27‏/01‏/2010

اخيرا مسحت الايميل بتاعها .. ههههههه

النهارده الاربع 27 يناير 2010 الساعة 7.24 م 

يااااه اخيرا وبعد تفكير كتير بيني وبين نفسي 
وبعد زن الشيطان علي وداني كتير قدرت في لحظة قوة امسح ايميلها 
هي واحدة اتعرفت عليها ع النت او بمعني اصح هي اللي اتعرفت عليا 
واتكلمنا كتير في كل حاجة لدرجة اننا اتكلمنا في كل حاجة !!!!!
اعتقد كلامي مفهوم .....
طبعا انا كل ما بتكلم معاها بتعب شويه وبضايق نفسيا بصراحة 
لان انا مش كده ومتعودتش اكلم حد بالطريقة دي 
هي يمكن عادي بالنسبة لها او مش في بالها انما انا لا
انا قبل كده خدت قرارات كتير اني ما اتكلمش معاها تاني 
لكن كان بيبقي يوم ولا اتنين وبرجع 
لحد ما خدت القرار الجامد قوي وقلت خلاص انا همسح الميل خالص بقي 
وقد كان 

بصو هي يمكن تكون حاجة عادية او مش مهمة لناس كتير 
بس انا بعتبرها لحظة ايجابية في حياتي 
اني قدرت اقول لحاجة غلط لا 
حتي لو الغلط ده كان بسيط ومش كبير 


علي فكرة 
الحكاية دي بقالها فترة يعني مش النهارده 
بس انا حبيت اسجلها هنا 
وبعدين عشان اكون متأكد انها فعلا تمت ومش هرجع تاني 
لازم يكون فات عليها وقت 
ههههههههههه

بس خلاص 
انتظرونا في لحظات قادمة 

فاصل ونكمل 

انسان عادي 

........

26‏/01‏/2010

الرغايين مليين مصر وانا مش معاهم

النهارده التلات 26 يناير 2010 الساعة 3.20 م



مش عارف ايه حكايتي النهارده مع الناس الرغايين
وانا رايح الكلية الصبح وطبعا مش نايم كويس وقرفان عشان
 ندي امتحان مادة مش فاهم فيها حاجة ومصدع بطريقة وحشة
ركبت العربية عادي زي كل يوم ومن سوء حظي قعدت جنب بنتين
برضو كان عندهم امتحان عشان برضو كانو ماسكين ورق في ايديهم
بس من اول ما ركبت العربية لحد ما نزلت يعني تقريبا كان نص ساعة كده
مابطلوش كلام والكلام ايه ورا بعض ورا بعض كده كأنهم بيتسابقو
والمشكلة الاكبر بقي انهم كانو بيتكلمو في وقت واحد يعني متهيالي
 مكنش حد فيهم فيهم التاني عايز ايه رغي وخلاص لحد بجد دماغي كانت هتتفرتك
واله بجد انا كنت عايز بعد ما انزل اضربهم
بس لاسف ما بضربش بنات
ده كان وانا رايح الكلية
كمان بقي وانا جاي
بعد ما الصداع تضاعف والخنقة طبعا زادت عشان العك اللي حصل في الامتحان
وانا مروح بقي ركبت برضو عربية
وقعد ورايا اتنين بس كانو رجالة بقي المرة دي
يعني كانو كبار بتاع 40 و 50 سنة كده
بس في الرغي برضو اساتذة
فضلو يتكلمو في مواضيع ملهاش اي علاقة ببعض
شويه كورة علي حبه سياسة ودخلو برضو في الفن
بس برضو اللي يغيظ قوي انهم مش فاهمين اي حاجة في اي حاجة
يعني مثلا من ضمن الحاجات اللي علقت في دماغي
سيرة محمد علي باشا كانو بيتكلمو عنه وواحد رد ع التاني
يقوله ايوه اللي هو كان سنة مش عارف 800 وكام ده
يعني من الف سنة
طبعا انا قاعد طول الطريق بضحك  من الحكايات اللي قاعد بسمعها



بجد الرغي ده شئ فظيع جدا
وانا اكتر حد بكرهه هما الرغايين وخصوصا لما يتكلمو في حاجة
هما اصلا مش فاهمينها



وبعد ده كله وصلت بيتنا بسلام بس برضو
مازال الصداع مستمرا بشكل كبييييير



فاصل ونكمل
.......



انسان عادي

23‏/01‏/2010

مذكراتي

اولا : السلام عليكم ورحمة الله وبركاته 
مذكراتي دي مش مدونة عادية هكتب فيها مواضع تهم الناس 
او حاجات عامة واحاول انشرها واخلي الناس تقراها 
لا بالعكس المواضيع اللي هتكون هنا هتكون خاصة جدا بيا 
واللي هيوصل هنا  هيوصل بالصدفة لاني مش هدعو حد ليها 


اعرفكو بنفسي بقي  
انا انسان عادي 
شاب زي كل الشباب بس عندي شويه صفات خاصة 
يعني مثلا مش اجتماعي قوي بميل للوحدة شويه 
مش بعرف اقعد واتكلم مع حد حتي لو كان واحد صاحبي
مبعرفش افضفض يعني 
فقررت اعمل مدونة واصاحب نفسي 
واحكيلها هنا علي اللي بيحصلي وافضفض معاها 
انا ونفسي وبس 
اهو بدل ما يحصل كبت 
علي الاقل مش هنكسف من حاجة او من حد 
اه علي فكرة من ضمن الصفات اللي عندي الخجل 
برضو بس انا بحب الصفة دي جدا 
مع انها مش بتعجب ناس كتير 


ده جزء من شخصيتي والباقي هنتعرف عليه بعدين 


فاصل ونبدأ


انسان عادي

27‏/01‏/2010

اخيرا مسحت الايميل بتاعها .. ههههههه

النهارده الاربع 27 يناير 2010 الساعة 7.24 م 

يااااه اخيرا وبعد تفكير كتير بيني وبين نفسي 
وبعد زن الشيطان علي وداني كتير قدرت في لحظة قوة امسح ايميلها 
هي واحدة اتعرفت عليها ع النت او بمعني اصح هي اللي اتعرفت عليا 
واتكلمنا كتير في كل حاجة لدرجة اننا اتكلمنا في كل حاجة !!!!!
اعتقد كلامي مفهوم .....
طبعا انا كل ما بتكلم معاها بتعب شويه وبضايق نفسيا بصراحة 
لان انا مش كده ومتعودتش اكلم حد بالطريقة دي 
هي يمكن عادي بالنسبة لها او مش في بالها انما انا لا
انا قبل كده خدت قرارات كتير اني ما اتكلمش معاها تاني 
لكن كان بيبقي يوم ولا اتنين وبرجع 
لحد ما خدت القرار الجامد قوي وقلت خلاص انا همسح الميل خالص بقي 
وقد كان 

بصو هي يمكن تكون حاجة عادية او مش مهمة لناس كتير 
بس انا بعتبرها لحظة ايجابية في حياتي 
اني قدرت اقول لحاجة غلط لا 
حتي لو الغلط ده كان بسيط ومش كبير 


علي فكرة 
الحكاية دي بقالها فترة يعني مش النهارده 
بس انا حبيت اسجلها هنا 
وبعدين عشان اكون متأكد انها فعلا تمت ومش هرجع تاني 
لازم يكون فات عليها وقت 
ههههههههههه

بس خلاص 
انتظرونا في لحظات قادمة 

فاصل ونكمل 

انسان عادي 

........

26‏/01‏/2010

الرغايين مليين مصر وانا مش معاهم

النهارده التلات 26 يناير 2010 الساعة 3.20 م



مش عارف ايه حكايتي النهارده مع الناس الرغايين
وانا رايح الكلية الصبح وطبعا مش نايم كويس وقرفان عشان
 ندي امتحان مادة مش فاهم فيها حاجة ومصدع بطريقة وحشة
ركبت العربية عادي زي كل يوم ومن سوء حظي قعدت جنب بنتين
برضو كان عندهم امتحان عشان برضو كانو ماسكين ورق في ايديهم
بس من اول ما ركبت العربية لحد ما نزلت يعني تقريبا كان نص ساعة كده
مابطلوش كلام والكلام ايه ورا بعض ورا بعض كده كأنهم بيتسابقو
والمشكلة الاكبر بقي انهم كانو بيتكلمو في وقت واحد يعني متهيالي
 مكنش حد فيهم فيهم التاني عايز ايه رغي وخلاص لحد بجد دماغي كانت هتتفرتك
واله بجد انا كنت عايز بعد ما انزل اضربهم
بس لاسف ما بضربش بنات
ده كان وانا رايح الكلية
كمان بقي وانا جاي
بعد ما الصداع تضاعف والخنقة طبعا زادت عشان العك اللي حصل في الامتحان
وانا مروح بقي ركبت برضو عربية
وقعد ورايا اتنين بس كانو رجالة بقي المرة دي
يعني كانو كبار بتاع 40 و 50 سنة كده
بس في الرغي برضو اساتذة
فضلو يتكلمو في مواضيع ملهاش اي علاقة ببعض
شويه كورة علي حبه سياسة ودخلو برضو في الفن
بس برضو اللي يغيظ قوي انهم مش فاهمين اي حاجة في اي حاجة
يعني مثلا من ضمن الحاجات اللي علقت في دماغي
سيرة محمد علي باشا كانو بيتكلمو عنه وواحد رد ع التاني
يقوله ايوه اللي هو كان سنة مش عارف 800 وكام ده
يعني من الف سنة
طبعا انا قاعد طول الطريق بضحك  من الحكايات اللي قاعد بسمعها



بجد الرغي ده شئ فظيع جدا
وانا اكتر حد بكرهه هما الرغايين وخصوصا لما يتكلمو في حاجة
هما اصلا مش فاهمينها



وبعد ده كله وصلت بيتنا بسلام بس برضو
مازال الصداع مستمرا بشكل كبييييير



فاصل ونكمل
.......



انسان عادي

23‏/01‏/2010

مذكراتي

اولا : السلام عليكم ورحمة الله وبركاته 
مذكراتي دي مش مدونة عادية هكتب فيها مواضع تهم الناس 
او حاجات عامة واحاول انشرها واخلي الناس تقراها 
لا بالعكس المواضيع اللي هتكون هنا هتكون خاصة جدا بيا 
واللي هيوصل هنا  هيوصل بالصدفة لاني مش هدعو حد ليها 


اعرفكو بنفسي بقي  
انا انسان عادي 
شاب زي كل الشباب بس عندي شويه صفات خاصة 
يعني مثلا مش اجتماعي قوي بميل للوحدة شويه 
مش بعرف اقعد واتكلم مع حد حتي لو كان واحد صاحبي
مبعرفش افضفض يعني 
فقررت اعمل مدونة واصاحب نفسي 
واحكيلها هنا علي اللي بيحصلي وافضفض معاها 
انا ونفسي وبس 
اهو بدل ما يحصل كبت 
علي الاقل مش هنكسف من حاجة او من حد 
اه علي فكرة من ضمن الصفات اللي عندي الخجل 
برضو بس انا بحب الصفة دي جدا 
مع انها مش بتعجب ناس كتير 


ده جزء من شخصيتي والباقي هنتعرف عليه بعدين 


فاصل ونبدأ


انسان عادي

Recent News

Introduction

Recent News