07‏/06‏/2010

وانا مال اهلي


النهارده الاتنين 7 يونيو 2010 الساعة 5.10 ص 






احم احم 
سلامو عليكو 

فيه موضوع الح علي دماغي بشكل كبير 
خلاني اقطع المذكرات اللي دبست نفسي فيها دي 
(وانا بصراحة مصدقت يعني )
موضوع بيستفزني قوي قوي قوي 
اولا عايز اوضح حاجة 
انا مش ضد الحب ولا الارتباط السليم قبل الجواز 
بالعكس يمكن ده بيدي فرصة للطرفين انهم يفهمو بعض 
ويقربو من بعض واكيد ده بيقلل المشكلات اللي بتقابلهم بعد كده 
بس علي الجانب الاخر بقي 
فيه ناس بتاخد علاقة الحب دي تسلية وتقضية وقت 
بيخلص مع واحدة يخش ع التانية وهكذا ....
اكيد بيبان من منظر البنت والولد لما بتشفهم اول مرة 
اذا كانت العلاقة اللي بينهم محترمة ولا لا 

انا بقي جه عليا وقت وبقت لما بشوف ولد ماشي مع بنت بالشكل ده 
وبيعاملها باسلوب بيرخص منها جدا قدام الناس 
بصراحة كنت بتنرفز جدا وبضايق بشكل كبير قوي 
وافضل احرق في دمي واقول 
طب هي ازاي راضية عن كده 
مش هتكلم عن لبسها ولا شكلها 
لكن علي الاقل احترامها قدام الناس وقدام نفسها 

عارفين 
كان بيجلي اوقات كتير احساس غيرة علي البنت دي 
اه كنت بغير عليها 
مع اني معرفهاش ولا عمري شفتها 
بس كنت بقول لو دي مثلا اختي ولا واحدة قريبتي 
ولا حتي اي واحدة اعرفها اكيد مكنتش هرضي انها تبقي بالشكل ده 
وفضلت تاعب نفسي فترة طويلة كده 
لحد ما شوشو جالي 
(شوشو ده الشيطان عشان بس مياخدش باله)
جالي كالعادة وقلي لا لا لا 
انت مش غيران علي البت ولا حاجة
قولتله ازاي 
قالي انت غيران من الولد ده عشان انت مش عارف تعمل زيه 
قولتله لا بقي ده انت متعرفنيش 
دانا لو فكرت بس هتلاقيهم طوابير 
قالي انت بتاع كلام ولا تقدر تعمل حاجة 
المهم انا كنت لسه غلبان وطيب وبسخن بسرعة 
وقلت طيب انا هوريك 
ودخلت علي النت علي منتدي معين كنت بدخل عليه دايما 
ويا سبحان الله كأنها مترتبة 
الاقي واحدة كاتبة موضوع معناه انها نفسيتها مضايقة وتعبانة شويه 
وعايزة حد تتكلم معاه وسايبه ايميلها كمان 
لولا ان انا عارف ان المنتدي ده محترم انا كان جه في بالي حاجة تانية 
وطبعا انا عشان شهم وطيب وبرضو بينضحك عليا 
قلت اشوف الحكاية دي 
المهم اتكلمنا شويه واتعرفنا علي بعض 
وبعدين اتكلمنا تاني وتالت 
وطبعا شوشو شغال برضو مش ساكت 
المهم بعد تلات ايام بالظبط من معرفتي بيها قلتلها عايز اقابلك 
(مانا غشيم بقي مش عارف النظام )
المهم شوشو خدمني خدمة العمر ولين دماغ البنية و وافقت 
انا مش  هحكي تفاصيل بس لاقيت الحوار ماشي سهل سهل 
لدرجة تقلق وبعدين لاقيت الكلام بيتغير 
والنظرات بتقول حاجات 

والدنيا كانت ماشية حلو قوي 
ودايما انا متعود كده لما الدنيا بتمشي معايا انا بقف 
مينفعش نمشي احنا الاتنين 
فوقفت هنا وقفة مع النفس وخدتني قلم فوقني ورجعت لعقلي تاني 
ونهيت علي الحوار الفاشل ده
طبعا شكلي كان وحش قوي قدام البت بس مش مشكلة 

بس فعلا من اهم الاسباب اللي خلتني انهي الحكاية دي 
او اصلا ما ابدأهاش هو خوفي علي البنت دي 
اولا انا داخل الموضوع ومفيش اي حاجة في دماغي 
مجرد عند وتحربه وخلاص 
بس في نص السكة عرفت ان فيه سمعت بنت ممكن تبوظ 
فيه احساس ممكن ينجرح 
في ثقة في الناس ممكن تدمر وتضيع 

لاقيت مصايب كبيرة مترتبة علي موضوع كان من وجهة نظري صغير 

المهم ان انا جيت بقي وقلت خلاص 
انا مليش دعوة 
هي البنت عايزة كده وليها اب واخ 
والواد اللي ماشي معاها مبسوط 
خلاص بقي انا مال اهلي بالحكاية دي 
وكبر دماغك با اين الحلال وخليك في حالك 
وبعدين بس انت اقدر علي نفسك وصلحها 
وابقي بص للناس 

بس برضو للاسف لسه لحد دلوفتي بضايق قوي من المناظر دي 
وفعلا بقولها بجد 
انا بحس بغيرة جامدة قوي علي اي بنت بشوفها ماشية بالشكل ده 
وبزعل قوي 

عموما انا بدعي ربنا يهديني 
ويهدي شباب وبنات المسلمين 
اللهم امين 

ويارب كل اللي قرا الموضوع ده 
ينسي الحكاية بتاعتي دي بعد الرد علي طول 
ياااااااااااارب




فاصل ونكمل 

..........

انسان عادي

هناك 10 تعليقات:

من كل بستان زهرة يقول...

أنسى ....أنسى أيه يا جميل
دي أحلى حاجه أنك حكيت حكيتك أهو نستغلها في يوم من الأيام

وبعدين أيه ده
ده انت طلعت جامد أوي
ثلاث أيام وتوقع البنت
ياواد يا جبار

بس بجد برافو عليك انك رجعت تاني
وفكرت وعجبني جدا تفكيرك في الموضوع ده
وأهتمامك بسمعة البنت
وأحساسها وكلام الناس

الي بيجي سهل بيروح أسهل مما نتخيل

تحياتي ليك

سَارةٌ يقول...

نـمنمنم .. هو بجد فيه كده ؟

يعني الحكاية بتاعت البنت دي حصلت بسرعه

و ع طوول قابلتها وهيا وافقت ..!!

بس اقولك حاجه بجد .. العيب على البنت والله .. انها تخرج مع حد مش يعرفها وعادي كده .. " ربنا يهدي " ..

وكبر دماغك .. اللي بيعمل حاجه ضررها او فايدتها بترجع عليه هو .. أولا واخيراً..

متفتكرش كده انك خلصت من المذكرآت .. لالالا إطلاقا .. لازم تكملها قبل بكره :)

mrmr يقول...

ايه يا عم الحوارات دى كلها
بس على فكره لو كنت فاكر انك وقعت البنت تبقى غلطان البنت عندها استعداد انها تقع
وما فيش ولد يقدر ياخذ من البنت اكثر من اللى هى بتسمح بيه
لكن انت شخص محترم وعاقل قدرت تفوق نفسك فى الوقت المناسب وتحافظ على البنت
وعلى سمعتها
ياريت كل الشباب يتعلموا ان البنت اللى ممكن يوقعوا بيها ممكن تكون اخته او بنت عمه او امه
ربنا يستر على كل البنات
و ربنا يباركلك

♥♥ شذا ♥ الروح ♥♥ يقول...

كل شىء بقا متاح مش تستغرب
ربنا يهدى الجميع يارب


اخبارك ايه متشكره على زايارتك اللى بجد بتسعدنى
ربنا يديم الود


احم احم
سلامو عليكوم

ليله شتاء يقول...

السلام عليكم
لاحول ولاقوة الا بالله ربنا يهدينا كلنا

Unknown يقول...

من كل بستان زهرة

ايه ده تستغليها ازاي يعني
لا اوعي !!!!
ربنا امر بالستر بقي
هههههههه

بس انا مش جامد ولا نيلة
هي اللي كانت قايلة لوحدها
ومستنية بس اي حاجة كده تقولها يلا
دانا غلبان
هههههههههه

علي فكرة انا بخاف علي البنات اللي معرفهمش وبحافظ عليهم
عشان الاقي اللي يحافظلي علي البنات اللي يخصوني
وسايب ده كله لربنا طبعا

شرفتيني ونورتيني
ولو انك بقالك شويه مش باينة
بس هنعديها المرة دي

سلامو عليكو

Unknown يقول...

بنوتة عادية

عشان انا بس قلبي ابيض ونيتي نضيفة
هههههههههههه

بصي الله اعلم باللي في النية بقي
يمكن هي برضو كان نيتها حلوة
او فعلا كانت محتاجة حد يساعدها
بس عموما ربنا يهدينا جميعا

شكراااااااا

سلامو عليكو

Unknown يقول...

مرمر

فعلا وده اللي اخدت بالي منه
انا مكنتش بخطط لحاجة
والدنيا كانت ماشية لوحدها
يعني مش شطارة ولا حاجة

ربنا يهدي
وربنا يستر

شكرا ليكي

Unknown يقول...

شذا الروح

يلا
ربنا يهدي الجميع

بتشكريني علي ايه
التقصير كان مني انا اسف

وسلامو عليكوووو

Unknown يقول...

ليلة شتاء

وعليكم السلام ورحمة الله وبركاته

امين يارب
وشكرا علي زيارتك
نورتيني

سلامو عليكو

07‏/06‏/2010

وانا مال اهلي


النهارده الاتنين 7 يونيو 2010 الساعة 5.10 ص 






احم احم 
سلامو عليكو 

فيه موضوع الح علي دماغي بشكل كبير 
خلاني اقطع المذكرات اللي دبست نفسي فيها دي 
(وانا بصراحة مصدقت يعني )
موضوع بيستفزني قوي قوي قوي 
اولا عايز اوضح حاجة 
انا مش ضد الحب ولا الارتباط السليم قبل الجواز 
بالعكس يمكن ده بيدي فرصة للطرفين انهم يفهمو بعض 
ويقربو من بعض واكيد ده بيقلل المشكلات اللي بتقابلهم بعد كده 
بس علي الجانب الاخر بقي 
فيه ناس بتاخد علاقة الحب دي تسلية وتقضية وقت 
بيخلص مع واحدة يخش ع التانية وهكذا ....
اكيد بيبان من منظر البنت والولد لما بتشفهم اول مرة 
اذا كانت العلاقة اللي بينهم محترمة ولا لا 

انا بقي جه عليا وقت وبقت لما بشوف ولد ماشي مع بنت بالشكل ده 
وبيعاملها باسلوب بيرخص منها جدا قدام الناس 
بصراحة كنت بتنرفز جدا وبضايق بشكل كبير قوي 
وافضل احرق في دمي واقول 
طب هي ازاي راضية عن كده 
مش هتكلم عن لبسها ولا شكلها 
لكن علي الاقل احترامها قدام الناس وقدام نفسها 

عارفين 
كان بيجلي اوقات كتير احساس غيرة علي البنت دي 
اه كنت بغير عليها 
مع اني معرفهاش ولا عمري شفتها 
بس كنت بقول لو دي مثلا اختي ولا واحدة قريبتي 
ولا حتي اي واحدة اعرفها اكيد مكنتش هرضي انها تبقي بالشكل ده 
وفضلت تاعب نفسي فترة طويلة كده 
لحد ما شوشو جالي 
(شوشو ده الشيطان عشان بس مياخدش باله)
جالي كالعادة وقلي لا لا لا 
انت مش غيران علي البت ولا حاجة
قولتله ازاي 
قالي انت غيران من الولد ده عشان انت مش عارف تعمل زيه 
قولتله لا بقي ده انت متعرفنيش 
دانا لو فكرت بس هتلاقيهم طوابير 
قالي انت بتاع كلام ولا تقدر تعمل حاجة 
المهم انا كنت لسه غلبان وطيب وبسخن بسرعة 
وقلت طيب انا هوريك 
ودخلت علي النت علي منتدي معين كنت بدخل عليه دايما 
ويا سبحان الله كأنها مترتبة 
الاقي واحدة كاتبة موضوع معناه انها نفسيتها مضايقة وتعبانة شويه 
وعايزة حد تتكلم معاه وسايبه ايميلها كمان 
لولا ان انا عارف ان المنتدي ده محترم انا كان جه في بالي حاجة تانية 
وطبعا انا عشان شهم وطيب وبرضو بينضحك عليا 
قلت اشوف الحكاية دي 
المهم اتكلمنا شويه واتعرفنا علي بعض 
وبعدين اتكلمنا تاني وتالت 
وطبعا شوشو شغال برضو مش ساكت 
المهم بعد تلات ايام بالظبط من معرفتي بيها قلتلها عايز اقابلك 
(مانا غشيم بقي مش عارف النظام )
المهم شوشو خدمني خدمة العمر ولين دماغ البنية و وافقت 
انا مش  هحكي تفاصيل بس لاقيت الحوار ماشي سهل سهل 
لدرجة تقلق وبعدين لاقيت الكلام بيتغير 
والنظرات بتقول حاجات 

والدنيا كانت ماشية حلو قوي 
ودايما انا متعود كده لما الدنيا بتمشي معايا انا بقف 
مينفعش نمشي احنا الاتنين 
فوقفت هنا وقفة مع النفس وخدتني قلم فوقني ورجعت لعقلي تاني 
ونهيت علي الحوار الفاشل ده
طبعا شكلي كان وحش قوي قدام البت بس مش مشكلة 

بس فعلا من اهم الاسباب اللي خلتني انهي الحكاية دي 
او اصلا ما ابدأهاش هو خوفي علي البنت دي 
اولا انا داخل الموضوع ومفيش اي حاجة في دماغي 
مجرد عند وتحربه وخلاص 
بس في نص السكة عرفت ان فيه سمعت بنت ممكن تبوظ 
فيه احساس ممكن ينجرح 
في ثقة في الناس ممكن تدمر وتضيع 

لاقيت مصايب كبيرة مترتبة علي موضوع كان من وجهة نظري صغير 

المهم ان انا جيت بقي وقلت خلاص 
انا مليش دعوة 
هي البنت عايزة كده وليها اب واخ 
والواد اللي ماشي معاها مبسوط 
خلاص بقي انا مال اهلي بالحكاية دي 
وكبر دماغك با اين الحلال وخليك في حالك 
وبعدين بس انت اقدر علي نفسك وصلحها 
وابقي بص للناس 

بس برضو للاسف لسه لحد دلوفتي بضايق قوي من المناظر دي 
وفعلا بقولها بجد 
انا بحس بغيرة جامدة قوي علي اي بنت بشوفها ماشية بالشكل ده 
وبزعل قوي 

عموما انا بدعي ربنا يهديني 
ويهدي شباب وبنات المسلمين 
اللهم امين 

ويارب كل اللي قرا الموضوع ده 
ينسي الحكاية بتاعتي دي بعد الرد علي طول 
ياااااااااااارب




فاصل ونكمل 

..........

انسان عادي

هناك 10 تعليقات:

من كل بستان زهرة يقول...

أنسى ....أنسى أيه يا جميل
دي أحلى حاجه أنك حكيت حكيتك أهو نستغلها في يوم من الأيام

وبعدين أيه ده
ده انت طلعت جامد أوي
ثلاث أيام وتوقع البنت
ياواد يا جبار

بس بجد برافو عليك انك رجعت تاني
وفكرت وعجبني جدا تفكيرك في الموضوع ده
وأهتمامك بسمعة البنت
وأحساسها وكلام الناس

الي بيجي سهل بيروح أسهل مما نتخيل

تحياتي ليك

سَارةٌ يقول...

نـمنمنم .. هو بجد فيه كده ؟

يعني الحكاية بتاعت البنت دي حصلت بسرعه

و ع طوول قابلتها وهيا وافقت ..!!

بس اقولك حاجه بجد .. العيب على البنت والله .. انها تخرج مع حد مش يعرفها وعادي كده .. " ربنا يهدي " ..

وكبر دماغك .. اللي بيعمل حاجه ضررها او فايدتها بترجع عليه هو .. أولا واخيراً..

متفتكرش كده انك خلصت من المذكرآت .. لالالا إطلاقا .. لازم تكملها قبل بكره :)

mrmr يقول...

ايه يا عم الحوارات دى كلها
بس على فكره لو كنت فاكر انك وقعت البنت تبقى غلطان البنت عندها استعداد انها تقع
وما فيش ولد يقدر ياخذ من البنت اكثر من اللى هى بتسمح بيه
لكن انت شخص محترم وعاقل قدرت تفوق نفسك فى الوقت المناسب وتحافظ على البنت
وعلى سمعتها
ياريت كل الشباب يتعلموا ان البنت اللى ممكن يوقعوا بيها ممكن تكون اخته او بنت عمه او امه
ربنا يستر على كل البنات
و ربنا يباركلك

♥♥ شذا ♥ الروح ♥♥ يقول...

كل شىء بقا متاح مش تستغرب
ربنا يهدى الجميع يارب


اخبارك ايه متشكره على زايارتك اللى بجد بتسعدنى
ربنا يديم الود


احم احم
سلامو عليكوم

ليله شتاء يقول...

السلام عليكم
لاحول ولاقوة الا بالله ربنا يهدينا كلنا

Unknown يقول...

من كل بستان زهرة

ايه ده تستغليها ازاي يعني
لا اوعي !!!!
ربنا امر بالستر بقي
هههههههه

بس انا مش جامد ولا نيلة
هي اللي كانت قايلة لوحدها
ومستنية بس اي حاجة كده تقولها يلا
دانا غلبان
هههههههههه

علي فكرة انا بخاف علي البنات اللي معرفهمش وبحافظ عليهم
عشان الاقي اللي يحافظلي علي البنات اللي يخصوني
وسايب ده كله لربنا طبعا

شرفتيني ونورتيني
ولو انك بقالك شويه مش باينة
بس هنعديها المرة دي

سلامو عليكو

Unknown يقول...

بنوتة عادية

عشان انا بس قلبي ابيض ونيتي نضيفة
هههههههههههه

بصي الله اعلم باللي في النية بقي
يمكن هي برضو كان نيتها حلوة
او فعلا كانت محتاجة حد يساعدها
بس عموما ربنا يهدينا جميعا

شكراااااااا

سلامو عليكو

Unknown يقول...

مرمر

فعلا وده اللي اخدت بالي منه
انا مكنتش بخطط لحاجة
والدنيا كانت ماشية لوحدها
يعني مش شطارة ولا حاجة

ربنا يهدي
وربنا يستر

شكرا ليكي

Unknown يقول...

شذا الروح

يلا
ربنا يهدي الجميع

بتشكريني علي ايه
التقصير كان مني انا اسف

وسلامو عليكوووو

Unknown يقول...

ليلة شتاء

وعليكم السلام ورحمة الله وبركاته

امين يارب
وشكرا علي زيارتك
نورتيني

سلامو عليكو

Recent News

Introduction

Recent News