31‏/05‏/2010

انا جه

النهارده الاتنين 13 مايو 2010 الساعة 4.53 م 



احم احم 
سلامو عليكو 


اخيرا خلصت امتحانات 
اخير ممكن انام من غير ما يكون فيه هم علي قلبي 
عارفين انا نفسي في ايه دلوقتي 

فيه عملية بنعملها للحديد الصلب لما يكون عليه اجهادات كتير 
زي ما تقولو كده بنعمله ريفرش 
العملية دي اسنها   annealing
بنسخن الحديد لدرجة حرارة عالية ونبرده ببطء
فالحديد بيتخلص من كل الاجهادات دي 

انا نفسي في ده بقي
نفسي دماغي تروق شويه كده 
عايز افضل بس يوم واحد حتي من غير ما افكر في اي حاجة 
بجد انا تعبت قوي الفترة اللي فاتت دي 
بصراحة امتحانات اخر سنة دي بتبقي متعبة عن اي سنة تانية 
مع انها عموما بتبقي اسهل 
والمواد لذيذة كده والدكاترة عايزينك تنجح بالعافية 
بس برضو الخوف والقلق موجودين 
عموما ربنا يسترها بقي ونعدي علي خير 

باقي بس المشروع وده هيكون ان شاء الله في اول شهر سبعة 
هنبدأ نظبطه الايام دي 
وانا ناوي ان شاء الله هشرح مشروع التخرج بتاعي هنا 
بس ده طبعا بعد المناقشة يعني 


بس خلاص انا كده خلصت 
بس ما زلت محتاج دعاءكم 
وربنا يكرمني ويكرمكم ان شاء الله 


فاصل ونكمل 

..........

انسان عادي

06‏/05‏/2010

اجااااااااااااااازة

النهارده الخميس 6 مايو 2010 الساعة 7.11 م 



احم احم 
سلامو عليكو 

الامتحان يوم السبت 15 مايو 
يعني بعد اسبوع 
وانا قررت اخد اجازة من النت الفترة دي 
وان شاء الله 
ارجع بعد يوم 29 يعني علي اول  شهر يونيو بقي 
يعني هلحق عيد ميلادي معاكو 

باي بقي 

وامانة تدعولي من قلبكو 

فااااااصل ونكمل 

.......

انسان عادي

04‏/05‏/2010

بعدّ الليالي

النهارده التلات 4 مايو 2010 الساعة 10.23 م 


بعد الليالي

كلمات محمد رفاعي

ااه بعد الليالي والايام من شوقي اليك

والله ازاي يهون عليك كل شئ في البعد..

اااه بشتاقلك يا غالي انت فين بنده عليك

والله وحشوني كتير عنيك معقول نسيت الوعد..

بااان حبي ليك في سنين بعاد وغياااب

وهااان قلبي عليك ترميه بين نار وعذاب

ارجع لية خلاص مش قادر..حبيبي

رد باي كلام لو قادر..حبيبي

والله بحبو وحفضل احبو..حبيبي

فااات أد ايه..ولا يوم قدرت انساااك

وليييه الدنيا ليه..ياحبيبي بعيد وخداااك

انا مش قادر على نسيانك ..حبيبي

مين في الدنيا حيملى مكانك..حبيبي

والله بحبو وحفضل احبو ..حبيبي

نفسي ارتاح انا بين احضانك..حبيبي

ااه بعد الليالي والايام من شوقي اليك


احم احم 
سلامو عليكو 

ازيكو يا بني ادمين 
بجد انا كنت محتاج اخرج من جو الكآبة الامتحاناتية لجو كآبة اخر 
وهو الكآبة العاطفية وده بقي كيف عندي ههههههه
انا ليا ذكري مع الالبوم ده بالذات لعمرو دياب 
الالبوم نزل تقريبا وانا في تانية ثانوي وكنت لسه بادئ اسمع اغاني 
والمراهقة بقي كانت في اولها 
والواحد كان بيتأثر جامد قوي 
المهم سمعت الالبوم ده كتير قوي 
وخصوصا الاغنية دي 
مكنش لسه عندي كمبيوتر كنت بسمعها علي كاسيت 
عايز اقولكو اني سمعتها كتير جدا لدرجة ان انا كنت قربت اكره 
عمرو دياب بكل اغانيه عشان خاطرها 
فعلا تعبتني جدا جدا 
خصوصا بقي انها كانت اياميها فيه قصة هبلة كده 
حاصلة معايا 
حاجة من بتاعت المراهقة دي 
وطبعا انا كنت المفروض بعد الثانوي هروح الكلية 
وبالتالي هي مش هتبقي معايا في نفس الكلية 
لانها علمي علوم وانا علمي رياضة 
وعشت لحظة الفراق بكل آلامها من قبل ما يكون فيه فراق 

كنت اول مرة القلب يتعب كده فيها 
وكنت اول مرة احس بالحاجات دي 
لدرجة اني كرهت الكلية جدا من قبل ما اشوفها 
عشان هتفرقنا 

وكان بيجلي افكار اني ممكن اتنازل عن مستقبلي 
عشان نبقي في كلية واحدة
او بمعني اصح نبقي مع بعض 

بس كن بعقل تاني بسرعة 
ههههههههه

كانت لحظات جميلة والله 
يمكن كانت مشاعر بدائية وهبلة ومفيهاش اي نوع من الفكر 
بس كانت صافية قوي وتلقائية 

انا بعتز جدا باللحظة دي مع انها متولطش 
بس لسه سايبة علامة في حياتي 


فاصل ونكمل 

.......

انسان عادي

02‏/05‏/2010

مش عارف اي حاجة

النهارده ؟؟؟؟؟ مش فاكر  والساعة ؟؟؟؟ مش عارف
انا تقريبا فقدت الذاكرة 




احم احم 
سلامو عليكو 

بجد انا دماغي مش عارف مالها 
مش مركز  خالص خالص
الدنيا زجمة قوي فيها 
وحاسس ان فيها كلاب بتتخانق مع بعض
لدرجة اني بكتب الكلام ده وانا مش عارف انا بكتب ايه 
عندي امتحان فاينال كمان اسبوعين لا 12 يوم 
يعني بعده المفروض ابقي خلصت الكلية 
الكلية اللي بقالي فيها 8 سنين 

عمري ما كنت خايف من امتحان 
سواء ذاكرت او ما ذاكرتش 
وعمري ما قلقت صحيح كنت بزعل لما بسقط 
بس كنت بنسي وكنت بقبل بالامر الواقع

دلوقتي لا
حاسس انه لو حصل هيبقي موت 
 ده كمان مش قادر اتخيل حاجة زي دي 

انا مخنوق ومضايق وتعبان وخايف وقلقان 

انا عايز انام واصحي الاقيني خلصت 
انا بجد تعبت قوي قوي 

انا حاسس اني مش هلخق امتحن حتي 

يارب افضل عايش لحد ما اخلص الكلية 

يارب اخد تأجيل من الجيش 

ولا بلاش طمع 

خليها اخد سنة واحدة بس بلاش تلاتة 

ياااااااااااااااااااااااارب 

مش عارف اقول ايه 

انا حاسس ان دماغي اتفرمتت مع الهارد بتاعي 

انا مش عارفني انا تهت مني انا مش انا 

انا بقيت اخرف ولا ايه 

بقولكو ايه سلام دلوقتي احسن الحالة تكبر 
والفضايح تكتر 


فاصل ونكمل 

....

انسان عادي

31‏/05‏/2010

انا جه

النهارده الاتنين 13 مايو 2010 الساعة 4.53 م 



احم احم 
سلامو عليكو 


اخيرا خلصت امتحانات 
اخير ممكن انام من غير ما يكون فيه هم علي قلبي 
عارفين انا نفسي في ايه دلوقتي 

فيه عملية بنعملها للحديد الصلب لما يكون عليه اجهادات كتير 
زي ما تقولو كده بنعمله ريفرش 
العملية دي اسنها   annealing
بنسخن الحديد لدرجة حرارة عالية ونبرده ببطء
فالحديد بيتخلص من كل الاجهادات دي 

انا نفسي في ده بقي
نفسي دماغي تروق شويه كده 
عايز افضل بس يوم واحد حتي من غير ما افكر في اي حاجة 
بجد انا تعبت قوي الفترة اللي فاتت دي 
بصراحة امتحانات اخر سنة دي بتبقي متعبة عن اي سنة تانية 
مع انها عموما بتبقي اسهل 
والمواد لذيذة كده والدكاترة عايزينك تنجح بالعافية 
بس برضو الخوف والقلق موجودين 
عموما ربنا يسترها بقي ونعدي علي خير 

باقي بس المشروع وده هيكون ان شاء الله في اول شهر سبعة 
هنبدأ نظبطه الايام دي 
وانا ناوي ان شاء الله هشرح مشروع التخرج بتاعي هنا 
بس ده طبعا بعد المناقشة يعني 


بس خلاص انا كده خلصت 
بس ما زلت محتاج دعاءكم 
وربنا يكرمني ويكرمكم ان شاء الله 


فاصل ونكمل 

..........

انسان عادي

06‏/05‏/2010

اجااااااااااااااازة

النهارده الخميس 6 مايو 2010 الساعة 7.11 م 



احم احم 
سلامو عليكو 

الامتحان يوم السبت 15 مايو 
يعني بعد اسبوع 
وانا قررت اخد اجازة من النت الفترة دي 
وان شاء الله 
ارجع بعد يوم 29 يعني علي اول  شهر يونيو بقي 
يعني هلحق عيد ميلادي معاكو 

باي بقي 

وامانة تدعولي من قلبكو 

فااااااصل ونكمل 

.......

انسان عادي

04‏/05‏/2010

بعدّ الليالي

النهارده التلات 4 مايو 2010 الساعة 10.23 م 


بعد الليالي

كلمات محمد رفاعي

ااه بعد الليالي والايام من شوقي اليك

والله ازاي يهون عليك كل شئ في البعد..

اااه بشتاقلك يا غالي انت فين بنده عليك

والله وحشوني كتير عنيك معقول نسيت الوعد..

بااان حبي ليك في سنين بعاد وغياااب

وهااان قلبي عليك ترميه بين نار وعذاب

ارجع لية خلاص مش قادر..حبيبي

رد باي كلام لو قادر..حبيبي

والله بحبو وحفضل احبو..حبيبي

فااات أد ايه..ولا يوم قدرت انساااك

وليييه الدنيا ليه..ياحبيبي بعيد وخداااك

انا مش قادر على نسيانك ..حبيبي

مين في الدنيا حيملى مكانك..حبيبي

والله بحبو وحفضل احبو ..حبيبي

نفسي ارتاح انا بين احضانك..حبيبي

ااه بعد الليالي والايام من شوقي اليك


احم احم 
سلامو عليكو 

ازيكو يا بني ادمين 
بجد انا كنت محتاج اخرج من جو الكآبة الامتحاناتية لجو كآبة اخر 
وهو الكآبة العاطفية وده بقي كيف عندي ههههههه
انا ليا ذكري مع الالبوم ده بالذات لعمرو دياب 
الالبوم نزل تقريبا وانا في تانية ثانوي وكنت لسه بادئ اسمع اغاني 
والمراهقة بقي كانت في اولها 
والواحد كان بيتأثر جامد قوي 
المهم سمعت الالبوم ده كتير قوي 
وخصوصا الاغنية دي 
مكنش لسه عندي كمبيوتر كنت بسمعها علي كاسيت 
عايز اقولكو اني سمعتها كتير جدا لدرجة ان انا كنت قربت اكره 
عمرو دياب بكل اغانيه عشان خاطرها 
فعلا تعبتني جدا جدا 
خصوصا بقي انها كانت اياميها فيه قصة هبلة كده 
حاصلة معايا 
حاجة من بتاعت المراهقة دي 
وطبعا انا كنت المفروض بعد الثانوي هروح الكلية 
وبالتالي هي مش هتبقي معايا في نفس الكلية 
لانها علمي علوم وانا علمي رياضة 
وعشت لحظة الفراق بكل آلامها من قبل ما يكون فيه فراق 

كنت اول مرة القلب يتعب كده فيها 
وكنت اول مرة احس بالحاجات دي 
لدرجة اني كرهت الكلية جدا من قبل ما اشوفها 
عشان هتفرقنا 

وكان بيجلي افكار اني ممكن اتنازل عن مستقبلي 
عشان نبقي في كلية واحدة
او بمعني اصح نبقي مع بعض 

بس كن بعقل تاني بسرعة 
ههههههههه

كانت لحظات جميلة والله 
يمكن كانت مشاعر بدائية وهبلة ومفيهاش اي نوع من الفكر 
بس كانت صافية قوي وتلقائية 

انا بعتز جدا باللحظة دي مع انها متولطش 
بس لسه سايبة علامة في حياتي 


فاصل ونكمل 

.......

انسان عادي

02‏/05‏/2010

مش عارف اي حاجة

النهارده ؟؟؟؟؟ مش فاكر  والساعة ؟؟؟؟ مش عارف
انا تقريبا فقدت الذاكرة 




احم احم 
سلامو عليكو 

بجد انا دماغي مش عارف مالها 
مش مركز  خالص خالص
الدنيا زجمة قوي فيها 
وحاسس ان فيها كلاب بتتخانق مع بعض
لدرجة اني بكتب الكلام ده وانا مش عارف انا بكتب ايه 
عندي امتحان فاينال كمان اسبوعين لا 12 يوم 
يعني بعده المفروض ابقي خلصت الكلية 
الكلية اللي بقالي فيها 8 سنين 

عمري ما كنت خايف من امتحان 
سواء ذاكرت او ما ذاكرتش 
وعمري ما قلقت صحيح كنت بزعل لما بسقط 
بس كنت بنسي وكنت بقبل بالامر الواقع

دلوقتي لا
حاسس انه لو حصل هيبقي موت 
 ده كمان مش قادر اتخيل حاجة زي دي 

انا مخنوق ومضايق وتعبان وخايف وقلقان 

انا عايز انام واصحي الاقيني خلصت 
انا بجد تعبت قوي قوي 

انا حاسس اني مش هلخق امتحن حتي 

يارب افضل عايش لحد ما اخلص الكلية 

يارب اخد تأجيل من الجيش 

ولا بلاش طمع 

خليها اخد سنة واحدة بس بلاش تلاتة 

ياااااااااااااااااااااااارب 

مش عارف اقول ايه 

انا حاسس ان دماغي اتفرمتت مع الهارد بتاعي 

انا مش عارفني انا تهت مني انا مش انا 

انا بقيت اخرف ولا ايه 

بقولكو ايه سلام دلوقتي احسن الحالة تكبر 
والفضايح تكتر 


فاصل ونكمل 

....

انسان عادي

Recent News

Introduction

Recent News