27‏/03‏/2010

اللي طلع قدام يبعت .... لو سمحت

النهارده السبت 27 مارس 2010 الساعة 1.02 ص




وحياتك يا استاذ تطلع شويه قدام ايون انت 
هو المكان ده فيه سكر يعني 
اطلع قدام الناس هتقع ع الباب 
ايوه اللي طلع قاد يبعت 
وحاسب ورا كعب عالي 
...........

احم احم 
سلامو عليكو 

طبعا الكلام ده يلزمه موسيقي تصويرة مكونة من 
رغي البني ادمين وكلاكسات العربيات بالاضافة الي 
صوت اجزاء الاتوبيس اللي بتخبط في بعضها مع كل مطب 
او حتي من غير مطبات كفاية انه ماشي في شوارع مصر المحروسة 
طبعا بطل اللقطة دي هو كمسري الاتوبيس 
وهو بيرص الطوب .....
قصدي بينظم الركاب عشان علبة السردين او الاتوبيس يعني 
يبقي فل " وفل هنا مش زهرة الفل الفل ده يعني full" 
احم احم ثقافة بقي 

الهدف بقي من اللقطة دي ايه ؟؟؟؟؟
سيبك من احتقاري لنفسي واحساسي ان انا مش بني ادم 
وانا موجود جوه علبة السردين دي 
وسيبك من الوقت الخرافي اللي بيروح وانا جوه العلبة 
انا عاوزك تركز مع البطل الكمسري 
والمجهود الجبار اللي الراجل ده بيعمله عشان يلم الاجرة من الركاب 
وازاي مفيش بني ادم يقدر يزوغ منه في وسط الهيصة دي 
وازاي بيقدر يستحمل الدوشة والزحمة والحر والخنقة 
وكل الهموم اللي كل المصريين فيها 
جمع كل ده في دماغك 
طب لو الكمسري ده كمسريه (يعني لو واحدة ست اشتغلت كمسري )
والله انا لحد دلوقتي مشفتهاش 
هي صحيح الست اشتغلت حاجات كتير مكناش متخيلنها فيها 
زي سواق تاكسي وسواق نقل تقيل 
وحاجات تانية كتير
لكن معرفش ليه وقفت قدام الكمسري ده ومقدرتش اتخيلها 
اعتقد انه صعب ان مكنش مستحيل 
تفتكر لو ده حصل هيبقي الوضع ازاي 
وياتري الاتوبيسات هتفضل بالزحام ده ؟؟؟؟؟
ولا الزحام هيقل ؟؟؟
انا عن نفسي اعتقد انه هيزيد 
دانا هحب الاتوبيسات قوي 
ههههههههههههه

فاصل ونكمل 

.....

انسان عادي 
من علية السردين

هناك 8 تعليقات:

من كل بستان زهرة يقول...

انسان عادي
انا أول تعليق ليه عندك في المدونه

بس عجبتني أوي

وصدقني قريب أوي هتلاقي كمسريه

ولو الناس اعترضت هيعملوا وقفات أحتجاجيه

البنت زي الولد مهيش كمالت عدد

ههههههههههههههههههه

الستات حشرين نفسهم في كل حاجه
بس بجد لو في كمسريه على رأيك الأتوبيس هيكون جميل اوي

الناس هتسيب عربيتها وتركبه

تحياتي ليك

NaiRa يقول...

هههههههههههههههههههههههههه
نايس بجد بوست اوى جامد جدا بجد
والله اعدت انا كمان اتخيل لو كمسرى يبقى كمسريه
واللى طلع يبعت بقى ووسعو الستات اللى طالعه ولم ضهرك يا استاذ
الله هيبقى لينا حمايه فى الاتوبيس هههههههههههههه
بس على ما اعتقد ان محدش هيسمح بده لان هيبقى فيها اهانه للست اوى
لانها وهى ماشيه اصلا فى الشارع وفى مكان واسع ومرحرح كده بتتعاكس وبتتعرض لحاجات رخمه من الناس امال بقى لو وسط زحمه ورجاله امه لا اله الا الله وعمالين فعلا زى علبه السردين وجواها مسوره رجاله انفرجت هتعمل ايه
مفتكرش ان القرار ده يبقى موجود والا يبقى الله يرحم الرجاله :D
ناااااااااااااااااايس بوست

NaiRa

سمع هوص (Abo 3li) يقول...

هههههههه.... تصدق فكرتني بنفسي وانا محشووور في ميني بصات الجمعية والكمسري بينادي "الاستاذ ال في اخر المسورة.. لسه الطرقو واسعة جواه"

تحياتي

Bent Men ElZman Da !! يقول...

هههههههههههههههههههه
نفس اللى توقعته
قولت اكيد ساعه لما يبقى فى كمسريه الشباب هيحبوا الاتوبيسات اوى
بس تخيل بقى لو كمسريه اسمها فتكات مثلا واللى مايدفعش تروح مدياله بالدماغ اكيد ساعتها كلنا بنات وشباب هنكره الاتوبيسات
مش لا قدر الله لاننا مش هندفع وساعتها هناخد بالدماغ
بس احتراما للزوق العام عشان مايبقاش زوقنا فى الارض بس
يغيظ اوى السواق والا الكمسرى اللى يقولك ما تدخلوا فيه مكان جوه
هو اكيد بيبقى قصده فى حجر واحد جوه فاضى ينفع تقعدوا عليه
باختصار الاتوبيسات دى مأسااااااه

Unknown يقول...

من كل بستان زهرة

انا بوعدك انه مش هيبقي فيه اي وقفات احتجاجية
ولا اي نوع من انواع المعارضة
وانا من هنا بدعم موقف الكمسري الست
من اجل دلع المواطن المطحون

مرسي ليكي علي المرور

Unknown يقول...

نيرة

وايه الاهانة في ده
ماهي الست بتركب الاتوبيس دلوقتي عادي
بس في اختيارهم للكمسري الست اكيد هيحطو معايير معينة يعني
هيجيبو حد كده من المدبح مثلا
الاشكال اللي هي تخوّف دي هههههههه
بس لو عملوها انا كده ممكن ارجع في كلامي
ومش هركب الاتوبيس
ههههههه

شكرا يا قمر لمرورك

Unknown يقول...

ابو علي

كلنا انحشرنا الحشرة السودا دي هههههههه
واللي يغيظ فعلا ان الكمسري دايما شايف الاتوبيس فاضي
حتي لو الناس كانت راكبة علي بعضيها

شكرا ليك

Unknown يقول...

بنت من الزمن ده

ماهو هو ده بقي اللي خايف منه
يجيبو حاجة كده حجم عائلي يشغلوها كمسري
اعتقد الحلم اللي برسمه دلوقتي هيدمر خالص
ههههههههه

شكرا يا دينا لمرورك

27‏/03‏/2010

اللي طلع قدام يبعت .... لو سمحت

النهارده السبت 27 مارس 2010 الساعة 1.02 ص




وحياتك يا استاذ تطلع شويه قدام ايون انت 
هو المكان ده فيه سكر يعني 
اطلع قدام الناس هتقع ع الباب 
ايوه اللي طلع قاد يبعت 
وحاسب ورا كعب عالي 
...........

احم احم 
سلامو عليكو 

طبعا الكلام ده يلزمه موسيقي تصويرة مكونة من 
رغي البني ادمين وكلاكسات العربيات بالاضافة الي 
صوت اجزاء الاتوبيس اللي بتخبط في بعضها مع كل مطب 
او حتي من غير مطبات كفاية انه ماشي في شوارع مصر المحروسة 
طبعا بطل اللقطة دي هو كمسري الاتوبيس 
وهو بيرص الطوب .....
قصدي بينظم الركاب عشان علبة السردين او الاتوبيس يعني 
يبقي فل " وفل هنا مش زهرة الفل الفل ده يعني full" 
احم احم ثقافة بقي 

الهدف بقي من اللقطة دي ايه ؟؟؟؟؟
سيبك من احتقاري لنفسي واحساسي ان انا مش بني ادم 
وانا موجود جوه علبة السردين دي 
وسيبك من الوقت الخرافي اللي بيروح وانا جوه العلبة 
انا عاوزك تركز مع البطل الكمسري 
والمجهود الجبار اللي الراجل ده بيعمله عشان يلم الاجرة من الركاب 
وازاي مفيش بني ادم يقدر يزوغ منه في وسط الهيصة دي 
وازاي بيقدر يستحمل الدوشة والزحمة والحر والخنقة 
وكل الهموم اللي كل المصريين فيها 
جمع كل ده في دماغك 
طب لو الكمسري ده كمسريه (يعني لو واحدة ست اشتغلت كمسري )
والله انا لحد دلوقتي مشفتهاش 
هي صحيح الست اشتغلت حاجات كتير مكناش متخيلنها فيها 
زي سواق تاكسي وسواق نقل تقيل 
وحاجات تانية كتير
لكن معرفش ليه وقفت قدام الكمسري ده ومقدرتش اتخيلها 
اعتقد انه صعب ان مكنش مستحيل 
تفتكر لو ده حصل هيبقي الوضع ازاي 
وياتري الاتوبيسات هتفضل بالزحام ده ؟؟؟؟؟
ولا الزحام هيقل ؟؟؟
انا عن نفسي اعتقد انه هيزيد 
دانا هحب الاتوبيسات قوي 
ههههههههههههه

فاصل ونكمل 

.....

انسان عادي 
من علية السردين

هناك 8 تعليقات:

من كل بستان زهرة يقول...

انسان عادي
انا أول تعليق ليه عندك في المدونه

بس عجبتني أوي

وصدقني قريب أوي هتلاقي كمسريه

ولو الناس اعترضت هيعملوا وقفات أحتجاجيه

البنت زي الولد مهيش كمالت عدد

ههههههههههههههههههه

الستات حشرين نفسهم في كل حاجه
بس بجد لو في كمسريه على رأيك الأتوبيس هيكون جميل اوي

الناس هتسيب عربيتها وتركبه

تحياتي ليك

NaiRa يقول...

هههههههههههههههههههههههههه
نايس بجد بوست اوى جامد جدا بجد
والله اعدت انا كمان اتخيل لو كمسرى يبقى كمسريه
واللى طلع يبعت بقى ووسعو الستات اللى طالعه ولم ضهرك يا استاذ
الله هيبقى لينا حمايه فى الاتوبيس هههههههههههههه
بس على ما اعتقد ان محدش هيسمح بده لان هيبقى فيها اهانه للست اوى
لانها وهى ماشيه اصلا فى الشارع وفى مكان واسع ومرحرح كده بتتعاكس وبتتعرض لحاجات رخمه من الناس امال بقى لو وسط زحمه ورجاله امه لا اله الا الله وعمالين فعلا زى علبه السردين وجواها مسوره رجاله انفرجت هتعمل ايه
مفتكرش ان القرار ده يبقى موجود والا يبقى الله يرحم الرجاله :D
ناااااااااااااااااايس بوست

NaiRa

سمع هوص (Abo 3li) يقول...

هههههههه.... تصدق فكرتني بنفسي وانا محشووور في ميني بصات الجمعية والكمسري بينادي "الاستاذ ال في اخر المسورة.. لسه الطرقو واسعة جواه"

تحياتي

Bent Men ElZman Da !! يقول...

هههههههههههههههههههه
نفس اللى توقعته
قولت اكيد ساعه لما يبقى فى كمسريه الشباب هيحبوا الاتوبيسات اوى
بس تخيل بقى لو كمسريه اسمها فتكات مثلا واللى مايدفعش تروح مدياله بالدماغ اكيد ساعتها كلنا بنات وشباب هنكره الاتوبيسات
مش لا قدر الله لاننا مش هندفع وساعتها هناخد بالدماغ
بس احتراما للزوق العام عشان مايبقاش زوقنا فى الارض بس
يغيظ اوى السواق والا الكمسرى اللى يقولك ما تدخلوا فيه مكان جوه
هو اكيد بيبقى قصده فى حجر واحد جوه فاضى ينفع تقعدوا عليه
باختصار الاتوبيسات دى مأسااااااه

Unknown يقول...

من كل بستان زهرة

انا بوعدك انه مش هيبقي فيه اي وقفات احتجاجية
ولا اي نوع من انواع المعارضة
وانا من هنا بدعم موقف الكمسري الست
من اجل دلع المواطن المطحون

مرسي ليكي علي المرور

Unknown يقول...

نيرة

وايه الاهانة في ده
ماهي الست بتركب الاتوبيس دلوقتي عادي
بس في اختيارهم للكمسري الست اكيد هيحطو معايير معينة يعني
هيجيبو حد كده من المدبح مثلا
الاشكال اللي هي تخوّف دي هههههههه
بس لو عملوها انا كده ممكن ارجع في كلامي
ومش هركب الاتوبيس
ههههههه

شكرا يا قمر لمرورك

Unknown يقول...

ابو علي

كلنا انحشرنا الحشرة السودا دي هههههههه
واللي يغيظ فعلا ان الكمسري دايما شايف الاتوبيس فاضي
حتي لو الناس كانت راكبة علي بعضيها

شكرا ليك

Unknown يقول...

بنت من الزمن ده

ماهو هو ده بقي اللي خايف منه
يجيبو حاجة كده حجم عائلي يشغلوها كمسري
اعتقد الحلم اللي برسمه دلوقتي هيدمر خالص
ههههههههه

شكرا يا دينا لمرورك

Recent News

Introduction

Recent News