25‏/04‏/2010

ما احلي النظام في زمن الفوضي

النهارده الاحد 25 ابريل 2010 الساعة 6.15 ص 



احم احم
سلامو عليكو

انا بطبعي مش بحب اكون عادي زي اي حد
ومش بحب امشي مع الموجة
ومش بحب اكون نسخة مطبوعة من بشر كتير
يعني بحب اكون مختلف

بس اكتشفت بقي كمان ان المتعة الاكبر لما تكون مختلف وصح
يعني مش خالف تعرف لا خالف عشان ده الصح

مثلا في الميترو الايام دي عاملين بابين للصعود وبابين للنزول
طبعا قلما حد يلتزم بالكلام ده الا صدفة بقي
لو لقي نفسه قدام الباب الصح
الا من رحم ربي طبعا
انا بقي بقيت التزم جدا بالحكاية دي
بحس بمتعة كبيرة وانا بعمل حاجة صح ومنظمة
خصوصا لو هي مش منتشرة او سائدة

حتي في الشارع
لما اكون معايا منديل ورق عايز ارميه
او كانز حاجة ساقعة
الشارع ممكن يكون زبالة ومش هيفرق يعني الورقة اللي هرميها
بس انك تعمل الصح دي متعة لوحدها

متتصوروش بفرح قد ايه لما افضل الف وادور علي باسكت عشان ارمي فيها الحاجة دي
وطبعا بفرح اكتر لما بلاقيها عشان مش دايما بلاقيها

ولما تكون قاعد في اتوبيس او المترو برضو
وتقوم عشان تقعد حد كبير او حد تعبان مكانك
او حتي واحد عادي لو انت مشوارك بسيط و ميستاهلش قعدة يعني
برضو بفرح بيها جدا

وفيه حاجة كمان هو مش دايما بعملها
بس عملتها ساعات
هي بصراحة في المترو بس
لما حد يرمي ورقة مثلا في المترو
ومن المعروف ان المتر من انضف الاماكن في بلدنا
علي الاقل الاماكن اللي انا شفتها
ممكن اروح واشيل الورقة دي وارميها في الباسكت
ممكن ناس ميعجبهاش الكلام ده وتقول انا مالي
كفاية انا اكون ملتزم وانا مش همشي الم الزبالة يعني
بس انا بقول يمكن حد يشوفني وتكون نفسيته حلوة ويعمل زيي

بجد انا بحس بمتعة كبيرة وانا ملتزم
وبحس ان انا ليا قيمة كده

فعلا

ما احلي النظام في زم الفوضي

بس خلاص

فاصل ونكمل

......

انسان عادي

هناك 3 تعليقات:

من كل بستان زهرة يقول...

عبدو

انا بقى مش عايزه أقول انا حاسه بمتعة
قد أيه وانا بقرأ كلامك ده

ياريت كلنا نعمل كده
نبص على نفسنا وبس
ونفكر اننا نكون منظمين في زمن الفوضى
عارف هتصحى الصبح هتلاقي مصر كلها بقت منظمة

ماهو مشوار الأف ميل يبدأ بخطوه

ربنا يبارك فيك

تحياتي

mrmr يقول...

احم احم
طبعا خدتها منك ... ههههههههه
لكن عايزه اقولك مش انت لوحدك اللى بتعمل كده فى ناس كتير قوى بيعملوا كده
وانا من الاشخاص دى وببقى سعيده قوى وانا بعمل كده مش بس فى الشارع كمان فى مكان العمل ويمكن دى تكون رساله جيده من خلال مدونتك للنظام والنظافه
تحياتى

♥♥ شذا ♥ الروح ♥♥ يقول...

احم احم

سلامو عليكم

مافيش حد احسن من حد ياعمونا

مش لوحد انا كده زيك والله بحب النظام والنظافه بس فى ناس زوباله اووووى مش عارفه ازاى يسمحو لنفسهم بالهم والقرف ده
ربنا يهدى

دمت ودام احساسك وقلمك

واحم احم انا ضفت المدونه عندى اهون

منتظر ايه تعالو زورونا
يلا باى مع السلامو عليكم

شذا الروح

25‏/04‏/2010

ما احلي النظام في زمن الفوضي

النهارده الاحد 25 ابريل 2010 الساعة 6.15 ص 



احم احم
سلامو عليكو

انا بطبعي مش بحب اكون عادي زي اي حد
ومش بحب امشي مع الموجة
ومش بحب اكون نسخة مطبوعة من بشر كتير
يعني بحب اكون مختلف

بس اكتشفت بقي كمان ان المتعة الاكبر لما تكون مختلف وصح
يعني مش خالف تعرف لا خالف عشان ده الصح

مثلا في الميترو الايام دي عاملين بابين للصعود وبابين للنزول
طبعا قلما حد يلتزم بالكلام ده الا صدفة بقي
لو لقي نفسه قدام الباب الصح
الا من رحم ربي طبعا
انا بقي بقيت التزم جدا بالحكاية دي
بحس بمتعة كبيرة وانا بعمل حاجة صح ومنظمة
خصوصا لو هي مش منتشرة او سائدة

حتي في الشارع
لما اكون معايا منديل ورق عايز ارميه
او كانز حاجة ساقعة
الشارع ممكن يكون زبالة ومش هيفرق يعني الورقة اللي هرميها
بس انك تعمل الصح دي متعة لوحدها

متتصوروش بفرح قد ايه لما افضل الف وادور علي باسكت عشان ارمي فيها الحاجة دي
وطبعا بفرح اكتر لما بلاقيها عشان مش دايما بلاقيها

ولما تكون قاعد في اتوبيس او المترو برضو
وتقوم عشان تقعد حد كبير او حد تعبان مكانك
او حتي واحد عادي لو انت مشوارك بسيط و ميستاهلش قعدة يعني
برضو بفرح بيها جدا

وفيه حاجة كمان هو مش دايما بعملها
بس عملتها ساعات
هي بصراحة في المترو بس
لما حد يرمي ورقة مثلا في المترو
ومن المعروف ان المتر من انضف الاماكن في بلدنا
علي الاقل الاماكن اللي انا شفتها
ممكن اروح واشيل الورقة دي وارميها في الباسكت
ممكن ناس ميعجبهاش الكلام ده وتقول انا مالي
كفاية انا اكون ملتزم وانا مش همشي الم الزبالة يعني
بس انا بقول يمكن حد يشوفني وتكون نفسيته حلوة ويعمل زيي

بجد انا بحس بمتعة كبيرة وانا ملتزم
وبحس ان انا ليا قيمة كده

فعلا

ما احلي النظام في زم الفوضي

بس خلاص

فاصل ونكمل

......

انسان عادي

هناك 3 تعليقات:

من كل بستان زهرة يقول...

عبدو

انا بقى مش عايزه أقول انا حاسه بمتعة
قد أيه وانا بقرأ كلامك ده

ياريت كلنا نعمل كده
نبص على نفسنا وبس
ونفكر اننا نكون منظمين في زمن الفوضى
عارف هتصحى الصبح هتلاقي مصر كلها بقت منظمة

ماهو مشوار الأف ميل يبدأ بخطوه

ربنا يبارك فيك

تحياتي

mrmr يقول...

احم احم
طبعا خدتها منك ... ههههههههه
لكن عايزه اقولك مش انت لوحدك اللى بتعمل كده فى ناس كتير قوى بيعملوا كده
وانا من الاشخاص دى وببقى سعيده قوى وانا بعمل كده مش بس فى الشارع كمان فى مكان العمل ويمكن دى تكون رساله جيده من خلال مدونتك للنظام والنظافه
تحياتى

♥♥ شذا ♥ الروح ♥♥ يقول...

احم احم

سلامو عليكم

مافيش حد احسن من حد ياعمونا

مش لوحد انا كده زيك والله بحب النظام والنظافه بس فى ناس زوباله اووووى مش عارفه ازاى يسمحو لنفسهم بالهم والقرف ده
ربنا يهدى

دمت ودام احساسك وقلمك

واحم احم انا ضفت المدونه عندى اهون

منتظر ايه تعالو زورونا
يلا باى مع السلامو عليكم

شذا الروح

Recent News

Introduction

Recent News