07‏/07‏/2011

العاصفة





احم احم
سلامو عليكو

فاكرين فيلم العاصفة بتاع خالد يوسف 
بتاع حرب العراق والاخين اللي واجهو بعض 

عارفين الاحساس ده 
لما تكون انت في موقف واخوك في موقف معادي 
واقف قصادك وشك في وشه

انا تقريبا حاصل معايا الموقف ده 
بس مع بعض التعديلات 
اولا انا مش واقف قصاد اخويا 
انا واقف قصاد نفسي

حبة توضيح بقي
طبعا انتو عارفين ان انا في الجيش الايام دي
في ايام ثورة يناير وبالظبط يوم الخميس 10 فبراير انا كنت في ميدان التحرير 
انا مكنتش لسه بقيت ظابط ومكنتش مسؤول عن حاجة 
انا كنت في التحرير يومها كمتظاهر 
ولو كنت موجود في بيتنا في الايام اللي قبل التاريخ ده 
كنت قضيتهم في التحرير مع الناس 
ولكن للاسف كنت في الجيش 
المهم انا ساعتها مكنتش بفكر قوي ان انا في الجيش ومينفعش ابقي متظاهر 
كنت بتعامل زي ما بيقولو عندنا في الجيش "ملكي"
والحمد لله الثورة نجحت 

نيجي بقي بعد 5 شهور من اليوم ده 
انا بقيت ظابط والمفروض اني مسؤل 
وبكرة الجمعة 8 يوليو المفروض ان فيه ثورة الغضب التانية 
انا بكرة موجود في الوحدة بتاعتي بأمنها من اي حد 

بغض النظر عن اي حاجة 
سواءا بقي اللي في التحرير صح ولا غلط 
الجيش صح ولا غلط 
بس في 5 شهور انا اتحولت من الصف ده للصف اللي في المواجهة
والصراع بقي داخلي 
عارفين ابو العربي وهو بيقاسي مع حرب الجينات اللي عنده 
بين ابوه الشهيد وخاله الواطي 
اهو انا تقريبا في نفس الموقف 
عارف ان الجيش متكاسل ومتراخي في اخد قرارات لازم تتاخد
بس كمان قربت ازهق من الفوضي اللي في البلد
عارف كويس جدا ان النظام السابق مش هيمشي بسهولة 
ولازم "يفرفر "قبل ما يموت 
دي حاجة منطقية يعني 
بس احنا كمان لازم نبقي اذكي من كده 
ونفهم احنا رايحين فين 

مش عارف اقول لحد روح التحرير 
ومش جايلي قلب اقوله ما تروحش 

بس ياريت اللي رايح يتظاهر باسلوب محترم ويراعي سمعة مصر 
ويحترم مشاعر قوات الامن اللي هتبقي موجودة 
ارجوكم بلاش استفزاز لا للشرطة ولا للجيش
الناس دي مش هما اللي سرقوكم والله 
اذا كان في خطأ في القادة بتوعهم بلاش تاخدوهم بذنبهم 
اكيد اللي موجود في التحرير من الامن رايح علشان يأّمن مصر 
وشعب مصر 
يا اهل التحرير خافو علي مصر 
امنعو البلطجية من انهم يوصلو لغرضهم 
البلطجية بيستخبو بينكم 

ربنا يوفقكم ويحميكم 
ويحمي مصر وينصرها 

اللهم امين


سلامو عليكو

هناك 5 تعليقات:

mrmr يقول...

انا حاسه قوووى بالمعاناه التى تعانيها
ربنا يكون فى عونك
وربنا يستر

Bent Men ElZman Da !! يقول...

لا بالعكس تقول للناس يروحوا
بس زى ما قولت ينزلوا باحترامهم
عشان اللى عايزينه يقدروا يوصلوله
ربنا يكون فى عونك

eng_semsem يقول...

معك حق فيما كتبت كلنا يحلم بالتغيير ويكره الوقوف امام اخواتنا ممن لا ذنب لهم نعم نعبر اننا في انتظار القصاص لكن بلا دخول في عراك جديد مع طرف ليس له ذنب وبالعكس فقد حمى الشعب وللنظر للجيش السوري وننظر للجيش الليبي
يارب الامن والاستقرار لمصر
تقبل تحياتي

من كل بستان زهرة يقول...

كل سنه وانت طيب يا حضرة الضابط
رمضان كريم عليك ربنا يتقبل منك

اوعى تنساني وانت بتدعي لحسن اسحب دعواتي الي دعتهالك

بس انت بقى ادعيلي بقلب اوي علشان محتاجها جدا :))

عبده العمراوى يقول...



شركة ماسة لمكافحة الحشرات بالرياض

07‏/07‏/2011

العاصفة





احم احم
سلامو عليكو

فاكرين فيلم العاصفة بتاع خالد يوسف 
بتاع حرب العراق والاخين اللي واجهو بعض 

عارفين الاحساس ده 
لما تكون انت في موقف واخوك في موقف معادي 
واقف قصادك وشك في وشه

انا تقريبا حاصل معايا الموقف ده 
بس مع بعض التعديلات 
اولا انا مش واقف قصاد اخويا 
انا واقف قصاد نفسي

حبة توضيح بقي
طبعا انتو عارفين ان انا في الجيش الايام دي
في ايام ثورة يناير وبالظبط يوم الخميس 10 فبراير انا كنت في ميدان التحرير 
انا مكنتش لسه بقيت ظابط ومكنتش مسؤول عن حاجة 
انا كنت في التحرير يومها كمتظاهر 
ولو كنت موجود في بيتنا في الايام اللي قبل التاريخ ده 
كنت قضيتهم في التحرير مع الناس 
ولكن للاسف كنت في الجيش 
المهم انا ساعتها مكنتش بفكر قوي ان انا في الجيش ومينفعش ابقي متظاهر 
كنت بتعامل زي ما بيقولو عندنا في الجيش "ملكي"
والحمد لله الثورة نجحت 

نيجي بقي بعد 5 شهور من اليوم ده 
انا بقيت ظابط والمفروض اني مسؤل 
وبكرة الجمعة 8 يوليو المفروض ان فيه ثورة الغضب التانية 
انا بكرة موجود في الوحدة بتاعتي بأمنها من اي حد 

بغض النظر عن اي حاجة 
سواءا بقي اللي في التحرير صح ولا غلط 
الجيش صح ولا غلط 
بس في 5 شهور انا اتحولت من الصف ده للصف اللي في المواجهة
والصراع بقي داخلي 
عارفين ابو العربي وهو بيقاسي مع حرب الجينات اللي عنده 
بين ابوه الشهيد وخاله الواطي 
اهو انا تقريبا في نفس الموقف 
عارف ان الجيش متكاسل ومتراخي في اخد قرارات لازم تتاخد
بس كمان قربت ازهق من الفوضي اللي في البلد
عارف كويس جدا ان النظام السابق مش هيمشي بسهولة 
ولازم "يفرفر "قبل ما يموت 
دي حاجة منطقية يعني 
بس احنا كمان لازم نبقي اذكي من كده 
ونفهم احنا رايحين فين 

مش عارف اقول لحد روح التحرير 
ومش جايلي قلب اقوله ما تروحش 

بس ياريت اللي رايح يتظاهر باسلوب محترم ويراعي سمعة مصر 
ويحترم مشاعر قوات الامن اللي هتبقي موجودة 
ارجوكم بلاش استفزاز لا للشرطة ولا للجيش
الناس دي مش هما اللي سرقوكم والله 
اذا كان في خطأ في القادة بتوعهم بلاش تاخدوهم بذنبهم 
اكيد اللي موجود في التحرير من الامن رايح علشان يأّمن مصر 
وشعب مصر 
يا اهل التحرير خافو علي مصر 
امنعو البلطجية من انهم يوصلو لغرضهم 
البلطجية بيستخبو بينكم 

ربنا يوفقكم ويحميكم 
ويحمي مصر وينصرها 

اللهم امين


سلامو عليكو

هناك 5 تعليقات:

mrmr يقول...

انا حاسه قوووى بالمعاناه التى تعانيها
ربنا يكون فى عونك
وربنا يستر

Bent Men ElZman Da !! يقول...

لا بالعكس تقول للناس يروحوا
بس زى ما قولت ينزلوا باحترامهم
عشان اللى عايزينه يقدروا يوصلوله
ربنا يكون فى عونك

eng_semsem يقول...

معك حق فيما كتبت كلنا يحلم بالتغيير ويكره الوقوف امام اخواتنا ممن لا ذنب لهم نعم نعبر اننا في انتظار القصاص لكن بلا دخول في عراك جديد مع طرف ليس له ذنب وبالعكس فقد حمى الشعب وللنظر للجيش السوري وننظر للجيش الليبي
يارب الامن والاستقرار لمصر
تقبل تحياتي

من كل بستان زهرة يقول...

كل سنه وانت طيب يا حضرة الضابط
رمضان كريم عليك ربنا يتقبل منك

اوعى تنساني وانت بتدعي لحسن اسحب دعواتي الي دعتهالك

بس انت بقى ادعيلي بقلب اوي علشان محتاجها جدا :))

عبده العمراوى يقول...



شركة ماسة لمكافحة الحشرات بالرياض

Recent News

Introduction

Recent News