04‏/04‏/2010

بحب التلفزيون ولكن .........


النهارده الحد 4 ابريل 2010 الساعة 9.43 م 

التلفاز

احم احم 
سلامو عليكو 

انا بحب التلفزيون ولا لا ؟؟؟؟
سؤال سألته لنفسي مرة والاجابة متأخرتش 
لاقيتني بقول ... ايون بحبه ومقتنع بوجوده تماما
بس لما جيت اتابع علاقتي بالتلفزيون لاقتها كالتالي :

* اول لما والدتي تمسك الريموت وتبدأ جولة المسلسلات بتاعت كل يوم 
الاقيني يا اما بحاول اقنعها انها تغير القناة 
او اني اسحب نفسي من سكات واقوم اشوف حاجة تانية اعملها 

* اول لما اخويا يستلم الريموت ويبدأ يقلب في قنوات الافلام الاجنبية 
الاقيني برضو بحاول معاه انه يغير من عليها 
لكن برضو كل المحاولات دي بتبوء بالفشل 
وبرضو اسحب نفسي تاني لنفس الحاجة الاولانيه 

* ولما تيجي الوصلة بقي بتاعت والدي ويستلم هو الراية قصدي 
الريموت يعني ودي بقي بتبقي الجولة الرياضية
وفيها بيعدي علي الاخ مدحت شلبي في مودرن او الاخ محمد الليثي 
في الاهلي وساعات علاء صادق ع النيل وهكذا بقي 
طبعا مع والدي مش بحاول معاه انه يغير القناة اللي بيتفرج عليها 
انا كل اللي بقدر اعمله ابدي رأيي في البرنامج اللي بيسمعه 
يمكن يقولي عندك حق ده برنامج وحش ويغير بقي 
الاقيه يقولي البرنامج ده مش حلو انا بقي اقول في عقل بالي كويس 
هيغير اهو فيرجع يقولي بس نشوفه هيعمل ايه 
وطبعا انا ولا بنطق عادي 

المشكلة بقي بتجي امتي ؟؟؟؟؟
لما اكون قاعد لوحدي او اللي موجودين مش مهتمين بالتلفزيون
وسايبينلي الدفه وانا اللي سايق 
المشكلة اني مش بلاقي حاجة بتعجبني 
افضل الف علي كل القنوات بكل انواعها 
وتقريبا اللفة دي مش بتاخد نص ساعة وازهق واقوم 
واسيب التلفزيون لوحده 

المهم بقي انا نفسي اعرف انا بحب التلفزيون ليه 
لما انا مش بحب حاجة فيه ليه متخيل ان الحياة من غير تلفزيون هتبقي صعبة 
مع انه عادي اهو ولا فارق معايا 

انا يمكن المرة الوحيدة اللي تابعت التلفزيون فيها كتير قوي 
وخليت اللي في البيت كمان يتابعو معايا 
كانت لما قناة ناشونال جيوجرافيك ابوظبي نزلت واشتغلت 
بقيت اتابعها يشكل مستمر  وبقت حاجة اساسية في حياتي 

بس دي من وجهة نظري انا تابعتها مش حبا في التلفزيون 
لكن لاني تخصص هندسة وهي بتجيب حاجات كتير انا فاهمها 
وبتعلي دماغي كده 
لاقيت نفسي فيها يعني 

لكن غير كده لا 
يمكن بتفرج علي ماتشات الكورة من غير تحليل عشان بكرة التحليل 
وممكن برامج قليلة قوي زي العاشرة مساءا و واحد من الناس 
ومش بصفة مستمرة كمان 

السؤال للاخوة المشاهدين في البيوت 
السؤال بيقول علل اي افطن 
انت شايف ان التلفزيون بتاعنا المصري الخاص والحكومي 
بيقوم بدوره المطلوب منه كاعلام وكثقافة 
ولا احنا بنسلي نفسنا وبنضيع وقت وخلاص ؟؟؟؟؟

انا شايف اننا بنهزر وبنضيع وقت 
انا وانت 

احم احم 

فاصل ونكمل 

.........

انسان عادي

هناك 13 تعليقًا:

NaiRa يقول...

هييييييييييييييه
نونا اول تعليق وهيييييييه
اولا بقى احب اقول تليفزيون العز يا تليفزيونا على بابك خنقتنا

بص يا بودى اولا التليفزيون انت حاسس انه حاجه اساسه فى البيت ليه بقى؟
اقولك انا ليه لاننا اتعودنا على وجوده وتحس ان لو الكهربا قطعت انك مخنوق واول ما الكهربا بتيجى والتلفزيون يتفتح تفرح اوى واكن روحك كانت راحه منك
ده اسمو تعود اننا خلاص خدنا على انه طول النهار شغال واننا دايما سامعين صوته
لكن هو ولا بيقدم ولا بياخر اى فيلم فيه نقدر نتفرج عليه من الكومبيوتر
بس بردو بيبقى مسلى للابهات والامهات لان هما مش بقدر الامكان يقدرو يقعدو على الجهاز
فا بيبقى الاحسن ليها التليفزيون
اما من ناحيه الاعلام واجهزه الثقافه
فا هما يمكن قايمين بدورهم كويس جدا فى تكرار الافلام الممله
وفى عرض المشاكل وهوم الناس فى البرامج وفى الاخر يبقى الحال على ما هو عليه ولا حاجه بتتحل
نفسى اشوف يوم مشكله اب معاشه 200 جنيه عايش بيهم يزودو معاشه ل 500 مثلا
ولا ام بتجرى على معاش الاب المتوفى
والورق بتاعها بيخلص
ولا عمليه عاوزه تتعمل على نفقه الدوله وبيحصل
الا انه....... ثم ماتت رابعه
فا متوجعش قلبك لاشيئ هيتغير
ونايس بوست يا قمر

mrmr يقول...

صباح الفل
طبعا انت عايز تعرف اهميه التليفزيون
التليفزيون بشكل عام مهم جدا لكل بيت
ليه بقى
علشان هو بيرضى جميع الازواق
اللى بيحب الكوره ح يلاقى نفسه بيشوف برامج الرياضه
واللى بيحب الدرامه بيلاقى المسلاسلات اللى هى ممكن تكون قصص من واقع الحياه
والسيدات البيوت بتلاقى البرامج الطبخ
والاهم بقى الاطفال اللى بيتلهوا عن امهاتهم بالمشاهده على برامجهم
وطبعا علشان يسيبوا فرصه لماماتهم بانجاز الاعمال المنزليه
يعنى من غر ما ادوش دماغك كتير انه مضيعه للوقت كل اللى فات
لكن المهم هو ان بعض البرامج الاخباريه اللى بتعرض مشاكل العامه
ذى العاشره مساءا و 90 دقيقه من البرامج المهمه اللى تهم ناس كتير ومواظبين على مشاهدتها
لكن الاعلام مش بيوصل كل الحقايق بعض منها او اللى عايزين الناس تعرفه بس وده الاجابه على سؤالك
تصبح على خير ... باى

Ahmed يقول...

ألو ... ممكن اعمل مداخلة تلفونية ... حاضر هوطي صوت التلفزيون (:
أحب اقول أن التلفزيون شئ مهم جداً جداً ...التلفزين يعني
مسلسلات هايفة
افلام هابطة
إعلانات تبرأت من الحياء لا و كمان بتاخد جوايز دولية (اقصد إعلانات ميلودي )
يعني ماتشات و تعصب و كلام كتير مالوش لازمة
يعني اللي ما يشتري يتفرج
انا ما انكرش ان التلفزيون في حاجات مفيدة بس بصراحة النت غطا عليها خالص و ممكن تجيب اي برناج بتحبه من اليوتيوب او من مواقع التحميل
يعني مثلاً قناة زي ناشيونال جيوجرافييك و غيرها من القنوات الوثائقية دي معجزة بجد
و كمان برنامج العاشرة مساءاً احياناً كثيرة بيبقي حلو
بس زي ما تقول كده لولاأختلاف الاذواق لبارت السلع
يعني لازم يبقي في مسلسلات و افلام و ماتشات و اعلانات و 0900 و اي حاجة تضيع الوقت و خلاص ...
تقبل مروري

سمع هوص (Abo 3li) يقول...

انا مبتفرجش علي التلفزيون غير الماتشات برضوو...
وممكن كل فترة فيلم اجنبي قديم مش عندي علي الجهاز...
الاعلام عندنا ناجح جدا جدا... ناجح في ايه... ناجح انه يغيير الحقايق... ويقلب مشاعر الناس.. وتوجهتهم لاهداف لايعلمها غير المولي...

Bent Men ElZman Da !! يقول...

حاسه انك سبحان الله بتتكلم عليا بالظبط
بتخنق اوى لما ياخدوا منى الريموت عشان يجيبوا المسلسلات
او البت نيره دى تيجى تاخد الريموت عشان تجيب فيلم متخلف من الافلام اللى بتحبها
رغم ان كتير لما بكون لوحدى وبقلب براحتى مش بعرف اجيب ايه
وممكن جدا مش الاقى حاجه عجبانى
احنا مابنحبش التليفزيون نفسه
احنا بنحب اللى بيجى فيه ويلفت نظرنا
ومش دايما كل اللى بيجى فيه بيلفت نظرنا
والتليفزيون والنت والحاجات دى الواحد بيرتبط بيها من الفراغ
بس لو انشغل عنهم بحاجه هيبقى الموضوع عادى بالنسبه له

سارة درويش يقول...

ههههههههههههههههه تليفزيون مصري ؟؟

يارااااااااااااجل قول كلام غير دا

تصدق اني عاملة زيك كده ؟؟

رغم اني احياناً بحب اتفرج على مسلسلات واحياناً بحب اتفرج على اجنبي

بس لما بمسك الريموت ما بكملش خمس دقايق على قناة واحدة

الا فيما ندر لما الاقي حاجة بحبها زي فيلم رعب او ان سي آي اس او اجلي بيتي

بصراحة التليفزيون المصري فيه حاجات نادرة جداً حلوة

زي برنامج لميس الحديدي

لكن مشكلته انه زيه زي الجرايد القومية :(

والتقنيات فيه مش قد كده

يعني بصراحة اللي يشوف الفضائيات ويجي يشوف التليفزيون المصري الحكومي بيحس كأنه اتنقل عشر سنين ورا من حيث التقنيات

وبردو من حيث الافلام والحاجات دي بيجيبوا حاجات مخللة

على فكرة النكتة اللي في الجنب دي مسخرة ههههههههههههه

Unknown يقول...

نيرة

اهلا يا نونا ازيك
علي فكرة يا نيرة
فعلا من ضمن الحاجات اللي بتضايقني جدا
البرامج اللي بتيجي للرغي فقط دي
او برامج الخناقات
مقدم البرنامج يجيب اتنين مختلفين في الراي
يفضلو طول البرنامج يتخانقو مع بعض بطريقة غير حضارية
مش واخدين بالهم ان فيه ناس بتسمعهم
والمشكلة بقي في الاخر ان محدش فيهم بيقتنع بالتاني
ولا عمر وجهات النظر اتقربي ابدا
وفي الحالة دي الاختلاف في الراي يفسد للود مليون قضية
والخسران الوحيد هو المشاهد للاسف

شكرا يا جميل
نورتيني

Unknown يقول...

مرمر

انا معاكي ان كل واحد بيلاقي اللي هو عاوزه في التلفزيون
بس مش شرط اللي عايزينه ده يكون هو الصح
انا ساعات بيبقي عندي وقت عايز اضيعه
وبعرف اضيعه ازاي
بس للاسف مش بستفيد منه
نفسي اقعد قدام التلفزيون واقوم بحاجة

طبعا فيه برامج مهمة ومحترمة
بس برضو متحجمين ومش بيتعاملو براحتهم
طبعا ده زي العاشرة مساءا و 90 دقيقة
و واحد من الناس (خصوصا ده )

مرسي ليكي

Unknown يقول...

احمد

علي فكرة يا احمد انا مش بعترض علي اعلانات ميلودي من ناحية اسلوب العرض
عادي ماهو عادل امام النجم الكبير بياخد نفس السكة
وتقريبا افلامه كلها لازم يكون فيها حاجة كده
لكن عادل امام بيقول من افلامه دي كلام مهم جدا
ويمكن بيحاول يغلف الكلام ده بالمنظر اللي احنا بنشوفه
انما المشكلة في ميلودي بقي
انهم مش بيرفعو من شأن الفيلم العربي للاسف
دول بيتريقو عليه
يعني ايه جاب فيلم سفن لـ ايس كريم في جليم
بيجيبو فيلن اجنبي قوي جدا قصاد فيلم عربي ضعيف او ضعيف جدا
ايه اللي استفاده الفيلم العربي غير التريقة عليه
طب ما احنا عندنا افلا عربي حلوة ومحترمة جدا
وتقدر تنافس
ليش محدش جاب سيرتها طالما عايزين نقارن
بس للايف ده اسلوب ميلودي في كل قنواتها
النظر بس وجوه فاضي

شكرا يا احمد علي مرورك

Unknown يقول...

ابو علي

والله ريحت نفسك بلا وجع قلب
بس انا بختلف معاك في الراي
الاعلام عندنا مش ناجح حتي في اللي بتقول عليه
دول بيعملونا علي انا اغبية او مفيش مصدر للاخبار غيرهم مثلا
يعني افتكر ايام اي كارثة تحصل في مصر لازم اشغل قناة النيل بتاعت الاخبار
عشان اضحك بس
الناس برة قالو كل حاجة صوت وصورة
ودول لسه بيلعبو بينا او ممكن هما ميعرفوش اصلا
للاسف ماشيين بالموضة بتاعت زمان ايام حرب 67


شكرا يا ابو علي

Unknown يقول...

بنت من الزمن ده

اه يا دينا القلوب عند بعضيها
هههههههه
ادعي بقي نلاقي حاجة غير التلفزيون والنت ننشغل بيها

ومتقلقيش انا خوصي نيرة متخدش الريموت تاني
هههههههه

مرسي ليكي يا قمر

Unknown يقول...

سمو الاميرة سارة

ازيك يا سارة ؟؟ بقالي كتير مشفتكيش هنا
نورتي المدونة

طبعا التلفزيون المصري ده خلاص كده بقي زي المومياوات بتاعة الفراعنة
متحنط
بس انا برضو مش بتكلم علي الفرق بين الفضائي والارضي
انا بتكلم علي كل القنوات عموما المصرية
ارضي وفضائي
ياتري هي بتقدم المطلوب منها ولا لا
بتعامل المشاهد كما يجب وبتحترم عقليته ولا لا
بتساهم في بناء جيل صح ولا لا
انا من وجهة نظري
لا
لا
لا


شكرا يا سمو الاميرة علي تشريفك المدونة المتواضعة دي

سكندري يقول...

إنسان عادي
احترم وجهة نظرك
انا معاك ان اسلوب العرض حلو و مبتكر بس متغلف بحاجات ملهاش لازمة و اللي بتعمله ميلودي في كل اعلانتها يبقي افكار مبتكرة و اسلوب عرض مش لائق حتي في الاعلانات الجديدة اللي ابتديت من يومين برضه فكرة حلوة و اسلوب مش حلو ...
و مش معني ان عادل امام بيعمل حاجة زي كده انه يبقي صح .. !! او انه فوق النقد .. لا دا نقاد كتير جداً بيلوموه علي المشاهد الكتير اللي في افلامة و اخرها فيلم بوبوس !!!
و انا كنت حابب اقول ان التلفزيون مش بيقدم ثقافة و توعية وتنوير و كلام من ده لا خالص ما بيحصلش دي بالعكس بتخلي الواحد ما يفكرش و ياخد المعلومة كده و خلاص كأنها مسلم بيها

04‏/04‏/2010

بحب التلفزيون ولكن .........


النهارده الحد 4 ابريل 2010 الساعة 9.43 م 

التلفاز

احم احم 
سلامو عليكو 

انا بحب التلفزيون ولا لا ؟؟؟؟
سؤال سألته لنفسي مرة والاجابة متأخرتش 
لاقيتني بقول ... ايون بحبه ومقتنع بوجوده تماما
بس لما جيت اتابع علاقتي بالتلفزيون لاقتها كالتالي :

* اول لما والدتي تمسك الريموت وتبدأ جولة المسلسلات بتاعت كل يوم 
الاقيني يا اما بحاول اقنعها انها تغير القناة 
او اني اسحب نفسي من سكات واقوم اشوف حاجة تانية اعملها 

* اول لما اخويا يستلم الريموت ويبدأ يقلب في قنوات الافلام الاجنبية 
الاقيني برضو بحاول معاه انه يغير من عليها 
لكن برضو كل المحاولات دي بتبوء بالفشل 
وبرضو اسحب نفسي تاني لنفس الحاجة الاولانيه 

* ولما تيجي الوصلة بقي بتاعت والدي ويستلم هو الراية قصدي 
الريموت يعني ودي بقي بتبقي الجولة الرياضية
وفيها بيعدي علي الاخ مدحت شلبي في مودرن او الاخ محمد الليثي 
في الاهلي وساعات علاء صادق ع النيل وهكذا بقي 
طبعا مع والدي مش بحاول معاه انه يغير القناة اللي بيتفرج عليها 
انا كل اللي بقدر اعمله ابدي رأيي في البرنامج اللي بيسمعه 
يمكن يقولي عندك حق ده برنامج وحش ويغير بقي 
الاقيه يقولي البرنامج ده مش حلو انا بقي اقول في عقل بالي كويس 
هيغير اهو فيرجع يقولي بس نشوفه هيعمل ايه 
وطبعا انا ولا بنطق عادي 

المشكلة بقي بتجي امتي ؟؟؟؟؟
لما اكون قاعد لوحدي او اللي موجودين مش مهتمين بالتلفزيون
وسايبينلي الدفه وانا اللي سايق 
المشكلة اني مش بلاقي حاجة بتعجبني 
افضل الف علي كل القنوات بكل انواعها 
وتقريبا اللفة دي مش بتاخد نص ساعة وازهق واقوم 
واسيب التلفزيون لوحده 

المهم بقي انا نفسي اعرف انا بحب التلفزيون ليه 
لما انا مش بحب حاجة فيه ليه متخيل ان الحياة من غير تلفزيون هتبقي صعبة 
مع انه عادي اهو ولا فارق معايا 

انا يمكن المرة الوحيدة اللي تابعت التلفزيون فيها كتير قوي 
وخليت اللي في البيت كمان يتابعو معايا 
كانت لما قناة ناشونال جيوجرافيك ابوظبي نزلت واشتغلت 
بقيت اتابعها يشكل مستمر  وبقت حاجة اساسية في حياتي 

بس دي من وجهة نظري انا تابعتها مش حبا في التلفزيون 
لكن لاني تخصص هندسة وهي بتجيب حاجات كتير انا فاهمها 
وبتعلي دماغي كده 
لاقيت نفسي فيها يعني 

لكن غير كده لا 
يمكن بتفرج علي ماتشات الكورة من غير تحليل عشان بكرة التحليل 
وممكن برامج قليلة قوي زي العاشرة مساءا و واحد من الناس 
ومش بصفة مستمرة كمان 

السؤال للاخوة المشاهدين في البيوت 
السؤال بيقول علل اي افطن 
انت شايف ان التلفزيون بتاعنا المصري الخاص والحكومي 
بيقوم بدوره المطلوب منه كاعلام وكثقافة 
ولا احنا بنسلي نفسنا وبنضيع وقت وخلاص ؟؟؟؟؟

انا شايف اننا بنهزر وبنضيع وقت 
انا وانت 

احم احم 

فاصل ونكمل 

.........

انسان عادي

هناك 13 تعليقًا:

NaiRa يقول...

هييييييييييييييه
نونا اول تعليق وهيييييييه
اولا بقى احب اقول تليفزيون العز يا تليفزيونا على بابك خنقتنا

بص يا بودى اولا التليفزيون انت حاسس انه حاجه اساسه فى البيت ليه بقى؟
اقولك انا ليه لاننا اتعودنا على وجوده وتحس ان لو الكهربا قطعت انك مخنوق واول ما الكهربا بتيجى والتلفزيون يتفتح تفرح اوى واكن روحك كانت راحه منك
ده اسمو تعود اننا خلاص خدنا على انه طول النهار شغال واننا دايما سامعين صوته
لكن هو ولا بيقدم ولا بياخر اى فيلم فيه نقدر نتفرج عليه من الكومبيوتر
بس بردو بيبقى مسلى للابهات والامهات لان هما مش بقدر الامكان يقدرو يقعدو على الجهاز
فا بيبقى الاحسن ليها التليفزيون
اما من ناحيه الاعلام واجهزه الثقافه
فا هما يمكن قايمين بدورهم كويس جدا فى تكرار الافلام الممله
وفى عرض المشاكل وهوم الناس فى البرامج وفى الاخر يبقى الحال على ما هو عليه ولا حاجه بتتحل
نفسى اشوف يوم مشكله اب معاشه 200 جنيه عايش بيهم يزودو معاشه ل 500 مثلا
ولا ام بتجرى على معاش الاب المتوفى
والورق بتاعها بيخلص
ولا عمليه عاوزه تتعمل على نفقه الدوله وبيحصل
الا انه....... ثم ماتت رابعه
فا متوجعش قلبك لاشيئ هيتغير
ونايس بوست يا قمر

mrmr يقول...

صباح الفل
طبعا انت عايز تعرف اهميه التليفزيون
التليفزيون بشكل عام مهم جدا لكل بيت
ليه بقى
علشان هو بيرضى جميع الازواق
اللى بيحب الكوره ح يلاقى نفسه بيشوف برامج الرياضه
واللى بيحب الدرامه بيلاقى المسلاسلات اللى هى ممكن تكون قصص من واقع الحياه
والسيدات البيوت بتلاقى البرامج الطبخ
والاهم بقى الاطفال اللى بيتلهوا عن امهاتهم بالمشاهده على برامجهم
وطبعا علشان يسيبوا فرصه لماماتهم بانجاز الاعمال المنزليه
يعنى من غر ما ادوش دماغك كتير انه مضيعه للوقت كل اللى فات
لكن المهم هو ان بعض البرامج الاخباريه اللى بتعرض مشاكل العامه
ذى العاشره مساءا و 90 دقيقه من البرامج المهمه اللى تهم ناس كتير ومواظبين على مشاهدتها
لكن الاعلام مش بيوصل كل الحقايق بعض منها او اللى عايزين الناس تعرفه بس وده الاجابه على سؤالك
تصبح على خير ... باى

Ahmed يقول...

ألو ... ممكن اعمل مداخلة تلفونية ... حاضر هوطي صوت التلفزيون (:
أحب اقول أن التلفزيون شئ مهم جداً جداً ...التلفزين يعني
مسلسلات هايفة
افلام هابطة
إعلانات تبرأت من الحياء لا و كمان بتاخد جوايز دولية (اقصد إعلانات ميلودي )
يعني ماتشات و تعصب و كلام كتير مالوش لازمة
يعني اللي ما يشتري يتفرج
انا ما انكرش ان التلفزيون في حاجات مفيدة بس بصراحة النت غطا عليها خالص و ممكن تجيب اي برناج بتحبه من اليوتيوب او من مواقع التحميل
يعني مثلاً قناة زي ناشيونال جيوجرافييك و غيرها من القنوات الوثائقية دي معجزة بجد
و كمان برنامج العاشرة مساءاً احياناً كثيرة بيبقي حلو
بس زي ما تقول كده لولاأختلاف الاذواق لبارت السلع
يعني لازم يبقي في مسلسلات و افلام و ماتشات و اعلانات و 0900 و اي حاجة تضيع الوقت و خلاص ...
تقبل مروري

سمع هوص (Abo 3li) يقول...

انا مبتفرجش علي التلفزيون غير الماتشات برضوو...
وممكن كل فترة فيلم اجنبي قديم مش عندي علي الجهاز...
الاعلام عندنا ناجح جدا جدا... ناجح في ايه... ناجح انه يغيير الحقايق... ويقلب مشاعر الناس.. وتوجهتهم لاهداف لايعلمها غير المولي...

Bent Men ElZman Da !! يقول...

حاسه انك سبحان الله بتتكلم عليا بالظبط
بتخنق اوى لما ياخدوا منى الريموت عشان يجيبوا المسلسلات
او البت نيره دى تيجى تاخد الريموت عشان تجيب فيلم متخلف من الافلام اللى بتحبها
رغم ان كتير لما بكون لوحدى وبقلب براحتى مش بعرف اجيب ايه
وممكن جدا مش الاقى حاجه عجبانى
احنا مابنحبش التليفزيون نفسه
احنا بنحب اللى بيجى فيه ويلفت نظرنا
ومش دايما كل اللى بيجى فيه بيلفت نظرنا
والتليفزيون والنت والحاجات دى الواحد بيرتبط بيها من الفراغ
بس لو انشغل عنهم بحاجه هيبقى الموضوع عادى بالنسبه له

سارة درويش يقول...

ههههههههههههههههه تليفزيون مصري ؟؟

يارااااااااااااجل قول كلام غير دا

تصدق اني عاملة زيك كده ؟؟

رغم اني احياناً بحب اتفرج على مسلسلات واحياناً بحب اتفرج على اجنبي

بس لما بمسك الريموت ما بكملش خمس دقايق على قناة واحدة

الا فيما ندر لما الاقي حاجة بحبها زي فيلم رعب او ان سي آي اس او اجلي بيتي

بصراحة التليفزيون المصري فيه حاجات نادرة جداً حلوة

زي برنامج لميس الحديدي

لكن مشكلته انه زيه زي الجرايد القومية :(

والتقنيات فيه مش قد كده

يعني بصراحة اللي يشوف الفضائيات ويجي يشوف التليفزيون المصري الحكومي بيحس كأنه اتنقل عشر سنين ورا من حيث التقنيات

وبردو من حيث الافلام والحاجات دي بيجيبوا حاجات مخللة

على فكرة النكتة اللي في الجنب دي مسخرة ههههههههههههه

Unknown يقول...

نيرة

اهلا يا نونا ازيك
علي فكرة يا نيرة
فعلا من ضمن الحاجات اللي بتضايقني جدا
البرامج اللي بتيجي للرغي فقط دي
او برامج الخناقات
مقدم البرنامج يجيب اتنين مختلفين في الراي
يفضلو طول البرنامج يتخانقو مع بعض بطريقة غير حضارية
مش واخدين بالهم ان فيه ناس بتسمعهم
والمشكلة بقي في الاخر ان محدش فيهم بيقتنع بالتاني
ولا عمر وجهات النظر اتقربي ابدا
وفي الحالة دي الاختلاف في الراي يفسد للود مليون قضية
والخسران الوحيد هو المشاهد للاسف

شكرا يا جميل
نورتيني

Unknown يقول...

مرمر

انا معاكي ان كل واحد بيلاقي اللي هو عاوزه في التلفزيون
بس مش شرط اللي عايزينه ده يكون هو الصح
انا ساعات بيبقي عندي وقت عايز اضيعه
وبعرف اضيعه ازاي
بس للاسف مش بستفيد منه
نفسي اقعد قدام التلفزيون واقوم بحاجة

طبعا فيه برامج مهمة ومحترمة
بس برضو متحجمين ومش بيتعاملو براحتهم
طبعا ده زي العاشرة مساءا و 90 دقيقة
و واحد من الناس (خصوصا ده )

مرسي ليكي

Unknown يقول...

احمد

علي فكرة يا احمد انا مش بعترض علي اعلانات ميلودي من ناحية اسلوب العرض
عادي ماهو عادل امام النجم الكبير بياخد نفس السكة
وتقريبا افلامه كلها لازم يكون فيها حاجة كده
لكن عادل امام بيقول من افلامه دي كلام مهم جدا
ويمكن بيحاول يغلف الكلام ده بالمنظر اللي احنا بنشوفه
انما المشكلة في ميلودي بقي
انهم مش بيرفعو من شأن الفيلم العربي للاسف
دول بيتريقو عليه
يعني ايه جاب فيلم سفن لـ ايس كريم في جليم
بيجيبو فيلن اجنبي قوي جدا قصاد فيلم عربي ضعيف او ضعيف جدا
ايه اللي استفاده الفيلم العربي غير التريقة عليه
طب ما احنا عندنا افلا عربي حلوة ومحترمة جدا
وتقدر تنافس
ليش محدش جاب سيرتها طالما عايزين نقارن
بس للايف ده اسلوب ميلودي في كل قنواتها
النظر بس وجوه فاضي

شكرا يا احمد علي مرورك

Unknown يقول...

ابو علي

والله ريحت نفسك بلا وجع قلب
بس انا بختلف معاك في الراي
الاعلام عندنا مش ناجح حتي في اللي بتقول عليه
دول بيعملونا علي انا اغبية او مفيش مصدر للاخبار غيرهم مثلا
يعني افتكر ايام اي كارثة تحصل في مصر لازم اشغل قناة النيل بتاعت الاخبار
عشان اضحك بس
الناس برة قالو كل حاجة صوت وصورة
ودول لسه بيلعبو بينا او ممكن هما ميعرفوش اصلا
للاسف ماشيين بالموضة بتاعت زمان ايام حرب 67


شكرا يا ابو علي

Unknown يقول...

بنت من الزمن ده

اه يا دينا القلوب عند بعضيها
هههههههه
ادعي بقي نلاقي حاجة غير التلفزيون والنت ننشغل بيها

ومتقلقيش انا خوصي نيرة متخدش الريموت تاني
هههههههه

مرسي ليكي يا قمر

Unknown يقول...

سمو الاميرة سارة

ازيك يا سارة ؟؟ بقالي كتير مشفتكيش هنا
نورتي المدونة

طبعا التلفزيون المصري ده خلاص كده بقي زي المومياوات بتاعة الفراعنة
متحنط
بس انا برضو مش بتكلم علي الفرق بين الفضائي والارضي
انا بتكلم علي كل القنوات عموما المصرية
ارضي وفضائي
ياتري هي بتقدم المطلوب منها ولا لا
بتعامل المشاهد كما يجب وبتحترم عقليته ولا لا
بتساهم في بناء جيل صح ولا لا
انا من وجهة نظري
لا
لا
لا


شكرا يا سمو الاميرة علي تشريفك المدونة المتواضعة دي

سكندري يقول...

إنسان عادي
احترم وجهة نظرك
انا معاك ان اسلوب العرض حلو و مبتكر بس متغلف بحاجات ملهاش لازمة و اللي بتعمله ميلودي في كل اعلانتها يبقي افكار مبتكرة و اسلوب عرض مش لائق حتي في الاعلانات الجديدة اللي ابتديت من يومين برضه فكرة حلوة و اسلوب مش حلو ...
و مش معني ان عادل امام بيعمل حاجة زي كده انه يبقي صح .. !! او انه فوق النقد .. لا دا نقاد كتير جداً بيلوموه علي المشاهد الكتير اللي في افلامة و اخرها فيلم بوبوس !!!
و انا كنت حابب اقول ان التلفزيون مش بيقدم ثقافة و توعية وتنوير و كلام من ده لا خالص ما بيحصلش دي بالعكس بتخلي الواحد ما يفكرش و ياخد المعلومة كده و خلاص كأنها مسلم بيها

Recent News

Introduction

Recent News