النهارده الاربعاء 10 مارس 2010 الساعة 4.13 م
احم
سلامو عليكو
انا بقالي كتير جدا تقريبا 8 سنين بكتب شعر غنائي
واحيانا شعر عامي واحيانا اقل قصص
وعادي زي ناس كتير ببقي نفسي الناس تشوف اعمالي
وتعلق عليها لكن بمرور الوقت بدأ الامل ده يروح
وخلاص بقيت اكتب لما احس اني مضايق قوي
او لما احس اني عايز اقول حاجة لحد ومش طايله
ومبقاش يفرق قوي حد يسمعني او لا
بكتب لنفسي يعني
المهم انا فترة مش بعيدة يعني اصبحت متابع لمجلة بحلقة
وفهمت منهم ان ممكن اي حد يكتب معاهم فبعتلهم حاجات من عندي
اول حاجة بعت لهم قصيدة قوية جدا من وجهة نظري يعني
باسم عظيمة يا مصر
وعادي وزي مانا متوقع مفيش حاجة اتنشرت
وعشان انا مبقاش يهمني وبقيت اكتب لنفسي
بعت تاني
مش رخامة مني بس بعت وخلاص
واتفجأت المرة دي انها اتنشرت
يمكن الموضوع اللي انا كتبته مكنش مبدع يعني ولا حاجة
بس احساس انك فجأة لقيت حد ممكن يسمعك
بعد فترة يأس كبيرة جدا فرق معايا كتييييير
الموضوع اللي انا كتبته اسمه عاشق انا
وانا كنت بحكي فيه يعني قصة واحد نفسه يحب
بجد بس حظه مش حلو يعني
طبعا بطريقة كوميدية شويه
في الاخر احب اقول شكرا لبحلقة
وكل التيم بتاعها واتمني لهم التوفيق
فاصل ونواصل
.........
انسان عادي
هناك تعليقان (2):
على فكره ممكن قوى يكون حد متابعك وانت متعرفش مش بالضروره تلاقى تعليقات لكن احب اقولك انى من المتابعين لمدونتك وكمان ضايفاها عندى من ضمن المدونات اللى بتابعها لا تياس ابدا
حتلاقى ناس مهتمه بتقرالك من غير ما تلاحظ متابعتهم ذى انا كده
واتمنى زيارتك لى بمدونتى
تقبل تحياتى
شكرا يا مرمر
اتمني يكون كلامك بجد
عشان ساعات بحس اني مليش لازمة في الدنيا ههههههههه
وعشان كده اخترعت كلمة اني بكتب لنفسي
عشان ما ازهقش يعني
ههههههههه
إرسال تعليق