04‏/04‏/2010

سكت


النهارده الحد 4 ابريل 2010 الساعة 1.05 ص




سكت 

سكت ملقتش رد عليه وسكت مش عارفه اقوله ايه 
حسيت وكاني هنت عليه وبجد انا عمري مرة ماهنت 
تعبت مكنتش اتصور يجي يوم وهوانا يتغير 
بيقول احساسه متحير وكمان بيقولي انا اتسرعت 

ازاي بقي يعني ده اسمه كلام بيروح في ثواني شوق وغرام 
وليالي الحب الاحلام بتكون غلطة غلطناها 
معقولة فراقنا ده عادي اتنين حبو وبقي ماضي 
ازاي قلبو طلع فاضي دي حاجة صعب معناها 

فهمت انا ولا مش فاهمة كلامو بجد كان صدمة 
محستش بـ ولا كلمة وحسيت اني بس بضيع 
ده هواه فجأة طلع كدبة واهو كل غرامه كان لعبة 
ياه ع الدنيا دي صعبة واحساسي بجد فظيع 


احم احم 
سلامو عليكو 
انا مكنتش ناوي اكتب اغنيتين ورا بعض كده 
انا اصلا مكنتش ناوي اكتب اغاني خالص زي ما قلت 
بس بجد الاغنية دي رغم حزنها انا بحبها جدا 
عشان كنت حسسها جدا 
هي فعلا مكتوبة علي لسان بنت 
لاني كا راجل مقدرتش انكسر في احساسي مظبوط 
فاستعملت المرأة وقولتها علي لسانها 
المهمة ان هنا من وجهة نظري الرد علي  صدمة معينة 
او صدمة العمر زي ما بيقولو مش بيكون بالبكا 
ولا بالحزن ولا بالدموع 
الرد هنا بالسكوت 
حاجة فعلا كانت مستحيل تحصل 
لكن حصلت خلاص 
البطلة هنا مش عارفه تعمل ايه 
فسكتت 

علي فكرة 
انا كتبت الاغنية دي هنا وهي اغلي اغنية عندي 
عشان اصالح حد زعلان مني 
ياريت بقي ميكونش زعلان 
ماشي ؟؟؟؟

فاصل ونكمل 

........

انسان عادي

هناك 6 تعليقات:

NaiRa يقول...

ده هواه فجأة طلع كدبة واهو كل غرامه كان لعبة
ياه ع الدنيا دي صعبة واحساسي بجد فظيع

احم احم
سلام عليكم :$
اول كومنت بقى ها :$
يعنى من الاخر كده بيتنا والعب براااااااحتى
بجد بجد مبسوطه اوى يا بودى انك كتبت اغنيه جديده
وعوزاك تعرف ان الاغانى الحزن بحسها اوى
زى الكوبليه اللى انا كتبته ده
عجبنى جدا
وتسلم ايدك
واحم احم

من كل بستان زهرة يقول...

ياسلام ياسلام
يابني متسبش نفسك كده
شوف حد يغنيلك الكلمات دي
خلي بالك( انا عرضت عليك أغنيها وانت نفضتلي )
بكره تندم يا جميل

كلماتك حلوه جدا
بس ليه انت كراجل مترضاش تنكسر في احساسك
وترضى للبنت الكسره دي والجرح

عموما كل الرجل انت

بس غلاسه بقى مين الي انت زعلته

"""زعلتهااااا"""

وبتصلحه بالأغنيه دي

أعترف يا أستاذ وسلم نفسك

تحياتي يا شاعرنا الهمام

انسان عادي يقول...

نيرة

مرشي ليكي يا جميل علي الكلام الحلو
بس متخديش علي كده
مش كل يوم هتلاقي غنوة
هههههههه

شكرا يا قمر

انسان عادي يقول...

من كل بستان زهرة

والله انا مانفضتش ولا حاجة
الكلمات موجوده ولو عايزاها متلحنة كمان
انا معنديش مانع
مفيش اكتر من الملحنين ع النت
بس انتي انوي
ههههه

بصي بقي
بالنسبة لاحساس الاغنية انا بجد بشخصيتي دي
معرفتش اوصله
يعني انا مقدرتش اركب الاحساس ده علي نفسي
مش مسالة اني راجل بس والمفروض منكسرش
انما كمان انا شخصيتي محبش انها تنكسر بالشكل ده
عشان كده دورت علي شخصية تانية اتكلم من خلالها
وده مش نقص في المرأة ولا حاجة
ده اعتراف مني ان المرأة احساسها اعلي من الراجل
بس خلاص

بالنسبة للي زعلته مبقاش وعلان دلوقتي خلاص
اطلعي انتي منها بقي
ههههههههه

شكرا يا قمر

Bent Men ElZaman Da !! يقول...

عجبانى جدااااااااااااااااااااااا
فى مواقف كتير الكلام فيها مش بيطلع كل اللى جوانا
وبيبقى احسن رد ساعتها هو السكوت
تسلم ايدك
ويارب مش تكون اخر اغنيه تكتبها

انسان عادي يقول...

بنت من الزمن ده

ربنا يخليكي يارب
هو مش كل الناس لما بتتصدم بتسكت
بس انا شخصيا من النوعية دي
لما اتصدم قوي
مبعرفش ارد

شكرا يا قمر

04‏/04‏/2010

سكت


النهارده الحد 4 ابريل 2010 الساعة 1.05 ص




سكت 

سكت ملقتش رد عليه وسكت مش عارفه اقوله ايه 
حسيت وكاني هنت عليه وبجد انا عمري مرة ماهنت 
تعبت مكنتش اتصور يجي يوم وهوانا يتغير 
بيقول احساسه متحير وكمان بيقولي انا اتسرعت 

ازاي بقي يعني ده اسمه كلام بيروح في ثواني شوق وغرام 
وليالي الحب الاحلام بتكون غلطة غلطناها 
معقولة فراقنا ده عادي اتنين حبو وبقي ماضي 
ازاي قلبو طلع فاضي دي حاجة صعب معناها 

فهمت انا ولا مش فاهمة كلامو بجد كان صدمة 
محستش بـ ولا كلمة وحسيت اني بس بضيع 
ده هواه فجأة طلع كدبة واهو كل غرامه كان لعبة 
ياه ع الدنيا دي صعبة واحساسي بجد فظيع 


احم احم 
سلامو عليكو 
انا مكنتش ناوي اكتب اغنيتين ورا بعض كده 
انا اصلا مكنتش ناوي اكتب اغاني خالص زي ما قلت 
بس بجد الاغنية دي رغم حزنها انا بحبها جدا 
عشان كنت حسسها جدا 
هي فعلا مكتوبة علي لسان بنت 
لاني كا راجل مقدرتش انكسر في احساسي مظبوط 
فاستعملت المرأة وقولتها علي لسانها 
المهمة ان هنا من وجهة نظري الرد علي  صدمة معينة 
او صدمة العمر زي ما بيقولو مش بيكون بالبكا 
ولا بالحزن ولا بالدموع 
الرد هنا بالسكوت 
حاجة فعلا كانت مستحيل تحصل 
لكن حصلت خلاص 
البطلة هنا مش عارفه تعمل ايه 
فسكتت 

علي فكرة 
انا كتبت الاغنية دي هنا وهي اغلي اغنية عندي 
عشان اصالح حد زعلان مني 
ياريت بقي ميكونش زعلان 
ماشي ؟؟؟؟

فاصل ونكمل 

........

انسان عادي

هناك 6 تعليقات:

NaiRa يقول...

ده هواه فجأة طلع كدبة واهو كل غرامه كان لعبة
ياه ع الدنيا دي صعبة واحساسي بجد فظيع

احم احم
سلام عليكم :$
اول كومنت بقى ها :$
يعنى من الاخر كده بيتنا والعب براااااااحتى
بجد بجد مبسوطه اوى يا بودى انك كتبت اغنيه جديده
وعوزاك تعرف ان الاغانى الحزن بحسها اوى
زى الكوبليه اللى انا كتبته ده
عجبنى جدا
وتسلم ايدك
واحم احم

من كل بستان زهرة يقول...

ياسلام ياسلام
يابني متسبش نفسك كده
شوف حد يغنيلك الكلمات دي
خلي بالك( انا عرضت عليك أغنيها وانت نفضتلي )
بكره تندم يا جميل

كلماتك حلوه جدا
بس ليه انت كراجل مترضاش تنكسر في احساسك
وترضى للبنت الكسره دي والجرح

عموما كل الرجل انت

بس غلاسه بقى مين الي انت زعلته

"""زعلتهااااا"""

وبتصلحه بالأغنيه دي

أعترف يا أستاذ وسلم نفسك

تحياتي يا شاعرنا الهمام

انسان عادي يقول...

نيرة

مرشي ليكي يا جميل علي الكلام الحلو
بس متخديش علي كده
مش كل يوم هتلاقي غنوة
هههههههه

شكرا يا قمر

انسان عادي يقول...

من كل بستان زهرة

والله انا مانفضتش ولا حاجة
الكلمات موجوده ولو عايزاها متلحنة كمان
انا معنديش مانع
مفيش اكتر من الملحنين ع النت
بس انتي انوي
ههههه

بصي بقي
بالنسبة لاحساس الاغنية انا بجد بشخصيتي دي
معرفتش اوصله
يعني انا مقدرتش اركب الاحساس ده علي نفسي
مش مسالة اني راجل بس والمفروض منكسرش
انما كمان انا شخصيتي محبش انها تنكسر بالشكل ده
عشان كده دورت علي شخصية تانية اتكلم من خلالها
وده مش نقص في المرأة ولا حاجة
ده اعتراف مني ان المرأة احساسها اعلي من الراجل
بس خلاص

بالنسبة للي زعلته مبقاش وعلان دلوقتي خلاص
اطلعي انتي منها بقي
ههههههههه

شكرا يا قمر

Bent Men ElZaman Da !! يقول...

عجبانى جدااااااااااااااااااااااا
فى مواقف كتير الكلام فيها مش بيطلع كل اللى جوانا
وبيبقى احسن رد ساعتها هو السكوت
تسلم ايدك
ويارب مش تكون اخر اغنيه تكتبها

انسان عادي يقول...

بنت من الزمن ده

ربنا يخليكي يارب
هو مش كل الناس لما بتتصدم بتسكت
بس انا شخصيا من النوعية دي
لما اتصدم قوي
مبعرفش ارد

شكرا يا قمر

Recent News

Introduction

Recent News