16‏/11‏/2010

خطبة العيد سياسية بحتة لاول مرة

النهارده التلات 16 نوفمبر 2010 الساعة 6.18 م 
(اول ايام عيد الاضحي )



احم احم 
سلامو عليكو 

ازيكو يا بني ادمين يا مدونين يا حلوين 
عاملين ايه من غيري ؟؟؟

اولا كل سنة وانتو طيبين بمناسبة عيد الاضحي 
وربنا يوعدنا جميعا بالوقوف علي جبل عرفة ويرزقنا حجة مقبولة يارب

* طبعا انتو عارفين اني دخلت الجيش ضابط احتياط تلات سنين وفعلا بدأت فترة الخدمة العسكرية من يوم 21 اكتوبر 2010 وقضيت 25 يوم في كلية الضباط الاحتياط في الاسماعيلية ونزلت اول اجازة يوم الاحد اللي فات ده وتمتد الاجازة لحد يوم الجمعة 
* حالتي النفسية شغالة يعني مش سيئة يمكن كنت تعبان شويه في اول يومين تلاتة بس لما فهمت الليلة ماشية ازاي خلاص اتعودت وكيفت نفسي عليها والحمد لله احنا احسن من غيرنا 
* طبعا انا كان نفسي افضل احكي معاكو بقي علي احوالي في الجيش بس المفروض ان ده ممنوع وغير مصرح فيه اني اطلع اخبار الوحدة بتاعتي بره طبعا ده كلام بس انا بما اني فرد في القوات المسلحة حابب التزم بالقوانين دي 
اشطة ؟؟؟

ندخل بقي الموضوع اللي انا عايز اتكلم فيه النهارده وهو خطبة العيد
لاول مرة تقريبا اسمع خطبة سياسية بحتة بالطريقة دي 
يمكن عشان موسم الانتخابات بقي وكده
المهم عنوان الخطبة كان : 
الاصلاح طريق التغيير وليس العكس 
طبعا هي في الاول وفي الاخر وجهات نظر ويا نتفق يا نختلف 
اولا بس عايز اوضح نقطة هي ان الشيخ اللي كان بيخطب المفروض انه محسوب علي الاخوان المسلمين يمكن مش بطريق مباشر بس هو محسوب عليهم 
ندخل جوه الموضوع بقي
طبعا في الفترة الاخيرة وخصوصا بعد ظهور البرادعي علي الساحة السياسية وظهور الحركة الوطنية للتغيير الناس كلها تقريبا بقت تتكلم علي التغير وبتطالب بيه كمان 
التغيير في كل حاجة تغيير نواب الشعب في الانتخابات 
وتغيير الحكومة الفاسدة (من وجهة نظر البعض )
وتغيير رئيس الجمهورية 
يعني ممكن نقول انها بقت موضة التغيير 
اتفجأت بقي النهارده من الشيخ (اللي انا بحبه وبحترمه جدا جدا وبثق في رأيه جدا)
اتفجأت من معني الكلام في الاول حسيت ان احنا كنا ماشيين في الطريق المثالي (علي حسب ظننا يعني)
وفجأة جه واحد يقولك الطريق ده غلط 
انا عايز اوضح بس الاول وجهة نظره 
هو قال اننا عشان نتغير من عصر الفساد اللي احنا فيه لعصر اقوي لازم يحصل تغيير
بس التغيير ده مش معناه تغيير الحكومة او الرئيس 
مش ده اللي ممكن يعمل نهضة او اصلاح 
قال ان الحكومة بتكون مرآة للشعب 
يعني لو الشعب كويس صورته في المراية هتكون كويسة 
ولو الشعب مش كويس وفيه سلبيات برضو الصورة في المراية هتكون وحشة 
وفيها نفس السلبيات دي 
حتي لو احنا غيرنا المراية دي مليون مرة من غير ما نغير الاصل 
الصورة هتفضل هي هي مش هتتغير
وقال ان الحل الامثل هو تغيير الشعب لنفسه 
يعني بدل ما تضيع الوقت والمجهود في انك بس تدعي علي الحاكم الظالم 
او حتي تحاول انك تغيره 
ركز المجهود والوقت ده في تغيير نفسك للاحسن وكمان حاول انك تغير اللي حواليك 
من اسرتك لاصحابك واخواتك يعني والبيئة بتاعتك 
ثمرة تغيير نفسك واللي حواليك هتبان اكتر واسرع من تغيير الحكومة والرئيس 
وقال كمان معلومة 
ان التغيير مرهون علي الحكومة والشعب مع بعض 
بس بنسب مختلفة 
يعني الحكومة مهما كانت قوية متقدرش تغير اكتر من 20 % اما الشعب فهو عليه ال 80 % الباقيين 
ده باختصار موضوع الخطبة 
المشكلة بقي مكنتش موضوع الخطبة 
لانها في الاول وفي الاخر وجهة نظر ممكن تقتنع بيها وممكن لا
انما النقاش اللي حصل بعد الصلاة بيني وبين بعض الناس كان علي موقف الشيخ نفسه 
ناس قالت الشيخ بقي حزب وطني علشان قال نغير نفسنا قبل ما نغير الحكومة 
وناش تانية فهمت كلامو بطريقة تانية 
قالو ده هو كده بيدعي للتغيير بشكل اقوي لانه قال لازم التغيير يكون نابع من الشعب 
يعني كل الشعب يكون عايز التغيير ده ويطالب بيه 
يعني يكون التغيير مطلب جماهيري لل 80 مليون مصري
يعني اختلف رأي الناس عليه 
وطبعا فيه ناس اصلا مفهمتش حاجة من الكلام اللي اتقال ويمكن يكونو مش عارفين اصلا تغيير ايه اللي هو كان بيتكلم فيه 

بالنسبالي انا بقي انا واثق في الشيخ جدا ورأيه بيمثلي حاجة كبيرة 
واللي لفت انتباهي اكتر هو جرأته في عرض الموضوع ده في الوقت ده 
وفي خطبة عيد يعني اكبر تجمع ممكن للناس اللي في بلدنا
والجرأة دي بتتحقق علي اختلاف الاراء 
يعني لو هو بقي وطني فالجرأة انه يعلنها في الوقت ده قدام الناس دي كلها 
ولو هو معارضة فالجرأة طبعا اكبر 

شكرا ليكم واشوفكم علي خير بقي في الاجازة اللي جايه ان شاء الله لو كان لينا عمر 
ادعولي ارجوكم ربنا يعدي الايام دي علي خير 

فاصل ونكمل
.............
انسان عادي

هناك 6 تعليقات:

mrmr يقول...

حمد لله بالسلامه
اجازه سعيده
وكل سنه وانت طيب
عيد اضحى سعيد
بس احب كمان اقولك ان الشيخ كلامه تمام التمام
وقبل ما نفكر فى تغيير الناس او تغيير الحكام نغير قلوبنا ونبتدى بانفسنا علشان نحس بالتغيير ده

ابدأ بنفسك هو دا الشعار المفروض نعلقه على صدرنا علشان الكل يتغيير

ربنا يعدى ايام جيشك بسلام

من كل بستان زهرة يقول...

كل سنة وانت بخير
وكل عيد وانت سعيد
وكل اجازه وانت طيب

•βЯξαҜ• يقول...

حمدلله عالسلآمه ..
وإيه حب الجيش الفجائي ده
لا وبقى عندك اسرار أمن قومي .. :D
محدش قدك ياعم .. :D

بالنوسبه للخطبه .. إحنا دايماً بنتفق على ألا نتفق ..

دايماً وجهات النظر متخبطه ووجهات ملهاش اساس ..

يمكن عشان انت بتحب الشيخ وصلت كلآمه كإنه صح بناء على وجهة نظرك ..

وعموماً أكيد الـ80 مليون عارفيين نتيجة الإنتخابات قبل ما تبتدي :D :D

اه ماحنا شعب مكشوف عنه الحجاب برضه :)

كل سنه وانت طيب .. :)

NaiRa يقول...

واااااااااااااااااحشنى
واااااااحشنى
وااحشنى
يارب تكون بخير يا بوده
ودايما حاول تطمنى عليك على الفيس او هنا
ويارب دايما اشوفك بخير

NaiRa يقول...

وحشتننننننننى جداااااااا
يارب تكون بخييييير
ابقى طمنىىىى عليك
انت غبت اوى يا بودى
خلى بالك من نفسك

حَـبآيـۃْ.بـטּـدۉڷ يقول...

كُنت معدِيّه من هنـآ ..
واكتشفت إنك غيّرت اسم المُدونه

ومبقِتش عـآدي ..

ومبرُوك بقى .. :)

16‏/11‏/2010

خطبة العيد سياسية بحتة لاول مرة

النهارده التلات 16 نوفمبر 2010 الساعة 6.18 م 
(اول ايام عيد الاضحي )



احم احم 
سلامو عليكو 

ازيكو يا بني ادمين يا مدونين يا حلوين 
عاملين ايه من غيري ؟؟؟

اولا كل سنة وانتو طيبين بمناسبة عيد الاضحي 
وربنا يوعدنا جميعا بالوقوف علي جبل عرفة ويرزقنا حجة مقبولة يارب

* طبعا انتو عارفين اني دخلت الجيش ضابط احتياط تلات سنين وفعلا بدأت فترة الخدمة العسكرية من يوم 21 اكتوبر 2010 وقضيت 25 يوم في كلية الضباط الاحتياط في الاسماعيلية ونزلت اول اجازة يوم الاحد اللي فات ده وتمتد الاجازة لحد يوم الجمعة 
* حالتي النفسية شغالة يعني مش سيئة يمكن كنت تعبان شويه في اول يومين تلاتة بس لما فهمت الليلة ماشية ازاي خلاص اتعودت وكيفت نفسي عليها والحمد لله احنا احسن من غيرنا 
* طبعا انا كان نفسي افضل احكي معاكو بقي علي احوالي في الجيش بس المفروض ان ده ممنوع وغير مصرح فيه اني اطلع اخبار الوحدة بتاعتي بره طبعا ده كلام بس انا بما اني فرد في القوات المسلحة حابب التزم بالقوانين دي 
اشطة ؟؟؟

ندخل بقي الموضوع اللي انا عايز اتكلم فيه النهارده وهو خطبة العيد
لاول مرة تقريبا اسمع خطبة سياسية بحتة بالطريقة دي 
يمكن عشان موسم الانتخابات بقي وكده
المهم عنوان الخطبة كان : 
الاصلاح طريق التغيير وليس العكس 
طبعا هي في الاول وفي الاخر وجهات نظر ويا نتفق يا نختلف 
اولا بس عايز اوضح نقطة هي ان الشيخ اللي كان بيخطب المفروض انه محسوب علي الاخوان المسلمين يمكن مش بطريق مباشر بس هو محسوب عليهم 
ندخل جوه الموضوع بقي
طبعا في الفترة الاخيرة وخصوصا بعد ظهور البرادعي علي الساحة السياسية وظهور الحركة الوطنية للتغيير الناس كلها تقريبا بقت تتكلم علي التغير وبتطالب بيه كمان 
التغيير في كل حاجة تغيير نواب الشعب في الانتخابات 
وتغيير الحكومة الفاسدة (من وجهة نظر البعض )
وتغيير رئيس الجمهورية 
يعني ممكن نقول انها بقت موضة التغيير 
اتفجأت بقي النهارده من الشيخ (اللي انا بحبه وبحترمه جدا جدا وبثق في رأيه جدا)
اتفجأت من معني الكلام في الاول حسيت ان احنا كنا ماشيين في الطريق المثالي (علي حسب ظننا يعني)
وفجأة جه واحد يقولك الطريق ده غلط 
انا عايز اوضح بس الاول وجهة نظره 
هو قال اننا عشان نتغير من عصر الفساد اللي احنا فيه لعصر اقوي لازم يحصل تغيير
بس التغيير ده مش معناه تغيير الحكومة او الرئيس 
مش ده اللي ممكن يعمل نهضة او اصلاح 
قال ان الحكومة بتكون مرآة للشعب 
يعني لو الشعب كويس صورته في المراية هتكون كويسة 
ولو الشعب مش كويس وفيه سلبيات برضو الصورة في المراية هتكون وحشة 
وفيها نفس السلبيات دي 
حتي لو احنا غيرنا المراية دي مليون مرة من غير ما نغير الاصل 
الصورة هتفضل هي هي مش هتتغير
وقال ان الحل الامثل هو تغيير الشعب لنفسه 
يعني بدل ما تضيع الوقت والمجهود في انك بس تدعي علي الحاكم الظالم 
او حتي تحاول انك تغيره 
ركز المجهود والوقت ده في تغيير نفسك للاحسن وكمان حاول انك تغير اللي حواليك 
من اسرتك لاصحابك واخواتك يعني والبيئة بتاعتك 
ثمرة تغيير نفسك واللي حواليك هتبان اكتر واسرع من تغيير الحكومة والرئيس 
وقال كمان معلومة 
ان التغيير مرهون علي الحكومة والشعب مع بعض 
بس بنسب مختلفة 
يعني الحكومة مهما كانت قوية متقدرش تغير اكتر من 20 % اما الشعب فهو عليه ال 80 % الباقيين 
ده باختصار موضوع الخطبة 
المشكلة بقي مكنتش موضوع الخطبة 
لانها في الاول وفي الاخر وجهة نظر ممكن تقتنع بيها وممكن لا
انما النقاش اللي حصل بعد الصلاة بيني وبين بعض الناس كان علي موقف الشيخ نفسه 
ناس قالت الشيخ بقي حزب وطني علشان قال نغير نفسنا قبل ما نغير الحكومة 
وناش تانية فهمت كلامو بطريقة تانية 
قالو ده هو كده بيدعي للتغيير بشكل اقوي لانه قال لازم التغيير يكون نابع من الشعب 
يعني كل الشعب يكون عايز التغيير ده ويطالب بيه 
يعني يكون التغيير مطلب جماهيري لل 80 مليون مصري
يعني اختلف رأي الناس عليه 
وطبعا فيه ناس اصلا مفهمتش حاجة من الكلام اللي اتقال ويمكن يكونو مش عارفين اصلا تغيير ايه اللي هو كان بيتكلم فيه 

بالنسبالي انا بقي انا واثق في الشيخ جدا ورأيه بيمثلي حاجة كبيرة 
واللي لفت انتباهي اكتر هو جرأته في عرض الموضوع ده في الوقت ده 
وفي خطبة عيد يعني اكبر تجمع ممكن للناس اللي في بلدنا
والجرأة دي بتتحقق علي اختلاف الاراء 
يعني لو هو بقي وطني فالجرأة انه يعلنها في الوقت ده قدام الناس دي كلها 
ولو هو معارضة فالجرأة طبعا اكبر 

شكرا ليكم واشوفكم علي خير بقي في الاجازة اللي جايه ان شاء الله لو كان لينا عمر 
ادعولي ارجوكم ربنا يعدي الايام دي علي خير 

فاصل ونكمل
.............
انسان عادي

هناك 6 تعليقات:

mrmr يقول...

حمد لله بالسلامه
اجازه سعيده
وكل سنه وانت طيب
عيد اضحى سعيد
بس احب كمان اقولك ان الشيخ كلامه تمام التمام
وقبل ما نفكر فى تغيير الناس او تغيير الحكام نغير قلوبنا ونبتدى بانفسنا علشان نحس بالتغيير ده

ابدأ بنفسك هو دا الشعار المفروض نعلقه على صدرنا علشان الكل يتغيير

ربنا يعدى ايام جيشك بسلام

من كل بستان زهرة يقول...

كل سنة وانت بخير
وكل عيد وانت سعيد
وكل اجازه وانت طيب

•βЯξαҜ• يقول...

حمدلله عالسلآمه ..
وإيه حب الجيش الفجائي ده
لا وبقى عندك اسرار أمن قومي .. :D
محدش قدك ياعم .. :D

بالنوسبه للخطبه .. إحنا دايماً بنتفق على ألا نتفق ..

دايماً وجهات النظر متخبطه ووجهات ملهاش اساس ..

يمكن عشان انت بتحب الشيخ وصلت كلآمه كإنه صح بناء على وجهة نظرك ..

وعموماً أكيد الـ80 مليون عارفيين نتيجة الإنتخابات قبل ما تبتدي :D :D

اه ماحنا شعب مكشوف عنه الحجاب برضه :)

كل سنه وانت طيب .. :)

NaiRa يقول...

واااااااااااااااااحشنى
واااااااحشنى
وااحشنى
يارب تكون بخير يا بوده
ودايما حاول تطمنى عليك على الفيس او هنا
ويارب دايما اشوفك بخير

NaiRa يقول...

وحشتننننننننى جداااااااا
يارب تكون بخييييير
ابقى طمنىىىى عليك
انت غبت اوى يا بودى
خلى بالك من نفسك

حَـبآيـۃْ.بـטּـدۉڷ يقول...

كُنت معدِيّه من هنـآ ..
واكتشفت إنك غيّرت اسم المُدونه

ومبقِتش عـآدي ..

ومبرُوك بقى .. :)

Recent News

Introduction

Recent News