04‏/06‏/2010

ربع قرن من الزمان 3


النهارده الجمعة 4 يونيو 2010 الساعة 12.28م




احم احم
سلامو عليكو

ولسه مكملين مع مرحلة الابتدائي
بس معلش بقي المواقف النهارده هتكون نكدية شويه
مواقف اتأثرت بيها قوي وعلمت جوايا

نبدأ باول موقف
كنت في رابعة ابتدائي وكان مستوي الفصل بتاعي عالي
يعني فيهم ناس شاطرين ومتميزين كتير
وكان فيه فصل تاني اقل منه بكتير
فادارة المدرسة حبت تعمل مكس بين الفصول
عشان تقرب المستويات لبعض
فقررو يخادو ناس من عندنا يودوهم في الفصل
التاني ويجيبو ناس بدلهم وهكذا يعني
انا فاكر اليوم ده كويس
كنت قاعد في الدكة الاولي
انا ومحمد صلاح (جبنا سيرته قبل كده )
وحسام السيد (وده برضو من اللي كملو معايا)
كنت انا قاعد جنب الحيطو ومحمد في النص وحسام كان ع الطرف
(احم احم اصلي بحب اقعد  جنب الشباك )
المهم جه الاستاذ عبدالله( مدرس لغة عربية )
عشان يقولنا مين اللي هيتنقل
اول واحد قال اسمه محمد صلاح
محمد كان جرئ شويتين اكتر مننا
محمد رفض انه يتنقل عشان مش عايز يسيب الفصل بتاعو
ولا يسيب زمايله
المهم حصلت مشادة وزعيق من الاستاذ عبدالله
والواد مصر علي موقفه ورافض يتنقل
وحبو يخرجوه بالعافيه منفعش برضو
راح الاستاذ عبدالله ضرب محمد قلم علي وشه
انا كنت جنبه وقتها
اقسم بالله مش هكدب لو قلت ان انا حسيت بالقلم ده
محمد كان قاعد جنبي وكان صاحبي قوي
هو مبكاش وقتها صحيح فضل يزعق
ويقولهم انا هجيبلكم ابويا
وانا مش عارف ايه
ونزل علي تحت جري
انا مش عارف ليه فضلت اعيط  قوي وقتها
انا يمكن عشان دموعي قريبة قوي
او عشان حسيت بالظلم
وملقتش حد من كل اللي حواليا بينصفه
ولا انا كمان اتكلمت
ومحمد واقف لوحده قدام الاستاذ المفتري
(من وجهة نظري طبعا )
حتي وقتها المدرسة اللي كانت علينا بتقولي مالك يا عبده
بتعيط ليه
قلتلها اصلي اتخبطت في الدكة

الموقف ده اثر فيا قوي وقتها
ولسه فاكره بتفاصله لحد دلوقتي

المهم بقي في الاخر ان محمد ما اتنقلش من الفصل عشان راح جاب ابوه
ابوه ساعتها كان شغال مدرس في المدرسة الاعدادي جنبنا
وطبعا جه عمل فيلم
والواد كسب المعركة وعلم علي الاستاذ عبدالله
بس المشكلة بقي ان احنا كلنا اتنقلنا من الفصل وسيبنا محمد
صحيح هي حركة ندالة مننا
بس مكنش ينفع نعمل زيه
صوابعك مش زي بعضيها 


بس كده 

الموقفين التانيين بقي ليهم علاقة بالموت
اول واحد كنت في تالتة ابتدائي وكنت في المدرسة 
وبعدين سمعت حد بينادي في  المايك 
ان فيه واحد مات 
المهم سالت مين قالو الشيخ هادي 
الشيخ هادي ده كان الشيخ بتاع الكتاب اللي كنت بحفظ معاه القرآن 
كنت بحبه قوي 
ايوه كان بيزعقلي وبيضربني لما بكون مش حافظ 
بس كنت بشوف فيه حاجة حلوة قوي 
معرفش ايه هي 
بس كنت بحب ابص في وشه 
ودايما كنت بشوفه في الشيخ الشعراوي 
بحس ان فيهم شبه من بعض 
مع ان في الحقيقة مفيش شبه في الشكل 
انما يمكن كنت بحبهم الاتنين زي بعض 
لما مات الشيخ هادي يمكن مفكرتش كتير في النقطة دي
او يمكن عقلي ما ساعدنيش وقتها 
بس كان كل همي في الكتاب نفسه 
يعني هروح الكتاب ولا مش هروح 
ولو رحت هلاقيه يعني ولا هيقولولنا تعبان زي كل مرة 
مكنتش مدرك يعني ايه موت 

وفي الموقف التاني كنت كبرت شويه 
كنت في خامسة ابتدائي 
وكنت خرجت بدري من المدرسة عشان اروح اكشف علي سناني 
روحت البيت عشان حد يجي معايا 
قابلني عمي محمد وكان شكله متغير شويه كده 
وقالي روح لابوك في المدرسة دلوقتي 
وقوله يجي بسرعة عشان عمك فرحات مات 
انا خدت الكلميتن ومتكلمتش 
ومشيت 
بس طول الطريق بفكر
يعني ايه مات 
يعني مش هيجي عندنا تاني 
ولا هنشوفو تاني 
يمكن عمي فرحات اثر معايا شويه اكتر 
لانه كان اقرب من الشيخ هادي ليا 
فضلت افكر في الكلام ده طول الطريق 
واللي فهمته انها حاجة هتزعل ابويا 
فبقيت مش عارف اقوله ايه 
اقوله عمي فرحات مات كده علي طول 
بصراحة مقدرتش 
رحت قايله تعاله عشان عمي محمد عايزك ضروري 
طبعا هو فهم علي طول 
لان عمي فرحات كان تعبان وكان في المستشفي 
الكلام ده انا مكنتش اعرفه 


يمكن التلات مواقف دول اكتر تلات مواقف اثرو فيا 
يمكن في حياتي كلها 
لان دماغي كانت لسه بتتشكل 
وكنت لسه برئ وطيب 
علي فكرة انا لسه طيب والله 
بس البراءة بقي مممممممم
يعني هههههههه



كده نكون خلصنا علي المرحلة الاولي في الربع قرن 
وكانت نهايتها سعيدة جدا بحصولي علي الشهادة الابتدائية 
بمجموع 281 من 350 
طبعا المجموع كان وحش جدا 
بس انا كنت فرحان بطريقة فظيعة 
اكبر سنة فرحت فيها اني نجحت كانت خامسة ابتدائي 
لاني بعد تعب خمس سنين هكبر بقي وادخل الاعدادي 
ياااااه كان حلم واتحقق 

اسيبكو بقي دلوقتي 
ونكمل الحلقة اللي جاية مع مرحلة جديدة 
ولسه مش عارف هيكون فيها ايه 
يارب افتكر كويس بس 


فاصل ونكمل 

..........

انسان عادي

هناك 4 تعليقات:

mrmr يقول...

عبددددددددده
البقاء لله
بس بجد انا بحسدك على ذاكرتك دى
انا نفسى يكون ليا ذاكره كده
لكن ياللا معلش
كل واحد بياخذ نصيبه
كنت منتظره اقرا انهارده قصه رعب لكن ياللا ملحوقه حاول تفتكر حاجه فى حياتك ترعب
منتظره مفاجأت جديده

♥♥ شذا ♥ الروح ♥♥ يقول...

ازيك يا باشا

ههههههههههههههه

بجد مبسوطه اووى بيك وفخوره انك فاكر الاحداث دى كلها
يا راجل انا عماله اعصر فى دماغى وافتكر اى حاجه مش عارفه


منتظرين المزيد
مش تتاخر
هههههههههههه

وعلى فكره دى مذكرات هايله عشان تبقا توريها لاولادك ان شاء الله

انسان عادي يقول...

مرمر

الحمد لله علي كل حال

يا دي النيلة علي الذاكرة
انا عرفت دلوقتي انا مش عارف اكتب الحلقة الجديدة ليه
راحت الذاكرة
ههههههههههه

قصة رعب ؟؟؟؟
مش عارف صعب تلاقي حاجة كده
لاني مكنتش خواف وانا صغير
فمكنتش بحط الحاجات دي في دماغي

عموما سيبيها علي الله

سلامو عليكو

انسان عادي يقول...

شذا الروح

امممممممممم
قولت لي انتي مين ؟؟؟؟؟
هههههههه

ولاد مين ؟؟؟؟
انتي عايزة العيال يشوفو الكلام ده ؟؟؟
طبعا لا لازم يتظبط كده
لازم الواحد يحافظ علي منظره برضو قدام الاولاد
احم احم
حسستيني ان انا خلفت خلاص
ههههههههههه

سلامو عليكو

04‏/06‏/2010

ربع قرن من الزمان 3


النهارده الجمعة 4 يونيو 2010 الساعة 12.28م




احم احم
سلامو عليكو

ولسه مكملين مع مرحلة الابتدائي
بس معلش بقي المواقف النهارده هتكون نكدية شويه
مواقف اتأثرت بيها قوي وعلمت جوايا

نبدأ باول موقف
كنت في رابعة ابتدائي وكان مستوي الفصل بتاعي عالي
يعني فيهم ناس شاطرين ومتميزين كتير
وكان فيه فصل تاني اقل منه بكتير
فادارة المدرسة حبت تعمل مكس بين الفصول
عشان تقرب المستويات لبعض
فقررو يخادو ناس من عندنا يودوهم في الفصل
التاني ويجيبو ناس بدلهم وهكذا يعني
انا فاكر اليوم ده كويس
كنت قاعد في الدكة الاولي
انا ومحمد صلاح (جبنا سيرته قبل كده )
وحسام السيد (وده برضو من اللي كملو معايا)
كنت انا قاعد جنب الحيطو ومحمد في النص وحسام كان ع الطرف
(احم احم اصلي بحب اقعد  جنب الشباك )
المهم جه الاستاذ عبدالله( مدرس لغة عربية )
عشان يقولنا مين اللي هيتنقل
اول واحد قال اسمه محمد صلاح
محمد كان جرئ شويتين اكتر مننا
محمد رفض انه يتنقل عشان مش عايز يسيب الفصل بتاعو
ولا يسيب زمايله
المهم حصلت مشادة وزعيق من الاستاذ عبدالله
والواد مصر علي موقفه ورافض يتنقل
وحبو يخرجوه بالعافيه منفعش برضو
راح الاستاذ عبدالله ضرب محمد قلم علي وشه
انا كنت جنبه وقتها
اقسم بالله مش هكدب لو قلت ان انا حسيت بالقلم ده
محمد كان قاعد جنبي وكان صاحبي قوي
هو مبكاش وقتها صحيح فضل يزعق
ويقولهم انا هجيبلكم ابويا
وانا مش عارف ايه
ونزل علي تحت جري
انا مش عارف ليه فضلت اعيط  قوي وقتها
انا يمكن عشان دموعي قريبة قوي
او عشان حسيت بالظلم
وملقتش حد من كل اللي حواليا بينصفه
ولا انا كمان اتكلمت
ومحمد واقف لوحده قدام الاستاذ المفتري
(من وجهة نظري طبعا )
حتي وقتها المدرسة اللي كانت علينا بتقولي مالك يا عبده
بتعيط ليه
قلتلها اصلي اتخبطت في الدكة

الموقف ده اثر فيا قوي وقتها
ولسه فاكره بتفاصله لحد دلوقتي

المهم بقي في الاخر ان محمد ما اتنقلش من الفصل عشان راح جاب ابوه
ابوه ساعتها كان شغال مدرس في المدرسة الاعدادي جنبنا
وطبعا جه عمل فيلم
والواد كسب المعركة وعلم علي الاستاذ عبدالله
بس المشكلة بقي ان احنا كلنا اتنقلنا من الفصل وسيبنا محمد
صحيح هي حركة ندالة مننا
بس مكنش ينفع نعمل زيه
صوابعك مش زي بعضيها 


بس كده 

الموقفين التانيين بقي ليهم علاقة بالموت
اول واحد كنت في تالتة ابتدائي وكنت في المدرسة 
وبعدين سمعت حد بينادي في  المايك 
ان فيه واحد مات 
المهم سالت مين قالو الشيخ هادي 
الشيخ هادي ده كان الشيخ بتاع الكتاب اللي كنت بحفظ معاه القرآن 
كنت بحبه قوي 
ايوه كان بيزعقلي وبيضربني لما بكون مش حافظ 
بس كنت بشوف فيه حاجة حلوة قوي 
معرفش ايه هي 
بس كنت بحب ابص في وشه 
ودايما كنت بشوفه في الشيخ الشعراوي 
بحس ان فيهم شبه من بعض 
مع ان في الحقيقة مفيش شبه في الشكل 
انما يمكن كنت بحبهم الاتنين زي بعض 
لما مات الشيخ هادي يمكن مفكرتش كتير في النقطة دي
او يمكن عقلي ما ساعدنيش وقتها 
بس كان كل همي في الكتاب نفسه 
يعني هروح الكتاب ولا مش هروح 
ولو رحت هلاقيه يعني ولا هيقولولنا تعبان زي كل مرة 
مكنتش مدرك يعني ايه موت 

وفي الموقف التاني كنت كبرت شويه 
كنت في خامسة ابتدائي 
وكنت خرجت بدري من المدرسة عشان اروح اكشف علي سناني 
روحت البيت عشان حد يجي معايا 
قابلني عمي محمد وكان شكله متغير شويه كده 
وقالي روح لابوك في المدرسة دلوقتي 
وقوله يجي بسرعة عشان عمك فرحات مات 
انا خدت الكلميتن ومتكلمتش 
ومشيت 
بس طول الطريق بفكر
يعني ايه مات 
يعني مش هيجي عندنا تاني 
ولا هنشوفو تاني 
يمكن عمي فرحات اثر معايا شويه اكتر 
لانه كان اقرب من الشيخ هادي ليا 
فضلت افكر في الكلام ده طول الطريق 
واللي فهمته انها حاجة هتزعل ابويا 
فبقيت مش عارف اقوله ايه 
اقوله عمي فرحات مات كده علي طول 
بصراحة مقدرتش 
رحت قايله تعاله عشان عمي محمد عايزك ضروري 
طبعا هو فهم علي طول 
لان عمي فرحات كان تعبان وكان في المستشفي 
الكلام ده انا مكنتش اعرفه 


يمكن التلات مواقف دول اكتر تلات مواقف اثرو فيا 
يمكن في حياتي كلها 
لان دماغي كانت لسه بتتشكل 
وكنت لسه برئ وطيب 
علي فكرة انا لسه طيب والله 
بس البراءة بقي مممممممم
يعني هههههههه



كده نكون خلصنا علي المرحلة الاولي في الربع قرن 
وكانت نهايتها سعيدة جدا بحصولي علي الشهادة الابتدائية 
بمجموع 281 من 350 
طبعا المجموع كان وحش جدا 
بس انا كنت فرحان بطريقة فظيعة 
اكبر سنة فرحت فيها اني نجحت كانت خامسة ابتدائي 
لاني بعد تعب خمس سنين هكبر بقي وادخل الاعدادي 
ياااااه كان حلم واتحقق 

اسيبكو بقي دلوقتي 
ونكمل الحلقة اللي جاية مع مرحلة جديدة 
ولسه مش عارف هيكون فيها ايه 
يارب افتكر كويس بس 


فاصل ونكمل 

..........

انسان عادي

هناك 4 تعليقات:

mrmr يقول...

عبددددددددده
البقاء لله
بس بجد انا بحسدك على ذاكرتك دى
انا نفسى يكون ليا ذاكره كده
لكن ياللا معلش
كل واحد بياخذ نصيبه
كنت منتظره اقرا انهارده قصه رعب لكن ياللا ملحوقه حاول تفتكر حاجه فى حياتك ترعب
منتظره مفاجأت جديده

♥♥ شذا ♥ الروح ♥♥ يقول...

ازيك يا باشا

ههههههههههههههه

بجد مبسوطه اووى بيك وفخوره انك فاكر الاحداث دى كلها
يا راجل انا عماله اعصر فى دماغى وافتكر اى حاجه مش عارفه


منتظرين المزيد
مش تتاخر
هههههههههههه

وعلى فكره دى مذكرات هايله عشان تبقا توريها لاولادك ان شاء الله

انسان عادي يقول...

مرمر

الحمد لله علي كل حال

يا دي النيلة علي الذاكرة
انا عرفت دلوقتي انا مش عارف اكتب الحلقة الجديدة ليه
راحت الذاكرة
ههههههههههه

قصة رعب ؟؟؟؟
مش عارف صعب تلاقي حاجة كده
لاني مكنتش خواف وانا صغير
فمكنتش بحط الحاجات دي في دماغي

عموما سيبيها علي الله

سلامو عليكو

انسان عادي يقول...

شذا الروح

امممممممممم
قولت لي انتي مين ؟؟؟؟؟
هههههههه

ولاد مين ؟؟؟؟
انتي عايزة العيال يشوفو الكلام ده ؟؟؟
طبعا لا لازم يتظبط كده
لازم الواحد يحافظ علي منظره برضو قدام الاولاد
احم احم
حسستيني ان انا خلفت خلاص
ههههههههههه

سلامو عليكو

Recent News

Introduction

Recent News