احم احم
سلامو عليكو
وحشتوني كتير جدا
عارف اني مقصر بس معلش بقي
الكسل وحش
المهم انا كنت مريح كتير قوي ومش بكتب حاجة
مع ان كان فيه حاجات كتير قوي تستحق الكتابة يعني
بس بصراحة اكتر الموضوعات استفزازا لحد دلوقتي الانسة لوليتا
اكيد طبعا كلنا سمعنا عنها وعن افكارها وجرأتها و..........
بصراحة بالنسبالي مفيش مشكلة
واحدة عايزة تقلع وتنشر صورها ماشي
ماهو كل يوم في الاف يعني بيقلعو
في ناس بتداري حاجات وتظهر حاجات
وناس تانية بتظهر كل حاجة
مش دي المشكلة
اللي استفزني اكتر التعليقات علي الحكاية دي
معظم الناس اللي علقو علي الموضوع ده بيقول فيما معناه
رغم اختلافي معاكي الا اني عاجبني جرأتك جدا
مع كامل احترامي لجميع الناس
الا اني مش شايف دي جرأة
دا تجرّأ يصل الي السفالة
مش هتكلم من اي ناحية دينية
لان طبعا زي ما هي قالت انها ملحدة ولا تؤمن باي دين
واخلاقيا برضو هي اكيد كمان وجهة نظرها انها بتعمل عمل بطولي
وعادي لما يحصل شويه اخطاء بسيطة
مفيش مشكلة يعني
بس اللي انا عايز افهمه فعلا وبجد والله
ايه الحرية في ده
يعني هي شايفة اننا مجتمع متخلف
شكرا يا ستي
ايه اللي هيغير التخلف ده بقي لما نشوف صورة سيادتك عارية
ايه علاقة الحرية بالعري
حد يديني الحلقة الماسكة الاتنين دول ببعض
حرية شخصية مع نفسك
اقفلي اوضتك يا انسه واعملي اللي انتي عايزاه
وهتفرق في ايه يعني اتصورتي في بيت والدك ولا بيت شريكك "علي حد قولها يعني"
متهيالي مش هتفرق كتير يعني
ماهو اكيد الصورة دي مش جديدة عليه يعني
والله انا مش عايز اجي قوي علي البنت
هي حاجة برضو لسه صغيرة
17 سنة او ازيد شويه
بس دي برضو سفالة
وكمان الخبر اللي داير قوي ع الفيس
ناشطة سياسية مش عارف تعمل ايه .....
ناشطة مين ياعم
الله يسامح الثورة اللي عملت اي حد ناشط سياسي
بأمارة ايه يعني ناشطة
وبامارة ايه سياسية
ولا صحيح اللي خلي الاخ سبايدر ناشط سياسي
يخلي الاخت لوليتا ناشطة
بصراحة انا بدأـ اضايق واتخنق من اللي بيحصل
شايف كل شويه ماشيين في طريق
والثورة انضربت
والدنيا باظت
ومحدش فاهم حاجة
الله يرحمك يا مصر
سلامو عليكو
هناك 9 تعليقات:
اذا كنا فى وجه نظرها اننا متخلفين فانا يشرفنى انى اكون مختلفه
ويلعن ابو الحريه اللى ذى دى
حمد لله بالسلامه يا حضره الضابط النوبتشى
ربى يسعدك
احم احم
ربنا يخليكي يا مرمر
وحشاني جدا يارب تكوني كويسة وبخير
معلش ع الغيبة الكبيرة بقي
وربنا يوفقك ويسعدك انتي كمان يارب
سلامو عليكو
أول مرور لي في مدونتك " على حد علمي " :)
وسعيدة بالمرور والتعليق ..
من وجهة نظري انه المفروض انه ما نعملش دعاية مجانية لتلك النوعية من البشر .. " هذا اذا اعتبرناهم بشر أساسا يعني "
كمان بقت موضة إلصاق صفة ناشط سياسي لتشويه صورة الثورة ..
ومثل ما قلت .. اللي خلى سبايدر ناشط يخلي .. .. الساقطة ناشطة برضه ..
ربنا يعافينا واياكم من هذه الاشكال
ان شاء الله من المتابعين لكل جديد ..
تحية صباحية من غزة - فلسطين .
عززى كنت اتمنى ان اتشرف باسمك
اول مرور لى فى مدونتك الذكية الزكبة
انا اعتب عليك عندما ذكرت بانك استرحت كثيرا وانت بعيد عن كتاباتك التى تقربك منا يبقى لا شخصك ولا قلمك الراقى
اما عن الانسة لوليتا
العيب الاكبر مش فى البنت انما العيب فيمن سمح بعرض هذه الصور المشينه وشاركه المتلقى الذى القى مجرد الاهتمام بالتعليق عليها سواء بالنقد او التجريح او الاباحة بحيث اوصلها لما تبغى اليه
البنت عمرها سبعة عشر عاما يعنى صبية ومن صب على شئ شب عليه ومن شب على شئ شاب عليه
اتشرف لو زرتنى فى مدونتى حتى يدوم التواصل مع امثالك من مخلصى مصرنا
الفاروق
ياجدعان واحدة سافلة احنا هنربيها يعني ؟؟؟؟؟؟؟؟ وبعدين خلينا صرحا اذا كان التعري والسفالة بتعرض ع التليفزيون وبيتقال فن !! يبقا اشمعنا هي متبقاش فنانة :D ناس لمؤاخذه بصراحة !!!
ربنا يعافينا
ياجدعان واحدة سافلة احنا هنربيها يعني ؟؟؟؟؟؟؟؟ وبعدين خلينا صرحا اذا كان التعري والسفالة بتعرض ع التليفزيون وبيتقال فن !! يبقا اشمعنا هي متبقاش فنانة :D ناس لمؤاخذه بصراحة !!!
ربنا يعافينا
ربنا كبير
و يحيا التخلف و المتخلفين
لو هى دى الحريه
صباح الفل تمام يا حضرة الظابط بس الفكرة اننا بكدا برضه بنعمل نفس ال بننتقده عندها .. هي مش 17 هي 21 سنه و مش في دماغها اي حاجه من دي اساسا
كلام جميل
إرسال تعليق