18‏/04‏/2010

هل هي صراحة ام بجاحة ام قلة ادب ؟؟؟؟


النهاردة الخميس 10 ابريل 2010 الساعة 12.29 م




احم احم 
سلامو عليكو 

انا طبعا بقالي كتير جدا بكتبتش حاجة 
بعتذر اولا لاي حد كان بيدخل علي المدونة ومش بيلاقي جديد
ده لو كان فيه يعني 
وياريت تسامحوني بجد الايام دي انا داخل علي اخر
امتحانات ليا 
وخلاص المفروض اني اتخرج بقي
وفيه مشروع تخرج المفروض انه واخد وقت كبير 
بس بصراحة اللي مخليني مش عارف اكتب مش قلة وقت 
لكن دماغي مش رايقة خالص ومش مركز وقلقان 
ربنا يسترها بقي 

نتكلم في موضوعنا بقي 

طبعا كلنا سمعنا فيلم ضد الحكومة 
اولا ده من الافلام اللي انا بحبها جد اجد 
وممكن اسمعه كل يوم عادي وما ازهقش
في الفيلم ده وخصوصا في المشهد الاخير 
الا وهو المرافعة  واقف احمد زكي بيسمع كل شئ غلط عمله 
في حياته تاريخ اسود بينحكي قدام الناس كلها 
في مفهومنا احنا يعني فضيحة علي الملأ 
لكن هو رد علي الكلام ده بمنتهي الجراءة واكده 
وقال جملة عجبتني انا شخصا قوي  
قال  " علّي اتطهر منها "
هو ليه اعترف او اكد علي الكلام ده 
يا تري عشان هو مش هيقدر ينكر لان فيه اثباتات للكلام ده
ولا هو وشه مكشوف زي ما بنقول ومش همه حاجة 
ولا فعلا عشان  " علّي اتطهر منها "

انا هحكي موقف حصل معايا واثر فيا بشكل كبير قوي 
خلاني اغير وجهة نظري واتصرف بشكل مختلف 

طبعا زي ما انتو عارفين انا كنت فاشل شويتين في الدراسة 
وعدت اكتر من سنة في الكلية 
"احم احم .. واللي ميعرفش اديه عرف اي خدمة "
ودايما كنت لما النتيجة بتظهر كان اكتر حاجة بخاف منها 
وبزعل قوي منها نظرة الناس ليا 
وهما بيقولو بعنيهم :
" شوفو اللي كان شاطر في الثانوية وجايب مجموع قد كده ايه 
جراله"
وفيه اللي يشكك اصلا ان انا كنت مجتهد بقي
ويقول ده حظ 
وحاجات كده يعني 
بس ده كنت بعديه وبحاول اتجنبه وخلاص 
لحد فيه يوم قابلت مدرس كان بيدرسلي في اعدادي انجلش 
كنت بحبه قوي وكان له معزة خاصة كده عندي 
المهم قابلني وسلم عليا وسألني كالعادة ع النتيجة 
فانا كالعادة برضو حطيت وشي في الارض مع نظرة
حزن كده خفيفة 
وقولتله : " احم .. مفيش نصيب يا استاذ احمد "
لاقيته سحب ايده من ايدي في نص الشارع وسبني ومشي 
من غير ولا نص كلمة 
مش عارف  اقوله قد ايه انا كان هاين عليا في اللحظة 
دي اموت نفسي
انا عارف انه بيحبني وبيخاف عليا وعايز مصلحتي 
بس عرفين لو كان مسكني في الشارع وضربني 
كان هيبقي ارحم بالنسبالي كتير من اللي حصل ده 
وروحت بيتنا وانا فعلا منهار جدا ومخنوق قوي من نفسي

وبعد ما هديت وفكرت شويه 
قلت طب انا اخنق نفسي بلام الناس ولا نظراتهم ليه 
ما يولعو ده المتضرر الوحيد في الحكاية دي انا 
ويمكن بعد كده والدي ووالدتي  
ومن يوميها اخدت قرار اني مش هنكسف ابدا من اي
حاجة تحصلي 
او اي حاجة اعملها ومش هخبيها 
لا وكمان بقيت اي حاجة حاسس كده اني هضايق لو حد عرفها 
بقيت اسبق انا واعرفها للناس 
وبقول انا عملت كذا ...
طالما حاجة مش بايدي صحيح انا ممكن اكون مقصر 
لكن هي حاجة وحصلت لو فضلت اخنق في نفسي 
والومها بقي يبقي مش هنخلص 
اه المفروض اتعلم منها وده اللي انا عملته 
لكن الحياة موقفتش بقي علي كده 

يمكن القرار ده هو اللي رجع لي نفسي تاني 
انا في الايام دي كنت تايه وضايع بشكل كبير قوي 
مش عارف انا بعمل ايه ولا بعمل ده ليه 
لكن بعد الوقفة دي اللي فات هان في عنيا جدا 
وبقي الاهم هو اللي جاي 

نطلع من الكلام ده بايه :
ان مصارحة النفس باخطاءها ومصارحة الناس كمان 
تدخل تحت بند ايه ؟؟؟؟
ياتري  صراحة ويبقي ده حد كويس وبيعترف باخطاؤه
ولا بجاحة ونقول ده واحد وشه مكشوف ومعندوش دم 
ولا قلة ادب بقي وعدم احترام نفسك قدام الناس

انا من وجهة نظري مهما كان نوعها 
فانا معاها لانها رجعتني تاني للحياة 

بس خلاص 

فاصل ونكمل 

.....

انسان عادي

هناك 10 تعليقات:

إمرأه من ثلج يقول...

تعليق اول

مساء الخير
انا بعتبرة نوع من انواع الصراحة مع النفس وبعد كة الناس مش عارفة لية بنخاف من الناس اوى كدة مش مهم الناس المهم انا وطلما عرفت ان دا غلط او فى تاثير منى احاول اصلح نفسى وخلاص

تحياتى وربنا يوفقك فى الامتحانات

من كل بستان زهرة يقول...

اولا ربنا يوفقك في الأمتحانات وتخلص بقى
الدراسه دي وجع دماغ

ثانيا بقى موضوع الصراحة ده بيختلف حسب الخطأ نفسه

في أخطاء الواحد ممكن يكون غلطان فيها ويصارح الناس على اساس انه بيعترف بخطأه وأنه اتعلم منه وهيصلحه
ودي منهى الشجاعه

وفي أخطاء مش من الأفضل انك تصارح الناس بيها
على أساس مبدأ (أذا بوليتم فستتروا)

بتنزل من قدر الواحد في عيون الناس
وممكن الواحد يكون تاب عن الخطأ ده بس الناس عمرها مهتنساه وكل مهيشفوه هيفتكروا غلطته

يعني مواقف ومواقف لاز الواحد يكون حكيم في الموضوع ده

المهم انك في النهايه تتخرج بقى يا أستاذ وتستريح من الموضوع ده

من كل بستان زهرة يقول...

معلش نسيت أباركلك على new look
أيوه ياعم بحر وخضره وهوا
ناقص الوجه الحسن

لااااااااااااا طبعا
انت صدقت
أتخرج الأول يابابا وبعدين فكر في الحاجات دي

مبروووووووك

تحياتي لك

NaiRa يقول...

اولا صباح الفل حسب توقيت بيت نيره
ثانيا ازيك كويس؟ الحمد لله دايما يارب
مس يو كتيييير يا بودى يا اخويا الغالى وانتى كمان مس يو كتير اختى نونا الغاليه

ايه ده واضح انى بغنى وارد على نفسى مش كده !!!!!

المهم بجد ....

بص يا عبدو انا بعتبر كلام الناس مش بيفرق معايا فى شيئ او مش الناس كلهم لا هما بصراحه الناس اللى هما بعيد عنى او ميعرفوش انا فيا ايه يعنى جرانى او ناس تعرفنى من بعيد لان دول مجرد لسان غير كده لاء انهم يشوفو حاجه ويفضلو بقى يعملو كومنتات من تحت لتحت زى السوس كده
لكن ميعرفوش انا بقضى يومى ازاى او حالى شكلو ايه او نفسيتى عامله ازاى
زى مثلا واحده ليها جار ساكن جنبها ووقفت معاه فى الشارع تكلمو او تسأله عن حاجه جارها وزى اخوها ما هو اكيد لو فى بنهم حاجه مش هتقف وسط الشارع معاه يعنى
الناس بقى مجرد ما تشوف كده خد عندك بقى يا معلم
دى تلاقيها معرفش ايه وبتمشى وتعمل ايه
وكلام ملوش اول من اخر ده عيب فى الناس كلها
انهم بيفكرو فى الغلط قبل الصح
ويوم ما واحده فعلا تقول اه كنت واقفه بكلمو ومش تنكر يقولو عليها بجاحه وقله ادب وعدم تربيه وحاجات يامااااااااا
بس العيب مش فيهم العيب فى اللى بيأخدهم على كدا ليه انا لما اغلط مش اقف واقول انا عملت كده انتو فهمتو غلط انا كنت واقفه عشان كذا وكذا
بس للاسف نص الناس بيملاهم الخوف
وربنا يشفينا من العاده الوحشه دى الخوف & الاحراج & النميمه

تقبل تحياتى يا بودى
ومش تحرمنا تانى منك كده وربنا معاك يارب فى امتحاناتك
وشد حيلك قولتلك مش هقبل اقل من (امتياز)
NoNa

ليله شتاء يقول...

السلام عليكم
**********
من تدخل فيما لايعنيه نال مالا يرضيه
ومهما عملت أو قلت مش هترضى كل الناس يبقى نعمل ونقول اللى أحنا شيفينوا صح لينا وكمان حاجه بتقولها وتفيدك يبقى خلاص

ربنا معاك فى الامتحانات



******
المدونه جميله
أتمنى أن تقبل مرورى
دام قلمك

انسان عادي يقول...

امرأة من ثلج

المشكلة ان احنا المفروض بنتعامل مع الناس
يعني مينفعش نقول مش مهم الناس
هما مش مهم في الحق طبعا ومش هيفرق كلامهم
لكن المشكلة لما اكون انا الغلطان وعارف ده
بيبقي صعب اهمل كلامهم
لاني اصلا منتظر حاجة زي كده
لازم يحصل لوم
بس المهم اللوم او العتاب ده ميهدش فيا
المفروض انه يديني حماس اكبر وعزيمة اكبر اني المرة اللي جايه مغلطش الغلطة دي

شكرا ليكي علي تكرار الزيارة
وربنا ميحرمنيش من زيارتك ولا رايك ابدا

انسان عادي يقول...

من كل بستان زهرة

اولا شكرا ليكي
وادعيلي وحياتك عشان انامحتاج الدعاء ده قوي

ثانيا بقي
انا هنا بتكلم علي الحاجات اللي هي معروفة بالفعل لبعض الناس
واكيد الباقي هيعرف
او لو هي مش معروفة فكده كده هتتعرف
فمن رايي تيجي مني احسن ما الاقي حد بيوقفني ويقول انا سمعت عنك اخبار كده
ويفضل يغمزلي بعنيه كأنه شافني في شقة مشبوهة
يعني مش بحب الاسلوب ده ابدا

شكراااااااا

انسان عادي يقول...

من كل بستان زهرة

احم احم
تاني

والله انا نفسي بقي عايز استقر
هههههههه
وبعدين كلها شهرين ان شاء الله مش حكاية
وبعدين صحابس عمالين يقعو من حواليه
وكلهم بيخطبو اشمعني انا

يلا شكرا ليكي تاني

انسان عادي يقول...

نونا

ازيك يا قمر
وحشاني كتير يارب تكوني بخير دايما ان شاء الله

علي فكرة انا بتعجبني دماغك قوي
مريحة نفسك من حاجات كتير
بجد ربنا يوفقك ويكرمك
وان شاء الله حياتك تبقي كويسة

وسيبك من الناس وكلام الناس دي حاجة مبتفرقش
مهما يقولو عليك ما يقولو دي حاجة متتصدقش

اي خدمة
سلام يا جميل

انسان عادي يقول...

ليلة شتاء

حلو قوي الكلام ده
انا بحب المقولة دي جدا وبعمل بيها
وفعلا مش بحب اتدخل في حاجة مليش فيها

شكرا ليكي وادعيلي تاني
نفسي اخلص بقي

شرفتيني جدا بزيارتك

18‏/04‏/2010

هل هي صراحة ام بجاحة ام قلة ادب ؟؟؟؟


النهاردة الخميس 10 ابريل 2010 الساعة 12.29 م




احم احم 
سلامو عليكو 

انا طبعا بقالي كتير جدا بكتبتش حاجة 
بعتذر اولا لاي حد كان بيدخل علي المدونة ومش بيلاقي جديد
ده لو كان فيه يعني 
وياريت تسامحوني بجد الايام دي انا داخل علي اخر
امتحانات ليا 
وخلاص المفروض اني اتخرج بقي
وفيه مشروع تخرج المفروض انه واخد وقت كبير 
بس بصراحة اللي مخليني مش عارف اكتب مش قلة وقت 
لكن دماغي مش رايقة خالص ومش مركز وقلقان 
ربنا يسترها بقي 

نتكلم في موضوعنا بقي 

طبعا كلنا سمعنا فيلم ضد الحكومة 
اولا ده من الافلام اللي انا بحبها جد اجد 
وممكن اسمعه كل يوم عادي وما ازهقش
في الفيلم ده وخصوصا في المشهد الاخير 
الا وهو المرافعة  واقف احمد زكي بيسمع كل شئ غلط عمله 
في حياته تاريخ اسود بينحكي قدام الناس كلها 
في مفهومنا احنا يعني فضيحة علي الملأ 
لكن هو رد علي الكلام ده بمنتهي الجراءة واكده 
وقال جملة عجبتني انا شخصا قوي  
قال  " علّي اتطهر منها "
هو ليه اعترف او اكد علي الكلام ده 
يا تري عشان هو مش هيقدر ينكر لان فيه اثباتات للكلام ده
ولا هو وشه مكشوف زي ما بنقول ومش همه حاجة 
ولا فعلا عشان  " علّي اتطهر منها "

انا هحكي موقف حصل معايا واثر فيا بشكل كبير قوي 
خلاني اغير وجهة نظري واتصرف بشكل مختلف 

طبعا زي ما انتو عارفين انا كنت فاشل شويتين في الدراسة 
وعدت اكتر من سنة في الكلية 
"احم احم .. واللي ميعرفش اديه عرف اي خدمة "
ودايما كنت لما النتيجة بتظهر كان اكتر حاجة بخاف منها 
وبزعل قوي منها نظرة الناس ليا 
وهما بيقولو بعنيهم :
" شوفو اللي كان شاطر في الثانوية وجايب مجموع قد كده ايه 
جراله"
وفيه اللي يشكك اصلا ان انا كنت مجتهد بقي
ويقول ده حظ 
وحاجات كده يعني 
بس ده كنت بعديه وبحاول اتجنبه وخلاص 
لحد فيه يوم قابلت مدرس كان بيدرسلي في اعدادي انجلش 
كنت بحبه قوي وكان له معزة خاصة كده عندي 
المهم قابلني وسلم عليا وسألني كالعادة ع النتيجة 
فانا كالعادة برضو حطيت وشي في الارض مع نظرة
حزن كده خفيفة 
وقولتله : " احم .. مفيش نصيب يا استاذ احمد "
لاقيته سحب ايده من ايدي في نص الشارع وسبني ومشي 
من غير ولا نص كلمة 
مش عارف  اقوله قد ايه انا كان هاين عليا في اللحظة 
دي اموت نفسي
انا عارف انه بيحبني وبيخاف عليا وعايز مصلحتي 
بس عرفين لو كان مسكني في الشارع وضربني 
كان هيبقي ارحم بالنسبالي كتير من اللي حصل ده 
وروحت بيتنا وانا فعلا منهار جدا ومخنوق قوي من نفسي

وبعد ما هديت وفكرت شويه 
قلت طب انا اخنق نفسي بلام الناس ولا نظراتهم ليه 
ما يولعو ده المتضرر الوحيد في الحكاية دي انا 
ويمكن بعد كده والدي ووالدتي  
ومن يوميها اخدت قرار اني مش هنكسف ابدا من اي
حاجة تحصلي 
او اي حاجة اعملها ومش هخبيها 
لا وكمان بقيت اي حاجة حاسس كده اني هضايق لو حد عرفها 
بقيت اسبق انا واعرفها للناس 
وبقول انا عملت كذا ...
طالما حاجة مش بايدي صحيح انا ممكن اكون مقصر 
لكن هي حاجة وحصلت لو فضلت اخنق في نفسي 
والومها بقي يبقي مش هنخلص 
اه المفروض اتعلم منها وده اللي انا عملته 
لكن الحياة موقفتش بقي علي كده 

يمكن القرار ده هو اللي رجع لي نفسي تاني 
انا في الايام دي كنت تايه وضايع بشكل كبير قوي 
مش عارف انا بعمل ايه ولا بعمل ده ليه 
لكن بعد الوقفة دي اللي فات هان في عنيا جدا 
وبقي الاهم هو اللي جاي 

نطلع من الكلام ده بايه :
ان مصارحة النفس باخطاءها ومصارحة الناس كمان 
تدخل تحت بند ايه ؟؟؟؟
ياتري  صراحة ويبقي ده حد كويس وبيعترف باخطاؤه
ولا بجاحة ونقول ده واحد وشه مكشوف ومعندوش دم 
ولا قلة ادب بقي وعدم احترام نفسك قدام الناس

انا من وجهة نظري مهما كان نوعها 
فانا معاها لانها رجعتني تاني للحياة 

بس خلاص 

فاصل ونكمل 

.....

انسان عادي

هناك 10 تعليقات:

إمرأه من ثلج يقول...

تعليق اول

مساء الخير
انا بعتبرة نوع من انواع الصراحة مع النفس وبعد كة الناس مش عارفة لية بنخاف من الناس اوى كدة مش مهم الناس المهم انا وطلما عرفت ان دا غلط او فى تاثير منى احاول اصلح نفسى وخلاص

تحياتى وربنا يوفقك فى الامتحانات

من كل بستان زهرة يقول...

اولا ربنا يوفقك في الأمتحانات وتخلص بقى
الدراسه دي وجع دماغ

ثانيا بقى موضوع الصراحة ده بيختلف حسب الخطأ نفسه

في أخطاء الواحد ممكن يكون غلطان فيها ويصارح الناس على اساس انه بيعترف بخطأه وأنه اتعلم منه وهيصلحه
ودي منهى الشجاعه

وفي أخطاء مش من الأفضل انك تصارح الناس بيها
على أساس مبدأ (أذا بوليتم فستتروا)

بتنزل من قدر الواحد في عيون الناس
وممكن الواحد يكون تاب عن الخطأ ده بس الناس عمرها مهتنساه وكل مهيشفوه هيفتكروا غلطته

يعني مواقف ومواقف لاز الواحد يكون حكيم في الموضوع ده

المهم انك في النهايه تتخرج بقى يا أستاذ وتستريح من الموضوع ده

من كل بستان زهرة يقول...

معلش نسيت أباركلك على new look
أيوه ياعم بحر وخضره وهوا
ناقص الوجه الحسن

لااااااااااااا طبعا
انت صدقت
أتخرج الأول يابابا وبعدين فكر في الحاجات دي

مبروووووووك

تحياتي لك

NaiRa يقول...

اولا صباح الفل حسب توقيت بيت نيره
ثانيا ازيك كويس؟ الحمد لله دايما يارب
مس يو كتيييير يا بودى يا اخويا الغالى وانتى كمان مس يو كتير اختى نونا الغاليه

ايه ده واضح انى بغنى وارد على نفسى مش كده !!!!!

المهم بجد ....

بص يا عبدو انا بعتبر كلام الناس مش بيفرق معايا فى شيئ او مش الناس كلهم لا هما بصراحه الناس اللى هما بعيد عنى او ميعرفوش انا فيا ايه يعنى جرانى او ناس تعرفنى من بعيد لان دول مجرد لسان غير كده لاء انهم يشوفو حاجه ويفضلو بقى يعملو كومنتات من تحت لتحت زى السوس كده
لكن ميعرفوش انا بقضى يومى ازاى او حالى شكلو ايه او نفسيتى عامله ازاى
زى مثلا واحده ليها جار ساكن جنبها ووقفت معاه فى الشارع تكلمو او تسأله عن حاجه جارها وزى اخوها ما هو اكيد لو فى بنهم حاجه مش هتقف وسط الشارع معاه يعنى
الناس بقى مجرد ما تشوف كده خد عندك بقى يا معلم
دى تلاقيها معرفش ايه وبتمشى وتعمل ايه
وكلام ملوش اول من اخر ده عيب فى الناس كلها
انهم بيفكرو فى الغلط قبل الصح
ويوم ما واحده فعلا تقول اه كنت واقفه بكلمو ومش تنكر يقولو عليها بجاحه وقله ادب وعدم تربيه وحاجات يامااااااااا
بس العيب مش فيهم العيب فى اللى بيأخدهم على كدا ليه انا لما اغلط مش اقف واقول انا عملت كده انتو فهمتو غلط انا كنت واقفه عشان كذا وكذا
بس للاسف نص الناس بيملاهم الخوف
وربنا يشفينا من العاده الوحشه دى الخوف & الاحراج & النميمه

تقبل تحياتى يا بودى
ومش تحرمنا تانى منك كده وربنا معاك يارب فى امتحاناتك
وشد حيلك قولتلك مش هقبل اقل من (امتياز)
NoNa

ليله شتاء يقول...

السلام عليكم
**********
من تدخل فيما لايعنيه نال مالا يرضيه
ومهما عملت أو قلت مش هترضى كل الناس يبقى نعمل ونقول اللى أحنا شيفينوا صح لينا وكمان حاجه بتقولها وتفيدك يبقى خلاص

ربنا معاك فى الامتحانات



******
المدونه جميله
أتمنى أن تقبل مرورى
دام قلمك

انسان عادي يقول...

امرأة من ثلج

المشكلة ان احنا المفروض بنتعامل مع الناس
يعني مينفعش نقول مش مهم الناس
هما مش مهم في الحق طبعا ومش هيفرق كلامهم
لكن المشكلة لما اكون انا الغلطان وعارف ده
بيبقي صعب اهمل كلامهم
لاني اصلا منتظر حاجة زي كده
لازم يحصل لوم
بس المهم اللوم او العتاب ده ميهدش فيا
المفروض انه يديني حماس اكبر وعزيمة اكبر اني المرة اللي جايه مغلطش الغلطة دي

شكرا ليكي علي تكرار الزيارة
وربنا ميحرمنيش من زيارتك ولا رايك ابدا

انسان عادي يقول...

من كل بستان زهرة

اولا شكرا ليكي
وادعيلي وحياتك عشان انامحتاج الدعاء ده قوي

ثانيا بقي
انا هنا بتكلم علي الحاجات اللي هي معروفة بالفعل لبعض الناس
واكيد الباقي هيعرف
او لو هي مش معروفة فكده كده هتتعرف
فمن رايي تيجي مني احسن ما الاقي حد بيوقفني ويقول انا سمعت عنك اخبار كده
ويفضل يغمزلي بعنيه كأنه شافني في شقة مشبوهة
يعني مش بحب الاسلوب ده ابدا

شكراااااااا

انسان عادي يقول...

من كل بستان زهرة

احم احم
تاني

والله انا نفسي بقي عايز استقر
هههههههه
وبعدين كلها شهرين ان شاء الله مش حكاية
وبعدين صحابس عمالين يقعو من حواليه
وكلهم بيخطبو اشمعني انا

يلا شكرا ليكي تاني

انسان عادي يقول...

نونا

ازيك يا قمر
وحشاني كتير يارب تكوني بخير دايما ان شاء الله

علي فكرة انا بتعجبني دماغك قوي
مريحة نفسك من حاجات كتير
بجد ربنا يوفقك ويكرمك
وان شاء الله حياتك تبقي كويسة

وسيبك من الناس وكلام الناس دي حاجة مبتفرقش
مهما يقولو عليك ما يقولو دي حاجة متتصدقش

اي خدمة
سلام يا جميل

انسان عادي يقول...

ليلة شتاء

حلو قوي الكلام ده
انا بحب المقولة دي جدا وبعمل بيها
وفعلا مش بحب اتدخل في حاجة مليش فيها

شكرا ليكي وادعيلي تاني
نفسي اخلص بقي

شرفتيني جدا بزيارتك

Recent News

Introduction

Recent News