النهارده الخميس 25 فبراير 2010 الساعة 1.48 ص
سلامو عليكو
انا النهارده عايز اشكر واحدة عرفت من خلالها يعني ايه مدونة
ولاقيت وسيلة بالنسبة لي مهمة قوي عشان اقدر اتكلم
واقول كل اللي في نفسي واطلع كل اللي في دماغي
بجد عالم المدونات ده مفيد جدا
وله تاثير كبير قوي عليا
المهم عشان ما اخرجش عن الموضوع
اللي عايز اشكرها هي بنوتة لاسعة
او سمو الاميرة سارة
انا عرفتها من منتدي معين كانت حاطة لنك المدونة بتاعتها
وانا دخلت عليها وبجد اول مرة ادخل مدونة
عجبتني الفكرة جدا
ده غير ان دماغها اللاسعة باحترام دي حلوة قوي
المهم فكرت اعمل مدونة وقتها
وعملت واحدة واتنين بس مكنتش بنتظم في الكتابة فيها
انما انا حبيت اشكرها دلوقتي لاني حاسس ان
ان شاء الله المدونة دي هتكمل
علي فكرة سارة متعرفنيش ولا عمري كلمتها
اقصي ما يمكن هو اني كنت بعلق علي البوستات
بتاعتها بس
مرة تانية شكرا يا سمو الاميرة سارة
فاصل ونكمل
...
انسان عادي
هناك 6 تعليقات:
:) دا انا ؟؟؟؟؟؟
بجد بجد مش عارفة اقولك ايه يا عبدو
بس بجد ربنا يخليك والله ويفرحك قد فرحتي بالبوست دا
يارب مدونتك تكون ان شاء الله من اجمد واشهر المدونات ف الدنيا وانت بجد دماغك حلوة اوي
شكراً شكراً من هنا لحد مليون سنة ع البوست دا :)
مبروك على التدوين يا عبده و بعدين لا تدون حتى يقراء الاخرون دون لان التدوين افيون
اما رأيك فى سمو الاميرة سارة و المقامات محفوظة برضة انا زيك بالظبط معجب بكل تدويناتهامع انها برضة مكلمتنيش قبل كدة ولا تعرفنى و مع انى بدون من زمان بس اعجبت قوى بأسلوبها و ان شاء الله ربنا يوفقها و يوفقك يارب
منورين يا مدونين
حسام الدين حسين
سارة
علي فكرة المفروض ان انا اللي بشكرك يعني
وبجد لو اعرف انك هتفرحي كده كنت كتبت الموضوع من زمان
عموما برضو شكرا مرة تانية
واتمني ليكي التوفيق
حسام الدين حسين
انت اللي مور المدونة بجد
وشرفتني زيارتك جدا
واتمني تكرارها
شكرا ليك
اها كنت داخلة اقولك انى هاوصلها
كلامك اتاريها ردت على الكلام ده
عموما انا شكرتها لانها كانت سبب ف وجودك معانا
وسورى انى مش متابعة معاك لان بجد النت عندى
زى النيلة بعيد عنك مابيحملش حاجة خالص معايا
بجد يا منونة
شكرا ليكي
وانا بفرح لما بشوفك هنا
واتمني النت يتصلح عشان اشوفك كتير
ههههههه
شكراااااا
إرسال تعليق