اولا : السلام عليكم ورحمة الله وبركاته
مذكراتي دي مش مدونة عادية هكتب فيها مواضع تهم الناس
او حاجات عامة واحاول انشرها واخلي الناس تقراها
لا بالعكس المواضيع اللي هتكون هنا هتكون خاصة جدا بيا
واللي هيوصل هنا هيوصل بالصدفة لاني مش هدعو حد ليها
اعرفكو بنفسي بقي
انا انسان عادي
شاب زي كل الشباب بس عندي شويه صفات خاصة
يعني مثلا مش اجتماعي قوي بميل للوحدة شويه
مش بعرف اقعد واتكلم مع حد حتي لو كان واحد صاحبي
مبعرفش افضفض يعني
فقررت اعمل مدونة واصاحب نفسي
واحكيلها هنا علي اللي بيحصلي وافضفض معاها
انا ونفسي وبس
اهو بدل ما يحصل كبت
علي الاقل مش هنكسف من حاجة او من حد
اه علي فكرة من ضمن الصفات اللي عندي الخجل
برضو بس انا بحب الصفة دي جدا
مع انها مش بتعجب ناس كتير
ده جزء من شخصيتي والباقي هنتعرف عليه بعدين
فاصل ونبدأ
انسان عادي
هناك تعليقان (2):
نورت البلوجر كله وشكل دماغك حلوة ماشاء الله
وهاجى هنا كتير بعد اذنك
ولو انى مش واثقة انت حابب اننا نقرالك ولا نووووو
المهم عايزة اقولك حاجة على فكرة موضوع
انك بتحب الوحدة مش وحش
الوحدة افضل من جليس السوء
واللى انا واثقة منه انك
مش طالع كده وحدانى وعايز تبقى
لوحدك لانك مش هتستحمل تقعد
مع حد هايف او ممل او او كتييير بقه
من الصفات اللى الوحدة افضل بكتير منها
اتمنى انك تلاقى وسطنا الصحبة اللى انت تحبها
وبكرة مدونتك هتبقى جامدة اوى
نورت مرة تانية بلوجر وف انتظارك بعد الفاصل
شكرا ليكي علي كلامك الجميل ده
وانا طبعا يسعدني جدا زياراتك المتكررة للمدونة
واتنمي انها ما تنتهيش
وانا قلت مش هدعو حد للمدونة ده عشان
مش عايز افرض نفسي علي حد بس
يعني اللي يجي يبقي باختياره
ومش مجبر انه يرد عليا
او يعلق علي كلامي
واشكرك مرة تانية ويارب اشوفك دايما منوراني
إرسال تعليق