29‏/03‏/2010

انسان آالي .... قصدي عادي


النهارده الاتنين 29 مارس 2010 الساعة 2.55 م 

احم احم 
سلامو عليكو 

احنا عارفين طبعا يعني ايه انسان آلي 
يعني ماكينة متبرمجة بشكل معين لتنفيذ مهام معينة 
ومش ممكن تعمل حاجة مش موجودة في البرنامج بتاعها 
بالاضافة ان الريبوت ده او الانسان الآلي بيشتغل بالطاقة 
يعني مش بياكل عشان يعيش 
هو عادة بيكون بيشتغل بالطاقة الكهربية 

المهم بقي اللي انا عايز اقوله 
ان انا حسيت في الفترة الاخيرة دي اني بقيت عامل زي الريبوت ده
يعني مثلا بقي  البرنامج اليومي بتاعي تقريبا شبه ثابت 
مفيش حاجة جديدة بتحصل 
وبرضو كمان بقيت بحس اني بشتغل بالكهربا 
يعني الكهربا موجودة تلاقيني نشيط 
يا اما بعمل حاجة ع الكمبيوتر او بتفرج علي برنامج في التلفزيون 
انما بقي لو الكهربا اتقطعت مثلا تلاقيني زي الريبوت لما تفصل عنه الكهربا  بالظبط
يا اما نايم او قاعد كده مش بعمل اي حاجة 
ولا حتي بفكر في شئ 
فعلا الحياة بتقف بالنسبة لي لما الكهربا بتقطع
انا مش عارف الحكاية دي معايا انا بس ولا هي حالة عامة في الشباب 
يمكن عشان بقينا نعتمد علي الكهربا بشكل كبير قوي 
وفي كل حاجة في حياتنا 

مثلا لو الكهربا دي اتقطعت كام يوم ممكن يحصل ايه 
طب لو احنا كنا عشنا في الزمن اللي مفيهوش كهربا 
كنا هنعيش ازاي 

انا مش عارف 

علي فكرة برضو بدأ النت بالنسبة لي ياخد اهمية الكهربا 
يعني لو فيه كهربا ومفيش نت الدنيا بتبقي رخمة برضو 

انا بضايق قوي لما اكون بعتمد علي حاجة واحدة بشكل اساسي 
وبالذات لما تكون الحاجة دي مش في ايدي 
او مش بعرف اسيطر عليها 

نفسي مبقاش كده 
حد عنده حل ؟؟؟؟؟؟؟

انسان آلي 

.........

فاصل ونكمل

هناك 8 تعليقات:

من كل بستان زهرة يقول...

عندك حق والله كلنا كده

وده التطور الطبيعي للتكنولوجيا

أنا بقى التغيير الوحيد في حياتي
عن الي انت بتقوله اني بروح الشغل

طبعا انا مش هقدر أقولك على حل
لأني عايزه الي يعرفني انا الحلول

بس يعني لو عندك هوايه طبعا غير النت

أعملها
رياضه حتى لو هتعملها في البيت

القراءة حاول تقرأ كتب بلاش تقرأ على النت

بصراحه مش عارفه كل الي بقوله ملوش لازمه لأني انا مبعملوش

بجد ربنا رحمنا اننا عايشين في زمن التطور
بس برضه حاسه انه نقمه لأننا فعلا عاملين زي الأنسان الألي

لو لقيت حل قولي عليه

تحياتي ليك

سمع هوص (Abo 3li) يقول...

كلنا هذا الرجل...
انا بقيت متجوز ال الكومبيوتر بتاعي.... ومنغيره بحس ان فيه حاجة نقصاني.. وببقي متعصب وانا بعيد عنه... وحاسس اني مش مطمن... هههههههههه... الله يخرب بيت التكنولوبيا الجننتنا..
وبصراحة معنديش نصيحة ليك... لأني زي حلاتك..

Bent Men ElZman Da !! يقول...

لا مش لوحدك
كتير مننا كده على فكره
لما التليفزيون بيبقى فيه حاجه بيبقى عماله انفخ
ولو النت مش شغال بيبقى يوم فحلقى
يمكن ده لاننا خيل اساسا طالع متوصل بالكهربا
حياتنا كلها بقت معتمده على الاجهزه الكهربائيه او التكنولوجيا بوجه عام
لا تقلق
لست وحدك ايها الرجل :D :D :D

NaiRa يقول...

انا جيييييييييت وبلا فخر تالت تعلييق
اولا بص يامعلم حكايه ان النت والكهربا دول منقدرش نعيش من غيرهم او ان حياتنا بقت متاقلمه عليهم اوى
فا انا معاك فى اننا من غير الكهربا بجد بنتخنق مش عشان التليفزيون او الكمبيوتر لاء بس عشان انا يمكن عندى فوبيا من الضلمه فا بتخنق بسرعه جدا منهاومقدرش اقعد فيها بحب النور جدا
اما حكايه النت فا انا مش معاك فيها خالص لانه بجد حاجه ممله اوى اوى
لانى بقيت اتخنق منه وبقيت ادور على اى حاجه تشغلنى عنه ونفسى ابطل اقرب للجهاز خالص وان شاء الله ده هعملو
وان شاء الله بردو ميبقاش تحركنا زى الانسان الالى فى يوم من الايام
وان شاء الله تعدى الحاله اللى انت فيها دى على خييير
تقبل مرورى
NaiRa

Unknown يقول...

من كل بستان زهرة

علي فكرة المفروض ان انا كمان بروح الكلية
بس عندنا بقي احنا جمعنا المواد بتاعتنا كلها في يومين
يعني بروح سبت وخميس بس
وباقي الايام قاعد في بيتنا
وبما اني كنت في ذوي النشاط الجامد في الكلية
فده بالنسبالي شئ كويس جدا
بس ده كان من سنتين
لاني دلوقتي بطلت جميع الانشطة في الكلية
يعني من البيت للمحاضر ومن المحاضر للبيت
هههههههه

مرسي لمرورك واتمني نلاقي حل

Unknown يقول...

ابو علي

طمنتني يا راجل
كنت خايف اكون لوحدي
ههههههه
مرسي ليك علي زيارتك

Unknown يقول...

بنت من الزمن ده

تمام قوي كده
يعني دي مرض بقي وماسك شباب مصر كلهم
بس انا مرة اتحديت نفسي علي فكرة
لما الحكاية دي تعبتني قوي وقررت مقعدش ع النت ده ابدا
عارفه عملت ايه ؟؟؟
رحت فاصل النت خالص
وطبع الكمبيوتر من غير نت ملوش قيمة بالنسبة لي
المهم فضلت علي كده بتاع 10 شهور
في اول شهر كنت عامل زي المدمن اللي بيتعالج من الهروين
ههههههه
بس بعد فترة بقيت زي الفل ومفيش حاجة في دماغي
وللاسف رجعت النت تاني وكنت مضطر عشان الدراسة
ورجعت ريما لعادتها القديمة

مرسي ليكي

Unknown يقول...

نيرة

لا انا بالنسبة لي بحب الضلمة جدا
زمان قبل ما اتغلق بالنت قوي كده
كان لما النور يقطع ادخل اوضتي واقعد لوحدي
وافضل افكر
افكر في اي حاجة واعيش مع احلامي
وارسم حاجات في دماغي
المهم انه لما النور بيجي كنت بنسي الكلام ده كله
وارجع تاني

مرسي علي مرورك

29‏/03‏/2010

انسان آالي .... قصدي عادي


النهارده الاتنين 29 مارس 2010 الساعة 2.55 م 

احم احم 
سلامو عليكو 

احنا عارفين طبعا يعني ايه انسان آلي 
يعني ماكينة متبرمجة بشكل معين لتنفيذ مهام معينة 
ومش ممكن تعمل حاجة مش موجودة في البرنامج بتاعها 
بالاضافة ان الريبوت ده او الانسان الآلي بيشتغل بالطاقة 
يعني مش بياكل عشان يعيش 
هو عادة بيكون بيشتغل بالطاقة الكهربية 

المهم بقي اللي انا عايز اقوله 
ان انا حسيت في الفترة الاخيرة دي اني بقيت عامل زي الريبوت ده
يعني مثلا بقي  البرنامج اليومي بتاعي تقريبا شبه ثابت 
مفيش حاجة جديدة بتحصل 
وبرضو كمان بقيت بحس اني بشتغل بالكهربا 
يعني الكهربا موجودة تلاقيني نشيط 
يا اما بعمل حاجة ع الكمبيوتر او بتفرج علي برنامج في التلفزيون 
انما بقي لو الكهربا اتقطعت مثلا تلاقيني زي الريبوت لما تفصل عنه الكهربا  بالظبط
يا اما نايم او قاعد كده مش بعمل اي حاجة 
ولا حتي بفكر في شئ 
فعلا الحياة بتقف بالنسبة لي لما الكهربا بتقطع
انا مش عارف الحكاية دي معايا انا بس ولا هي حالة عامة في الشباب 
يمكن عشان بقينا نعتمد علي الكهربا بشكل كبير قوي 
وفي كل حاجة في حياتنا 

مثلا لو الكهربا دي اتقطعت كام يوم ممكن يحصل ايه 
طب لو احنا كنا عشنا في الزمن اللي مفيهوش كهربا 
كنا هنعيش ازاي 

انا مش عارف 

علي فكرة برضو بدأ النت بالنسبة لي ياخد اهمية الكهربا 
يعني لو فيه كهربا ومفيش نت الدنيا بتبقي رخمة برضو 

انا بضايق قوي لما اكون بعتمد علي حاجة واحدة بشكل اساسي 
وبالذات لما تكون الحاجة دي مش في ايدي 
او مش بعرف اسيطر عليها 

نفسي مبقاش كده 
حد عنده حل ؟؟؟؟؟؟؟

انسان آلي 

.........

فاصل ونكمل

هناك 8 تعليقات:

من كل بستان زهرة يقول...

عندك حق والله كلنا كده

وده التطور الطبيعي للتكنولوجيا

أنا بقى التغيير الوحيد في حياتي
عن الي انت بتقوله اني بروح الشغل

طبعا انا مش هقدر أقولك على حل
لأني عايزه الي يعرفني انا الحلول

بس يعني لو عندك هوايه طبعا غير النت

أعملها
رياضه حتى لو هتعملها في البيت

القراءة حاول تقرأ كتب بلاش تقرأ على النت

بصراحه مش عارفه كل الي بقوله ملوش لازمه لأني انا مبعملوش

بجد ربنا رحمنا اننا عايشين في زمن التطور
بس برضه حاسه انه نقمه لأننا فعلا عاملين زي الأنسان الألي

لو لقيت حل قولي عليه

تحياتي ليك

سمع هوص (Abo 3li) يقول...

كلنا هذا الرجل...
انا بقيت متجوز ال الكومبيوتر بتاعي.... ومنغيره بحس ان فيه حاجة نقصاني.. وببقي متعصب وانا بعيد عنه... وحاسس اني مش مطمن... هههههههههه... الله يخرب بيت التكنولوبيا الجننتنا..
وبصراحة معنديش نصيحة ليك... لأني زي حلاتك..

Bent Men ElZman Da !! يقول...

لا مش لوحدك
كتير مننا كده على فكره
لما التليفزيون بيبقى فيه حاجه بيبقى عماله انفخ
ولو النت مش شغال بيبقى يوم فحلقى
يمكن ده لاننا خيل اساسا طالع متوصل بالكهربا
حياتنا كلها بقت معتمده على الاجهزه الكهربائيه او التكنولوجيا بوجه عام
لا تقلق
لست وحدك ايها الرجل :D :D :D

NaiRa يقول...

انا جيييييييييت وبلا فخر تالت تعلييق
اولا بص يامعلم حكايه ان النت والكهربا دول منقدرش نعيش من غيرهم او ان حياتنا بقت متاقلمه عليهم اوى
فا انا معاك فى اننا من غير الكهربا بجد بنتخنق مش عشان التليفزيون او الكمبيوتر لاء بس عشان انا يمكن عندى فوبيا من الضلمه فا بتخنق بسرعه جدا منهاومقدرش اقعد فيها بحب النور جدا
اما حكايه النت فا انا مش معاك فيها خالص لانه بجد حاجه ممله اوى اوى
لانى بقيت اتخنق منه وبقيت ادور على اى حاجه تشغلنى عنه ونفسى ابطل اقرب للجهاز خالص وان شاء الله ده هعملو
وان شاء الله بردو ميبقاش تحركنا زى الانسان الالى فى يوم من الايام
وان شاء الله تعدى الحاله اللى انت فيها دى على خييير
تقبل مرورى
NaiRa

Unknown يقول...

من كل بستان زهرة

علي فكرة المفروض ان انا كمان بروح الكلية
بس عندنا بقي احنا جمعنا المواد بتاعتنا كلها في يومين
يعني بروح سبت وخميس بس
وباقي الايام قاعد في بيتنا
وبما اني كنت في ذوي النشاط الجامد في الكلية
فده بالنسبالي شئ كويس جدا
بس ده كان من سنتين
لاني دلوقتي بطلت جميع الانشطة في الكلية
يعني من البيت للمحاضر ومن المحاضر للبيت
هههههههه

مرسي لمرورك واتمني نلاقي حل

Unknown يقول...

ابو علي

طمنتني يا راجل
كنت خايف اكون لوحدي
ههههههه
مرسي ليك علي زيارتك

Unknown يقول...

بنت من الزمن ده

تمام قوي كده
يعني دي مرض بقي وماسك شباب مصر كلهم
بس انا مرة اتحديت نفسي علي فكرة
لما الحكاية دي تعبتني قوي وقررت مقعدش ع النت ده ابدا
عارفه عملت ايه ؟؟؟
رحت فاصل النت خالص
وطبع الكمبيوتر من غير نت ملوش قيمة بالنسبة لي
المهم فضلت علي كده بتاع 10 شهور
في اول شهر كنت عامل زي المدمن اللي بيتعالج من الهروين
ههههههه
بس بعد فترة بقيت زي الفل ومفيش حاجة في دماغي
وللاسف رجعت النت تاني وكنت مضطر عشان الدراسة
ورجعت ريما لعادتها القديمة

مرسي ليكي

Unknown يقول...

نيرة

لا انا بالنسبة لي بحب الضلمة جدا
زمان قبل ما اتغلق بالنت قوي كده
كان لما النور يقطع ادخل اوضتي واقعد لوحدي
وافضل افكر
افكر في اي حاجة واعيش مع احلامي
وارسم حاجات في دماغي
المهم انه لما النور بيجي كنت بنسي الكلام ده كله
وارجع تاني

مرسي علي مرورك

Recent News

Introduction

Recent News