النهارده التلات 1 يونيو 2010 الساعة 12.23 م
احم احم
سلامو عليكو
علي فكرة
التدوين وحشتني جدا وكنت مفتقدهشكل كبير
المهم اهي فترة وعدت ويارب فعلا تكون اخر امتحانات
ندخل في المهم
طيعا كلنا سمعنا حملة اعلانات ميلودي دراما
عندنا دراما غير اي دراما
المهم الجملة الموجودة في الاعلان التاني اللي هي
لو بتحبها روحلها لحد البيت
طبعا الجملة لما تسمعها من الموديلز
بالاسلوب بتاعهم وبشكلهم ده
هيديك ايحاءات جامدة جدا
بس انا بقي اخدتها من ناحية تانية
لوبتحبها وحلها لحد البيت
الكلام ده يتقال لاي واحد بيحب واحدة
وبيقولها
احنا هنكمل مع بعض
احنا مخلوق لبعض
الدنيا من غيرك ما تساويش
يعني الكلام الاقرع اللي احنا حافظينو وبنقولو دايما ده
واعتقد انه بيكون سذاجة من البنت انها تصدق اي كلام
يتقالها بدون اي ضمانات
انا اللي اعرفه كويس ومتاكد منه
ان انت لو بتحب البنت يبقي تروح تكلم اهلها
لو بتحل البنت دي يبقي تخاف عليها وعلي سمعتها
لو بتحب البنت دي متمشيش تتمنظر بيها في الشوارع ال يعني
الواد مقطع السمكة وديلها
يعني لو بتحب البنت دي روحلها لحد البيت
علي فكرة
انا في وقت من الاوقات قابلت بنت
وتقريبا لاقيت فيها كل اللي انا عايزه
حسيت انها هي دي اللي انا ممكن ارتبط بيها
بس وقتها كنت مدبلر في الكلية
والدنيا كانت خربانة جدا معايا
واكيد طبعا مكنش فيه فرصة لارتباط حقيقي
في الوقت الحالي علي الاقل
غصب عني في لحظة قولتلها بحبك
بس بسرعة تاني قررت ابعد
لاني مكنتش هقدر اروحلها البيت في الوقت ده
طبعا يمكن اكون غلط
يمكن اكون عملت الصح
بس انا قلت لو ليك نصيب فيها هترجع تاني
واهي بترجع تاني
واعتقد في الوقت الصح
احم احم
انا معرفش قلت الكلام ده ليه دلوقتي
يمكن مش عايز حد يقراه غيرها
بس حقها انه يتقال
اخيرا عشان ما اسيحش اكتر من كده
بقول لكل شاب لا تنحرف
ومتسمعش كلام شوشو
ولو فعلا ناوي خير روح لاهل البنت اللي بتحبها
علي الاقل تبقي بترضي ربنا
ومن الناحية التانية بتحافظ علي الانسانة اللي معاك
اللي ذنبها الوحيد انها بتحبك
شكرا ليكم جدا
وبقول تاني وحشتوني جدا
فاصل ونكمل
..........
انسان عادي
تنويه بسيط
انتظروني في
ربع قرن من الزمان
سيرة ذاتية
قريبا 
هناك 9 تعليقات:
أول زياره للمدونه الجميله دي ..
وأول تعليق .. :D
خمس خمسات بقى .. :)
ألحق اقرا البوست وراجعه ..
غريبه .. بجد انت ليك نظره غريبه
مع اني سمعت الإعلآن اكتر من مره .. بس مخطرش ف بالي .. إن حمله تافهه كده .. ممكن تتفسر بطريقه غريبه وحلوه و واقعيه زي كده ..
فعلاً زي ما قولت .. آخرة الحب ده المفروض يكون مرواح لحد البيت ..
تعقيب صغيوور على حكايتك .. ممممم .. بصراحه مش حلوه انك تقول لحد انك بتحبه و تسيبه كده من غير اي مبررات ..
ع الأقل كان مفروض تفسرلها او اي حاجه ... مش ترمي الكلمه وتبعد ..
والبوست جميل بجد .. وبرده نظرتك الغريبه دي مش عارفه جالك إيحاء بيها منين :D:D
والله اعلانات ميلودى كلها كدة ربنا يهديم بجد
اما عن الموضوع دة متفق معاك تمام
وربنا يكرمك بيها ان شاء الله
تحياتي
السلام عليكم
عودا احمد يا هندسه وكفاااااااااارة
من ايام الانطحانات والعذاب
عقبال بقى ما نفرح بالشهاده ونفرح بيك كده وانت عريس
وجهه نظر محترمه جدا من انسان محترم
ربنا يجمعكم على خير ويبارك فيك
تحياتى
أحييك على كلامك وفعلا الانسان المحترم يوم ما يحب واحدة يدخل البيت من بابه ويكلم اهلها على طول
بنوتة عادية
بجد شرفتيني جدا ونورتي المدونة كلها
ويارب تنوريني علي طول
النظرة مش غريبة ولا حاجة
بس احنا لو بصينا في اي حاجة وحشة ودورنا فيها علي جانب كويس
اكيد اكيد هنلاقي صدقيني
بس احنا للاسف مش بنحب نتعب نفسنا
بالنسبة ليا بقي
انا مكنتش عارف اقولها ايه
ومكنتش هقدر اقف قدامها واقولها الكلام ده
مش هستحمل
شكرا لتشريفك
ومستنيكي تاني
سلام
هيثم
شكرا ليك يا هيثم
ويسمع منك ربنا
وربنا يوفقني ويوفقك ان شاء الله
سلام
ليس فقيرا من يحب
شكرا ليكي
ربنا يخليكي يارب
ويسمع منك ربنا
شكراا
سلام
موناليزا
شكرا ليكي علي كلامك
وربنا يوفقك ان شاء الله
سلاااااااام
إرسال تعليق