22‏/06‏/2011

النظام الفوضوي & الفوضي المنظمة

http://games.bnanet.com/files/image/istefada_Se8D1.JPG












احم احم 
سلامو عليكو


انا بكره النظام
طبعا عنوان زي ده زمان كان عمل قلق 
كلمة نظام في حد ذاتها بقت ليها هيبة داخليه كده
بس انا هنا مش بقصد النظام اللي هو الحكومة السابقة 
انا بكره النظام اللي هو الترتيب 
اه انا مش بحب الفوضي 
بس برضو بيبقي شئ ممل لما كل يوم تبقي نفس  الحاجات بنفس الشكل 
خصوصا بقي لو كان النظام ده ظاهريا بس 
يعني نرتب الشكل من بره ومن جوه فوضي 

ندي مثال عشان نفهم 

مثلا ايام ما كنت لسه في الكلية وكنت بذاكر بقي وكده
"طبعا الكلام ده في شهر الامتحانات يعني بس"
انا كانت عندي عادة كده 
عندي طرابيزة كبيرة شوية كده ومكتب 
بحط كل الكتب والورق المتعلق بكل المواد بتاعتي علي الطرابيزة دي
بتبقي كل مادة ورقها وكتبها وكشاكيلها 
بس ده مش بيبقي واضح لاي حد يعني 
تقريبا انا بس اللي كنت شايف كده
لان كل يوم لما يجو يرتبو الاوضة بتاعتي 
بلاقي كل الكتب والورق والكشاكيل اتلمو علي بعض 
واتحطو علي المكتب 
والاقي الطرابيزة عليها مفرش جميل وحاجة زي زهريه كده
هما فاكرين كده انهم رتبو الكتب 
لكن بالنسبالي هي اتلخبطت 
وفاكرين ان منظر الطرابيزة بقي اجمل 
لكن برضو انا شايف ان ده محصلش 
لان وظيفة الطرابيزة اني اذاكر عليها 
مش انه يتحط عليها مفرش جميل وزهرية 

الممل في الموضوع ان الحكاية دي كانت بتحصل كل يوم 
يعني انا اخرج من بيتنا حتي لو نص ساعة 
ارجع الاقيهم رتبو الاوضة 
يعني من وجهة نظري انا بوظو النظام اللي انا عامله 
وقولتلهم ملايين المرات محدش يرتب كتبي 
اعملو اي حاجة في الاوضة 
بس سيبو الطرابيزة والمكتب 

اتهموني ان انا مش بحب النظافة
ومش مرتب 
وحاجات تعبانة كده

اللي انا عايز اوصله بقي ليكم 
ان النظام  ده برضو حاجة نسيبة 
يعني انا بستخدم الحاجة دي يبقي اجدر واحد يقدر ينظمها 
حتي لو شكلها قدام الناس انها في حالة فوضي 

وبما اني مهندس برضو اتعلمت حاجة 
ان الهندسة هي انتاج سلعة بأقل تكلفة وأقل مجهود واعلي جودة 

فكل واحد بينظم حياتو علي اساس هو ممشيها ازاي 

يعني انا مقدرش اقول عليك انت مش منظم طالما انت ناجح في حياتك 
النظام اسلوب له اشكال مختلفة 
المهم تكون فاهم 

وانا شخصيا من عشاق الفوضي المنظمة 
بتبقي ممتعة اكتر من النظام والترتيب الروتيني اللي اي حد يفهمه 
ويتعامل معاه 

مش عارف وجهة نظري وصلت ولا لا 
بس عموما انا بكره النظام بتاعكو المتعارف عليه


شكرا 
سلامو عليكو

هناك 5 تعليقات:

Bent Men ElZaman Da !! يقول...

الطبيعى ان كلنا بنكره الروتين والحاجه اللى بتحصل دايما زى ما هى بنفس الشكل
يمكن كل واحد فينا شايف النظام من نظرته هو ليه
انت شايف ان النظام عندك ان الترابيزه تفضل على شكلها ده عشان هى دى وظيفتها
اوقات بحس الاحساس ده بس مش بنفس المثال
بس فى حاجات بتبقى مترتبه بترتيب ماحدش يفهمه الا انت

د/دودى يقول...

كل الرجاله متبنين تلك النظريه حتى بابا - غريبه هو كمان مهندس- برضه فكره الفوضى المنظمه و العبثيه الخلاقه بذات فى حاجاته فحاولنا نقنعه ان لما يكون المكتب مبهدل و انت عارف مكان كل حاجه لايعنى بالضروره انك ممكن تبقى عارف مكان كل حاجه و المكتب منظم برضه ....كلام فى سرك بعد سنين من معارضه الفكره اتبنيت الفكره دى و الدليل منظر مكتبى!!!

Noha Saleh يقول...

النظام المزمن هو اللى ممل يعنى مش لازم كل حاجة تبقى فى مكانها دايما انا احيانا بكره النظام برضه
لكن هو مهم جدا على الاقل لما الحاجات تكون منظمة شوية بتريح الاعصاب

♥نبع الغرام♥♪≈ يقول...

وانا كمان بكره يا حضرة الظابط

هههههههههههههههههه

احم احم

وحشتنى كتير كتير

faroukfahmy58 يقول...

حقيقة البوست عجبنى خالص لان انا زيك بعانى من النظام التهريجى واحد شايل قربة مخرومة وعلى راسه قصدى ترابيزته انتم زعلانين ليه وغويين تزعلونى بنظامكم الخالى من اى نظام والكلام ده برضه ينطبق على الملابس الى بيغسلوها يوضعوها بعد الغسيل فى دولابى وافضل ادور على ملابسى الداخلية واجد صعوبة حيث انهم اختاروا مكان جديد لها
هذه اول زيارة ووجدت فيها راحتى وعشان كده تقدمت بطلب اشتراك مع مجموعة متابعيك حتى اتمكن من متابعى اعمالك الواقعية والمحبنى مع احم احم
الفاروق

22‏/06‏/2011

النظام الفوضوي & الفوضي المنظمة

http://games.bnanet.com/files/image/istefada_Se8D1.JPG












احم احم 
سلامو عليكو


انا بكره النظام
طبعا عنوان زي ده زمان كان عمل قلق 
كلمة نظام في حد ذاتها بقت ليها هيبة داخليه كده
بس انا هنا مش بقصد النظام اللي هو الحكومة السابقة 
انا بكره النظام اللي هو الترتيب 
اه انا مش بحب الفوضي 
بس برضو بيبقي شئ ممل لما كل يوم تبقي نفس  الحاجات بنفس الشكل 
خصوصا بقي لو كان النظام ده ظاهريا بس 
يعني نرتب الشكل من بره ومن جوه فوضي 

ندي مثال عشان نفهم 

مثلا ايام ما كنت لسه في الكلية وكنت بذاكر بقي وكده
"طبعا الكلام ده في شهر الامتحانات يعني بس"
انا كانت عندي عادة كده 
عندي طرابيزة كبيرة شوية كده ومكتب 
بحط كل الكتب والورق المتعلق بكل المواد بتاعتي علي الطرابيزة دي
بتبقي كل مادة ورقها وكتبها وكشاكيلها 
بس ده مش بيبقي واضح لاي حد يعني 
تقريبا انا بس اللي كنت شايف كده
لان كل يوم لما يجو يرتبو الاوضة بتاعتي 
بلاقي كل الكتب والورق والكشاكيل اتلمو علي بعض 
واتحطو علي المكتب 
والاقي الطرابيزة عليها مفرش جميل وحاجة زي زهريه كده
هما فاكرين كده انهم رتبو الكتب 
لكن بالنسبالي هي اتلخبطت 
وفاكرين ان منظر الطرابيزة بقي اجمل 
لكن برضو انا شايف ان ده محصلش 
لان وظيفة الطرابيزة اني اذاكر عليها 
مش انه يتحط عليها مفرش جميل وزهرية 

الممل في الموضوع ان الحكاية دي كانت بتحصل كل يوم 
يعني انا اخرج من بيتنا حتي لو نص ساعة 
ارجع الاقيهم رتبو الاوضة 
يعني من وجهة نظري انا بوظو النظام اللي انا عامله 
وقولتلهم ملايين المرات محدش يرتب كتبي 
اعملو اي حاجة في الاوضة 
بس سيبو الطرابيزة والمكتب 

اتهموني ان انا مش بحب النظافة
ومش مرتب 
وحاجات تعبانة كده

اللي انا عايز اوصله بقي ليكم 
ان النظام  ده برضو حاجة نسيبة 
يعني انا بستخدم الحاجة دي يبقي اجدر واحد يقدر ينظمها 
حتي لو شكلها قدام الناس انها في حالة فوضي 

وبما اني مهندس برضو اتعلمت حاجة 
ان الهندسة هي انتاج سلعة بأقل تكلفة وأقل مجهود واعلي جودة 

فكل واحد بينظم حياتو علي اساس هو ممشيها ازاي 

يعني انا مقدرش اقول عليك انت مش منظم طالما انت ناجح في حياتك 
النظام اسلوب له اشكال مختلفة 
المهم تكون فاهم 

وانا شخصيا من عشاق الفوضي المنظمة 
بتبقي ممتعة اكتر من النظام والترتيب الروتيني اللي اي حد يفهمه 
ويتعامل معاه 

مش عارف وجهة نظري وصلت ولا لا 
بس عموما انا بكره النظام بتاعكو المتعارف عليه


شكرا 
سلامو عليكو

هناك 5 تعليقات:

Bent Men ElZaman Da !! يقول...

الطبيعى ان كلنا بنكره الروتين والحاجه اللى بتحصل دايما زى ما هى بنفس الشكل
يمكن كل واحد فينا شايف النظام من نظرته هو ليه
انت شايف ان النظام عندك ان الترابيزه تفضل على شكلها ده عشان هى دى وظيفتها
اوقات بحس الاحساس ده بس مش بنفس المثال
بس فى حاجات بتبقى مترتبه بترتيب ماحدش يفهمه الا انت

د/دودى يقول...

كل الرجاله متبنين تلك النظريه حتى بابا - غريبه هو كمان مهندس- برضه فكره الفوضى المنظمه و العبثيه الخلاقه بذات فى حاجاته فحاولنا نقنعه ان لما يكون المكتب مبهدل و انت عارف مكان كل حاجه لايعنى بالضروره انك ممكن تبقى عارف مكان كل حاجه و المكتب منظم برضه ....كلام فى سرك بعد سنين من معارضه الفكره اتبنيت الفكره دى و الدليل منظر مكتبى!!!

Noha Saleh يقول...

النظام المزمن هو اللى ممل يعنى مش لازم كل حاجة تبقى فى مكانها دايما انا احيانا بكره النظام برضه
لكن هو مهم جدا على الاقل لما الحاجات تكون منظمة شوية بتريح الاعصاب

♥نبع الغرام♥♪≈ يقول...

وانا كمان بكره يا حضرة الظابط

هههههههههههههههههه

احم احم

وحشتنى كتير كتير

faroukfahmy58 يقول...

حقيقة البوست عجبنى خالص لان انا زيك بعانى من النظام التهريجى واحد شايل قربة مخرومة وعلى راسه قصدى ترابيزته انتم زعلانين ليه وغويين تزعلونى بنظامكم الخالى من اى نظام والكلام ده برضه ينطبق على الملابس الى بيغسلوها يوضعوها بعد الغسيل فى دولابى وافضل ادور على ملابسى الداخلية واجد صعوبة حيث انهم اختاروا مكان جديد لها
هذه اول زيارة ووجدت فيها راحتى وعشان كده تقدمت بطلب اشتراك مع مجموعة متابعيك حتى اتمكن من متابعى اعمالك الواقعية والمحبنى مع احم احم
الفاروق

Recent News

Introduction

Recent News