17‏/06‏/2010

كلمة بحبك مش بسيطة


النهارده الاربع 16 يونيو 2010 الساعة 11.08 م 









فى واحدة بتحبك اوى من كام سنة قدام عنيك
وانت بتسال هى فين
فى واحدة بتحبك وليه ماانتش هنا ولو اسالك عنها
تقولى هى مين
ياريت تحس انى اللى بتحبك انا
ياللى انت مش دريان بيا شوف انت ترضى بايه ليا
لو مت فيا تعيشى لو سبتنى تموت فيا

من عمرى جمبى قد ايه وقت اتسرق
وبعيش على امل انى بكرة هعيشه ليك
مستسلمة ومع نفسى بشكى على الورق
ساعات وساعات كتيرة بشكى ليك
ياللى انت مش دريان بيا شوف انت ترضى بايه ليا
لو مت فيا تعيشى لو سبتنى تموت فيا

احم احم 
سلامو عليكو 

طبعا دي اغنية انغام واحدة بتحبك 
وطبعا اول انطباع هيوصلنا 
ان الشخص اللي انغام غنتله ده معندوش احساس 
يعني الست بصراحة عاملة اللي عليها وزيادة 
واخينا ولا هو هنا 

وطبعا عشان انا بحب اخالف وخلاص 
(علي رأي واحد صاحبي يعني )
فانا عايز ادافع عنه 
اه هي عنصرية بقي 

ندخل في الموضوع 
هي بتحبه لدرجة كبيرة ومن سنين 
وبالتاكيد هو برضو لازم يكون اخد بالو 
مش معقول مش بيحس خالص كده يعني 
فاحنا عندنا اختيارين دلوقتي 
يا اما هو مش بيحبها اصلا وعشان كده منفض 
وشاري دماغو 
وفي الحالة دي كانت اكيد هي هتحس يعني 
او هو هيحاول يلمحلها بكده عشان يرتاح ويخلص 

او انه يكون فعلا بيحبها 
ودي الحالة اللي انا بقي عايز اتكلم عليها 

احنا دلوقتي قدام مشكلة وعايزين نحلها 
تفتكرو لو جه وقالها بحبك وهو فعلا صادق 
تبقي المشكلة اتحلت ؟؟؟
طب ليه مش بنفكر هو مش راضي يقول ليه دلوقتي 
ايه اللي منعه يعني ؟؟؟
من وجهة نظري انا لما فكرت في الحكاية دي 
(انا مفكرتش كتير علي فكرة )
لاقيت انه ممكن يكون خايف شويه 
او مش واثق في اللي ممكن يحصل 

او الاقرب بقي 
واللي انا حسه 
ان كلمة بحبك دي عنده مش سهلة 
(زيي كده معقد يعني)
بحبك دي يعني حاجات كتير قوي 
يمكن هو شليف انه مش قدها دلوقتي 
اه بيحبها 
وعارف انها بتحبه 
واكيد امله ان ربنا يجمع ما بينهم 
بس محتاج انه يحس انه قد الكلمة بكل معانيها 
والمعاني دي انا مش هتكلم فيها كتير 

انا كتبت كلمتين كده يارب يعجبوكم 
وده من وجهة نظري 
اوك 

كلمة بحبك 

كلمة بحبك مش بسيطة 
كلمة بحبك مش عادية 
كلمة بحيك حاجة مش سهلة عليا 

كلمة بحبك يعني بوعد الف وعد 
اني اصونك اني اكون راجلك بجد 
اني اخليكي تحسي بالامان 
اني ارسم فوق شفايفك ضحكة تتحدي الزمان 
اني اكون بسمة في حزنك 
اني اكون كلمة في صمتك 
اني اعلّي من كرامتك 
وتبقي اغلي من عنيه 
كلمة بحبك مش بسيطة
كلمة بحبك مش عادية 
كلمة بحيك حاجة مش سهلة عليا 

كلمة بحبك مش مجرد كلمة تتقال والسلام 
كلمة بحبك يعني دنيا عقدها بينا كلام 
كلمة بحبك يعني عايزك تبقي كل دنيتي 
لما احزن تبقي جنبي ولما افرح تقاسميني في فرحتي 
كلمة بحبك مش غرض 
ده بيها حلم بيتولد 
ولاجل ما تعيش للابد 
لازم ابقي قد المسؤولية 
كلمة بحبك مش بسيطة
كلمة بحبك مش عادية 
كلمة بحيك حاجة مش سهلة عليا 

احم احم 
بس خلاص 


فاصل ونكمل 

........

انسان عادي

هناك 11 تعليقًا:

♥♥ شذا ♥ الروح ♥♥ يقول...

السلام عليكم

الله عليك وعلى احساسك
طبعآ انا مش بجامل وبقول الحق
انت وصف حال كتير من الناس الحب ده شىء جميل اووى الحب لاتقيده قيود العالم
ولاجل ما تعيش للابد
لازم ابقي قد المسؤولية
كلمة بحبك مش عادية
كلمة بحيك حاجة مش سهلة عليا

ربنا يوفقك وبحيك على زوقك اللى يجنن

دمت اخى بكل الخير مودتى

NaiRa يقول...

بودددددددى السوسه اللى يختفى يختفى ويظهر بحاجات جامده

على فكره الاغنيه دى انا بموت فيها لان اصلا بموت فى انغام بس بجد عاوزه اقولك انى متفقه مع رأيك اوى يا بودى انه ممكن يكون مش حكايه خوف بقى انه يقولها لا حكايه ان عاوز يشوف اذا كانت العلاقه هتمشى للاخر صح او ممكن يحصل مشاكل واختلافات عاوز يكون قد المسؤليه اللى هيتحملها ودى راى فى الاغنيه وفى رأيك


اما عن اللى انت كتبته اد ايه هو حلو



كلمة بحبك يعني بوعد الف وعد
اني اصونك اني اكون راجلك بجد
اني اخليكي تحسي بالامان
اني ارسم فوق شفايفك ضحكة تتحدي الزمان
اني اكون بسمة في حزنك
اني اكون كلمة في صمتك
اني اعلّي من كرامتك



اكتر حاجه عجبتنى فيها كلمه انى اكون راجلك بجد وانى اعلى من كرامتك
لان بجد دى حاجه يمكن بقت حلقه مفقوده فى قصص الحب ان مبقاش فى انسان كده دلوقتى وللاسف البنات تقريبا بتحاول تتماشى مع الجو عشان المركب تمشى زى ما بيقولو وبتمنى ان كل الرجاله والشباب يكونو بيحاولو يعملو الحاجه دى يارب
وتسلم ايدك يا بووووودى اد ايه كلامك عجبنى واثرر فيا اوى وربنا يوفقك يارب وبطل اعده على النت بقى وخلص مشروعك بقى واتخرج علشان مش ازعل منك

أع ـقل مـ ج ـنـونــة يقول...

لالالالالالالالالالالالالالالا

ايوة لالالالالالالالالالالا

انا برده من اللى كلمة بحبك دي مش سهلة بالنسبة ليا ولا سهل اسمعها واصدقها

بس الكلام دا بجد روعــــــــة

لا بجد روعــــــة

ايه ياجماعة الناس دي هتخلوني اصدق اني رومانسيــــــــــة :S

جووو اوون عبده ^_^

أم الخــلـود يقول...

سلمت الأنامل .. تحياتي لك


اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

Malooka Yousef يقول...

الاغنيه تحفه طبعا اما بقه عن كلامك فهو صح جدا بس ياريت كل الناس تكون بتفكر كده لان كل الناس بقت تستغل كلمة بحبك وبيقولوها من غير مايعرفوا معناها وكلامك جميل تسلم ايدك

ليس فقيرا من يحب يقول...

الله عليك بجد




كلمة بحبك يعني بوعد الف وعد
اني اصونك اني اكون راجلك بجد
اني اخليكي تحسي بالامان
اني ارسم فوق شفايفك ضحكة تتحدي الزمان

كلمات غير عاديه سهله واحساسها عالى قوى

ومعانيها قمه فى الروعه ومتصدرش غير من شخصيه

ملتزمه ومتزنه

ربنا يكملك بعقلك ويكرمك ويوفقك

sun of free dom يقول...

تدوينة روعة
بالتوفيق

حَـبآيـۃْ.بـטּـدۉڷ يقول...

إيه الكلآم الكبير ده .. بجد رووووعه يعني ..

واغنية انغام كمان جميله اووي ..

بوست ف الجوون يعني ..

عصـــــــــــام الــــديــن يقول...

http://www.sofsafa.blogspot.com/

Bent Men ElZaman Da !! يقول...

انغام اساسى لا نقاش عليها
انا عاجبنى تحليلك اوى صراحه
مابفكرتش في الاغنيه كده قبل كده :D
بس اوقات الحب مش بيبقى عايز التعقيد ده كله
واوقات بيحتاج تفكير اكبر من كده مليون مره
بتختلف يعنى

كلامك حلو جدا
"كلمة بحبك مش غرض
ده بيها حلم بيتولد
ولاجل ما تعيش للابد
لازم ابقي قد المسؤولية
كلمة بحبك مش بسيطة
كلمة بحبك مش عادية
كلمة بحيك حاجة مش سهلة عليا "
عاجبنى ده اووووى
تسلم ايدك

ساسو يقول...

بجد اختيارك ممتاز
اغنيه انغام دي بالذات بحبها أوي
وبجد كلامك كله حكم ياباشا
ومدونتك جميله جدا
وبجد انا فرحانه جدا اني قريت كلامك الرقيق

ياريت تنور مدونتي المتواضعه

17‏/06‏/2010

كلمة بحبك مش بسيطة


النهارده الاربع 16 يونيو 2010 الساعة 11.08 م 









فى واحدة بتحبك اوى من كام سنة قدام عنيك
وانت بتسال هى فين
فى واحدة بتحبك وليه ماانتش هنا ولو اسالك عنها
تقولى هى مين
ياريت تحس انى اللى بتحبك انا
ياللى انت مش دريان بيا شوف انت ترضى بايه ليا
لو مت فيا تعيشى لو سبتنى تموت فيا

من عمرى جمبى قد ايه وقت اتسرق
وبعيش على امل انى بكرة هعيشه ليك
مستسلمة ومع نفسى بشكى على الورق
ساعات وساعات كتيرة بشكى ليك
ياللى انت مش دريان بيا شوف انت ترضى بايه ليا
لو مت فيا تعيشى لو سبتنى تموت فيا

احم احم 
سلامو عليكو 

طبعا دي اغنية انغام واحدة بتحبك 
وطبعا اول انطباع هيوصلنا 
ان الشخص اللي انغام غنتله ده معندوش احساس 
يعني الست بصراحة عاملة اللي عليها وزيادة 
واخينا ولا هو هنا 

وطبعا عشان انا بحب اخالف وخلاص 
(علي رأي واحد صاحبي يعني )
فانا عايز ادافع عنه 
اه هي عنصرية بقي 

ندخل في الموضوع 
هي بتحبه لدرجة كبيرة ومن سنين 
وبالتاكيد هو برضو لازم يكون اخد بالو 
مش معقول مش بيحس خالص كده يعني 
فاحنا عندنا اختيارين دلوقتي 
يا اما هو مش بيحبها اصلا وعشان كده منفض 
وشاري دماغو 
وفي الحالة دي كانت اكيد هي هتحس يعني 
او هو هيحاول يلمحلها بكده عشان يرتاح ويخلص 

او انه يكون فعلا بيحبها 
ودي الحالة اللي انا بقي عايز اتكلم عليها 

احنا دلوقتي قدام مشكلة وعايزين نحلها 
تفتكرو لو جه وقالها بحبك وهو فعلا صادق 
تبقي المشكلة اتحلت ؟؟؟
طب ليه مش بنفكر هو مش راضي يقول ليه دلوقتي 
ايه اللي منعه يعني ؟؟؟
من وجهة نظري انا لما فكرت في الحكاية دي 
(انا مفكرتش كتير علي فكرة )
لاقيت انه ممكن يكون خايف شويه 
او مش واثق في اللي ممكن يحصل 

او الاقرب بقي 
واللي انا حسه 
ان كلمة بحبك دي عنده مش سهلة 
(زيي كده معقد يعني)
بحبك دي يعني حاجات كتير قوي 
يمكن هو شليف انه مش قدها دلوقتي 
اه بيحبها 
وعارف انها بتحبه 
واكيد امله ان ربنا يجمع ما بينهم 
بس محتاج انه يحس انه قد الكلمة بكل معانيها 
والمعاني دي انا مش هتكلم فيها كتير 

انا كتبت كلمتين كده يارب يعجبوكم 
وده من وجهة نظري 
اوك 

كلمة بحبك 

كلمة بحبك مش بسيطة 
كلمة بحبك مش عادية 
كلمة بحيك حاجة مش سهلة عليا 

كلمة بحبك يعني بوعد الف وعد 
اني اصونك اني اكون راجلك بجد 
اني اخليكي تحسي بالامان 
اني ارسم فوق شفايفك ضحكة تتحدي الزمان 
اني اكون بسمة في حزنك 
اني اكون كلمة في صمتك 
اني اعلّي من كرامتك 
وتبقي اغلي من عنيه 
كلمة بحبك مش بسيطة
كلمة بحبك مش عادية 
كلمة بحيك حاجة مش سهلة عليا 

كلمة بحبك مش مجرد كلمة تتقال والسلام 
كلمة بحبك يعني دنيا عقدها بينا كلام 
كلمة بحبك يعني عايزك تبقي كل دنيتي 
لما احزن تبقي جنبي ولما افرح تقاسميني في فرحتي 
كلمة بحبك مش غرض 
ده بيها حلم بيتولد 
ولاجل ما تعيش للابد 
لازم ابقي قد المسؤولية 
كلمة بحبك مش بسيطة
كلمة بحبك مش عادية 
كلمة بحيك حاجة مش سهلة عليا 

احم احم 
بس خلاص 


فاصل ونكمل 

........

انسان عادي

هناك 11 تعليقًا:

♥♥ شذا ♥ الروح ♥♥ يقول...

السلام عليكم

الله عليك وعلى احساسك
طبعآ انا مش بجامل وبقول الحق
انت وصف حال كتير من الناس الحب ده شىء جميل اووى الحب لاتقيده قيود العالم
ولاجل ما تعيش للابد
لازم ابقي قد المسؤولية
كلمة بحبك مش عادية
كلمة بحيك حاجة مش سهلة عليا

ربنا يوفقك وبحيك على زوقك اللى يجنن

دمت اخى بكل الخير مودتى

NaiRa يقول...

بودددددددى السوسه اللى يختفى يختفى ويظهر بحاجات جامده

على فكره الاغنيه دى انا بموت فيها لان اصلا بموت فى انغام بس بجد عاوزه اقولك انى متفقه مع رأيك اوى يا بودى انه ممكن يكون مش حكايه خوف بقى انه يقولها لا حكايه ان عاوز يشوف اذا كانت العلاقه هتمشى للاخر صح او ممكن يحصل مشاكل واختلافات عاوز يكون قد المسؤليه اللى هيتحملها ودى راى فى الاغنيه وفى رأيك


اما عن اللى انت كتبته اد ايه هو حلو



كلمة بحبك يعني بوعد الف وعد
اني اصونك اني اكون راجلك بجد
اني اخليكي تحسي بالامان
اني ارسم فوق شفايفك ضحكة تتحدي الزمان
اني اكون بسمة في حزنك
اني اكون كلمة في صمتك
اني اعلّي من كرامتك



اكتر حاجه عجبتنى فيها كلمه انى اكون راجلك بجد وانى اعلى من كرامتك
لان بجد دى حاجه يمكن بقت حلقه مفقوده فى قصص الحب ان مبقاش فى انسان كده دلوقتى وللاسف البنات تقريبا بتحاول تتماشى مع الجو عشان المركب تمشى زى ما بيقولو وبتمنى ان كل الرجاله والشباب يكونو بيحاولو يعملو الحاجه دى يارب
وتسلم ايدك يا بووووودى اد ايه كلامك عجبنى واثرر فيا اوى وربنا يوفقك يارب وبطل اعده على النت بقى وخلص مشروعك بقى واتخرج علشان مش ازعل منك

أع ـقل مـ ج ـنـونــة يقول...

لالالالالالالالالالالالالالالا

ايوة لالالالالالالالالالالا

انا برده من اللى كلمة بحبك دي مش سهلة بالنسبة ليا ولا سهل اسمعها واصدقها

بس الكلام دا بجد روعــــــــة

لا بجد روعــــــة

ايه ياجماعة الناس دي هتخلوني اصدق اني رومانسيــــــــــة :S

جووو اوون عبده ^_^

أم الخــلـود يقول...

سلمت الأنامل .. تحياتي لك


اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

Malooka Yousef يقول...

الاغنيه تحفه طبعا اما بقه عن كلامك فهو صح جدا بس ياريت كل الناس تكون بتفكر كده لان كل الناس بقت تستغل كلمة بحبك وبيقولوها من غير مايعرفوا معناها وكلامك جميل تسلم ايدك

ليس فقيرا من يحب يقول...

الله عليك بجد




كلمة بحبك يعني بوعد الف وعد
اني اصونك اني اكون راجلك بجد
اني اخليكي تحسي بالامان
اني ارسم فوق شفايفك ضحكة تتحدي الزمان

كلمات غير عاديه سهله واحساسها عالى قوى

ومعانيها قمه فى الروعه ومتصدرش غير من شخصيه

ملتزمه ومتزنه

ربنا يكملك بعقلك ويكرمك ويوفقك

sun of free dom يقول...

تدوينة روعة
بالتوفيق

حَـبآيـۃْ.بـטּـدۉڷ يقول...

إيه الكلآم الكبير ده .. بجد رووووعه يعني ..

واغنية انغام كمان جميله اووي ..

بوست ف الجوون يعني ..

عصـــــــــــام الــــديــن يقول...

http://www.sofsafa.blogspot.com/

Bent Men ElZaman Da !! يقول...

انغام اساسى لا نقاش عليها
انا عاجبنى تحليلك اوى صراحه
مابفكرتش في الاغنيه كده قبل كده :D
بس اوقات الحب مش بيبقى عايز التعقيد ده كله
واوقات بيحتاج تفكير اكبر من كده مليون مره
بتختلف يعنى

كلامك حلو جدا
"كلمة بحبك مش غرض
ده بيها حلم بيتولد
ولاجل ما تعيش للابد
لازم ابقي قد المسؤولية
كلمة بحبك مش بسيطة
كلمة بحبك مش عادية
كلمة بحيك حاجة مش سهلة عليا "
عاجبنى ده اووووى
تسلم ايدك

ساسو يقول...

بجد اختيارك ممتاز
اغنيه انغام دي بالذات بحبها أوي
وبجد كلامك كله حكم ياباشا
ومدونتك جميله جدا
وبجد انا فرحانه جدا اني قريت كلامك الرقيق

ياريت تنور مدونتي المتواضعه

Recent News

Introduction

Recent News