26‏/02‏/2010

رحلة فشل 1


النهارده الجمعة 26فبراير 2010الساعة 2.40 ص


رحلة فشل


طبعا مش هحكيها مرة واحدة هقسمها
عشان هي طويلة شويه


سلامو عليكو


احم

طبعا المفروض اني اكون بتكلم عن اللحظة دي
انا مكسوف جدا وزعلان من نفسي وحاسس بتأنيب الضمير
ومحسسكو بده كمان بس انا هحكي لكم اللحظة كلها
وبعدين اقولكو ليه انا بتكلم ليه فيها اصلا 
ومش بحاول انساها وخلاص

تبدأ لحظة الفشل معايا في الدراسة متأخرة شويه
يعني انا كنت طول عمري طالب مجتهد 
لا انا بطلع الاول ولا انا كنت من عامة الشعب يعني
كنت من المتميزين بس عمري ما كنت الاول

المهم فضلت كده وماشي كويس دخلت ثانوي وجبت مجموع
بيتقال عليه مش وحش يعني ودخلت هندسة
برغبتي وعن حب بجد

دخلت اعدادي هندسة وزيي زي كل الناس كنت تايه في الكلية
اول شهرين مش عارف انا بعمل ايه ولا ايه المطلوب مني اساسا

وعدت اعدادي ونجحت بمادة كانت فيزياء علي فكرة
  ودخلت اولي ميكانيكا وفي اولي كنت اكثر التزاما
شويه من اعدادي وكنت فهمت الدنيا ماشية ازاي
يعني وبرضو عدت اولي بسلام ونجحت بيور فيها

وندخل بقي في نقطة التحول تانية ميكانيكا 
انا قبل اللحظة دي كنت بدخل الكلية عشان احضر المحاضرات
او اقعد مع زمايلي نضحك ونهزر 
ولما اتخنق اروح واخد يعضي ومروح 
بغض النظر في محاضرات او مفيش

لكن في اجازة اولي بقي دخلت حاجة جديدة حياتي
كنت اول مرة في حياتي اشارك في انشطة في الكلية
او أي انشطة عامة اتعرض عليا اني ادخل عشيرة الجوالة
( الكشافة يعني ) وانا مكنتش اعرف يعني ايه ده
المهم قلت اجرب وبدأت اشارك معاهم

بصراحة الجوالة دي خليتني اشوف نفسي من جديد
لقتني بعمل حاجات عمري ما كنت افكر اني اعملها

لقيتني برسم وبألف اغاني وبغني وبرقص 
وبيتعرف علي ناس كتير والناس بتعرفني في الكلية كلها
ده كان جو جديد قوي عليا وعجبني جدا الجو ده
وشدني بطريقة غريبة لدرجة اني كنت بروح الكلية يوميا
حتي في الاجازات وده طبعا علي غيرالعادة
بروح الساعة 8 صباحا وبرجع بيتنا الساعة 10 مساءا

المهم عشت تانية دي كلها كده وكان شئ طبيعي ومتوقع
اني الاقي نفسي في اخر السنة باقي للاعادة

انا ما اتفجأتش طبعا لاني كنت حاسس 
بس عارف لما تتحط في الموقف حتي لو انت متوقعه
برضه احساس بيوجع

بعد كده الموقف ده عدي ودخلنا في الاجازة
ومازالت الجوالة مستمرة وبقوة وانا عمال اتميز فيها
كل يوم اكتر من اللي قبله 
ولما دخلنا السنة اللي بعديها بقي انا طبعا كنت دبلر
يعني معنديش مواد كتير زي السنة اللي فاتت

فطبعا اهمالي للكلية والدراسة زاد 
واهتمامي بالنشاط برضو زاد ده علي اساس
ان انا دارس المواد اللي عندي دي قبل كده
وهيبقي سهل اعدي فيها السنة دي

وقضيت السنة ولاقيتني بعد النتيجة ما ظهرت
راسب للمرة التانية وفي نفس السنة
دي بقي كانت ضربة قاضية بالنسبة لي 
اول مرة احس يعني ايه انكسار 
يعني ايه انك تزهق من الدنيا دي كلها 
وتبقي خلاص مش عايز منها حاجة 
 ده دي كانت حالتي لكن المصيبة الاكبر بقي
في حالة ابويا وامي لما يعرفو وبالمناسبة انا اصغر اخواتي
يعني اقرب شويه لقلبهم  والمصيبة الاكبر والاكبر
ان انا اللي لازم هقولهم ع النتيجة دي
ما اتعودوش يسألو عليا انا اللي كنت بقول
طبعا الحالة دي كلها كونت عندي حالة عدم ادراك باي حاجة
واحساس بالتوهان الغريب 
....................

فاصل ونكمل 

....

انسان عادي

هناك تعليقان (2):

سمو الأميرة سارة يقول...

:( تصدق يا عبده انا في سنة اولى كنت مرعوبة وكنت متخيلة اني هدبلر وقعدت اقول لو حصل انا هموت نفسي ومش هقول لأهلي
ربنا يستر بجد من السنة دي لأن عندنا في البيت لو حصل لا قدر الله وحد عاد السنة بتبقى كارثة بجد

اتمنى بجد تكون اتخطيت الاحساس بالفشل دا

انسان عادي يقول...

شكرا يا سارة علي مرورك
وانا الحمد لله دلوقتي احسن كتييير
والازمة عدت
واهو كلها 4 شهور ان شاء الله واخلص بقي

ربنا يوفقك انتي كمان وشكرا ليكي

26‏/02‏/2010

رحلة فشل 1


النهارده الجمعة 26فبراير 2010الساعة 2.40 ص


رحلة فشل


طبعا مش هحكيها مرة واحدة هقسمها
عشان هي طويلة شويه


سلامو عليكو


احم

طبعا المفروض اني اكون بتكلم عن اللحظة دي
انا مكسوف جدا وزعلان من نفسي وحاسس بتأنيب الضمير
ومحسسكو بده كمان بس انا هحكي لكم اللحظة كلها
وبعدين اقولكو ليه انا بتكلم ليه فيها اصلا 
ومش بحاول انساها وخلاص

تبدأ لحظة الفشل معايا في الدراسة متأخرة شويه
يعني انا كنت طول عمري طالب مجتهد 
لا انا بطلع الاول ولا انا كنت من عامة الشعب يعني
كنت من المتميزين بس عمري ما كنت الاول

المهم فضلت كده وماشي كويس دخلت ثانوي وجبت مجموع
بيتقال عليه مش وحش يعني ودخلت هندسة
برغبتي وعن حب بجد

دخلت اعدادي هندسة وزيي زي كل الناس كنت تايه في الكلية
اول شهرين مش عارف انا بعمل ايه ولا ايه المطلوب مني اساسا

وعدت اعدادي ونجحت بمادة كانت فيزياء علي فكرة
  ودخلت اولي ميكانيكا وفي اولي كنت اكثر التزاما
شويه من اعدادي وكنت فهمت الدنيا ماشية ازاي
يعني وبرضو عدت اولي بسلام ونجحت بيور فيها

وندخل بقي في نقطة التحول تانية ميكانيكا 
انا قبل اللحظة دي كنت بدخل الكلية عشان احضر المحاضرات
او اقعد مع زمايلي نضحك ونهزر 
ولما اتخنق اروح واخد يعضي ومروح 
بغض النظر في محاضرات او مفيش

لكن في اجازة اولي بقي دخلت حاجة جديدة حياتي
كنت اول مرة في حياتي اشارك في انشطة في الكلية
او أي انشطة عامة اتعرض عليا اني ادخل عشيرة الجوالة
( الكشافة يعني ) وانا مكنتش اعرف يعني ايه ده
المهم قلت اجرب وبدأت اشارك معاهم

بصراحة الجوالة دي خليتني اشوف نفسي من جديد
لقتني بعمل حاجات عمري ما كنت افكر اني اعملها

لقيتني برسم وبألف اغاني وبغني وبرقص 
وبيتعرف علي ناس كتير والناس بتعرفني في الكلية كلها
ده كان جو جديد قوي عليا وعجبني جدا الجو ده
وشدني بطريقة غريبة لدرجة اني كنت بروح الكلية يوميا
حتي في الاجازات وده طبعا علي غيرالعادة
بروح الساعة 8 صباحا وبرجع بيتنا الساعة 10 مساءا

المهم عشت تانية دي كلها كده وكان شئ طبيعي ومتوقع
اني الاقي نفسي في اخر السنة باقي للاعادة

انا ما اتفجأتش طبعا لاني كنت حاسس 
بس عارف لما تتحط في الموقف حتي لو انت متوقعه
برضه احساس بيوجع

بعد كده الموقف ده عدي ودخلنا في الاجازة
ومازالت الجوالة مستمرة وبقوة وانا عمال اتميز فيها
كل يوم اكتر من اللي قبله 
ولما دخلنا السنة اللي بعديها بقي انا طبعا كنت دبلر
يعني معنديش مواد كتير زي السنة اللي فاتت

فطبعا اهمالي للكلية والدراسة زاد 
واهتمامي بالنشاط برضو زاد ده علي اساس
ان انا دارس المواد اللي عندي دي قبل كده
وهيبقي سهل اعدي فيها السنة دي

وقضيت السنة ولاقيتني بعد النتيجة ما ظهرت
راسب للمرة التانية وفي نفس السنة
دي بقي كانت ضربة قاضية بالنسبة لي 
اول مرة احس يعني ايه انكسار 
يعني ايه انك تزهق من الدنيا دي كلها 
وتبقي خلاص مش عايز منها حاجة 
 ده دي كانت حالتي لكن المصيبة الاكبر بقي
في حالة ابويا وامي لما يعرفو وبالمناسبة انا اصغر اخواتي
يعني اقرب شويه لقلبهم  والمصيبة الاكبر والاكبر
ان انا اللي لازم هقولهم ع النتيجة دي
ما اتعودوش يسألو عليا انا اللي كنت بقول
طبعا الحالة دي كلها كونت عندي حالة عدم ادراك باي حاجة
واحساس بالتوهان الغريب 
....................

فاصل ونكمل 

....

انسان عادي

هناك تعليقان (2):

سمو الأميرة سارة يقول...

:( تصدق يا عبده انا في سنة اولى كنت مرعوبة وكنت متخيلة اني هدبلر وقعدت اقول لو حصل انا هموت نفسي ومش هقول لأهلي
ربنا يستر بجد من السنة دي لأن عندنا في البيت لو حصل لا قدر الله وحد عاد السنة بتبقى كارثة بجد

اتمنى بجد تكون اتخطيت الاحساس بالفشل دا

انسان عادي يقول...

شكرا يا سارة علي مرورك
وانا الحمد لله دلوقتي احسن كتييير
والازمة عدت
واهو كلها 4 شهور ان شاء الله واخلص بقي

ربنا يوفقك انتي كمان وشكرا ليكي

Recent News

Introduction

Recent News