30‏/03‏/2010

كمان مرة


النهارده التلات 30 مارس 2010 الساعة 7.22 م 




هقولهالك كمان مرة


هقولهالك كمان مرة عشان ماتجيش وتسألني

انا مش بحبك بالمرة وقلبك مش بيشغلني

ولا فرحان وانا وياك ولا بعدك بيقتلني

بلاش بقي تمشي تتكلم تقول اني بدوب وياك

وقلبك لما بيسلم بتوه من فرحتي بلقاك

صحيح انا كنت برتاحلك لكن مش صحيح بهواك


هواك طيب لكن قلبي ماعمروش شاف غرامو فيك

وقفت كتير صحيح جنبي وكان خوفك عليه ماليك

لكن ارجوك بقي افهمني ماحستشي في يوم بعنيك 

طول ما انت هنا قصادي بشوفك اخ ولا صديق

احساسي بيك احساس عادي احساسي بيك ده بيبقي برئ 
 
بحس فيك انسان طيب وحد الجأله وقت الضيق


احم احم 
سلامو عليكو 

انا دايما لما بكتب اغنيه بتبقي نابعة من احساس جوايا او موقف حصلي يعني بتكون حاجة انا متصدقة قوي بس اوقات بقي بكتب اغنية برد فيها علي نفسي او بمعني اصح بفوّق نفسي من وهم انا عايش فيه والاغنية دي من النوع ده وانا اوقات كتير( ويمكن في ناس تانية كمان برضو ) بقع في وهم الحب بسرعة وقولت وهم عشان مش بيكون حب حقيقي يعني ممكن لو واحدة عاملتني باهتمام شويه او اتكلمت معايا بصراحة اكتر وفتحتلي قلبها لو حكيتلي مثلا عن حياتها ممكن بسرعة اعتقد انها بتحبني او في الطريق ده يعني وده مش بيبقي صح دايما او غالبا وده يمكن سببه ان جه عليه وقت او فترة كبيرة كنت محتاج اني اعيش حالة الحب دي قوي كنت محتاج لحد يكون جنبي دايما يسأل عليه ويهتم انه يعرف اخباري يزعل لو ازعل ويفرح لما افرح فلما بلاقي حد قدامي بيعمل اي حاجة من دي بحس ان هو ده اللي انا مستنيه وهو ده اللي انا عايزه وابدأ بقي اني اعيش في الوهم لحد ما اخد الصدمة التمام وارجع افوق تاني وعلي كده بقي فهنا بقي انا حبيت اجسد شخصيه قصادي تقولي لا انا مش بحبك مش عشان اتكلمنا شويه يبقي حب لا ده مش صحيح فوق بقي شويه
وبصراحة انا قولت اعرف نفسي الحقيقة بنفسي احسن ما تيجي من بره ههههههههه

علي فكرة 
انا مكنتش ناوي اكتب في المدونة دي حاجة من الاغاني اللي انا  كتبتها لاني كنت ناوي ابطل كتابة الاغاني دي اصلا عشان تعبت منها 
بس الظاهر اني مش هقدر
يلا معلش 

فاصل وتكمل 

.........

انسان عادي

29‏/03‏/2010

انسان آالي .... قصدي عادي


النهارده الاتنين 29 مارس 2010 الساعة 2.55 م 

احم احم 
سلامو عليكو 

احنا عارفين طبعا يعني ايه انسان آلي 
يعني ماكينة متبرمجة بشكل معين لتنفيذ مهام معينة 
ومش ممكن تعمل حاجة مش موجودة في البرنامج بتاعها 
بالاضافة ان الريبوت ده او الانسان الآلي بيشتغل بالطاقة 
يعني مش بياكل عشان يعيش 
هو عادة بيكون بيشتغل بالطاقة الكهربية 

المهم بقي اللي انا عايز اقوله 
ان انا حسيت في الفترة الاخيرة دي اني بقيت عامل زي الريبوت ده
يعني مثلا بقي  البرنامج اليومي بتاعي تقريبا شبه ثابت 
مفيش حاجة جديدة بتحصل 
وبرضو كمان بقيت بحس اني بشتغل بالكهربا 
يعني الكهربا موجودة تلاقيني نشيط 
يا اما بعمل حاجة ع الكمبيوتر او بتفرج علي برنامج في التلفزيون 
انما بقي لو الكهربا اتقطعت مثلا تلاقيني زي الريبوت لما تفصل عنه الكهربا  بالظبط
يا اما نايم او قاعد كده مش بعمل اي حاجة 
ولا حتي بفكر في شئ 
فعلا الحياة بتقف بالنسبة لي لما الكهربا بتقطع
انا مش عارف الحكاية دي معايا انا بس ولا هي حالة عامة في الشباب 
يمكن عشان بقينا نعتمد علي الكهربا بشكل كبير قوي 
وفي كل حاجة في حياتنا 

مثلا لو الكهربا دي اتقطعت كام يوم ممكن يحصل ايه 
طب لو احنا كنا عشنا في الزمن اللي مفيهوش كهربا 
كنا هنعيش ازاي 

انا مش عارف 

علي فكرة برضو بدأ النت بالنسبة لي ياخد اهمية الكهربا 
يعني لو فيه كهربا ومفيش نت الدنيا بتبقي رخمة برضو 

انا بضايق قوي لما اكون بعتمد علي حاجة واحدة بشكل اساسي 
وبالذات لما تكون الحاجة دي مش في ايدي 
او مش بعرف اسيطر عليها 

نفسي مبقاش كده 
حد عنده حل ؟؟؟؟؟؟؟

انسان آلي 

.........

فاصل ونكمل

27‏/03‏/2010

اللي طلع قدام يبعت .... لو سمحت

النهارده السبت 27 مارس 2010 الساعة 1.02 ص




وحياتك يا استاذ تطلع شويه قدام ايون انت 
هو المكان ده فيه سكر يعني 
اطلع قدام الناس هتقع ع الباب 
ايوه اللي طلع قاد يبعت 
وحاسب ورا كعب عالي 
...........

احم احم 
سلامو عليكو 

طبعا الكلام ده يلزمه موسيقي تصويرة مكونة من 
رغي البني ادمين وكلاكسات العربيات بالاضافة الي 
صوت اجزاء الاتوبيس اللي بتخبط في بعضها مع كل مطب 
او حتي من غير مطبات كفاية انه ماشي في شوارع مصر المحروسة 
طبعا بطل اللقطة دي هو كمسري الاتوبيس 
وهو بيرص الطوب .....
قصدي بينظم الركاب عشان علبة السردين او الاتوبيس يعني 
يبقي فل " وفل هنا مش زهرة الفل الفل ده يعني full" 
احم احم ثقافة بقي 

الهدف بقي من اللقطة دي ايه ؟؟؟؟؟
سيبك من احتقاري لنفسي واحساسي ان انا مش بني ادم 
وانا موجود جوه علبة السردين دي 
وسيبك من الوقت الخرافي اللي بيروح وانا جوه العلبة 
انا عاوزك تركز مع البطل الكمسري 
والمجهود الجبار اللي الراجل ده بيعمله عشان يلم الاجرة من الركاب 
وازاي مفيش بني ادم يقدر يزوغ منه في وسط الهيصة دي 
وازاي بيقدر يستحمل الدوشة والزحمة والحر والخنقة 
وكل الهموم اللي كل المصريين فيها 
جمع كل ده في دماغك 
طب لو الكمسري ده كمسريه (يعني لو واحدة ست اشتغلت كمسري )
والله انا لحد دلوقتي مشفتهاش 
هي صحيح الست اشتغلت حاجات كتير مكناش متخيلنها فيها 
زي سواق تاكسي وسواق نقل تقيل 
وحاجات تانية كتير
لكن معرفش ليه وقفت قدام الكمسري ده ومقدرتش اتخيلها 
اعتقد انه صعب ان مكنش مستحيل 
تفتكر لو ده حصل هيبقي الوضع ازاي 
وياتري الاتوبيسات هتفضل بالزحام ده ؟؟؟؟؟
ولا الزحام هيقل ؟؟؟
انا عن نفسي اعتقد انه هيزيد 
دانا هحب الاتوبيسات قوي 
ههههههههههههه

فاصل ونكمل 

.....

انسان عادي 
من علية السردين

26‏/03‏/2010

في حضرة المحبوب





في حضرة المحبوب
ينطق باسمه الحجر ومفيش نبى زيه
الشمس ويّا القمر اتخلقوا من ضَيه
اه ياامنه لما اتولد جبريل نزل سَماه
الله واحد احد صلى علية فى سماه
فى حضرة المحبوب احمد رسول الله
الروح في نور بتدوب وعليك سلام الله
رب الحرم والبيت انا توبت مش ندمان
عشمان فى اهل البيت فى المصطفى العدنان
---
فى الحلم لما بكيت طبطب على كتفى
بتوضى لما صحيت بـدموعوا فى كفى
فى كل جرح دواء وربنا الشافى
ومافيش ضامن لرضاة لو قلبى مش صافى
عشمي فى نظرة رضا والنور عليا يبان
نور النبى اللى اهتدى بالرحمة من الحناء
باب الشفاعة اتفتح وباذن من الرحمن
وانا حالى لما اتصلح جالى الرسول فرحان



احم احم

سلامو عليكو

الاغنية دي بالنسبالي حاجة تانية

بسمعها بحس براحة كبيرة

عليه افضل الصلاة والسلام


فاصل ونكمل


.....


انسان عادي

22‏/03‏/2010

محاولات لقتل امرأة لا تقتل

النهارده الاتنين 22 مارس 2010 الساعة 10.56 م



قصيدة محاولات لقتل امرأة لا تقتل

 نزار قباني


وعدتك ان لا احبك

ثم امام القرار الكبير جبنت

وعدت ان لا اعود

وعدت

وان لا أموت اشتياقا

ومت

وعدت مرارا

وقررت أن أستقيل مرارا

ولا أتذكر أني استقلت

وعدت بأشياء اكبر مني

فماذا غدا ستقول الجرائد عني؟

أكيد ستكتب أني انتحرت

وعدتك

أن لا أكون ضعيفا وكنت

أن لا أقول بعينيك شعرا

وقلت

 وعدت بأن لا

وان لا

وان لا

وحين اكتشفت غبائي

ضحكت

وعدتك

أن لا أبالي بشعرك حين يمر أمامي

وحين تدفق الليل فوق الرديف

صرخت

وعدتك بأن أتجاهل عينيك مهما دعاني الحنين

وحين رأيتهما تمطران نجوما

شهقت

وعدت

أن لا أوجه أي رسالة حب إليك

 ولكنني رغم انفي كتبت

وعدتك

أن لا أكون بأي مكان تكونين فيه

وحين عرفت بأنك مدعوة للعشاء

ذهبت

وعدتك أن لا احبك

كيف؟

وأين؟

وفي أي يوم تراني وعدت؟

لقد كنت اكذب من شدة الصدق

والحمد لله أني كذبت

وعدت

بكل برود وكل غباء

بإحراق كل الجسور ورائي

وقررت بالسر قتل جميع النساء

وأعلنت حربي عليك

وحين رفعت السلاح علي نهديك

انهزمت

وحين رأيت يديك المسالمتين

اختلجت

وعدت بأن لا

وان لا

وان لا

وكانت جميع وعودي

دخانا وبعثرته في الهواء

وعدتك

ان لا اتلفن ليلا اليك

وان لا افكر فيك اذا تمرضين

وان لا اخاف عليك وان لا اقدم وردا

وان لا ابوس يديك

وتلفنت ليلا علي الرغم مني

وراسلت وردا علي الرغم مني

وبستك من بين عينيك حتي شبعت

وعدتك بأن لا

وان لا

وان لا

وحين اكتشفت غبائي ضحكت

وعدت

بأن اذبحك خمسين مرة

وحين رأيت الدماء تغطي ثيابي

تأكدت اني الذي قد ذبحت

فلا تأخذيني علي محمل الجد

مهما غضبت ومهما انفعلت

ومهما اشتعلت ومهما انطفأت

لقد كنت اكذب من شدة الصدق

والحمد لله اني كذبت

وعدت ان احسم الامر فورا

وحين رأيت الدموع تهرهر من مقلتيك ارتبكت

وحين رأيت الحقائب في الارض

ادركت انك لا تقتلين بهذي السهولة

فانت البلاد وانتي القبيلة

وانتي القصيدة قبل التكون

انت الدفاتر

انت المشاوير

انت الطفولة

وانت تشيد الاناشيد

انت المزامير

انت المضيئة

انت الرسولة

وعدت

بالغاء عينيك من دفتر ذكرياتي

ولم أك اعلم اني سألغي حياتي

ولم أك اعلم انك

رغم الخلاف الصغير انا

واني انت

وعدتك ان لا احبك

ياللحماقة

ماذا بنفسي فعلت؟

لقد كنت اكذب من شدة الصدق

ولأحمد الله اني كذبت

وعدت

ان لا اكون هنا بعد خمس دقائق

ولكن الي اين اذهب؟

ان الشوارع مغسولة بالمطر

الي اين ادخل؟

ان مقاهي المدينة مسكونة بالضجر

الي اين ابحر وحدي؟

وانت البحار

وانت القلوع

وانت السفر

فهل ممكن

ان اظل لعشر دقائق اخري

لحين انقطاع المطر؟

اكيد بأني سأرحل بعد رحيل الغيوم

وبعد هدوء الرياح

والا

سأنزل ضيفا عليك

اني ان يجيء الصباح

وعدتك

ان لا احبك مثل المجانين في المرة الثانية

وان لا اهاجم مثل العصافير

اشجار تفاحك العالي

وان لا امشط شعرك حين تنامين

ياقطتي الغالية

وعدتك ان لا اضيع بقية عقلي

اذا ما سقطت علي جسدي نجمة حافية

وعدت بكبح جماح جنوني

ويسعدني انني لا ازال

شديد التطرف حين احب

تماما كما كنت المرة الماضية

وعدتك ان لا اطارحك الحب طيلة عام

وان لا اخبيء وجهي

بغابات شعرك طيلة عام

وان لا اصيد المحار بشطآن عينيك طيلة عام

فكيف اقول كلاما سخيفا كهذا الكلام؟

وعينا داري ودار السلام

وكيف سمحت لنفسي بجرح شعور الرخام

وبيني وبينك خبز وملح

وسكب نبيذ وشدو حمام

وانت البداية في كل شيء

ومسك الختام

وعدت

ان لا اعود وعدت

وان لا اموت اشتياقا

ومت

وعدت بأشياء اكبر مني

فماذا بنفسي فعلت؟

لقد كنت اذكب من شدة الصدق

والحمد لله اني كذبت


احم

سلامو عليكو


فاصل ونكمل


انسان عادي

محدش فاهم حاجة

النهارده الاتنين 22 مارس 2010 الساعة 11.52 ص 



احم 
سلامو عليكو 
انا بقالي كتير قوي حاجات بتيجي في دماغي وعايز اكتب عنها 
بس حاسس اني مش عارف اكتب 
الكلام بيروح مني وحاسس اني مش مركز 
حاسس بحالة توهان غريبة مش عارف ليه 
بقيت بحس اني مش عايز اعمل اي حاجة 
او مكسل اعمل اي حاجة 
بقيت بنام وبعدين اصحي اقعد ع النت واتفرج علي اي حاجة مثلا 
حتي بقيت اكسل ارد علي اي حد
يمكن ده كتر القعدة في البيت بما اني بروح الكلية يومين 
في الاسبوع وبقعد في بيتنا خمس ايام 
حصلي حالة كده مش عارف هي ايه 
اصل انا من النوع اللي هو لما بيقد في البيت بقعد  ومش بخرج خالص 
الا مثلا للصلاة او للظروف الجامدة بقي 
ولما بخرج من البيت ببقي برة علي طول 
يعني يا كده يا كده 
المهم مش مهم والضروري مش ضروري 
والبوست كله ملهوش لازمة 
انا بس كتيت اي كلام عشان اكسر الحالة دي 
واشوف مخي لسه شغال ولا عطل من الركنة 
ههههههههه

يلا 
فاصل ونكمل 
...............

انسان عادي

11‏/03‏/2010

الشيخ محمد سيد طنطاوي

النهارده الخميس 11 مارس 2010 الساعة 5.08 م 

احم 
سلامو عليكو 

امبارح لما صحيت كالعادة اول حاجة عملتها اني فتحت الكمبيوتر 
وكالعادة برضو دخلت علي الفيس بوك 
ولقيت اول خبر قابلني هو وفاة شيخ الازهر 
بصراحة اتفجأت وقولت اتأكد برضو يمكن اشاعة 
خرجت قلبت في التلفزيون شويه اني الاقي مثلا قناة مصرية 
جايبة قرآن ولا نعي ولا اي حاجة 
ابدا ملقتش 
ولا قناة جايبة سيره 
رجعت للنت تاني لقيت الخبر زاد بقي وكل الناس والمواقع اكدته 
بصراحة برغم ان ساعات كنت بحس ان الشيخ طنطاوي الله يرحمه 
مكنش هو شخصية شيخ الازهر اللي في دماغي 
يمكن مكنش قوي بما فيه الكفاية 
او مش واخد برستيجه المطلوب 
انا كنت بتخيل كده ان شيخ الازهر ده لازم يكون صح 
وكل الناس تتفق علي رأيه وقراراته 
او علي الاقل معظم الناس 
انما في الفترة الاخيرة لاقيت ناس كتير ليهم قدر كبير من العلم يعني 
بيعترضو علي كلامه او بيقولو اراء مخالفة ليه يعني 
طبعا انا مش بنكر ان هو عنده علم كبير 
لكنه مكنش مستخدم سلطته بما فيه الكفاية 
المهم انا الي زعلني بقي 
انه بغض النظر عن شخصية شيخ الازهر 
مخدش حقه او ما اتكرمش كفاية بما يتناسب مع مكانته 
انا قلت هلاقيهم بدل ما بيذيعو اغاني وافلام ومسلسلات طول النهار 
هيعملو حداد تلات ايام ولا حاجة 
مش اخرتها دقيقة حداد في ماتش كورة 
بجد حاجة تزعل 
ده القنوات كلها ايام وفاة محمد علاء مبارك قفلت تلات ايام 
ومبقتش تجيب غير قرآن 
علي الاقل نحترم بعض قدام الناس 
عشان محدش يضحك علينا 


فاصل ونواصل 
........

انسان عادي

10‏/03‏/2010

انا مش مصدق

النهارده الاربعاء 10 مارس 2010 الساعة 4.13 م 



احم
سلامو عليكو

انا بقالي كتير جدا تقريبا 8 سنين بكتب شعر غنائي 
واحيانا شعر عامي واحيانا اقل قصص 
وعادي زي ناس كتير ببقي نفسي الناس تشوف اعمالي 
وتعلق عليها لكن بمرور الوقت بدأ الامل ده يروح 
وخلاص بقيت اكتب لما احس اني مضايق قوي 
او لما احس اني عايز اقول حاجة لحد ومش طايله 
ومبقاش يفرق قوي حد يسمعني او لا 
بكتب لنفسي يعني 
المهم انا فترة مش بعيدة يعني اصبحت متابع لمجلة بحلقة 
وفهمت منهم ان ممكن اي حد يكتب معاهم فبعتلهم حاجات من عندي 
اول حاجة بعت لهم قصيدة قوية جدا من وجهة نظري يعني 
وعادي وزي مانا متوقع مفيش حاجة اتنشرت 
وعشان انا مبقاش يهمني  وبقيت اكتب لنفسي 
بعت تاني  
مش رخامة مني بس بعت وخلاص 
واتفجأت المرة دي انها اتنشرت 
يمكن الموضوع اللي انا كتبته مكنش مبدع يعني ولا حاجة 
بس احساس انك فجأة لقيت حد ممكن يسمعك 
بعد فترة يأس كبيرة جدا فرق معايا كتييييير 
الموضوع اللي انا كتبته اسمه عاشق انا
وانا كنت بحكي فيه يعني قصة واحد نفسه يحب 
بجد بس حظه مش حلو يعني 
طبعا بطريقة كوميدية شويه 

في الاخر احب اقول شكرا لبحلقة 
وكل التيم بتاعها واتمني لهم التوفيق 


فاصل ونواصل 

.........

انسان عادي

07‏/03‏/2010

نتيجتك علي تلفونك

النهارده الاحد 7 مارس 2010 الساعة   8.43 م

احم 
سلامو عليكو 

بعد ما كنت بتريق علي الناس اللي بتتصل بـ 0900 
والمسابقات والكلام الفاضي 
لف الزمن واتعملت فيا بس غصب واقتدار بقي 
طبعا عشان التكنولوجيا ملت حياتنا وبقينا عايشين عليها 
قررت جامعة بنها ومن ضمنها طبعا كليتي العزيزة هندسة شبرا 
انها تطبق التكنولوجيا علينا وال ايه 
اتصل بزيرو تسعميه عشان تجيب النتيجة 
وطبعا لاني مقاطع لمثل هذه الحاجات اللي ملهاش لازمة 
قلت مش هتصل ولو حتي اتشقلبو وخلاص خدت قراري 
وهستني لما يعلقوها 
وفي نفس اليوم وانا قاعد ع الفيس بوك لاقيت واحد من كليتي 
بيقول انه جاب النتيجة 
انا لقيت قلبي بيدق بسرعة وحالة القلق اشتغلت 
وبصيت لنفسي كده بكسوف وقلت " هتنزل المرة دي "
ما حبكتش يعني  مش ناقصة تقفيل 
المهم خدت قراري اني هتصل خلاص واشوف النتيجة 
اتصلت لقيت الست بتقولي مرحبا بك في جامعة بنها 
وال ايه هتعدلي الكليات من الاول للاخر وانا اختار 
انا قلت مفيش مشاكل 
وبالفعل اخترت 
ودخلت الكلية 
لقيتها هتعد تاني الدفعات اعدادي - اولي - تانية .......الخ 
طبعا وانا علي اعصابي 
قلت ومالو ووصلت رابعة واخترت 
وللمرة التالتة هتعد الاقسام عشان اختار القسم بتاعي 
واخترته 
وفي كل ده انا عمال ادعي علي الست الرزلة دي 
اللي عمالة تموطح فيا 
وللمرة الرابعة كمان قايمة اختيارات للتخصص جوه القسم 
وانا هعيط وانا قاعد
خلصي بقي 
واخيرا قالتلي ادخل رقم جلوسك 
لقيت دقات قلبي زادت قوي وبقيت اقول ربنا يستر 
دخلت رقم الجلوس وانا ايدي بتترعش 
وفي الاخر بقي خلاص هعرف النتيجة 
الوليه بنت التييييييييييييت تقولي نتيجتك لم تظهر بعد 
كنت عايز اخنقها بجد بقي 
وقالتلي دخل رقم موبايلك عشان نبعتلك النتيجة عليه 

اللي لفت نظري بجد في الليلة دي 
ان دايما انا بكون في الاخر 
يعني كليتي كانت في الاخر الكليات 
قلت يمكن عشان بعيدة عن الجامعة
وانا في الفرقة الرابعة يعني اخر حاجة 
وقسم ميكانيكا قالته اخر قسم او قبل الاخر تقريبا 
حتي لما بقي الاختيار من اتنين بس في التخصص 
كنت انا الاختيار التاني برضو 
كنت حاسس ان هما قاصدين يعذبوني انا بالذات 

عموما نفسي في طلب واحد بس منكم 
ياريت اللي يقرا الموضوع ده ولو عن طريق الخطا 
يدعيلي انجح عشان اخلص بقي 
عشان بجد زهقت 

فاصل ونكمل 

......

انسان عادي

06‏/03‏/2010

عظيمة يا مصر

النهارده السبت 6 مارس 2010 الساعة 11.00 م 


 
عظيمة يا مصر 

عظيمة يا مصر يا ارض الهرم 
يا ارض العزايم وارض الهمم 
يا ارض الجدود .. النيل والسدود 
يا ارض الجوامع 
يا ارض الكنايس 
يا ارض المعابد 
...
..
.
يا ارض الالم 

***

يا ارض الفراعنة وارض الحضارة 
يا اكبر تاريخ يا اعظم منارة 
يا حلمي اللي كان .. يا امن وامان 
يا ارض العناد 
يا احلي البلاد 
ليه الظلم زاد 
والحق انعدم 

***

يا ارضي وبيتي في كل الحالات 
يا فرشي وغطايا حياة او ممات 
يا ست الحبايب  .. ليه العدل غايب 
وايه اللي فيكي
ما اصبحش فيكي 
وانتي كان ماليكي 
يا مصر النعم 

***

ليه بقينا دايما تجارة للكبار 
ليه بقت جنانك بالنسبة لينا نار 
ليه دا احنا ولادك .. وهما كمان ولادك 
يا امه تصدقي 
بقيتي تفرقي 
وتدوسي وتحرقي 
ولا همك الالم 

***

بقيتي ليه تسيبينا في الدنيا حيرانين 
لا همك اللي فينا ولافارقة احنا فين 
ولا حتي شاغلة بالك .. مين في الشدة شالك 
ومين اللي بيسرق 
ومين اللي بيغرق 
ومين كان يوم يصدق 
يموت فيكي الحنين 

***

ادي حبة من ولادك ماتو محروقين 
وادي حبه من ولادك ماتو مخنوقين 
وادي حبة ناس كمان .. لا ماتو ولا عايشين 
ليه عايزة النهارده 
نكون بنموت ونرضي 
اوعي تكوني قاصدة 
نعيش متعذبين 

***

سكتنا كتير وقلنا ده نصيبنا وده قدر 
وبكرة الحال هيحلي ونعيش زي البشر 
لكن ده كل يوم .. بتزيد فينا الهموم 
بنعيش والحزن فينا 
وننام والخوف مالينا 
يا مصر حسي بينا 
بصلنا بنص عين 


يا مصر حسي بينا بصلنا بنص عين 


احم احم 
سلامو عليكو
معلش مش هعرف اتكلم 
انا بس عايز اقول ان دي من كلماتي القليلة قوي 
اللي كتبتها من غير ما افكر
حاسسها بطريقة وحشة قوي 
ومش هبالغ لما اقول كل ما اقراها ببكي


فاصل وتكمل 

.....

انسان عادي

04‏/03‏/2010

وبيستحي


النهارده الخميس 4 مارس 2010 الساعة 11.00



وبيـــســـتـــحـي

واقـــف حبــيــبي مــــن الخـــجــل ع حفّـــة البســـمــه

كــــل مــا اجى يــحــكي غـــزل بيــضيّـع الكـــلمــه

وبيــــــــستـــحــــي بعــــرف حبـــيــبي بيســـتحــي

وبعـــز لحظـــات الهـــــوى كـــل شــــي ع بـــالــو بيـــنــميحي

وبيــــــــستـــــحــــي بعــــرف حبـــيــبي بيســـتحــي

يـــــا ريـــت لــو بطـــفي القمـــر ت يـــحكــي ع العتــمي

حطـــيـــت حـــالــي مطــرحــو ت يــحط حالـــو مطرحــي

بـــركي قــدر مــره ســرق شـــي كلــــمــه عـــن تــمّــي

يـــــا ريــــت لو بطـــفي القــــمر … يـــــا ريــــت لو بطـــفي القــــمر

يـــــا ريــــت لو بطـــفي القــــمر

ت يحـــــكــي ع العـــتـــمــه

وبـــحــــس لـــمـــا بــيــرتــبــك بيـــغيــّر الموضــــوع

بيـــغـــرق بــموجــة ضحـــك جــوّاة بـــحــر دمـــوع

كـــل مـــا شـــعـــر داق الحـــكي دوّر ع درب رجــــوع

اصـــلا معــــو حتـــــى الصمـــــت احلـــى من النســمه


وبيــــــــستـــــحــــي بعــــرف حبـــيــبي بيســـتحــي

وبعـــز لحظـــات الهـــــوى كـــل شــــي ع بـــالــو بيـــنــميحي

وبيــــــــستـــــحــــي بعــــرف حبـــيــبي بيســـتحــي

يـــــا ريـــت لــو بطـــفي القمـــر ت يـــحكــي ع العتــمي



كلمات سهام شعاع

الاغنية دي اول لما سمعتها اثرت فيا بشكل غريب قوي 

يمكن كنت ما بسمع غيرها مع ان الالبوم كله جامد قوي 

بس الاغنية دي بالذات تقريبا بتوصفني بشكل كبير 

حسيت ان اليسا بتكلمني انا 

شعور الخجل ده انا كتير حاولت اتخلص منه او اقلله شويه 

بس كل ما احس اني هبدأ اتغير الاقي نفسي برجع بسرعة 

واقول لا انا كده حلو 

حاسس انه صفة مميزة ليا اتعودت عليها 

من غيره هبقي واحد عادي جدا يمكن هبقي احسن من دلوقتي 

بس مش هبقي انا 

وانا عاجبني حالي كده 

اوك ؟؟؟؟


فاصل ونواصل 

........

انسان عادي

احكي يا شهرزاد



احم 
سلامو عليكو 

احكي يا شهرزاد
ده الفيلم اللي رجعت بيه مني زكي بعد غياب سنتين عن التمثيل 
الفيلم ده حصل عليه كلام كتير 
كلام حلو وكلام وحش فيه اللي شكر وقال يستاهل ان مني ترجع بيه 
وفيه اللي نقد الفيلم جامد عشان المشاهد اللي فيه 
صحيح وانا بتفرج كان فيه سؤال ملح عليا وبساله دايما 
"هو احمد حلمي كان فين "
بس انا مش هتكلم في الحتة دي خالص دي وجهة نظر مخرج 
وهو شايف ان الاسلوب ده هيوصل القضية 
لكن المشكلة بقي في القضية دي 
هي فين بقي القضية 
مني زكي معتقدة انها عملت انجاز ومهمة عظيمة لما اتكلمت عن المرأة
المستضعفة من الراجل الظالم في المجتمع الذكوري بتاعنا 
بس المشكلة بقي من وجهة نظري يعني 
ان المرأة دي اللي هي بتتكلم عليها مش موجودة دلوقتي 
حتي لو احنا مجتمع ذكوري يعني بيفضل الرجل 
بس اعتقد هو محترم المرأة بشكل كبير 
نيجي للفيلم بقي هي ناقشت 3 حالات وهي كانت الرابعة 
اول حالة " اماني " واحدة قابلت راجل غني اه بس بخيل 
عرض عليها عرض وهي ما قبلتش وده كان عادي 
ايه القضية في كده انا مش شايف بروبلم 
اما الحالة التانية هي اللي ممكن تأثر في المشاهد شويه 
وفعلا اثرت فيا 
بس حاسس انها جايه من فيلم عربي قديم 
شاب لعب بتلات بنات اخوات 
كل واحدة فيهم رسمت عليه وهو كمان رسم علي التلاتة 
حاسس في الحالة دي يا اما هما كانو عارفين وبيستهبلو 
يا اما هما كانو سذج لدرجة كبير 
وانا مش شايف ان فيه بنت ساذجة في الزمن اللي احنا فيه 
وبرضو مش شايف ان دي قضية عامة تهم المرأة
دي حالة انسانية 
اما الحالة التالتة هي اللي ممكن اتعاطف معاها شويه 
لانها ما غلطتش 
دي واحدة قابلت واحد نصاب وبقي وزير 
عادي انت في مصر 
وبرضو القضية دي ما تهمش المرأة بشكل خاص 
دي تهم المجتمع كله 
يعني مش قضية مرأة دي قضية مجتمع 

اما حالتها هي بقي واحد متغاظ من مراتو اللي شايف انها السبب 
في انه ميبقاش رئيس تحرير 
الاتنين ضربو بعض بس هو عشان جامد شويه هو اللي غلب 

في الاخر الخص الكلام ده في كلمتين 
ان الفيلم ما يستاهلش الضجة الكبيرة اللي اتعملت 
اه هو يستاهل من ناحية المشاهد اللي فيه 
انما القضية اللي بيناقشها مش قوية 
كانت ممكن تاخد حالة واحدة وتعمل عليها فيلم 
مكناش هنقول قضية مرأة بقي والكلام ده 
وكانت هتبقي حالة انسانية 

عموما  في الاخر انا بحيي احمد حلمي علي قوة تحمله 
عشان كنت فاكره غير كده هههههههه


فاصل ونكمل 

......

انسان عادي

03‏/03‏/2010

براءة قلبين

النهارده الاثنين 1 مارس 2010 الساعة 3.27 م

عمرو ومنة

 


احم 
سلامو عليكو 
دول يبقو من ولاد اخواتي 
عمرو ومنة 
هي الفكرة من الموضوع في ظاهرها بسيطة بس انا لما فكرت شويتين 
بصراحة حسيت انها صعبة قوي 
ندخل في الموضوع 
عمرو عنده 3 سنين ونص ومتة عندها 3 سنين 
هما ولاد عم اتربو مع بعض الفترة اللي فاتت 
يعني كانو يوميا بيشوفو بعض ويلعبو مع بعض 
بس من يومين بالظبط منة وباباها ومامتها سافرو السعودية 
جالهم شغل هناك وهيقعدو هناك 
المهم انا كنت متأكد ان عمرو طبعا هيتأثر لما يجي اول يوم وميلاقيش منة 
بس انا خاب ظني في اول يوم لانه جه وسال عليها زي كل يوم 
قالولو ده هي في مشوار مع مامتها فهو عادي خرج يلعب بره 
بس اللي حصل بعد كده بقي 
انه لما بيجي كل يوم بيسأل عليها فطبعا الرد الثابت بتاع المشوار ده
زهقه بقي ( هو كل يوم مشوار كل يوم مشوار ) 
وبدأ فعلا بقي يحس ان منة مش موجودة معاه
وبدأ برضو يدور عليها ولما زهق بقي يحاول يكلمها في التلفون 
يرفع سماعة التلفون ويفضل يلعب في الزراير شويه 
واقوله يابني مش هترد عليك يقولي لا هترد استني انت بس 
وبقيت حاسس انه فعلا الموضوع ده مأثر فيه بشكل كبير 
وعشان انا برضو خايب وبتأثر بسرعة 
ومن ناحية تانية البت منة وحشتني قوي 
وعلي فكرة دي اول مرة حد من اخواتي يسافر 
فخت قرار متهور وكلمتهم في التلفون عشان خاطر عمرو بيه 
وطبعا رصيدي خلص 
ههههههههههه
بس بجد موقف عمرو اثر فيا جامد 
وانا مش عارف ايه موقف منة هناك بس اكيد برضو متأثرة 

في الاخر احب اقول كلمتين 
لو كلامي ده اثر في حد منكو فيلريت يشحنلي باي حاجة
عشان اخوكو فقران اليومين دول 
ههههههههههههههه

يلا 

فاصل ونكمل 

.........

انسان عادي


01‏/03‏/2010

أفضل 100 حكمة عالمية وعصرية


  النهارده الاثنين 1 مارس 2010 الساعة 2.57 م

أفضل 100 حكمة عالمية وعصرية

1- أن تضيء شمعة صغيرة خير لك من أن تنفق عمرك تلعن الظلام
2- لا يحزنك إنك فشلت مادمت تحاول الوقوف على قدميك من جديد
3- كلما ازدادت ثقافة المرء ازداد بؤسه
4- سأل الممكن المستحيل : أين تقيم ؟ فأجابه في أحلام العاجز
5- إن بيتا يخلو من كتاب هو بيت بلا روح
6- ليس القوي من يكسب الحرب دائما وإنما الضعيف من يخسر السلام دائما
7- الألقاب ليست سوى وسام للحمقى والرجال العظام ليسوا بحاجة لغير اسمهم
8- من يحب الشجرة يحب أغصانها
9- نحن لا نحصل على السلام بالحرب وإنما بالتفاهم
10-إذا اختفى العدل من الأرض لم يعد لوجود الإنسان قيمة
11- ليست السعادة في أن تعمل دائما ماتريد بل في أن تريد ما تعمله
12- إن أسوأ ما يصيب الإنسان أن يكون بلا عمل أو حب
13- الحياء جمال في المرأة وفضيلة في الرجل
14- صديقك من يصارحك بأخطائك لا من يجملها ليكسب رضاءك
15-الصداقة بئر يزداد عمقا كلما أخذت منه
16- الابتسامة كلمة طيبة بغير حروف
17- لا تفكر في المفقود حتى لا تفقد الموجود
18- من قنع من الدنيا باليسير هان عليه كل عسير
19- الكلمة الطيبة جواز مرور إلى كل القلوب
20- إذا ازداد الغرور..نقص السرور
21- الضمير المطمئن خير وسادة للراحة
22- من يزرع المعروف يحصد الشكر
23- البستان الجميل لا يخلو من الأفاعي
24-العمر هو الشئ الوحيد الذي كلما زاد نقص
25- القلوب أوعية والشفاه أقفالها والألسن مفاتيحها فليحفظ كل إنسان مفتاح سره
26- الخبرة .. هي المشط الذي تعطيك إياه الحياة .. عندما تكون قد فقدتَ شعرك
27- المال خادمٌ جيد .. لكنه سيدٌ فاسد
28- عظَمة عقلك تخلق لك الحساد .. وعظَمة قلبك تخلق لك الأصدقاء
29- دقيقة الألم ساعة .. وساعة اللذة دقيقة
30- لا داعى للخوف من صوت الرصاص .. فالرصاصة التى تقتلك لن تسمع صوتها.
31- يستطيع الشيطان أن يكون ملاكاً . . والقزم عملاقاً . . والخفاش نسراً
والظلمات نوراً . . لكن أمام الحمقى والسذج فقط .
32- تتوقف السيدة عن توبيخ زوجها لكى ترد على التليفون.
33- مسكين زوجها أحب شعرها الطويل فوجد لسانها أطول.
34- إذا أردت أن تفهم حقيقة المرأة فانظر إليها وأنت مغمض العينين.
35- إذا كان لديك رغيفان فـكُل أحدهما واشتر بالأخر زهوراً.
36- من يقع فى خطأ فهو إنسان ومن يصر عليه فهو شيطان.
37- قوة السلسلة تقاس بقوة اضعف حلقاتها .
38- يستطيع الناس أن يعيشوا بلا هواء بضع دقائق وبلا ماء أسبوعين وبلا
طعام حوالى شهرين وبلا أفكار سنوات لا حصر لها.
39- نمضى النصف الأول من حياتنا بحثاً عن المال والنجاح والشهرة ونمضى
النصف الثانى منها بحثاً عن الأطباء.
40- من اشترى ما لا يحتاج إليه باع ما يحتاج إليه.
41- عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.
42- ينام عميقاً من لا يملك ما يخاف من فقدانه؟
43- الزواج يأتى بدون سابق إنذار كما تقع نقطة من الحبر الأسود على ملابس الإنسان.
44- لا يوجد رجل فاشل ولكن يوجد رجل بدأ من القاع وبقى فيه.
45- غالبا ما يضيع المال .. بحثاً عن المال.
46- لو امتنع الناس عن التحدث عن أنفسهم وتناوُل الغير بالسوء لأصيب الغالبية الكبرى من البشر بالبكم.
47- الطفل يلهو بالحياة صغيراً دون أن تعلم الحياة سوف تلعب به كبيراً.
48- رغباتنا هى كصغار الأطفال ، كلما تساهلنا معها اكثر زادت طلباتها منا؟
49- اختر كلامك قبل أن تتحدث وأعط للاختيار وقتاً كافياً لنضج الكلام فالكلمات
كالثمار تحتاج لوقت كاف حتى ننضج.
50- كن على حذر من الكريم إذا أهنته ومن اللئيم إذا أكرمته ومن العاقل إذا أحرجته ومن الأحمق إذا رحمته.
51- من السهل أن يحترمك الناس .. ولكن من الصعب أن تحترم نفسك.
52- يشعر بالسعادة من يغسل وجهه من الهموم ورأسه من المشاغل وجسده من الأوجاع.
53- كل مأذون له شارب طويل ولحية أطول ليخفى ابتسامة الشماتة
54- إذا بلغت القمة فوجه نظرك إلى السفح لترى من عاونك فى الصعود إليها
وانظر إلى السماء ليثبت الله أقدامك عليها.
55- من عاش بوجهين مات لا وجه له.
56- إذا استشارك عدوك فقدم له النصيحة ، لأنه بالاستشارة قد خرج من
معاداتك إلى موالاتك.
57- إذا كنت غنياً فتناول طعامك متى شئت .. وإذا كنت فقيراً فتناول طعامك
متى استطعت.
58- عندما يقول لك إنسان انه يحبك مثل أخيه تذكر قابيل وهابيل.
59- تكلم وأنت غاضب .. فستقول اعظم حديث تندم عليه طوال حياتك.
60- لا تجادل بليغاً ولا سفيهاً .. فالبليغ يغلبك والسفيه يؤذيك.
61- حسن الخلق يستر كثيراً من السيئات كما أن سوء الخلق يغطى كثيراً من
الحسنات.
62- الزواج أخذ وعطاء وهو يعطى وهى تأخذ..
63- الرجل التافه يحرمك من العزلة دون أن يوفر لك جلسة ممتعة.
64- قليل من العلم مع العمل به .. أنفع من كثير من العلم مع قلة العمل به ..
65- تعتقد بعض النساء أن الزواج هو الفرصة الوحيدة للانتقام من الرجل..
66- إذا تشاجر كلبان على غنيمة تكون من نصيب الذئب الذى يأتى على
صياحهما.
67- فى الزواج ليس هناك سوى يومين جميلين ، ويوم دخول القفص ويوم
الخروج منه.
68- الإنسان لا لحمه يؤكل .. ولا جلده يلبس .. فماذا فيه غير حلاوة اللسان..
69- الصحة هى الشىء الذى يجعلك تشعر بان اليوم الذى تعيشه . هو افضل
وقت فى السنة..
70- إذا كنت تخشى الوحدة فلا تتزوج.
71- فاتورة التليفون هى ابلغ دليل على أن الصمت أوفر بكثير من الكلام.
72- ليس الفقير من ملك القليل .. إنما الفقير من طلب الكثير
73- أولى لك أن تتألم لأجل الصدق .. من أن تكافأ لأجل الكذب.
74- لاشك أن الحياة كانت تبدو رائعة جميلة لو كنا نولد فى سن الثمانين
ونقترب على مر الأعوام من الثانية عشر
75- ليس السخاء بان تعطينى ما أنا فى حاجة إليه اكثر منك ، بل السخاء فى
أن تعطينى ما تحتاج إليه اكثر منى.
76- إذا أعطيت فقيراً سمكة تكون قد سددت جوعه ليوم واحد فقط .. أما إذا
علمته كيف يصطاد السمك تكون قد سددت جوعه طوال العمر
77- الكلب السعيد يهز ذيله المنافق يهز لسانه.
78-إذا قرر الرجل الزواج فقد يكون هذا أخر قرار يسمح له باتخاذه.
79- الإنسان الناجح هو الذى يغلق فمه قبل أن يغلق الناس آذانهم ويفتح أذنيه
قبل أن يفتح الناس أفواههم.
80-لا تدع لسانك يشارك عينيك عند انتقاد عيوب الآخرين فلا تنس انهم مثلك
لهم عيون والسن.
81- من ركب الحق غلب الخلق
82- لا يباع الحطب قبل قطعه ولا يباع السمك في البحيرة
83- عندما يمشي الكسل في الطريق فلابد أن يلحق به الفقر
84- أموت محبوبا خير لي من أن أعيش مكروها
85- إذا أردت أن تحتفظ بصديق فكن أنت أولا صديق
86- كن مستمعا جيدا لتكن متحدثا لبقا
87- لا يعرف ثقب الجورب إلا الحذاء
88- الشجرة العاقر لا يقذها أحد بحجر
89- أسهل كثيرا أن يصدق الإنسان كذبة سمعها
ألف مرة من أن يصدق حقيقة لم يسمعها من قبل
90- لا شئ أشجع من الحصان الأعمى
91-احترس من الباب الذي له مفاتيح كثيرة
92- لو أعطيت الأحمق خنجرا أصبحت قاتلا
93- ليس مهم أن تحب المهم من تحب
94- ما أسهل أن تكون عاقلا . . بعد فوات الآوان
95- كل الظلام الذي في الدنيا لا يستطيع أن يخفي ضوء شمعة مضيئة
96- خير لك أن تسأل مرتين من أن تخطأ مرة واحدة
97- من أذنب وهو يضحك دخل النار وهو يبكي
98- يكفي أن تظهر السوط  للكلب المضروب
99- الريش الجميل ليس كافيا ليصنع طائرا جميلا
100- يسخر من الجروح كل من لا يعرف الألم

احم 
سلامو عليكو 
الكلام ده منقول بس عجبني 

فاصل ونكمل 
.......
انسان عادي

30‏/03‏/2010

كمان مرة


النهارده التلات 30 مارس 2010 الساعة 7.22 م 




هقولهالك كمان مرة


هقولهالك كمان مرة عشان ماتجيش وتسألني

انا مش بحبك بالمرة وقلبك مش بيشغلني

ولا فرحان وانا وياك ولا بعدك بيقتلني

بلاش بقي تمشي تتكلم تقول اني بدوب وياك

وقلبك لما بيسلم بتوه من فرحتي بلقاك

صحيح انا كنت برتاحلك لكن مش صحيح بهواك


هواك طيب لكن قلبي ماعمروش شاف غرامو فيك

وقفت كتير صحيح جنبي وكان خوفك عليه ماليك

لكن ارجوك بقي افهمني ماحستشي في يوم بعنيك 

طول ما انت هنا قصادي بشوفك اخ ولا صديق

احساسي بيك احساس عادي احساسي بيك ده بيبقي برئ 
 
بحس فيك انسان طيب وحد الجأله وقت الضيق


احم احم 
سلامو عليكو 

انا دايما لما بكتب اغنيه بتبقي نابعة من احساس جوايا او موقف حصلي يعني بتكون حاجة انا متصدقة قوي بس اوقات بقي بكتب اغنية برد فيها علي نفسي او بمعني اصح بفوّق نفسي من وهم انا عايش فيه والاغنية دي من النوع ده وانا اوقات كتير( ويمكن في ناس تانية كمان برضو ) بقع في وهم الحب بسرعة وقولت وهم عشان مش بيكون حب حقيقي يعني ممكن لو واحدة عاملتني باهتمام شويه او اتكلمت معايا بصراحة اكتر وفتحتلي قلبها لو حكيتلي مثلا عن حياتها ممكن بسرعة اعتقد انها بتحبني او في الطريق ده يعني وده مش بيبقي صح دايما او غالبا وده يمكن سببه ان جه عليه وقت او فترة كبيرة كنت محتاج اني اعيش حالة الحب دي قوي كنت محتاج لحد يكون جنبي دايما يسأل عليه ويهتم انه يعرف اخباري يزعل لو ازعل ويفرح لما افرح فلما بلاقي حد قدامي بيعمل اي حاجة من دي بحس ان هو ده اللي انا مستنيه وهو ده اللي انا عايزه وابدأ بقي اني اعيش في الوهم لحد ما اخد الصدمة التمام وارجع افوق تاني وعلي كده بقي فهنا بقي انا حبيت اجسد شخصيه قصادي تقولي لا انا مش بحبك مش عشان اتكلمنا شويه يبقي حب لا ده مش صحيح فوق بقي شويه
وبصراحة انا قولت اعرف نفسي الحقيقة بنفسي احسن ما تيجي من بره ههههههههه

علي فكرة 
انا مكنتش ناوي اكتب في المدونة دي حاجة من الاغاني اللي انا  كتبتها لاني كنت ناوي ابطل كتابة الاغاني دي اصلا عشان تعبت منها 
بس الظاهر اني مش هقدر
يلا معلش 

فاصل وتكمل 

.........

انسان عادي

29‏/03‏/2010

انسان آالي .... قصدي عادي


النهارده الاتنين 29 مارس 2010 الساعة 2.55 م 

احم احم 
سلامو عليكو 

احنا عارفين طبعا يعني ايه انسان آلي 
يعني ماكينة متبرمجة بشكل معين لتنفيذ مهام معينة 
ومش ممكن تعمل حاجة مش موجودة في البرنامج بتاعها 
بالاضافة ان الريبوت ده او الانسان الآلي بيشتغل بالطاقة 
يعني مش بياكل عشان يعيش 
هو عادة بيكون بيشتغل بالطاقة الكهربية 

المهم بقي اللي انا عايز اقوله 
ان انا حسيت في الفترة الاخيرة دي اني بقيت عامل زي الريبوت ده
يعني مثلا بقي  البرنامج اليومي بتاعي تقريبا شبه ثابت 
مفيش حاجة جديدة بتحصل 
وبرضو كمان بقيت بحس اني بشتغل بالكهربا 
يعني الكهربا موجودة تلاقيني نشيط 
يا اما بعمل حاجة ع الكمبيوتر او بتفرج علي برنامج في التلفزيون 
انما بقي لو الكهربا اتقطعت مثلا تلاقيني زي الريبوت لما تفصل عنه الكهربا  بالظبط
يا اما نايم او قاعد كده مش بعمل اي حاجة 
ولا حتي بفكر في شئ 
فعلا الحياة بتقف بالنسبة لي لما الكهربا بتقطع
انا مش عارف الحكاية دي معايا انا بس ولا هي حالة عامة في الشباب 
يمكن عشان بقينا نعتمد علي الكهربا بشكل كبير قوي 
وفي كل حاجة في حياتنا 

مثلا لو الكهربا دي اتقطعت كام يوم ممكن يحصل ايه 
طب لو احنا كنا عشنا في الزمن اللي مفيهوش كهربا 
كنا هنعيش ازاي 

انا مش عارف 

علي فكرة برضو بدأ النت بالنسبة لي ياخد اهمية الكهربا 
يعني لو فيه كهربا ومفيش نت الدنيا بتبقي رخمة برضو 

انا بضايق قوي لما اكون بعتمد علي حاجة واحدة بشكل اساسي 
وبالذات لما تكون الحاجة دي مش في ايدي 
او مش بعرف اسيطر عليها 

نفسي مبقاش كده 
حد عنده حل ؟؟؟؟؟؟؟

انسان آلي 

.........

فاصل ونكمل

27‏/03‏/2010

اللي طلع قدام يبعت .... لو سمحت

النهارده السبت 27 مارس 2010 الساعة 1.02 ص




وحياتك يا استاذ تطلع شويه قدام ايون انت 
هو المكان ده فيه سكر يعني 
اطلع قدام الناس هتقع ع الباب 
ايوه اللي طلع قاد يبعت 
وحاسب ورا كعب عالي 
...........

احم احم 
سلامو عليكو 

طبعا الكلام ده يلزمه موسيقي تصويرة مكونة من 
رغي البني ادمين وكلاكسات العربيات بالاضافة الي 
صوت اجزاء الاتوبيس اللي بتخبط في بعضها مع كل مطب 
او حتي من غير مطبات كفاية انه ماشي في شوارع مصر المحروسة 
طبعا بطل اللقطة دي هو كمسري الاتوبيس 
وهو بيرص الطوب .....
قصدي بينظم الركاب عشان علبة السردين او الاتوبيس يعني 
يبقي فل " وفل هنا مش زهرة الفل الفل ده يعني full" 
احم احم ثقافة بقي 

الهدف بقي من اللقطة دي ايه ؟؟؟؟؟
سيبك من احتقاري لنفسي واحساسي ان انا مش بني ادم 
وانا موجود جوه علبة السردين دي 
وسيبك من الوقت الخرافي اللي بيروح وانا جوه العلبة 
انا عاوزك تركز مع البطل الكمسري 
والمجهود الجبار اللي الراجل ده بيعمله عشان يلم الاجرة من الركاب 
وازاي مفيش بني ادم يقدر يزوغ منه في وسط الهيصة دي 
وازاي بيقدر يستحمل الدوشة والزحمة والحر والخنقة 
وكل الهموم اللي كل المصريين فيها 
جمع كل ده في دماغك 
طب لو الكمسري ده كمسريه (يعني لو واحدة ست اشتغلت كمسري )
والله انا لحد دلوقتي مشفتهاش 
هي صحيح الست اشتغلت حاجات كتير مكناش متخيلنها فيها 
زي سواق تاكسي وسواق نقل تقيل 
وحاجات تانية كتير
لكن معرفش ليه وقفت قدام الكمسري ده ومقدرتش اتخيلها 
اعتقد انه صعب ان مكنش مستحيل 
تفتكر لو ده حصل هيبقي الوضع ازاي 
وياتري الاتوبيسات هتفضل بالزحام ده ؟؟؟؟؟
ولا الزحام هيقل ؟؟؟
انا عن نفسي اعتقد انه هيزيد 
دانا هحب الاتوبيسات قوي 
ههههههههههههه

فاصل ونكمل 

.....

انسان عادي 
من علية السردين

26‏/03‏/2010

في حضرة المحبوب





في حضرة المحبوب
ينطق باسمه الحجر ومفيش نبى زيه
الشمس ويّا القمر اتخلقوا من ضَيه
اه ياامنه لما اتولد جبريل نزل سَماه
الله واحد احد صلى علية فى سماه
فى حضرة المحبوب احمد رسول الله
الروح في نور بتدوب وعليك سلام الله
رب الحرم والبيت انا توبت مش ندمان
عشمان فى اهل البيت فى المصطفى العدنان
---
فى الحلم لما بكيت طبطب على كتفى
بتوضى لما صحيت بـدموعوا فى كفى
فى كل جرح دواء وربنا الشافى
ومافيش ضامن لرضاة لو قلبى مش صافى
عشمي فى نظرة رضا والنور عليا يبان
نور النبى اللى اهتدى بالرحمة من الحناء
باب الشفاعة اتفتح وباذن من الرحمن
وانا حالى لما اتصلح جالى الرسول فرحان



احم احم

سلامو عليكو

الاغنية دي بالنسبالي حاجة تانية

بسمعها بحس براحة كبيرة

عليه افضل الصلاة والسلام


فاصل ونكمل


.....


انسان عادي

22‏/03‏/2010

محاولات لقتل امرأة لا تقتل

النهارده الاتنين 22 مارس 2010 الساعة 10.56 م



قصيدة محاولات لقتل امرأة لا تقتل

 نزار قباني


وعدتك ان لا احبك

ثم امام القرار الكبير جبنت

وعدت ان لا اعود

وعدت

وان لا أموت اشتياقا

ومت

وعدت مرارا

وقررت أن أستقيل مرارا

ولا أتذكر أني استقلت

وعدت بأشياء اكبر مني

فماذا غدا ستقول الجرائد عني؟

أكيد ستكتب أني انتحرت

وعدتك

أن لا أكون ضعيفا وكنت

أن لا أقول بعينيك شعرا

وقلت

 وعدت بأن لا

وان لا

وان لا

وحين اكتشفت غبائي

ضحكت

وعدتك

أن لا أبالي بشعرك حين يمر أمامي

وحين تدفق الليل فوق الرديف

صرخت

وعدتك بأن أتجاهل عينيك مهما دعاني الحنين

وحين رأيتهما تمطران نجوما

شهقت

وعدت

أن لا أوجه أي رسالة حب إليك

 ولكنني رغم انفي كتبت

وعدتك

أن لا أكون بأي مكان تكونين فيه

وحين عرفت بأنك مدعوة للعشاء

ذهبت

وعدتك أن لا احبك

كيف؟

وأين؟

وفي أي يوم تراني وعدت؟

لقد كنت اكذب من شدة الصدق

والحمد لله أني كذبت

وعدت

بكل برود وكل غباء

بإحراق كل الجسور ورائي

وقررت بالسر قتل جميع النساء

وأعلنت حربي عليك

وحين رفعت السلاح علي نهديك

انهزمت

وحين رأيت يديك المسالمتين

اختلجت

وعدت بأن لا

وان لا

وان لا

وكانت جميع وعودي

دخانا وبعثرته في الهواء

وعدتك

ان لا اتلفن ليلا اليك

وان لا افكر فيك اذا تمرضين

وان لا اخاف عليك وان لا اقدم وردا

وان لا ابوس يديك

وتلفنت ليلا علي الرغم مني

وراسلت وردا علي الرغم مني

وبستك من بين عينيك حتي شبعت

وعدتك بأن لا

وان لا

وان لا

وحين اكتشفت غبائي ضحكت

وعدت

بأن اذبحك خمسين مرة

وحين رأيت الدماء تغطي ثيابي

تأكدت اني الذي قد ذبحت

فلا تأخذيني علي محمل الجد

مهما غضبت ومهما انفعلت

ومهما اشتعلت ومهما انطفأت

لقد كنت اكذب من شدة الصدق

والحمد لله اني كذبت

وعدت ان احسم الامر فورا

وحين رأيت الدموع تهرهر من مقلتيك ارتبكت

وحين رأيت الحقائب في الارض

ادركت انك لا تقتلين بهذي السهولة

فانت البلاد وانتي القبيلة

وانتي القصيدة قبل التكون

انت الدفاتر

انت المشاوير

انت الطفولة

وانت تشيد الاناشيد

انت المزامير

انت المضيئة

انت الرسولة

وعدت

بالغاء عينيك من دفتر ذكرياتي

ولم أك اعلم اني سألغي حياتي

ولم أك اعلم انك

رغم الخلاف الصغير انا

واني انت

وعدتك ان لا احبك

ياللحماقة

ماذا بنفسي فعلت؟

لقد كنت اكذب من شدة الصدق

ولأحمد الله اني كذبت

وعدت

ان لا اكون هنا بعد خمس دقائق

ولكن الي اين اذهب؟

ان الشوارع مغسولة بالمطر

الي اين ادخل؟

ان مقاهي المدينة مسكونة بالضجر

الي اين ابحر وحدي؟

وانت البحار

وانت القلوع

وانت السفر

فهل ممكن

ان اظل لعشر دقائق اخري

لحين انقطاع المطر؟

اكيد بأني سأرحل بعد رحيل الغيوم

وبعد هدوء الرياح

والا

سأنزل ضيفا عليك

اني ان يجيء الصباح

وعدتك

ان لا احبك مثل المجانين في المرة الثانية

وان لا اهاجم مثل العصافير

اشجار تفاحك العالي

وان لا امشط شعرك حين تنامين

ياقطتي الغالية

وعدتك ان لا اضيع بقية عقلي

اذا ما سقطت علي جسدي نجمة حافية

وعدت بكبح جماح جنوني

ويسعدني انني لا ازال

شديد التطرف حين احب

تماما كما كنت المرة الماضية

وعدتك ان لا اطارحك الحب طيلة عام

وان لا اخبيء وجهي

بغابات شعرك طيلة عام

وان لا اصيد المحار بشطآن عينيك طيلة عام

فكيف اقول كلاما سخيفا كهذا الكلام؟

وعينا داري ودار السلام

وكيف سمحت لنفسي بجرح شعور الرخام

وبيني وبينك خبز وملح

وسكب نبيذ وشدو حمام

وانت البداية في كل شيء

ومسك الختام

وعدت

ان لا اعود وعدت

وان لا اموت اشتياقا

ومت

وعدت بأشياء اكبر مني

فماذا بنفسي فعلت؟

لقد كنت اذكب من شدة الصدق

والحمد لله اني كذبت


احم

سلامو عليكو


فاصل ونكمل


انسان عادي

محدش فاهم حاجة

النهارده الاتنين 22 مارس 2010 الساعة 11.52 ص 



احم 
سلامو عليكو 
انا بقالي كتير قوي حاجات بتيجي في دماغي وعايز اكتب عنها 
بس حاسس اني مش عارف اكتب 
الكلام بيروح مني وحاسس اني مش مركز 
حاسس بحالة توهان غريبة مش عارف ليه 
بقيت بحس اني مش عايز اعمل اي حاجة 
او مكسل اعمل اي حاجة 
بقيت بنام وبعدين اصحي اقعد ع النت واتفرج علي اي حاجة مثلا 
حتي بقيت اكسل ارد علي اي حد
يمكن ده كتر القعدة في البيت بما اني بروح الكلية يومين 
في الاسبوع وبقعد في بيتنا خمس ايام 
حصلي حالة كده مش عارف هي ايه 
اصل انا من النوع اللي هو لما بيقد في البيت بقعد  ومش بخرج خالص 
الا مثلا للصلاة او للظروف الجامدة بقي 
ولما بخرج من البيت ببقي برة علي طول 
يعني يا كده يا كده 
المهم مش مهم والضروري مش ضروري 
والبوست كله ملهوش لازمة 
انا بس كتيت اي كلام عشان اكسر الحالة دي 
واشوف مخي لسه شغال ولا عطل من الركنة 
ههههههههه

يلا 
فاصل ونكمل 
...............

انسان عادي

11‏/03‏/2010

الشيخ محمد سيد طنطاوي

النهارده الخميس 11 مارس 2010 الساعة 5.08 م 

احم 
سلامو عليكو 

امبارح لما صحيت كالعادة اول حاجة عملتها اني فتحت الكمبيوتر 
وكالعادة برضو دخلت علي الفيس بوك 
ولقيت اول خبر قابلني هو وفاة شيخ الازهر 
بصراحة اتفجأت وقولت اتأكد برضو يمكن اشاعة 
خرجت قلبت في التلفزيون شويه اني الاقي مثلا قناة مصرية 
جايبة قرآن ولا نعي ولا اي حاجة 
ابدا ملقتش 
ولا قناة جايبة سيره 
رجعت للنت تاني لقيت الخبر زاد بقي وكل الناس والمواقع اكدته 
بصراحة برغم ان ساعات كنت بحس ان الشيخ طنطاوي الله يرحمه 
مكنش هو شخصية شيخ الازهر اللي في دماغي 
يمكن مكنش قوي بما فيه الكفاية 
او مش واخد برستيجه المطلوب 
انا كنت بتخيل كده ان شيخ الازهر ده لازم يكون صح 
وكل الناس تتفق علي رأيه وقراراته 
او علي الاقل معظم الناس 
انما في الفترة الاخيرة لاقيت ناس كتير ليهم قدر كبير من العلم يعني 
بيعترضو علي كلامه او بيقولو اراء مخالفة ليه يعني 
طبعا انا مش بنكر ان هو عنده علم كبير 
لكنه مكنش مستخدم سلطته بما فيه الكفاية 
المهم انا الي زعلني بقي 
انه بغض النظر عن شخصية شيخ الازهر 
مخدش حقه او ما اتكرمش كفاية بما يتناسب مع مكانته 
انا قلت هلاقيهم بدل ما بيذيعو اغاني وافلام ومسلسلات طول النهار 
هيعملو حداد تلات ايام ولا حاجة 
مش اخرتها دقيقة حداد في ماتش كورة 
بجد حاجة تزعل 
ده القنوات كلها ايام وفاة محمد علاء مبارك قفلت تلات ايام 
ومبقتش تجيب غير قرآن 
علي الاقل نحترم بعض قدام الناس 
عشان محدش يضحك علينا 


فاصل ونواصل 
........

انسان عادي

10‏/03‏/2010

انا مش مصدق

النهارده الاربعاء 10 مارس 2010 الساعة 4.13 م 



احم
سلامو عليكو

انا بقالي كتير جدا تقريبا 8 سنين بكتب شعر غنائي 
واحيانا شعر عامي واحيانا اقل قصص 
وعادي زي ناس كتير ببقي نفسي الناس تشوف اعمالي 
وتعلق عليها لكن بمرور الوقت بدأ الامل ده يروح 
وخلاص بقيت اكتب لما احس اني مضايق قوي 
او لما احس اني عايز اقول حاجة لحد ومش طايله 
ومبقاش يفرق قوي حد يسمعني او لا 
بكتب لنفسي يعني 
المهم انا فترة مش بعيدة يعني اصبحت متابع لمجلة بحلقة 
وفهمت منهم ان ممكن اي حد يكتب معاهم فبعتلهم حاجات من عندي 
اول حاجة بعت لهم قصيدة قوية جدا من وجهة نظري يعني 
وعادي وزي مانا متوقع مفيش حاجة اتنشرت 
وعشان انا مبقاش يهمني  وبقيت اكتب لنفسي 
بعت تاني  
مش رخامة مني بس بعت وخلاص 
واتفجأت المرة دي انها اتنشرت 
يمكن الموضوع اللي انا كتبته مكنش مبدع يعني ولا حاجة 
بس احساس انك فجأة لقيت حد ممكن يسمعك 
بعد فترة يأس كبيرة جدا فرق معايا كتييييير 
الموضوع اللي انا كتبته اسمه عاشق انا
وانا كنت بحكي فيه يعني قصة واحد نفسه يحب 
بجد بس حظه مش حلو يعني 
طبعا بطريقة كوميدية شويه 

في الاخر احب اقول شكرا لبحلقة 
وكل التيم بتاعها واتمني لهم التوفيق 


فاصل ونواصل 

.........

انسان عادي

07‏/03‏/2010

نتيجتك علي تلفونك

النهارده الاحد 7 مارس 2010 الساعة   8.43 م

احم 
سلامو عليكو 

بعد ما كنت بتريق علي الناس اللي بتتصل بـ 0900 
والمسابقات والكلام الفاضي 
لف الزمن واتعملت فيا بس غصب واقتدار بقي 
طبعا عشان التكنولوجيا ملت حياتنا وبقينا عايشين عليها 
قررت جامعة بنها ومن ضمنها طبعا كليتي العزيزة هندسة شبرا 
انها تطبق التكنولوجيا علينا وال ايه 
اتصل بزيرو تسعميه عشان تجيب النتيجة 
وطبعا لاني مقاطع لمثل هذه الحاجات اللي ملهاش لازمة 
قلت مش هتصل ولو حتي اتشقلبو وخلاص خدت قراري 
وهستني لما يعلقوها 
وفي نفس اليوم وانا قاعد ع الفيس بوك لاقيت واحد من كليتي 
بيقول انه جاب النتيجة 
انا لقيت قلبي بيدق بسرعة وحالة القلق اشتغلت 
وبصيت لنفسي كده بكسوف وقلت " هتنزل المرة دي "
ما حبكتش يعني  مش ناقصة تقفيل 
المهم خدت قراري اني هتصل خلاص واشوف النتيجة 
اتصلت لقيت الست بتقولي مرحبا بك في جامعة بنها 
وال ايه هتعدلي الكليات من الاول للاخر وانا اختار 
انا قلت مفيش مشاكل 
وبالفعل اخترت 
ودخلت الكلية 
لقيتها هتعد تاني الدفعات اعدادي - اولي - تانية .......الخ 
طبعا وانا علي اعصابي 
قلت ومالو ووصلت رابعة واخترت 
وللمرة التالتة هتعد الاقسام عشان اختار القسم بتاعي 
واخترته 
وفي كل ده انا عمال ادعي علي الست الرزلة دي 
اللي عمالة تموطح فيا 
وللمرة الرابعة كمان قايمة اختيارات للتخصص جوه القسم 
وانا هعيط وانا قاعد
خلصي بقي 
واخيرا قالتلي ادخل رقم جلوسك 
لقيت دقات قلبي زادت قوي وبقيت اقول ربنا يستر 
دخلت رقم الجلوس وانا ايدي بتترعش 
وفي الاخر بقي خلاص هعرف النتيجة 
الوليه بنت التييييييييييييت تقولي نتيجتك لم تظهر بعد 
كنت عايز اخنقها بجد بقي 
وقالتلي دخل رقم موبايلك عشان نبعتلك النتيجة عليه 

اللي لفت نظري بجد في الليلة دي 
ان دايما انا بكون في الاخر 
يعني كليتي كانت في الاخر الكليات 
قلت يمكن عشان بعيدة عن الجامعة
وانا في الفرقة الرابعة يعني اخر حاجة 
وقسم ميكانيكا قالته اخر قسم او قبل الاخر تقريبا 
حتي لما بقي الاختيار من اتنين بس في التخصص 
كنت انا الاختيار التاني برضو 
كنت حاسس ان هما قاصدين يعذبوني انا بالذات 

عموما نفسي في طلب واحد بس منكم 
ياريت اللي يقرا الموضوع ده ولو عن طريق الخطا 
يدعيلي انجح عشان اخلص بقي 
عشان بجد زهقت 

فاصل ونكمل 

......

انسان عادي

06‏/03‏/2010

عظيمة يا مصر

النهارده السبت 6 مارس 2010 الساعة 11.00 م 


 
عظيمة يا مصر 

عظيمة يا مصر يا ارض الهرم 
يا ارض العزايم وارض الهمم 
يا ارض الجدود .. النيل والسدود 
يا ارض الجوامع 
يا ارض الكنايس 
يا ارض المعابد 
...
..
.
يا ارض الالم 

***

يا ارض الفراعنة وارض الحضارة 
يا اكبر تاريخ يا اعظم منارة 
يا حلمي اللي كان .. يا امن وامان 
يا ارض العناد 
يا احلي البلاد 
ليه الظلم زاد 
والحق انعدم 

***

يا ارضي وبيتي في كل الحالات 
يا فرشي وغطايا حياة او ممات 
يا ست الحبايب  .. ليه العدل غايب 
وايه اللي فيكي
ما اصبحش فيكي 
وانتي كان ماليكي 
يا مصر النعم 

***

ليه بقينا دايما تجارة للكبار 
ليه بقت جنانك بالنسبة لينا نار 
ليه دا احنا ولادك .. وهما كمان ولادك 
يا امه تصدقي 
بقيتي تفرقي 
وتدوسي وتحرقي 
ولا همك الالم 

***

بقيتي ليه تسيبينا في الدنيا حيرانين 
لا همك اللي فينا ولافارقة احنا فين 
ولا حتي شاغلة بالك .. مين في الشدة شالك 
ومين اللي بيسرق 
ومين اللي بيغرق 
ومين كان يوم يصدق 
يموت فيكي الحنين 

***

ادي حبة من ولادك ماتو محروقين 
وادي حبه من ولادك ماتو مخنوقين 
وادي حبة ناس كمان .. لا ماتو ولا عايشين 
ليه عايزة النهارده 
نكون بنموت ونرضي 
اوعي تكوني قاصدة 
نعيش متعذبين 

***

سكتنا كتير وقلنا ده نصيبنا وده قدر 
وبكرة الحال هيحلي ونعيش زي البشر 
لكن ده كل يوم .. بتزيد فينا الهموم 
بنعيش والحزن فينا 
وننام والخوف مالينا 
يا مصر حسي بينا 
بصلنا بنص عين 


يا مصر حسي بينا بصلنا بنص عين 


احم احم 
سلامو عليكو
معلش مش هعرف اتكلم 
انا بس عايز اقول ان دي من كلماتي القليلة قوي 
اللي كتبتها من غير ما افكر
حاسسها بطريقة وحشة قوي 
ومش هبالغ لما اقول كل ما اقراها ببكي


فاصل وتكمل 

.....

انسان عادي

04‏/03‏/2010

وبيستحي


النهارده الخميس 4 مارس 2010 الساعة 11.00



وبيـــســـتـــحـي

واقـــف حبــيــبي مــــن الخـــجــل ع حفّـــة البســـمــه

كــــل مــا اجى يــحــكي غـــزل بيــضيّـع الكـــلمــه

وبيــــــــستـــحــــي بعــــرف حبـــيــبي بيســـتحــي

وبعـــز لحظـــات الهـــــوى كـــل شــــي ع بـــالــو بيـــنــميحي

وبيــــــــستـــــحــــي بعــــرف حبـــيــبي بيســـتحــي

يـــــا ريـــت لــو بطـــفي القمـــر ت يـــحكــي ع العتــمي

حطـــيـــت حـــالــي مطــرحــو ت يــحط حالـــو مطرحــي

بـــركي قــدر مــره ســرق شـــي كلــــمــه عـــن تــمّــي

يـــــا ريــــت لو بطـــفي القــــمر … يـــــا ريــــت لو بطـــفي القــــمر

يـــــا ريــــت لو بطـــفي القــــمر

ت يحـــــكــي ع العـــتـــمــه

وبـــحــــس لـــمـــا بــيــرتــبــك بيـــغيــّر الموضــــوع

بيـــغـــرق بــموجــة ضحـــك جــوّاة بـــحــر دمـــوع

كـــل مـــا شـــعـــر داق الحـــكي دوّر ع درب رجــــوع

اصـــلا معــــو حتـــــى الصمـــــت احلـــى من النســمه


وبيــــــــستـــــحــــي بعــــرف حبـــيــبي بيســـتحــي

وبعـــز لحظـــات الهـــــوى كـــل شــــي ع بـــالــو بيـــنــميحي

وبيــــــــستـــــحــــي بعــــرف حبـــيــبي بيســـتحــي

يـــــا ريـــت لــو بطـــفي القمـــر ت يـــحكــي ع العتــمي



كلمات سهام شعاع

الاغنية دي اول لما سمعتها اثرت فيا بشكل غريب قوي 

يمكن كنت ما بسمع غيرها مع ان الالبوم كله جامد قوي 

بس الاغنية دي بالذات تقريبا بتوصفني بشكل كبير 

حسيت ان اليسا بتكلمني انا 

شعور الخجل ده انا كتير حاولت اتخلص منه او اقلله شويه 

بس كل ما احس اني هبدأ اتغير الاقي نفسي برجع بسرعة 

واقول لا انا كده حلو 

حاسس انه صفة مميزة ليا اتعودت عليها 

من غيره هبقي واحد عادي جدا يمكن هبقي احسن من دلوقتي 

بس مش هبقي انا 

وانا عاجبني حالي كده 

اوك ؟؟؟؟


فاصل ونواصل 

........

انسان عادي

احكي يا شهرزاد



احم 
سلامو عليكو 

احكي يا شهرزاد
ده الفيلم اللي رجعت بيه مني زكي بعد غياب سنتين عن التمثيل 
الفيلم ده حصل عليه كلام كتير 
كلام حلو وكلام وحش فيه اللي شكر وقال يستاهل ان مني ترجع بيه 
وفيه اللي نقد الفيلم جامد عشان المشاهد اللي فيه 
صحيح وانا بتفرج كان فيه سؤال ملح عليا وبساله دايما 
"هو احمد حلمي كان فين "
بس انا مش هتكلم في الحتة دي خالص دي وجهة نظر مخرج 
وهو شايف ان الاسلوب ده هيوصل القضية 
لكن المشكلة بقي في القضية دي 
هي فين بقي القضية 
مني زكي معتقدة انها عملت انجاز ومهمة عظيمة لما اتكلمت عن المرأة
المستضعفة من الراجل الظالم في المجتمع الذكوري بتاعنا 
بس المشكلة بقي من وجهة نظري يعني 
ان المرأة دي اللي هي بتتكلم عليها مش موجودة دلوقتي 
حتي لو احنا مجتمع ذكوري يعني بيفضل الرجل 
بس اعتقد هو محترم المرأة بشكل كبير 
نيجي للفيلم بقي هي ناقشت 3 حالات وهي كانت الرابعة 
اول حالة " اماني " واحدة قابلت راجل غني اه بس بخيل 
عرض عليها عرض وهي ما قبلتش وده كان عادي 
ايه القضية في كده انا مش شايف بروبلم 
اما الحالة التانية هي اللي ممكن تأثر في المشاهد شويه 
وفعلا اثرت فيا 
بس حاسس انها جايه من فيلم عربي قديم 
شاب لعب بتلات بنات اخوات 
كل واحدة فيهم رسمت عليه وهو كمان رسم علي التلاتة 
حاسس في الحالة دي يا اما هما كانو عارفين وبيستهبلو 
يا اما هما كانو سذج لدرجة كبير 
وانا مش شايف ان فيه بنت ساذجة في الزمن اللي احنا فيه 
وبرضو مش شايف ان دي قضية عامة تهم المرأة
دي حالة انسانية 
اما الحالة التالتة هي اللي ممكن اتعاطف معاها شويه 
لانها ما غلطتش 
دي واحدة قابلت واحد نصاب وبقي وزير 
عادي انت في مصر 
وبرضو القضية دي ما تهمش المرأة بشكل خاص 
دي تهم المجتمع كله 
يعني مش قضية مرأة دي قضية مجتمع 

اما حالتها هي بقي واحد متغاظ من مراتو اللي شايف انها السبب 
في انه ميبقاش رئيس تحرير 
الاتنين ضربو بعض بس هو عشان جامد شويه هو اللي غلب 

في الاخر الخص الكلام ده في كلمتين 
ان الفيلم ما يستاهلش الضجة الكبيرة اللي اتعملت 
اه هو يستاهل من ناحية المشاهد اللي فيه 
انما القضية اللي بيناقشها مش قوية 
كانت ممكن تاخد حالة واحدة وتعمل عليها فيلم 
مكناش هنقول قضية مرأة بقي والكلام ده 
وكانت هتبقي حالة انسانية 

عموما  في الاخر انا بحيي احمد حلمي علي قوة تحمله 
عشان كنت فاكره غير كده هههههههه


فاصل ونكمل 

......

انسان عادي

03‏/03‏/2010

براءة قلبين

النهارده الاثنين 1 مارس 2010 الساعة 3.27 م

عمرو ومنة

 


احم 
سلامو عليكو 
دول يبقو من ولاد اخواتي 
عمرو ومنة 
هي الفكرة من الموضوع في ظاهرها بسيطة بس انا لما فكرت شويتين 
بصراحة حسيت انها صعبة قوي 
ندخل في الموضوع 
عمرو عنده 3 سنين ونص ومتة عندها 3 سنين 
هما ولاد عم اتربو مع بعض الفترة اللي فاتت 
يعني كانو يوميا بيشوفو بعض ويلعبو مع بعض 
بس من يومين بالظبط منة وباباها ومامتها سافرو السعودية 
جالهم شغل هناك وهيقعدو هناك 
المهم انا كنت متأكد ان عمرو طبعا هيتأثر لما يجي اول يوم وميلاقيش منة 
بس انا خاب ظني في اول يوم لانه جه وسال عليها زي كل يوم 
قالولو ده هي في مشوار مع مامتها فهو عادي خرج يلعب بره 
بس اللي حصل بعد كده بقي 
انه لما بيجي كل يوم بيسأل عليها فطبعا الرد الثابت بتاع المشوار ده
زهقه بقي ( هو كل يوم مشوار كل يوم مشوار ) 
وبدأ فعلا بقي يحس ان منة مش موجودة معاه
وبدأ برضو يدور عليها ولما زهق بقي يحاول يكلمها في التلفون 
يرفع سماعة التلفون ويفضل يلعب في الزراير شويه 
واقوله يابني مش هترد عليك يقولي لا هترد استني انت بس 
وبقيت حاسس انه فعلا الموضوع ده مأثر فيه بشكل كبير 
وعشان انا برضو خايب وبتأثر بسرعة 
ومن ناحية تانية البت منة وحشتني قوي 
وعلي فكرة دي اول مرة حد من اخواتي يسافر 
فخت قرار متهور وكلمتهم في التلفون عشان خاطر عمرو بيه 
وطبعا رصيدي خلص 
ههههههههههه
بس بجد موقف عمرو اثر فيا جامد 
وانا مش عارف ايه موقف منة هناك بس اكيد برضو متأثرة 

في الاخر احب اقول كلمتين 
لو كلامي ده اثر في حد منكو فيلريت يشحنلي باي حاجة
عشان اخوكو فقران اليومين دول 
ههههههههههههههه

يلا 

فاصل ونكمل 

.........

انسان عادي


01‏/03‏/2010

أفضل 100 حكمة عالمية وعصرية


  النهارده الاثنين 1 مارس 2010 الساعة 2.57 م

أفضل 100 حكمة عالمية وعصرية

1- أن تضيء شمعة صغيرة خير لك من أن تنفق عمرك تلعن الظلام
2- لا يحزنك إنك فشلت مادمت تحاول الوقوف على قدميك من جديد
3- كلما ازدادت ثقافة المرء ازداد بؤسه
4- سأل الممكن المستحيل : أين تقيم ؟ فأجابه في أحلام العاجز
5- إن بيتا يخلو من كتاب هو بيت بلا روح
6- ليس القوي من يكسب الحرب دائما وإنما الضعيف من يخسر السلام دائما
7- الألقاب ليست سوى وسام للحمقى والرجال العظام ليسوا بحاجة لغير اسمهم
8- من يحب الشجرة يحب أغصانها
9- نحن لا نحصل على السلام بالحرب وإنما بالتفاهم
10-إذا اختفى العدل من الأرض لم يعد لوجود الإنسان قيمة
11- ليست السعادة في أن تعمل دائما ماتريد بل في أن تريد ما تعمله
12- إن أسوأ ما يصيب الإنسان أن يكون بلا عمل أو حب
13- الحياء جمال في المرأة وفضيلة في الرجل
14- صديقك من يصارحك بأخطائك لا من يجملها ليكسب رضاءك
15-الصداقة بئر يزداد عمقا كلما أخذت منه
16- الابتسامة كلمة طيبة بغير حروف
17- لا تفكر في المفقود حتى لا تفقد الموجود
18- من قنع من الدنيا باليسير هان عليه كل عسير
19- الكلمة الطيبة جواز مرور إلى كل القلوب
20- إذا ازداد الغرور..نقص السرور
21- الضمير المطمئن خير وسادة للراحة
22- من يزرع المعروف يحصد الشكر
23- البستان الجميل لا يخلو من الأفاعي
24-العمر هو الشئ الوحيد الذي كلما زاد نقص
25- القلوب أوعية والشفاه أقفالها والألسن مفاتيحها فليحفظ كل إنسان مفتاح سره
26- الخبرة .. هي المشط الذي تعطيك إياه الحياة .. عندما تكون قد فقدتَ شعرك
27- المال خادمٌ جيد .. لكنه سيدٌ فاسد
28- عظَمة عقلك تخلق لك الحساد .. وعظَمة قلبك تخلق لك الأصدقاء
29- دقيقة الألم ساعة .. وساعة اللذة دقيقة
30- لا داعى للخوف من صوت الرصاص .. فالرصاصة التى تقتلك لن تسمع صوتها.
31- يستطيع الشيطان أن يكون ملاكاً . . والقزم عملاقاً . . والخفاش نسراً
والظلمات نوراً . . لكن أمام الحمقى والسذج فقط .
32- تتوقف السيدة عن توبيخ زوجها لكى ترد على التليفون.
33- مسكين زوجها أحب شعرها الطويل فوجد لسانها أطول.
34- إذا أردت أن تفهم حقيقة المرأة فانظر إليها وأنت مغمض العينين.
35- إذا كان لديك رغيفان فـكُل أحدهما واشتر بالأخر زهوراً.
36- من يقع فى خطأ فهو إنسان ومن يصر عليه فهو شيطان.
37- قوة السلسلة تقاس بقوة اضعف حلقاتها .
38- يستطيع الناس أن يعيشوا بلا هواء بضع دقائق وبلا ماء أسبوعين وبلا
طعام حوالى شهرين وبلا أفكار سنوات لا حصر لها.
39- نمضى النصف الأول من حياتنا بحثاً عن المال والنجاح والشهرة ونمضى
النصف الثانى منها بحثاً عن الأطباء.
40- من اشترى ما لا يحتاج إليه باع ما يحتاج إليه.
41- عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.
42- ينام عميقاً من لا يملك ما يخاف من فقدانه؟
43- الزواج يأتى بدون سابق إنذار كما تقع نقطة من الحبر الأسود على ملابس الإنسان.
44- لا يوجد رجل فاشل ولكن يوجد رجل بدأ من القاع وبقى فيه.
45- غالبا ما يضيع المال .. بحثاً عن المال.
46- لو امتنع الناس عن التحدث عن أنفسهم وتناوُل الغير بالسوء لأصيب الغالبية الكبرى من البشر بالبكم.
47- الطفل يلهو بالحياة صغيراً دون أن تعلم الحياة سوف تلعب به كبيراً.
48- رغباتنا هى كصغار الأطفال ، كلما تساهلنا معها اكثر زادت طلباتها منا؟
49- اختر كلامك قبل أن تتحدث وأعط للاختيار وقتاً كافياً لنضج الكلام فالكلمات
كالثمار تحتاج لوقت كاف حتى ننضج.
50- كن على حذر من الكريم إذا أهنته ومن اللئيم إذا أكرمته ومن العاقل إذا أحرجته ومن الأحمق إذا رحمته.
51- من السهل أن يحترمك الناس .. ولكن من الصعب أن تحترم نفسك.
52- يشعر بالسعادة من يغسل وجهه من الهموم ورأسه من المشاغل وجسده من الأوجاع.
53- كل مأذون له شارب طويل ولحية أطول ليخفى ابتسامة الشماتة
54- إذا بلغت القمة فوجه نظرك إلى السفح لترى من عاونك فى الصعود إليها
وانظر إلى السماء ليثبت الله أقدامك عليها.
55- من عاش بوجهين مات لا وجه له.
56- إذا استشارك عدوك فقدم له النصيحة ، لأنه بالاستشارة قد خرج من
معاداتك إلى موالاتك.
57- إذا كنت غنياً فتناول طعامك متى شئت .. وإذا كنت فقيراً فتناول طعامك
متى استطعت.
58- عندما يقول لك إنسان انه يحبك مثل أخيه تذكر قابيل وهابيل.
59- تكلم وأنت غاضب .. فستقول اعظم حديث تندم عليه طوال حياتك.
60- لا تجادل بليغاً ولا سفيهاً .. فالبليغ يغلبك والسفيه يؤذيك.
61- حسن الخلق يستر كثيراً من السيئات كما أن سوء الخلق يغطى كثيراً من
الحسنات.
62- الزواج أخذ وعطاء وهو يعطى وهى تأخذ..
63- الرجل التافه يحرمك من العزلة دون أن يوفر لك جلسة ممتعة.
64- قليل من العلم مع العمل به .. أنفع من كثير من العلم مع قلة العمل به ..
65- تعتقد بعض النساء أن الزواج هو الفرصة الوحيدة للانتقام من الرجل..
66- إذا تشاجر كلبان على غنيمة تكون من نصيب الذئب الذى يأتى على
صياحهما.
67- فى الزواج ليس هناك سوى يومين جميلين ، ويوم دخول القفص ويوم
الخروج منه.
68- الإنسان لا لحمه يؤكل .. ولا جلده يلبس .. فماذا فيه غير حلاوة اللسان..
69- الصحة هى الشىء الذى يجعلك تشعر بان اليوم الذى تعيشه . هو افضل
وقت فى السنة..
70- إذا كنت تخشى الوحدة فلا تتزوج.
71- فاتورة التليفون هى ابلغ دليل على أن الصمت أوفر بكثير من الكلام.
72- ليس الفقير من ملك القليل .. إنما الفقير من طلب الكثير
73- أولى لك أن تتألم لأجل الصدق .. من أن تكافأ لأجل الكذب.
74- لاشك أن الحياة كانت تبدو رائعة جميلة لو كنا نولد فى سن الثمانين
ونقترب على مر الأعوام من الثانية عشر
75- ليس السخاء بان تعطينى ما أنا فى حاجة إليه اكثر منك ، بل السخاء فى
أن تعطينى ما تحتاج إليه اكثر منى.
76- إذا أعطيت فقيراً سمكة تكون قد سددت جوعه ليوم واحد فقط .. أما إذا
علمته كيف يصطاد السمك تكون قد سددت جوعه طوال العمر
77- الكلب السعيد يهز ذيله المنافق يهز لسانه.
78-إذا قرر الرجل الزواج فقد يكون هذا أخر قرار يسمح له باتخاذه.
79- الإنسان الناجح هو الذى يغلق فمه قبل أن يغلق الناس آذانهم ويفتح أذنيه
قبل أن يفتح الناس أفواههم.
80-لا تدع لسانك يشارك عينيك عند انتقاد عيوب الآخرين فلا تنس انهم مثلك
لهم عيون والسن.
81- من ركب الحق غلب الخلق
82- لا يباع الحطب قبل قطعه ولا يباع السمك في البحيرة
83- عندما يمشي الكسل في الطريق فلابد أن يلحق به الفقر
84- أموت محبوبا خير لي من أن أعيش مكروها
85- إذا أردت أن تحتفظ بصديق فكن أنت أولا صديق
86- كن مستمعا جيدا لتكن متحدثا لبقا
87- لا يعرف ثقب الجورب إلا الحذاء
88- الشجرة العاقر لا يقذها أحد بحجر
89- أسهل كثيرا أن يصدق الإنسان كذبة سمعها
ألف مرة من أن يصدق حقيقة لم يسمعها من قبل
90- لا شئ أشجع من الحصان الأعمى
91-احترس من الباب الذي له مفاتيح كثيرة
92- لو أعطيت الأحمق خنجرا أصبحت قاتلا
93- ليس مهم أن تحب المهم من تحب
94- ما أسهل أن تكون عاقلا . . بعد فوات الآوان
95- كل الظلام الذي في الدنيا لا يستطيع أن يخفي ضوء شمعة مضيئة
96- خير لك أن تسأل مرتين من أن تخطأ مرة واحدة
97- من أذنب وهو يضحك دخل النار وهو يبكي
98- يكفي أن تظهر السوط  للكلب المضروب
99- الريش الجميل ليس كافيا ليصنع طائرا جميلا
100- يسخر من الجروح كل من لا يعرف الألم

احم 
سلامو عليكو 
الكلام ده منقول بس عجبني 

فاصل ونكمل 
.......
انسان عادي

Recent News

Introduction

Recent News