10‏/04‏/2010

بجد ...... خايف احلم تاني


النهارده السبت 10 ابريل 2010 الساعة 3.06 ص



احم احم 
سلامو عليكو 

اولا وقبل ما ابدأ في الموضوع عايز اقول 
ان البوست ده من ضمن مجموعة العقد النفسية اللي عندي 
يعني للي مكتئب ولا مضايق بلاش يقرا 
انا مش مسؤل
اللهم بلغت اللهم فاشهد 

ندخل في الجد بقي 
انا من فترة كبير من وانا صغير يعني دايما عايش في احلامي 
دايما ليا العالم بتاعي اللي بعيش فيه 
برسمه بمزاجي وعلي طريقتي 
وطبعا متأملا يعني انه في  يوم حاجة من ده تتحقق 

المهم ان بقي كل فترة كده حلم يوقع مني 
وبعد فترة كمان حلم يقع تاني ويتوه 

المشكلة مكنتش في الاحلام الكبيرة لانها كانت بالنسبالي 
صعب تتحق او مستحيل 
كنت بحلمها بس كده تضييع وقت بتسلي يعني 
المشكلة الحقيقية كانت في الاحلام الصغيرة
اللي هي المفروض اني اقدر احققها 
دايما كنت لما افكر في حاجة معينة واحلم بيها 
كان لازم متحصلش 
فعلا لازم متحصلش 
لما ارتب لموضوع معين اي موضوع وافكر فيه بشكل معين 
لازم لازم الشكل ده يتغير 
ويحصل حاجة مش ع البال خالص 

عارفين النكتة في ايه كمان 
ان انا لو كان حصل مشكلة مثلا او حاجة وحشة 
وانا خايف جدا من عواقبها وقلقان 
ابص الاقيها تعدي عادي ولا كان حاجة حصلت 
والعكس صحيح 
لو انا مش في دماغي او حصل حاجة وانا مش مهم حتي لو صغيرة 
الاقيها تكبر زيادة عن اللزوم 

الخلاصة اني دايما ظني بيخيب في اي حاجة بفكر فيها 
عمري ما رتبت لحاجة وحصلت 
وعمري ما فكرت في حاجة وتمت زي مانا عاوز 
سواءا كانت خير او شر 
يعني مثلا انا خارج من الامتحانات ومطمن وبقول انا ان شاء الله ناجح 
الاقيني ساقط 
ولما اكون خايف قوي ومش مطمن والدنيا مقلوبة 
الاقيني نجحت ويمكن بتقدير 

بجد بجد الموضوع ده ممكن يكون بيرعبني 
انا فعلا فعلا بقيت اخاف احلم بحاجة عشان عارف انها مستحيل هتتحقق 
ولا افكر في اي شئ في حياتي 
طالما اللي بفكر فيه مبيحصلش طب افكر ليه ؟؟؟
اخنق علي نفسي وخلاص ؟؟
عارفين 
لما اكون بتفرج علي متش مثلا لمصر 
من جوايا ببقي عايز اقنع نفسي بالعافية ان هما هيتغلبو 
عشان يحصل العكس ويكسبو 
ولو مقدرتش اقنع نفسي بالحكاية دي 
وبقيت حاسس انهم هيكسبو فطبعا ينغلبو 
ببقي حاسس اني السبب 
وبقول طب دول ذنبهم ايه تكون السبب في خسارتهم ؟؟؟

الموضوع ده بجد دايما بيحصل معايا 
وبجد بجد انا خايف قوي 
خايف احلم او افكر او ارتب 

انا عارف طبعا ان كل حاجة بامر الله 
ومفيش حاجة بتحصل الا وتكون مقدرة ومكتوبة عنده 
وانا مهما رحت ولا جيت مش ممكن اغير حاجة 
انا الحمد لله مؤمن جدا ومقتنع تماما 
مفيهاش كلام 
ويمكن ده اللي خلاني افكر من ناحية تانية 
وهي ان ربنا عايزني اكون عارف كويس جدا 
اني انا مش حاجة 
وان مش انا اللي اقول ايه اللي يحصل وايه اللي ميحصلش 
كل حاجة بامر الله 

علي فكرة 
الحاية دي كمان حصلت في المدونة دي 
انا عملتها وانا فاقد الامل ان فيه واحد ممكن يدخل ويشوفها 
ولا حد يعبرني حتي 
لكن لاقيت فيه ناس بتعدي عليا وناس بتقرا 
وبرضو فيه ناس بترد 
يعني ده كان برضو حاجة مش مخططلها 

علي فكرة 
انا مش مجنون والله 
دي لحظة صراحة بس المفروض تبقي مع نفسي 
بس انا تعبت من كتر ما قلتها لنفسي 
فقلت اخنق علي حد تاني بقي 
وارحم نفسي شويه 

شكرا للي وصل للاخر 
ونلتقي مع عقدة جديدة 
ومتخفوش العقد كتير 
ههههههههه


فاصل ونكمل 

.......

انسان عادي

هناك 11 تعليقًا:

من كل بستان زهرة يقول...

عادي بتحصل كتيير متخفش انت مش معقد ولا مريض

وانت جبت الحل

(انا عارف طبعا ان كل حاجة بامر الله
ومفيش حاجة بتحصل الا وتكون مقدرة ومكتوبة عنده
وانا مهما رحت ولا جيت مش ممكن اغير حاجة
انا الحمد لله مؤمن جدا ومقتنع تماما )

خلي تفكيرك ايجابي وأكيد الاشياء الكويسه
بتنجذب لبعضها والعكس صحيح

بس كله في كوم وموضوع منتخب مصر ده في كوم تاني

انا عرفت أخيرا الي خلاهم يخرجوا من كأس العالم
ليه كده حرام عليك

بلاش تتفرج عليهم تاني

تحياتي

mrmr يقول...

مش لازم يكون فى حلم
بس يكون فى امل
امل فى بكره امل فى التغيير
امل ان بكره احلى من انهارده

تملى لما اكون فى حاله اكتئأب شديده اقول لنفسى
ليه
بكره تتعدل بكره احلى
لازم نعيش على امل
حب بكره قوى قوى من قلبك وخلى يكون فى امل مش حلم
لان الاحلام ممكن تخذلك
طيب عارف اقولك
انا فى يوم حلمت حلم جميل بس كنت متاكده انه مش حلم انه رؤيه
حلمت ان جاتلنا علاوه 30 % زياده فى المرتبات
وجريت على الشغل بسرعه علشان اسمع الخبر الجميل لكن
يا خساره حلم الجعان بسوق العيش
ههههههههههههه
اصل كان داخل علينا عيد والواحد مفلس هههههههه

اقولك...
ولا يهمك احلم واحلم واحلم هو الحلم مش عليه جمرك
هههههه

мαησηα يقول...

كل مازاد خوفك كل مازاد نجاحك ايوووووون والله العظيم انا زيك

وعلشان بخاف اوى بخططط اوى وبتعب اوى

بس بجد حتى لو الاحلام اللى اتحققت قليلة لكن

بجد بتبقى جميلة وببقى مبسوطة بيها

مش بكتر الاحلام اللى اتحققت الانسان بيكون سعيد

بمقدار سعادتك بالاحلام اللى اتحققت بتكون سعيد

وبعدين يا عبدو ماتفتكرش ان دى عقد وجنان لا

والله كلنا هذا الرجل اللى بيبقى معقد ومجنون

مابيعترفش باحساسيه كده

ماتقلقش والله انت كده كويس جداااااااا

إمرأه من ثلج يقول...

السلام عليكم
اظار انك مصر تطلع العقد الى عندى بردة

انا بقى مش بحلم خالص ودة من زمان الانى كل لما بحلم بحاجة ويبقى نفسى فيها اوى عمرها ما بتحصل علشان كدة مش بحلم حتى لما بتحصل حاجة حلوة لحد من اخواتى اخاف احلم لهم لتبوظ

طلعت العقد بس بردة ثقتى فى الله انة هيحقق كل احلامى

وان شاء الله يكرمك ويحقق كل احلامك

دى زيارتى الاولى ومش هتكون الاخيرة
تحياتى وان شاء الله يدوم التواصل

mrmr يقول...

ايه ياعم التغير الجميل ده
حاجه حلوه بجد وسمك بحر وحاجه روعه مبروووووك

Unknown يقول...

من كل بستان زهرة

شكرا ليكي طمنتيني ههههههه
انا طبعا عارف كل الكلام ده
ومؤمن والحمد لله
بس كنت عايز افضفض بس شويه

اما بخصوص منتخب مصر بقي
مش بايدي والله

شكرا ليكي

Unknown يقول...

مرمر

ربنا يبعتلكو كده العلاوة اللي بتحلمو بيها
انا لسه ما دخلتش سوق العمل ومش فاهم قوي
بس اكيد اللي جاي احسن طبعا

وبجد شكرا علي كلامك

Unknown يقول...

منونا

ازيك يا مني
والله انتي اللي دايما بتطمنيني بكلامك
بحس اني مش لوحدي في الدنيا اللي كده
هههههههههه
وعموما انا لو قادر ابطل احلم كنت عملتها
بس مش عارف
لكن هفضل احلم وهحاول علي قد ما اقدر اني احقق جزء منها
وربنا المعين بقي

شكرا ليكي جدا

Unknown يقول...

امرأة من ثلج

يااااااااااه فيه ناس زيي في الدنيا
هههههههههه
انا مش عارف ايه سبب الحكاية دي
بس انا راضي الحمد لله
وكل اللي يجيبه ربنا كويس
واكيد ربنا مش بيضيع تعب حد
واكيد احنا ما بنتعبش بالقدر الكافي
عشان كده مفيش حاجة بتتحقق

ان شاء الله اشوفك دايما
وموراني والله
شكرا ليكي

Unknown يقول...

مرمر

شكرا ليكي
بس انا غيرت اللوك تاني
ههههههه
مبقاش فيه ميه

Unknown يقول...

لا الحلم بيتحقق ولا الامل موجود
القدر زعل من كتر مدوقني والحلم فارقني خاف لمعايا يصدي والدنيا بالنسبالي بقت مجرد نتيجه علي الحيط ايام وبتعدي انا الغالي عليا بيروح والفرح عندي لوح مشروخ انا مش شاعر ولا حاجه بس انا الألم الي جوايا بقي متزين كأنه فرح من كتر مهو حزن

10‏/04‏/2010

بجد ...... خايف احلم تاني


النهارده السبت 10 ابريل 2010 الساعة 3.06 ص



احم احم 
سلامو عليكو 

اولا وقبل ما ابدأ في الموضوع عايز اقول 
ان البوست ده من ضمن مجموعة العقد النفسية اللي عندي 
يعني للي مكتئب ولا مضايق بلاش يقرا 
انا مش مسؤل
اللهم بلغت اللهم فاشهد 

ندخل في الجد بقي 
انا من فترة كبير من وانا صغير يعني دايما عايش في احلامي 
دايما ليا العالم بتاعي اللي بعيش فيه 
برسمه بمزاجي وعلي طريقتي 
وطبعا متأملا يعني انه في  يوم حاجة من ده تتحقق 

المهم ان بقي كل فترة كده حلم يوقع مني 
وبعد فترة كمان حلم يقع تاني ويتوه 

المشكلة مكنتش في الاحلام الكبيرة لانها كانت بالنسبالي 
صعب تتحق او مستحيل 
كنت بحلمها بس كده تضييع وقت بتسلي يعني 
المشكلة الحقيقية كانت في الاحلام الصغيرة
اللي هي المفروض اني اقدر احققها 
دايما كنت لما افكر في حاجة معينة واحلم بيها 
كان لازم متحصلش 
فعلا لازم متحصلش 
لما ارتب لموضوع معين اي موضوع وافكر فيه بشكل معين 
لازم لازم الشكل ده يتغير 
ويحصل حاجة مش ع البال خالص 

عارفين النكتة في ايه كمان 
ان انا لو كان حصل مشكلة مثلا او حاجة وحشة 
وانا خايف جدا من عواقبها وقلقان 
ابص الاقيها تعدي عادي ولا كان حاجة حصلت 
والعكس صحيح 
لو انا مش في دماغي او حصل حاجة وانا مش مهم حتي لو صغيرة 
الاقيها تكبر زيادة عن اللزوم 

الخلاصة اني دايما ظني بيخيب في اي حاجة بفكر فيها 
عمري ما رتبت لحاجة وحصلت 
وعمري ما فكرت في حاجة وتمت زي مانا عاوز 
سواءا كانت خير او شر 
يعني مثلا انا خارج من الامتحانات ومطمن وبقول انا ان شاء الله ناجح 
الاقيني ساقط 
ولما اكون خايف قوي ومش مطمن والدنيا مقلوبة 
الاقيني نجحت ويمكن بتقدير 

بجد بجد الموضوع ده ممكن يكون بيرعبني 
انا فعلا فعلا بقيت اخاف احلم بحاجة عشان عارف انها مستحيل هتتحقق 
ولا افكر في اي شئ في حياتي 
طالما اللي بفكر فيه مبيحصلش طب افكر ليه ؟؟؟
اخنق علي نفسي وخلاص ؟؟
عارفين 
لما اكون بتفرج علي متش مثلا لمصر 
من جوايا ببقي عايز اقنع نفسي بالعافية ان هما هيتغلبو 
عشان يحصل العكس ويكسبو 
ولو مقدرتش اقنع نفسي بالحكاية دي 
وبقيت حاسس انهم هيكسبو فطبعا ينغلبو 
ببقي حاسس اني السبب 
وبقول طب دول ذنبهم ايه تكون السبب في خسارتهم ؟؟؟

الموضوع ده بجد دايما بيحصل معايا 
وبجد بجد انا خايف قوي 
خايف احلم او افكر او ارتب 

انا عارف طبعا ان كل حاجة بامر الله 
ومفيش حاجة بتحصل الا وتكون مقدرة ومكتوبة عنده 
وانا مهما رحت ولا جيت مش ممكن اغير حاجة 
انا الحمد لله مؤمن جدا ومقتنع تماما 
مفيهاش كلام 
ويمكن ده اللي خلاني افكر من ناحية تانية 
وهي ان ربنا عايزني اكون عارف كويس جدا 
اني انا مش حاجة 
وان مش انا اللي اقول ايه اللي يحصل وايه اللي ميحصلش 
كل حاجة بامر الله 

علي فكرة 
الحاية دي كمان حصلت في المدونة دي 
انا عملتها وانا فاقد الامل ان فيه واحد ممكن يدخل ويشوفها 
ولا حد يعبرني حتي 
لكن لاقيت فيه ناس بتعدي عليا وناس بتقرا 
وبرضو فيه ناس بترد 
يعني ده كان برضو حاجة مش مخططلها 

علي فكرة 
انا مش مجنون والله 
دي لحظة صراحة بس المفروض تبقي مع نفسي 
بس انا تعبت من كتر ما قلتها لنفسي 
فقلت اخنق علي حد تاني بقي 
وارحم نفسي شويه 

شكرا للي وصل للاخر 
ونلتقي مع عقدة جديدة 
ومتخفوش العقد كتير 
ههههههههه


فاصل ونكمل 

.......

انسان عادي

هناك 11 تعليقًا:

من كل بستان زهرة يقول...

عادي بتحصل كتيير متخفش انت مش معقد ولا مريض

وانت جبت الحل

(انا عارف طبعا ان كل حاجة بامر الله
ومفيش حاجة بتحصل الا وتكون مقدرة ومكتوبة عنده
وانا مهما رحت ولا جيت مش ممكن اغير حاجة
انا الحمد لله مؤمن جدا ومقتنع تماما )

خلي تفكيرك ايجابي وأكيد الاشياء الكويسه
بتنجذب لبعضها والعكس صحيح

بس كله في كوم وموضوع منتخب مصر ده في كوم تاني

انا عرفت أخيرا الي خلاهم يخرجوا من كأس العالم
ليه كده حرام عليك

بلاش تتفرج عليهم تاني

تحياتي

mrmr يقول...

مش لازم يكون فى حلم
بس يكون فى امل
امل فى بكره امل فى التغيير
امل ان بكره احلى من انهارده

تملى لما اكون فى حاله اكتئأب شديده اقول لنفسى
ليه
بكره تتعدل بكره احلى
لازم نعيش على امل
حب بكره قوى قوى من قلبك وخلى يكون فى امل مش حلم
لان الاحلام ممكن تخذلك
طيب عارف اقولك
انا فى يوم حلمت حلم جميل بس كنت متاكده انه مش حلم انه رؤيه
حلمت ان جاتلنا علاوه 30 % زياده فى المرتبات
وجريت على الشغل بسرعه علشان اسمع الخبر الجميل لكن
يا خساره حلم الجعان بسوق العيش
ههههههههههههه
اصل كان داخل علينا عيد والواحد مفلس هههههههه

اقولك...
ولا يهمك احلم واحلم واحلم هو الحلم مش عليه جمرك
هههههه

мαησηα يقول...

كل مازاد خوفك كل مازاد نجاحك ايوووووون والله العظيم انا زيك

وعلشان بخاف اوى بخططط اوى وبتعب اوى

بس بجد حتى لو الاحلام اللى اتحققت قليلة لكن

بجد بتبقى جميلة وببقى مبسوطة بيها

مش بكتر الاحلام اللى اتحققت الانسان بيكون سعيد

بمقدار سعادتك بالاحلام اللى اتحققت بتكون سعيد

وبعدين يا عبدو ماتفتكرش ان دى عقد وجنان لا

والله كلنا هذا الرجل اللى بيبقى معقد ومجنون

مابيعترفش باحساسيه كده

ماتقلقش والله انت كده كويس جداااااااا

إمرأه من ثلج يقول...

السلام عليكم
اظار انك مصر تطلع العقد الى عندى بردة

انا بقى مش بحلم خالص ودة من زمان الانى كل لما بحلم بحاجة ويبقى نفسى فيها اوى عمرها ما بتحصل علشان كدة مش بحلم حتى لما بتحصل حاجة حلوة لحد من اخواتى اخاف احلم لهم لتبوظ

طلعت العقد بس بردة ثقتى فى الله انة هيحقق كل احلامى

وان شاء الله يكرمك ويحقق كل احلامك

دى زيارتى الاولى ومش هتكون الاخيرة
تحياتى وان شاء الله يدوم التواصل

mrmr يقول...

ايه ياعم التغير الجميل ده
حاجه حلوه بجد وسمك بحر وحاجه روعه مبروووووك

Unknown يقول...

من كل بستان زهرة

شكرا ليكي طمنتيني ههههههه
انا طبعا عارف كل الكلام ده
ومؤمن والحمد لله
بس كنت عايز افضفض بس شويه

اما بخصوص منتخب مصر بقي
مش بايدي والله

شكرا ليكي

Unknown يقول...

مرمر

ربنا يبعتلكو كده العلاوة اللي بتحلمو بيها
انا لسه ما دخلتش سوق العمل ومش فاهم قوي
بس اكيد اللي جاي احسن طبعا

وبجد شكرا علي كلامك

Unknown يقول...

منونا

ازيك يا مني
والله انتي اللي دايما بتطمنيني بكلامك
بحس اني مش لوحدي في الدنيا اللي كده
هههههههههه
وعموما انا لو قادر ابطل احلم كنت عملتها
بس مش عارف
لكن هفضل احلم وهحاول علي قد ما اقدر اني احقق جزء منها
وربنا المعين بقي

شكرا ليكي جدا

Unknown يقول...

امرأة من ثلج

يااااااااااه فيه ناس زيي في الدنيا
هههههههههه
انا مش عارف ايه سبب الحكاية دي
بس انا راضي الحمد لله
وكل اللي يجيبه ربنا كويس
واكيد ربنا مش بيضيع تعب حد
واكيد احنا ما بنتعبش بالقدر الكافي
عشان كده مفيش حاجة بتتحقق

ان شاء الله اشوفك دايما
وموراني والله
شكرا ليكي

Unknown يقول...

مرمر

شكرا ليكي
بس انا غيرت اللوك تاني
ههههههه
مبقاش فيه ميه

Unknown يقول...

لا الحلم بيتحقق ولا الامل موجود
القدر زعل من كتر مدوقني والحلم فارقني خاف لمعايا يصدي والدنيا بالنسبالي بقت مجرد نتيجه علي الحيط ايام وبتعدي انا الغالي عليا بيروح والفرح عندي لوح مشروخ انا مش شاعر ولا حاجه بس انا الألم الي جوايا بقي متزين كأنه فرح من كتر مهو حزن

Recent News

Introduction

Recent News