26‏/04‏/2010

دمعت لما شفتها


 النهارده الاتنين 26 ابريل 2010 الساعة 3.20 م 





دمعت لما شفتها

دمعت لما شفتها .. مكسورة زي ما سيبتها
من كام سنه ودعتها .. وقولت مفيش مابينا نصيب
وبعدت قلبي عنها  ..  وخادتني دنيا وعشتها
ومفتكرتش انها   ..  لسه عاملاني حبيب

انا قولت نسيت وابتدت تعيش حياة زي البشر
تحب تاني وتنسي تاني كأن ولا شئ انكسر
اتاريها عايشه في الجراح ودموعها لسه في خدها
لا عمرها نسيت ولا عاشت يومين بعد الفراق
من شكلها باين عليها قاتلها موت الاشتياق
حبيتني بس جنيت عليها بكل قسوة جرحتها

الدموع اللي في عنيها  ..  كل ما اقرب عليها
فيه سؤال بحسه فيها   .. انت ليه عذبتني
انا كنت فاكر شوقها عادي  .. بعد يوم راح يبقي ماضي
واديها بعد سنين قصادي  .. شوقها ليه خضني


احم احم 
سلامو عليكو 

معلش غصب عني رجعت للاغاني تاني 
حاسس اني هيجرالي حاجة لو مكتبتش 
استحملوني بقي

احم احم 

الاغنية دي انا عشتها يمكن مش بنفس الدرجة دي 
بس الاحساس كان موجود 
لما تكون بتحب حد بطريقة كبير وهي كمان بتبادلك نفس الشعور 
ويمكن اكتر 
بس ظروفك بتحكم بحاجات معينة 
ممكن تكون سافرت وسبت البلد مثلا 
يعني مش خيانة ولا فراق 
المهم وانت بعيد بيبدأ الحب يقل شويه شويه من عندك 
ومتخيل برضو ان الحب بيقل من عندها هي كمان 
وبتاخدك الدنيا بقي وبتعيش وممكن تحب تاني 
وتعيش حياتك 
وبيجي وقت رجوعك تاني 
وبتصادف انك تقابل حبيبتك الاولي 
وهنا بتكون الصدمة 
انت متخيل انها نسيت زي ما انت نسيت 
لكنك بتلاقي واحدة جواها شوق وحب اكتر من الاول 
واحدة كانت عايشة بس عشان ترجعلها تاني 
وموقفة حياتها علي اليوم ده 

غصب عنك لما تشوفها بالمنظر ده 
عنيك دمعت 
حسيت دلوقتي بس انك خنتها 

ويعني بتحاول تتهرب من نظرتها ولومها 
وبتقول لنفسك 
انا كنت فاكرها هتنسي 
بس للاسف ده محصلش 

طبعا الاحساس ده تعبني جدا لما عشته 
وتعبني اكتر وانا بكتبه 


بس 

فاصل ونكمل 

......

انسان عادي

هناك 4 تعليقات:

ليله شتاء يقول...

السلام عليكم
كلامك أبكيني جدااا
ممكن تكون الظروف فى وقتها فرضت عليك الفراق لاى من الاسباب بس لو دلوقتي فى أيدك ترجع يبقى الرجوع سهل لو الاحساس صادق

أجعل أحلامك تطرق كل باب يحمل من الاحتمال وجود
أرسمها حتى إذا كانت كالوحه رسام أبكت طفل لا يرى ألا الورود
فدقات ساعه العمر في هروب


تحياتي لك

♥♥ شذا ♥ الروح ♥♥ يقول...

احم احم

سلالالالالالالالالالامووووو عليكو

وربنا خلتنى اعيط يا عمونا ينفع كده

عاااااااااااااااااااااا

مش لوحدك اللى حسيتها انا كمان والله
ربنا مش يبعد اى اتنين بيحبو بعض عن بعض يارب

دمت بكل الخير

مع السلامو عليكوووووووووو

Unknown يقول...

ليلة شتاء

فيه فرصة للرجوع بس مش عارف ؟؟؟
هل هينفع ولا لا

عموما شكرا ليكي
وشكر خاص علي الكلمات الجميلة دي
عجبتني قوي

شكرااااااااااا

Unknown يقول...

شذا الروح

عادي يعني لما تعيطي مرة بقي
هو كله ضحك ضحك ؟؟
هههههههه

شكرا لمرورك واحساسك

26‏/04‏/2010

دمعت لما شفتها


 النهارده الاتنين 26 ابريل 2010 الساعة 3.20 م 





دمعت لما شفتها

دمعت لما شفتها .. مكسورة زي ما سيبتها
من كام سنه ودعتها .. وقولت مفيش مابينا نصيب
وبعدت قلبي عنها  ..  وخادتني دنيا وعشتها
ومفتكرتش انها   ..  لسه عاملاني حبيب

انا قولت نسيت وابتدت تعيش حياة زي البشر
تحب تاني وتنسي تاني كأن ولا شئ انكسر
اتاريها عايشه في الجراح ودموعها لسه في خدها
لا عمرها نسيت ولا عاشت يومين بعد الفراق
من شكلها باين عليها قاتلها موت الاشتياق
حبيتني بس جنيت عليها بكل قسوة جرحتها

الدموع اللي في عنيها  ..  كل ما اقرب عليها
فيه سؤال بحسه فيها   .. انت ليه عذبتني
انا كنت فاكر شوقها عادي  .. بعد يوم راح يبقي ماضي
واديها بعد سنين قصادي  .. شوقها ليه خضني


احم احم 
سلامو عليكو 

معلش غصب عني رجعت للاغاني تاني 
حاسس اني هيجرالي حاجة لو مكتبتش 
استحملوني بقي

احم احم 

الاغنية دي انا عشتها يمكن مش بنفس الدرجة دي 
بس الاحساس كان موجود 
لما تكون بتحب حد بطريقة كبير وهي كمان بتبادلك نفس الشعور 
ويمكن اكتر 
بس ظروفك بتحكم بحاجات معينة 
ممكن تكون سافرت وسبت البلد مثلا 
يعني مش خيانة ولا فراق 
المهم وانت بعيد بيبدأ الحب يقل شويه شويه من عندك 
ومتخيل برضو ان الحب بيقل من عندها هي كمان 
وبتاخدك الدنيا بقي وبتعيش وممكن تحب تاني 
وتعيش حياتك 
وبيجي وقت رجوعك تاني 
وبتصادف انك تقابل حبيبتك الاولي 
وهنا بتكون الصدمة 
انت متخيل انها نسيت زي ما انت نسيت 
لكنك بتلاقي واحدة جواها شوق وحب اكتر من الاول 
واحدة كانت عايشة بس عشان ترجعلها تاني 
وموقفة حياتها علي اليوم ده 

غصب عنك لما تشوفها بالمنظر ده 
عنيك دمعت 
حسيت دلوقتي بس انك خنتها 

ويعني بتحاول تتهرب من نظرتها ولومها 
وبتقول لنفسك 
انا كنت فاكرها هتنسي 
بس للاسف ده محصلش 

طبعا الاحساس ده تعبني جدا لما عشته 
وتعبني اكتر وانا بكتبه 


بس 

فاصل ونكمل 

......

انسان عادي

هناك 4 تعليقات:

ليله شتاء يقول...

السلام عليكم
كلامك أبكيني جدااا
ممكن تكون الظروف فى وقتها فرضت عليك الفراق لاى من الاسباب بس لو دلوقتي فى أيدك ترجع يبقى الرجوع سهل لو الاحساس صادق

أجعل أحلامك تطرق كل باب يحمل من الاحتمال وجود
أرسمها حتى إذا كانت كالوحه رسام أبكت طفل لا يرى ألا الورود
فدقات ساعه العمر في هروب


تحياتي لك

♥♥ شذا ♥ الروح ♥♥ يقول...

احم احم

سلالالالالالالالالالامووووو عليكو

وربنا خلتنى اعيط يا عمونا ينفع كده

عاااااااااااااااااااااا

مش لوحدك اللى حسيتها انا كمان والله
ربنا مش يبعد اى اتنين بيحبو بعض عن بعض يارب

دمت بكل الخير

مع السلامو عليكوووووووووو

Unknown يقول...

ليلة شتاء

فيه فرصة للرجوع بس مش عارف ؟؟؟
هل هينفع ولا لا

عموما شكرا ليكي
وشكر خاص علي الكلمات الجميلة دي
عجبتني قوي

شكرااااااااااا

Unknown يقول...

شذا الروح

عادي يعني لما تعيطي مرة بقي
هو كله ضحك ضحك ؟؟
هههههههه

شكرا لمرورك واحساسك

Recent News

Introduction

Recent News