02‏/06‏/2010

ربع قرن من الزمان 1


النهارده الاربع 2 يونيو 2010 الساعة 3.24 م 





احم احم 
سلامو عليكو 

هنبتدي الحكاية من البداية 
ايون من الاول خالص من يوم 8 يونيو 1985 م 
في اليوم ده انا جيت للدنيا من اب وام مصريين مسلمين 
قرايب ومن عيلة واحدة 
(احم احم اكيد عرفتو سبب التخلف )
جيت لاقيت قبلي اربع اخوات 
طارق وخالد وايمان وحسام 
واكيد طبعا كنت انا اصغرهم وفضلت برضو الصغير 
عشان مفيش حد جه تاني بعدي 
اصر والدي انه يسميني علي اسم جدي 
عبدالفتاح 
اذن انا اسمي عبدالفتاح 

بس ومشيت الايام عادي خالص لحد ما بقي عندي 6 شهور 
وهنا كان اول موقف يحصلي 
وده طبعا اتحكالي من والدتي 

واحدة جارتنا كانت رايحة تكشف عاي بنتها اللي هي اكبر مني 
وقالت لوالدتي تيجي معاها وطبعا امي خدتني معاهم لاني لسه صغير 
المهم وصلو عند الدكتورة العبقرية ودخلو يكشفو 
واذ بالعبقرية تتجلي وتشوف الدكتورة ان انا عيان 
وتقنع والدتي بالحكاية دي 
(طبعا مش هتكدب الدكتورة يعني )
ويا سبحان الله عرفت المرض والعلاج كان عندها جاهز 
وقررت انها تديني حقنة مش فاكر اسمها 

المهم خت الحقنة ورحت انا في دنيا تانية 
امي وجارتنا شافوني كده خلاص بموت 
امي ما اتكلمتش خالص او مقدرتش تتكلم 
او مش عارفه تقول ايه 
بس سبحان الله بجد الدكتورة ربنا الهمها 
وعملتلي تنفس صناعي ومعرفش اديتني ايه كده 
(طبعا الحاجات دي اتحكتلي يعني )
وربنا رد فيا الروح تاني 

المشكلة بقي 
امي قالت لدكتور علي اللي حصل ده 
وسألها علي الحقنة دي هي ايه 
وقالتله اسمها 
فرد عليها وقالها من الدكتورة المتخلفة الي عملت كده 
الحقنة دي ياخد نصها طفل عنده 6 سنين 
وانا خدتها كلها وكان عندي 6 شهور 

بس مكتوب لي اعيش واكمل 
الحمد لله علي كل حال 


فاصل ونكمل 

.........


انسان عادي

هناك 8 تعليقات:

ابو فارس يقول...

اولا الحمد لله علي سلمتك من السرنجة
بستك فكرني
بفلم الواء سم قالتل
تحياتي

بــَـنــُــوتــه عـــآديــه يقول...

مممممم .. هعتبر نفسي اول تعليق برده :D

إحتلال بقى ..

أولاً .. شكل السيره الذاتيه دي جامده من أولها كده ..

وشكلك كده بـ 7 ارواح .. :)

والحمدلله انك لسه عايش عشان تحكيلنا عن الجريمه المريبه اللي ارتكبتها الدكتوره دي

وف إنتـظار البقيه .. :)

موناليزا يقول...

عقبال ما تكمل قرن بحاله:)

mrmr يقول...

مممممممممم
ازيك ياعبده حمد الله بالسلامه
انت اتكتبلك عمر جديد
اصل لينا نصيب نسمع حكايتك
ده الفصل الاول
بكره نسمع منك الفصل التانى
احم احم
اصلى مقلتهاش انا فى بدايه الكلام
ولاعايز تنفرد بها وحدك
على العموم انا مش بقولها غير هنا بس

انسان عادي يقول...

ابو فارس

الله يسلمك
وشكرا ليك علي تعليقك

نورتني

سلامو عليو

انسان عادي يقول...

بنوتة عادية

نورتيني تاني
وهعتبرك اول تعليق عادي
وابو فارس مش هيزعل
هههههه
شكرا ليكي
والحمد لله يعني مكتوبلي عمر


شكراااااااا

انسان عادي يقول...

موناليزا

شكرا ليكي
بس قرن كتير قوي
خليهم 99 سنة عشان الحسد بس
هههههههههه

نورتيني

انسان عادي يقول...

مرمر

احم احم
دي عشان خاطرك انتي بس

اهو الحمد لله علي كل حال
وربنا يقدرني واقدر اكمل
عشان انا شاكك في الحكاية دي
نورتيني

سلامو عليكو

02‏/06‏/2010

ربع قرن من الزمان 1


النهارده الاربع 2 يونيو 2010 الساعة 3.24 م 





احم احم 
سلامو عليكو 

هنبتدي الحكاية من البداية 
ايون من الاول خالص من يوم 8 يونيو 1985 م 
في اليوم ده انا جيت للدنيا من اب وام مصريين مسلمين 
قرايب ومن عيلة واحدة 
(احم احم اكيد عرفتو سبب التخلف )
جيت لاقيت قبلي اربع اخوات 
طارق وخالد وايمان وحسام 
واكيد طبعا كنت انا اصغرهم وفضلت برضو الصغير 
عشان مفيش حد جه تاني بعدي 
اصر والدي انه يسميني علي اسم جدي 
عبدالفتاح 
اذن انا اسمي عبدالفتاح 

بس ومشيت الايام عادي خالص لحد ما بقي عندي 6 شهور 
وهنا كان اول موقف يحصلي 
وده طبعا اتحكالي من والدتي 

واحدة جارتنا كانت رايحة تكشف عاي بنتها اللي هي اكبر مني 
وقالت لوالدتي تيجي معاها وطبعا امي خدتني معاهم لاني لسه صغير 
المهم وصلو عند الدكتورة العبقرية ودخلو يكشفو 
واذ بالعبقرية تتجلي وتشوف الدكتورة ان انا عيان 
وتقنع والدتي بالحكاية دي 
(طبعا مش هتكدب الدكتورة يعني )
ويا سبحان الله عرفت المرض والعلاج كان عندها جاهز 
وقررت انها تديني حقنة مش فاكر اسمها 

المهم خت الحقنة ورحت انا في دنيا تانية 
امي وجارتنا شافوني كده خلاص بموت 
امي ما اتكلمتش خالص او مقدرتش تتكلم 
او مش عارفه تقول ايه 
بس سبحان الله بجد الدكتورة ربنا الهمها 
وعملتلي تنفس صناعي ومعرفش اديتني ايه كده 
(طبعا الحاجات دي اتحكتلي يعني )
وربنا رد فيا الروح تاني 

المشكلة بقي 
امي قالت لدكتور علي اللي حصل ده 
وسألها علي الحقنة دي هي ايه 
وقالتله اسمها 
فرد عليها وقالها من الدكتورة المتخلفة الي عملت كده 
الحقنة دي ياخد نصها طفل عنده 6 سنين 
وانا خدتها كلها وكان عندي 6 شهور 

بس مكتوب لي اعيش واكمل 
الحمد لله علي كل حال 


فاصل ونكمل 

.........


انسان عادي

هناك 8 تعليقات:

ابو فارس يقول...

اولا الحمد لله علي سلمتك من السرنجة
بستك فكرني
بفلم الواء سم قالتل
تحياتي

بــَـنــُــوتــه عـــآديــه يقول...

مممممم .. هعتبر نفسي اول تعليق برده :D

إحتلال بقى ..

أولاً .. شكل السيره الذاتيه دي جامده من أولها كده ..

وشكلك كده بـ 7 ارواح .. :)

والحمدلله انك لسه عايش عشان تحكيلنا عن الجريمه المريبه اللي ارتكبتها الدكتوره دي

وف إنتـظار البقيه .. :)

موناليزا يقول...

عقبال ما تكمل قرن بحاله:)

mrmr يقول...

مممممممممم
ازيك ياعبده حمد الله بالسلامه
انت اتكتبلك عمر جديد
اصل لينا نصيب نسمع حكايتك
ده الفصل الاول
بكره نسمع منك الفصل التانى
احم احم
اصلى مقلتهاش انا فى بدايه الكلام
ولاعايز تنفرد بها وحدك
على العموم انا مش بقولها غير هنا بس

انسان عادي يقول...

ابو فارس

الله يسلمك
وشكرا ليك علي تعليقك

نورتني

سلامو عليو

انسان عادي يقول...

بنوتة عادية

نورتيني تاني
وهعتبرك اول تعليق عادي
وابو فارس مش هيزعل
هههههه
شكرا ليكي
والحمد لله يعني مكتوبلي عمر


شكراااااااا

انسان عادي يقول...

موناليزا

شكرا ليكي
بس قرن كتير قوي
خليهم 99 سنة عشان الحسد بس
هههههههههه

نورتيني

انسان عادي يقول...

مرمر

احم احم
دي عشان خاطرك انتي بس

اهو الحمد لله علي كل حال
وربنا يقدرني واقدر اكمل
عشان انا شاكك في الحكاية دي
نورتيني

سلامو عليكو

Recent News

Introduction

Recent News