النهارده الاربع 22 سبتمبر 2010 الساعة 12.53 م
مبحبهاش ؟؟ بحبها ؟؟
يا هل تري هو الكلام ده يهمها ؟؟
فعلا بيفرق عندها ؟؟؟
يعني بتسأل لما اغيب انا عنها ؟؟؟
ولا لما بنجرح جرحي ده بيهزها ؟؟؟
بيبان عليها في شكلها ؟؟
دمعت مرة عشاني وانتو شفتو دمعها ؟؟
حسستكو مرة اني حاجة غالية في قلبها ؟؟
يعني جت سيرتي في كلامها ؟؟
ولا شافتني في منامها ؟؟
ولا هز صوتها اسمي زي ما بيهز قلبي اسمها ؟؟
احم احم
سلامو عليكو
انا مش هعلق علي كلامي اللي انا كتبه
ده كان احساس وطلع وخلاص
انا بس عايز اطمنكو عليا عشان من زمان مدخلتش
انا بعد ما اتخرجت الحمد لله
كشفت في الجيش وقبلت في الجيش ظابط احتياط 3 سنين
اعتقد كده بانت شويه انا مكنتش بدخل ليه
ههههههههه
وان شاء الله هروح الجيش يوم 20 اكتوبر 2010
مش محتاج الايام دي والايام اللي الجاية اكتر من دعواتكو
وحشتوني جدا جدا
كلكم فرد فرد
يارب تكونو انتو كمان بخير واحسن حال
طمنوني عليكم
ومتزعلوش مني لما متلاقونيش
يلا اشوفكم علي خير
انسان عادي سابقا
مسجون احتياطي حاليا
فاصل والله اعلم هنكمل ولا لا
سلامو عليكو
هناك 5 تعليقات:
لألألألألأ متقوليش ضابط أحتياطي
حسبي الله ونعمه الوكيل
معلش يا أبني 3 سنين معاناه
مفيش حاجه تغلى على بلدك حبيبتك
وعمرك كله مش خساره فيها
ربنا معاك ويارب ال3 سنين يعدوا عليك زي 3 شهور
تبقى طمنى عليك
ولا يهمك يا بطل
3 سنين يعدوا هواااااااااااا
رنا يعينك ويساعدك
تصبح عل خير
ولا يهمك يا باشا
مدتك هناك هتعدي هوا
بس انت استحمل واصبر شويه
ربنا معاك ويوفقك في كل خطوه تخطيها
ويعينك ويساعدك علي تحمل كل شئ
بودددددى انت كمان وحشتنا اوى اوى
طبعا مش عارفه اقولك اى حاجه بس هقولك
قدر الله ما شاء فعل الحمد لله على كل حاجه وانت مش تعرف ربنا مخبيلك ايه
ان شاء الله خير واما بئا على البوست فا نو كومنت لان مفيش اى كومنت هقدر اوصفو
انت بجد ربنا يوفقك ويعينك على اللى انت داخلو والحمد لله انها جت على اد كده
كل سنة وانت طيب
يارب يكون عيد سعيد عليك
انا عارفه انك متبهدل في الجيش
بس البهدله للرجاله ياعم
عيد سعيد
إرسال تعليق