي ومروح 
بغض النظر في محاضرات او مفيش

لكن في اجازة اولي بقي دخلت حاجة جديدة حياتي
كنت اول مرة في حياتي اشارك في انشطة في الكلية
او أي انشطة عامة اتعرض عليا اني ادخل عشيرة الجوالة
( الكشافة يعني ) وانا مكنتش اعرف يعني ايه ده
المهم قلت اجرب وبدأت اشارك معاهم

بصراحة الجوالة دي خليتني اشوف نفسي من جديد
لقتني بعمل حاجات عمري ما كنت افكر اني اعملها

لقيتني برسم وبألف اغاني وبغني وبرقص 
وبيتعرف علي ناس كتير والناس بتعرفني في الكلية كلها
ده كان جو جديد قوي عليا وعجبني جدا الجو ده
وشدني بطريقة غريبة لدرجة اني كنت بروح الكلية يوميا
حتي في الاجازات وده طبعا علي غيرالعادة
بروح الساعة 8 صباحا وبرجع بيتنا الساعة 10 مساءا

المهم عشت تانية دي كلها كده وكان شئ طبيعي ومتوقع
اني الاقي نفسي في اخر السنة باقي للاعادة

انا ما اتفجأتش طبعا لاني كنت حاسس 
بس عارف لما تتحط في الموقف حتي لو انت متوقعه
برضه احساس بيوجع

بعد كده الموقف ده عدي ودخلنا في الاجازة
ومازالت الجوالة مستمرة وبقوة وانا عمال اتميز فيها
كل يوم اكتر من اللي قبله 
ولما دخلنا السنة اللي بعديها بقي انا طبعا كنت دبلر
يعني معنديش مواد كتير زي السنة اللي فاتت

فطبعا اهمالي للكلية والدراسة زاد 
واهتمامي بالنشاط برضو زاد ده علي اساس
ان انا دارس المواد اللي عندي دي قبل كده
وهيبقي سهل اعدي فيها السنة دي

وقضيت السنة ولاقيتني بعد النتيجة ما ظهرت
راسب للمرة التانية وفي نفس السنة
دي بقي كانت ضربة قاضية بالنسبة لي 
اول مرة احس يعني ايه انكسار 
يعني ايه انك تزهق من الدنيا دي كلها 
وتبقي خلاص مش عايز منها حاجة 
 ده دي كانت حالتي لكن المصيبة الاكبر بقي
في حالة ابويا وامي لما يعرفو وبالمناسبة انا اصغر اخواتي
يعني اقرب شويه لقلبهم  والمصيبة الاكبر والاكبر
ان انا اللي لازم هقولهم ع النتيجة دي
ما اتعودوش يسألو عليا انا اللي كنت بقول
طبعا الحالة دي كلها كونت عندي حالة عدم ادراك باي حاجة
واحساس بالتوهان الغريب 
....................

فاصل ونكمل 

....

انسان عادي

25‏/02‏/2010

حماقات رجل


النهارده الخميس 25 فبراير 2010 الساعة 6.05 م 




حماقات رجل 

الحماقة الاولي : 
ان يتسلق الرجل الاشجار كي يجني منها الثمار والفاكهة 
في حين انه لو انتظر الوقت الكافي لسقطت الفاكهة عند قدميه 
من تلقاء نفسها !!!!!!

الحماقة الثانية :
ان يذهب الرجال الي ميادين الحرب كي يقتل كل منهم الاخر 
بينما لو انتظروا لماتو جميعا ميتة طبيعية !!!!!!

الحماقة الثالثة :
ان الرجال ما زالوا يطاردون النساء 
والواقه انهم لو تريثو وقتا كافيا لطاردتهم النساء !!!!!

احم 
سلامو عليكو 
علي فكرة الهدف  من الكلام ده مش اننا نضحك شويه
او حتي نعتبرها نصيحة تؤ 
انا لاقيت الكلام ده بالصدفة في مجلة من سنة 1947 
كان اسمها الهلال تابعة لدار نشر الهلال في الوقت ده 
المجلة كانت شبه الكتاب الصغير كده 
عبارة عن مقالات متنوعة ورا بعض 
بس اللي لفت نظري بطريقة كبيرة جدا الناس اللي كانو بيكتبوا فيها 
كانو اسامي ترج بجد 
اي واحد فيهم يعمل تلات مجلات لوحده 
يعني مثلا كان بيكتب فيها 
 ابراهيم عبدالقادر المازني 
عبدالرحمن الرافعي 
عباس العقاد 
طه حسين
احمد لطفي السيد
بنت الشاطئ 
وغيرهم كتير من عمالقة الادب العربي 
تخيلو كل دول في مجلة واحدة 
وكانت تقريبا سعرها 5 قروش 
بس بجد وانا بقراها كده كنت حاسس احساس تاني 
حاس اني بقرأ حاجة محترمة قوي 
وقيمة كبيرة 
مع اني اعتقد ده وقتها كان عادي


علي فكرة الصورة اللي فوق دي بتاعت غلاف العدد 
التاني فبراير 1947 
انما اللي معايا العدد الاول يناير 1947



المهم بقي ياتري ممكن نلاقي اسماء زي دي تاني دلوقتي 
ولو اتوجدو ممكن يتجمعو في مكان واحد ؟؟؟

انا مش عارف ..........

فاصل ونكمل 

...... 

انسان عادي

شكرا يا لاسعة


النهارده الخميس 25 فبراير 2010 الساعة 1.48 ص 

سلامو عليكو 
انا النهارده عايز اشكر واحدة عرفت من خلالها يعني ايه مدونة 
ولاقيت وسيلة بالنسبة لي مهمة قوي عشان اقدر اتكلم 
واقول كل اللي في نفسي واطلع كل اللي في دماغي 
بجد عالم المدونات ده مفيد جدا 
وله تاثير كبير قوي عليا 

المهم عشان ما اخرجش عن الموضوع 
اللي عايز اشكرها هي بنوتة لاسعة 
او سمو الاميرة سارة 
انا عرفتها من منتدي معين كانت حاطة لنك المدونة بتاعتها 
وانا دخلت عليها وبجد اول مرة ادخل مدونة 
عجبتني الفكرة جدا 
ده غير ان دماغها اللاسعة باحترام دي حلوة قوي 
المهم فكرت اعمل مدونة وقتها 
وعملت واحدة واتنين بس مكنتش بنتظم في الكتابة فيها 
انما انا حبيت اشكرها دلوقتي لاني حاسس ان 
ان شاء الله المدونة دي هتكمل 

علي فكرة سارة متعرفنيش ولا عمري كلمتها 
اقصي ما يمكن هو اني كنت بعلق علي البوستات 
بتاعتها بس 

مرة تانية شكرا يا سمو الاميرة سارة 

فاصل ونكمل 

...  

انسان عادي

24‏/02‏/2010

حاجة بتضايقني جدا

النهارده الاربع 24 فبراير 2010 الساعة 8.49 م 

سلامو عليكو 
بقولك ايه ... ممكن تجيبلي كوباية ميه واطفي نور المطبخ وشيل الكتاب ده من هنا 
ومتنساش نور المطبخ اطفيه و ......................
دي اكتر حاجة بتضايقني فعلا 
انا مش بضايق عشان حد يطلب مني اعمل حاجة معينة 
لا انا اللي بيضايقني بجد لما حد يطلب مني حاجات كتير ورا بعض 
واللي اكتر من كده لما يفضل يعيد الطلبات دي كتير 
مرة واتنين وتلاتة 
حتي لما يكون شايفني بدأت اعملها حتي 
لازم يعيدها تاني 
طبعا اكتر حد ممكن يقوم بالدور ده هي ست الكل  ههههههههه
طبعا امي انا بحبها جدا وهي اغلي الناس عندي 
وده اللي بيخلي دمي بيتحرق اني طبعا مهما تقول او تطلب 
مقدرش حتي ابصلها بصه غلط حتي 
مش ازهق او ازعق يعني !!!!!!!!
يمكن ده بيحصل عشان انا ساعات كتير بنفض لكلام بيتقالي 
والمفروض اقوم في ثانية واعمله 
بس انا من طبعي راسي شويه 
اخواتي ساعات بيقولو عليا بارد 
يمكن عشان مش بدي كل موقف حقه 
وده بيرجع ساعات اني مش بعرف اتعامل مع الموقف ده 
او بحس ان مفيش رد ينفع فيه 
فبسكت وبرسم علي وشي ضحكة صفرا كده 
ال يعني مش هاممني وطبعا بكون من جوه بغلي 
المهم نرجع تاني عشان الحق اطفي نور المطبخ واجيب الميه 
دي لحظة مملة في حياتي من بين لحظات كتييييير 

بس خلاص 
فاصل ونواصل

........

انسان عادي

21‏/02‏/2010

النهارده الاحد 21 فبراير 2010 الساعة 5.30 م
دفعت مهرك


دفعت مهرك يا بلد ولسه برضو مش قريب

وكام ولد بينا اتولد ولسه في عيونك غريب

امتي هتعترفي بشهامتي وبوجودي وبكرامتي

القريبة والحبيبة ولسه محصلش النصيب

هلاقيكي امتي عليا هلا هتقولي بتحبيني ولا

هتنكريني للابد لحد ما الاحساس يشيب

مهرك دفعتو معدش حيلتي ولسه برضو مجتش ليلتي

بتشال قصادك واتهبد وبرضو ساكته سكات عجيب


اغنية علي حسين 


كلمات عجبتني قوي 
وخليتني ابكي


فاصل ونكمل

انسان عادي

09‏/02‏/2010

القطار

النهارده التلات 9 فبراير 2010 الساعة 9.46 م

النهارده وانا جاي من الكلية حصل موقف وقفني كتير قوي
خلاني افكر شويه
انا كنت مروح بالقطر وبعد ما نزلت المحطة وخرجت فيه مزلقان بعد كده
المزلقان ده بيعدي علي ترعة كبيرة شويه
المهم عشان الكلام ما يبقاش رخم انا متعود امشي من علي الكوبري بتاع القطر ده
طبعا انا عارف ان القطر بيمشي علي الشمال دايما فبالتالي انا بمشي علي اليمين
عشان لو فيه قطر جاي ابقي شايفه قدامي
المهم بقي وانا بعدي  كان فيه قطر جاي ورايا بس طبعا علي الناحية التانية
مش ع القضيب اللي انا ماشي عليه
وانا بعدي كان فيه اتنين شباب واقفين خايفين يعدو
 عشان مش عارفين القطر هيجي فين بالظبط
وانا بعدي نادو عليا وقالولي القطر جاي وراك حاسب
انا طبعا عشان شكاك شويه ما بصتش ورايا واعتبرتهم بيشتغلوني وقلتلهم
بثقة القطر جاي علي الناحية التانية
ودخلت علي الكوبري وكملت مشي
وانا في نص الكوبري واحد منهم نادي تاني بس باهتمام اكتر بقي
يا كابتن القطر جاي حاسب
وبرغم ان انا واثق مليون في الميه ان القطر مش هيجي علي القضيب اللي
انا ماشي عليه  الا اني برضو خدتي لحظة خوف
مش من القطر انما من فكرة تانية
احنا سمعنا كتير عن الاهمال اللي في مصر
لكن هل ممكن يوصل الاهمال ان القطر بدل ما يمشي علي الشمال
يمشي علي اليمين ؟؟؟؟؟
بجد اللقطة دي جت في دماغي وانا ماشي حسيت بلحظة خوف رهيبة
ولما خلاص سمعت صوت القطر ورايا علي طول
وخلاص مفيش كام ثانية وهيبقي يا اما جنبي يا اما فوقي
لاقيتني غصب عني ببص ورايا عشان اشوفه هو ماشي فين
مع اني متاكد ان هو لو كان ورايا مش هيبقي فيه امل اني ابعد عنه
رايح رايح يعني
دي كانت لحظة من لحظات الخطر اللي انا عشتها بجد
وفيه لحظات تانية كتير ممكن نبقي نتكلم عليها بعدين

فاصل ونكمل
....

انسان عادي

Recent News

Introduction

Recent News